PROGRAMACIÓN INFANTIL E PRIMARIA

Transcripción

1 PROGRAMACIÓN INFANTIL E PRIMARIA Achegámosvos as propostas didácticas do Museo para o curso 2016/17, nas que apostamos por unha aprendizaxe activa a partir de estratexias lúdicas, de descubrimento e de simulación. Cremos que vós, as e os docentes, sodes quen mellor coñece ao alumnado e sabedes exactamente qué e cómo queredes traballar con el. É así que a oferta do departamento de educación e acción cultural para este curso académico incide en actividades que podades dirixir os profesores e as profesoras, sen a intervención presencial do persoal do departamento de educación. Denominámolas actividades autónomas e aparecen no programa baixo este epígrafe marcadas coa imaxe dun ollo. Para facer isto máis sinxelo todos os materiais necesarios estarán dispoñibles para a súa descarga na páxina web do Museo. E sempre nos tedes a vosa disposición no Tl. ou no correo electrónico. En calquera dos casos teredes que ter en conta que o aforo do edificio é limitado, e que a seguridade e a comodidade na circulación das persoas, aconsella que concertedes calquera modalidade de visita cunha antelación mínima de 15 días. O Museo non pode garantir a entrada no momento elixido, se non hai reserva previa. Prezo da entrada: de balde para menores de 18 anos e para o profesorado acompañante que marca a lei e que deberá permanecer co grupo durante toda a actividade. Custe das actividades: de balde para visita libre ou actividades dirixidas polo persoal docente 0,70 ct. por alumno ou alumna se contan coa intervención presencial dun educador ou educadora do departamento de educación. Horario de apertura do Museo: de martes a sábado, de a 14h e de 16 a 19.30h. Domingos e festivos de 11 a 14h. Horario das actividades co DEAC: As actividades que impliquen a presenza das educadoras e educadores do Museo realizaranse de martes a venres de 11 a 14h. Horario para información e solicitudes: de luns a venres de 10 a 14h no Museo e no Tl Tamén podedes escribir a deac@museodopobo.gal Moitas grazas pola vosa atención. Educación e Acción Cultural MUSEO DO POBO GALEGO (0034) deac@museodopobo.gal Museo do Pobo

2 ACTIVIDADES AUTÓNOMAS Son aquelas que dirixides o persoal docente dentro do propio Museo usando materiais subministrados polo departamento a través da páxina web ou do correo electrónico. INFANTIL Coscobellos ao Cesto. Un xogo que quere achegar aos e ás máis pequenas ao mundo simbólico galego. Para isto escollemos ao coscobello, un personaxe moi escorregadizo, tanto que para atrapalo precisaremos de moito tino e uns cantos trucos que aprenderedes polo Museo. Recomendado para nenos e nenas a partir dos 4 anos. Aconsellámosvos que o número de participantes por sesión non supere os 20. 1º e 2º PRIMARIA A historia de Rosa. Un conto narrado cunha dinámica de xogo de pistas que nos levará a coñecer algo máis sobre Rosa, unha embarcación tradicional galega. Recomendámosvos que o número de participantes por sesión non supere os 25 Temporalización estimada: 50 minutos. 3º,4º,5º E 6º PRIMARIA 123, Museo en test. Xogo tipo test que consiste en resolver en grupos un cuestionario percorrendo e observando o Museo para poder dar resposta ás preguntas que se formulan. Número máximo recomendado de participantes por grupo: 30 Poderá haber dous grupos á vez, repartindo as distintas versións do test e gardando as normas lóxicas de uso dun espazo como é un museo. Dispóñense tres ordes diferentes das cuestións do test para que o alumnado non vaia todo a un tempo aos mesmos sitios. Tamén hai dúas versións, para 3º e 4º e para 5º e 6º. Temporalización estimada: 60 minutos

3 6º PRIMARIA Remuíño de pistas. Percorrido lúdico pola colección do Museo onde o alumnado poderá descubrila cunh a dinámica de xogo de pistas. Recomendámosvos que o número de participantes por sesión non supere os 25. Temporalización: 50 minutos Con vento mareiro. Actividade ao redor da cultura mariñeira centrada nas embarcacións e a explotación tradicional dos recursos mariños. Recomendámosvos que o número de participantes por sesión non supere os 25. Temporalización: 50 minutos ACTIVIDADES DIRIXIDAS POLO DEAC Son as actividades nas que un ou unha educadora do DEACdirixe presencialmente a actividade, durante o desenvolvemento da mesma no Museo. INFANTIL Xogos Bailados. A través dun xogo de roda que leva asociado coreografías e cantigas, os cativos e cativas poden facer o seu primeiro achegamento ao Museo do Pobo Galego. Recomendado para nenos e nenas a partir dos 4 anos. Visita dirixida por educadores/as do DEAC Máximo de participantes por sesión: 15 Temporalización: 50 minutos Custe: 0,70ct.por alumno/a

4 1º E 2º PRIMARIA Canta Adiviña. Unha actividade de descubrimento a través de adiviñas, sons e cancións onde o alumnado se envolverá nos instrumentos tradicionais. Visita dirixida por educadores/as do DEAC Máximo de participantes por sesión: 25 Temporalización: 50 minutos Custe: 0,70ct. por alumno/a 3º, 4º PRIMARIA Tramando fíos. O proceso de elaboración do tecido a partir do liño e da lá, constitúe a base dunha actividade teórico-práctica na que nenos e nenas poderán cruzar trama e urdime en teares infantiles onde facer a súa propia tea. Visita dirixida por educadores/as do DEAC Máximo de participantes por sesión: 25 Temporalización: 70 minutos Custe: 0,70ct. por alumno/a 5º E 6º PRIMARIA Ferramentas en mimo! Coa entrega descontextualizada dunha ferramenta de traballo e algúns elementos relacionados, os rapaces e as rapazas deberán deducir que oficio teñen entre mans e, a través do mimo, transmitirllo ao resto dos e das compañeiras. Trabállanse temas como tradición ou artesanía, á vez que a comprensión, o aspecto lúdico e creativo da comunicación e a expresión corporal. Visita dirixida por educadores/as do DEAC Nº de participantes por sesión: máximo 25 Temporalización: 75 minutos Custe: 0,70 ct. por alumno/a

5 SECUNDARIA, BACHARELATOS E FORMACIÓN PROFESIONAL Achegámosvos as propostas didácticas do Museo para o curso 2016/17. Cremos que vós, as e os docentes, sodes quen mellor coñece ao alumnado e sabedes exactamente o qué e cómo o queredes traballar con el. É así que a oferta do departamento de educación e acción cultural para este curso académico incide en actividades que podades dirixir os profesores e as profesoras, sen a intervención presencial do persoal do departamento de educación. Entre estas propostas están as actividades autónomas e dúas suxestións de traballo por proxectos para os que o Museo pode ser un bo recurso. Tamén mantemos algúns itinerarios temáticos dirixidos desde o DEAC. Todos os materiais necesarios para as visitas autónomas, estarán dispoñibles para a súa descarga na páxina web do Museo. E sempre nos tedes a vosa disposición no Tl. ou no correo electrónico. En calquera dos casos teredes que ter en conta que o aforo do edificio é limitado, e que a seguridade e a comodidade na circulación das persoas, aconsella que concertedes calquera modalidade de visita cunha antelación mínima de 15 días. O Museo non pode garantir a entrada no momento elixido, se non hai reserva previa. Prezo da entrada: de balde para menores de 18 anos e para o profesorado acompañante que marca a lei e que deberá permanecer co grupo durante toda a actividade. Custe das actividades: de balde para visita libre ou actividades dirixidas polo persoal docente. 0,70 ct. por alumno ou alumna se contan coa intervención presencial dun educador ou educadora do departamento de educación e acción cultural. Horario de apertura do Museo: de martes a sábado, de a 14h e de 16 a 19.30h. Domingos e festivos de 11 a 14h. Horario das actividades co DEAC: As actividades que impliquen a presenza das educadoras e educadores do Museo realizaranse de martes a venres de 11 a 14h. Horario para información e solicitudes: de luns a venres de 10 a 14h no Museo e no Tl Tamén podedes escribir a deac@museodopobo.gal Moitas grazas pola vosa atención. Educación e Acción Cultural MUSEO DO POBO GALEGO (0034) deac@museodopobo.gal Museo do Pobo

6 ACTIVIDADES AUTÓNOMAS Son aquelas que dirixides o persoal docente dentro do propio Museo usando materiais subministrados polo departamento a través da páxina web ou do correo electrónico. Van sinaladas cun ollo. 123, Museo en test Xogo tipo test que consiste en resolver en grupos un cuestionario percorrendo e observando o Museo para poder dar resposta ás preguntas que se formulan. Temporalización aproximada: 50 minutos Nº de participantes por sesión: máximo de 25 Recomendado para 1º e 2º ESO Xogo de Pistas A partir da busca de pistas o alumnado achegarase aos contidos das salas do Museo. O xogo tamén está dispoñible en Castelán, Portugués, Francés e Inglés tanto para o seu uso nos intercambios como na práctica de lingua estranxeira. Temporalización aproximada: 60 minutos Nº de participantes por sesión: máximo de 25. Recomendado para 1º, 2º e 3º ESO Quebracabezas temático Actividade onde o alumnado terá que compor un quebracabezas a partir de anaquiños de información ciscados nas salas do Museo. Dispoñibles dúas versións desta actividade con temáticas distintas. Temporalización aproximada: 60 minutos Nº de participantes por sesión: máximo de 25 Recomendado para 3º, 4º ESO e Bacharelato

7 Itinerarios temáticos O persoal docente podedes visitar co voso alumnado as distintas salas do Museo por libre, organizando a visita como consideredes mellor, ou realizando as visitas temáticas que vos propomos desde o DEAC. Escollades o tipo de visita que escollades, na Web contades coa guía de contidos e os caderniños temáticos, que vos servirán para preparar a saída ao Museo. A temporalización e o número de participantes será decidido polo profesorado. Desde o DEAC recomendámosvos unha duración de entre 50 e 80 minutos, dependendo de se escolledes a visita temática ou queredes ver todo o Museo e que os grupos, con cada docente, non superen os 30. Tedes que ter en conta que máis de dous grupos á vez no Museo poden supoñer un problema de circulación. Sistemas de produción (mar, campo e oficios) este itinerario, tal e como o seu nome indica, abrangue as salas onde se presentan estas actividades produtivas. O itinerario pretende ofrecer un achegamento a un contexto socioeconómico vixente ate non hai moitas décadas, tratando tamén a evolución e a situación actuais. Sociedade, memoria e tradición: a sociedade galega ten usos, costumes e crenzas que a caracterizan, aspectos que seguen a definirnos no presente. A casa, a propiedade, o concepto cíclico do tempo, a corrente da vida ou a saúde, son algúns dos puntos que se tocan neste itinerario que se completa coa visita as salas da música e da indumentaria. Impresión e encadernación: en 1440 Gutenberg inventa a imprenta. Corenta anos despois aparece en Galicia. A historia da imprenta no noso país, o vencello coas publicacións periódicas e a profusión e diversidade desta durante os séculos XIX e XX fan parte deste itinerario. Arquitectura Popular (sala de arquitectura e oficios relacionados coa construción como as telleiras, a cantería e a carpintaría): O modo de habitar o territorio, os materiais tradicionais de construción e a tipoloxía de vivendas e outras edificacións. O conxunto histórico-artístico de Bonaval: o edificio conventual e a igrexa de Santo Domingos de Bonaval fan parte do grupo de edificios relixiosos destacados do Barroco Compostelán. A cabeceira da igrexa é un dos poucos exemplos de gótico relixioso que podemos atopar na cidade. As distintas fases construtivas e os diferentes usos que tivo a edificación, deixaron pegadas no mesmo que nos permiten rastrexar a súa historia e o papel que xogou na contorna máis inmediata: o Santiago extramuros e os barrios da Almáciga e San Pedro. ACTIVIDADES DIRIXIDAS POLO DEAC Son as actividades nas que un ou unha educadora do DEAC dirixe presencialmente a actividade, durante o desenvolvemento da mesma no Museo. Inclúe visitas temáticas para os bacharelatos e ciclos formativos así como as propostas para a colaboración do museo en traballos por proxectos para secundaria. Trátase de completar o perfil de saída ao Museo coa educación patrimonial, achegándolles coñecementos concretos e actitudes de respecto, valoración e goce do patrimonio. A atención no Museo do DEAC ten un custe de 0,70 ct. por alumno e alumna.

8 Visitas temáticas Temporalización: entre minutos Participantes por sesión: máximo de 25 Sociedade, memoria e tradición: a sociedade galega ten usos, costumes e crenzas que a caracterizan, aspectos que seguen a definirnos no presente. A casa, a propiedade, o concepto cíclico do tempo, a corrente da vida ou a saúde, son algúns dos puntos que se tocan neste itinerario que se completa coa visita as salas da música e da indumentaria. Impresión e encadernación: en 1440 Gutenberg inventa a imprenta. Corenta anos despois aparece en Galicia. A historia da imprenta no noso país, o vencello coas publicacións periódicas e a profusión e diversidade desta durante os séculos XIX e XX fan parte deste itinerario. A Música e o Baile: neste percorrido polo Museo trátanse as manifestación musicais galegas pasando polos seus usos, historia, adaptacións de ritmos e formas foráneas ate chegar a actualidade coa pervivenza, a fusión e adaptación á contemporaneidade. O conxunto histórico-artístico de Bonaval: o edificio conventual e a igrexa de Santo Domingos de Bonaval fan parte do grupo de edificios relixiosos destacados do Barroco Compostelán. Ademais consérvase a cabeceira do templo medieval que é un dos poucos exemplos de gótico que podemos atopar na cidade. As distintas fases construtivas e os diferentes usos polos que o convento pasou deixaron pegadas no mesmo que nos permiten rastrexar a súa historia e o papel que xogou na contorna máis inmediata: o Santiago Visita específica para Ciclos Formativos de Turismo e Animación Sociocultural O Museo na dinamización turística e sociocultural: o espazo do Museo é hoxe moito máis que as exposicións. Os centros museísticos poden ser potentes focos de atracción turística e tamén centros socioculturais para a sociedade que os sustenta. O uso deses valores potenciais desde dous ámbitos como o da información e a comercialización turística e o da animación sociocultural, é o fío condutor deste itinerario dirixido a estudantes destas especialidades. Traballando no Museo por proxectos Enfocamos esta opción de traballo entre o Museo e a escola cara ao uso do patrimonio etnográfico como un xeito de trasladar contidos a diversos ámbitos científicos destas etapas educativas. Cremos que é posible traballar desde as áreas artística, de lingua, das ciencias sociais, da educación física, de tecnoloxía ou de matemáticas partindo dos contidos que o Museo abrangue. Desde a área de educación facémosvos un par de propostas que poden ser o punto de partida dun traballo de investigación na aula sobre a contorna inmediata ou a historia recente. O recomendable é que este traballo se faga de xeito multidisciplinar pero tamén pode tratarse dun proxecto desenvolvido nunha soa materia curricular. Como vai ser a realización do traballo e se implican a un ou a varios departamentos de coordinación didáctica é algo que decidide o centro.

9 O Museo proponvos as opcións Música e Baile e O Monte para as que o propio Museo é un recurso pero sobre as que esta entidade conta con materiais de apoio. Para isto, a páxina do Museo contará con determinados documentos en PDF, bibliografía e un índice de recursos diversos, para cada proposta. E por suposto, no desenvolvemento do traballo é recomendable, cando menos, unha visita ao Museo que se organizará en coordinación co equipo docente. O folclore musical A música e o baile é unha proposta didáctica para o traballo educativo sobre estes dous elementos fundamentais do patrimonio cultural inmaterial en 4º da ESO. Temas como a evolución e os usos da música, a execución do baile e dos diferentes tipos de danzas, as recollidas etnográficas ou o uso da tecnoloxía na conservación destes saberes son algúns dos aspectos sobre os que traballar nesta proposta. Os materiais de apoio estarán dispoñibles a través da Web do Museo e do APOI (Arquivo do Patrimonio Oral Inmaterial) e contará con vídeos e pezas musicais. Historia, Educación Física, Artes escénicas, Música e Tecnoloxías da Información e da Comunicación son as materias onde mellor encaixa o desenvolvemento desta proposta. O Museo poderase visitar unha ou dúas veces, dependendo das materias e a orientación coa que no centro se decida traballar coa música e o baile. O Monte Sociedade, cultura e espazo interrelaciónanse. Neste itinerario tratamos de sinalar as relacións entre ese espazo e a sociedade, ver no monte non só un anaco de terra delimitada coas súas condicións ambientais, de relevo e biodiversidade senón, e sobre todo, como parte do territorio, un espazo construído socialmente, é dicir, histórica, económica, social, cultural e politicamente. Trátase de achegármonos a problemática actual do monte entendendo os procesos que derivaron na mesma e pensar en posibles solucións. A proposta pódese traballar en case todas as etapas educativas aínda que, desde o Museo, provemos materiais e actividades adaptados a secundaria.