DIARIO DE SESIÓNS DO PARLAMENTO DE GALICIA

Transcripción

1 DIARIO DE SESIÓNS DO PARLAMENTO DE GALICIA X lexislatura Serie Pleno Número 55 Sesión Plenaria 20 de decembro de 2017 Presidencia do Excmo. Sr. D. Miguel Ángel Santalices Vieira

2 ORDE DO DÍA (continuación) Punto 3. Proposicións non de lei (10/PNP ) Grupo Parlamentario Popular de Galicia Pazos Couñago, José Alberto e sete deputados/as máis Sobre as actuacións que debe levar a cabo o Goberno galego e as demandas que debe realizar ao Goberno central, así como á empresa concesionaria da AP-9, para mellorar a calidade de vida e minimizar o impacto das diversas infraestruturas de comunicación na parroquia de Chapela, no concello de Redondela Publicación da iniciativa, BOPG nº 182, do (10/PNP ) Grupo Parlamentario do Bloque Nacionalista Galego Presas Bergantiños, Noa e cinco deputados/as máis Sobre a solicitude polo Goberno galego ao grupo Ferroatlántica-Ferroglobe do mantemento en Galicia de todos os investimentos e postos de traballo derivados da fabricación de silicio solar, así como a realización das actuacións necesarias para favorecer o desenvolvemento na comunidade autónoma da totalidade do ciclo produtivo Publicación da iniciativa, BOPG nº 211, do (10/PNP ) Grupo Parlamentario Popular de Galicia Núñez Centeno, Aurelio Alfonso e oito deputados/as máis Sobre o impulso pola Xunta de Galicia das medidas tendentes á dotación nos edificios públicos de baños adaptados para os pacientes ostomizados Publicación da iniciativa, BOPG nº 222, do (10/PNP ) Grupo Parlamentario de En Marea Sánchez García, Antón e Cal Ogando, Marcos Sobre a demanda que debe realizar o Goberno galego ao Goberno central en relación coa autorización a Audasa da suba das tarifas nas peaxes da AP-9 para o ano 2018 e as dos anos seguintes, así como a elaboración pola Xunta de Galicia dun estudo da viabilidade do rescate da concesión para a súa xestión pública Publicación da iniciativa, BOPG nº 222, do (10/PNP ) Grupo Parlamentario do Bloque Nacionalista Galego Rivas Cruz, José Luis e cinco deputados/as máis Sobre as actuacións que debe levar a cabo o Goberno galego para frear o avance da presenza da avespa velutina en Galicia e o establecemento de mecanismos de loita biolóxica contra esa especie Publicación da iniciativa, BOPG nº 222, do

3 (10/PNP ) Grupo Parlamentario dos Socialistas de Galicia Fernández Leiceaga, Xoaquín María e tres deputados/as máis Sobre as actuacións que debe levar a cabo a Xunta de Galicia para a integración da conexión ferroviaria dos portos galegos de interese xeral na Rede transeuropea de transportes, redeseñando o trazado do corredor atlántico de mercadorías, así como as demandas que debe realizar ao Goberno central ao respecto Publicación da iniciativa, BOPG nº 222, do (10/PNP ) Grupo Parlamentario dos Socialistas de Galicia Pérez Seco, José Manuel e Quiroga Díaz, José Antonio Sobre as actuacións que debe levar a cabo o Goberno galego en relación coa realización no ano 2018 dun trampeo masivo contra a avespa velutina, profundar na investigación e erradicar esta especie, así como afrontar os danos causados na poboación apícola e incluír os representantes do sector na comisión de seguimento Publicación da iniciativa, BOPG nº 222, do (10/PNP ) Grupo Parlamentario de En Marea Quinteiro Araújo, Paula e Rodríguez Estévez, David Sobre as actuacións que debe levar a cabo o Goberno galego para a posta en marcha no ano 2018 dun plan de choque para o control da poboación da avespa velutina, a posta en funcionamento, de xeito efectivo, da comisión de seguimento e a apertura de liñas de investigación ao respecto, así como a apertura dunha liña de axudas específica para paliar as perdas sufridas polos apicultores Publicación da iniciativa, BOPG nº 222, do Punto 4. Interpelacións (10/INT ) Grupo Parlamentario dos Socialistas de Galicia Vilán Lorenzo, Patricia e catro deputados/as máis Sobre a política do Goberno galego en relación coa rexeneración ambiental das zonas protexidas afectadas polos incendios forestais Publicación da iniciativa, BOPG nº 199, do (10/INT ) Grupo Parlamentario dos Socialistas de Galicia Díaz Villoslada, Juan Manuel e seis deputados/as máis Sobre a política do Goberno galego en relación coa recuperación das condicións laborais do persoal do sector público autonómico Publicación da iniciativa, BOPG nº 219, do (10/INT ) Grupo Parlamentario de En Marea Cal Ogando, Marcos e dous deputados/as máis Sobre a protección do medio ambiente e o lindano Publicación da iniciativa, BOPG nº 223, do

4 Punto 5. Preguntas para resposta oral do presidente da Xunta (10/POPX ) Grupo Parlamentario do Bloque Nacionalista Galego Pontón Mondelo, Ana Belén Sobre a responsabilidade do presidente da Xunta na resolución dos problemas de Galicia Publicación da iniciativa, BOPG nº 226, do (10/POPX ) Grupo Parlamentario dos Socialistas de Galicia Fernández Leiceaga, Xoaquín María Sobre os obxectivos que debe ter a Comunidade Autónoma de Galicia na revisión do sistema de financiamento autonómico Publicación da iniciativa, BOPG nº 226, do (10/POPX ) Grupo Parlamentario de En Marea Villares Naveira, Luis Sobre xestión que está a levar a cabo o Goberno galego en relación coa sanidade pública de Galicia Publicación da iniciativa, BOPG nº 226, do Punto 6. Preguntas ao Goberno (10/POP ) Grupo Parlamentario de En Marea Rodríguez Estévez, David e dous deputados/as máis Sobre a realización na actualidade pola Xunta de Galicia dalgunha análise dos niveis de hidrocarburos aromáticos policíclicos e elementos traza nas augas e sedimentos dos encoros nas zonas afectadas pola recente vaga de lumes forestais Publicación da iniciativa, BOPG nº 215, do (10/POP ) Grupo Parlamentario dos Socialistas de Galicia Burgo López, María de la Concepción e dous deputados/as máis Sobre as actuacións previstas polo Goberno galego para recuperar as dúas pías medievais pertencentes á igrexa de San Xián de Moraime, no concello de Muxía Publicación da iniciativa, BOPG nº 215, do (10/POP ) Grupo Parlamentario de En Marea Solla Fernández, Eva Sobre as previsións da Xunta de Galicia respecto do recoñecemento das competencias profesionais e a formación necesaria para a adquisición do título de técnico ou técnica superior en Electromedicina Clínica Publicación da iniciativa, BOPG nº 182, do

5 (10/POP ) Grupo Parlamentario Popular de Galicia Vega Pérez, Daniel e nove deputados/as máis Sobre as melloras producidas no Hospital Comarcal da Mariña dende a entrada en funcionamento do sistema de Estruturas de Xestión Integrada, EOXI Publicación da iniciativa, BOPG nº 207, do (10/POP ) Grupo Parlamentario do Bloque Nacionalista Galego Rodil Fernández, Olalla e cinco deputados/as máis Sobre a situación da infraestrutura e a dotación de persoal de enfermaría no Hospital Comarcal de Monforte Publicación da iniciativa, BOPG nº 223, do (10/PUP ) Grupo Parlamentario Popular de Galicia Núñez Centeno, Aurelio Alfonso e oito deputados/as máis Sobre a valoración da Xunta de Galicia respecto da relación existente entre os beneficios e os riscos das vacinas que se usan no Programa galego de vacinación Publicación da iniciativa, BOPG nº 226, do (10/PUP ) Grupo Parlamentario dos Socialistas de Galicia Torrado Quintela, Julio e Toja Suárez, María Dolores Sobre as razóns do Goberno galego para continuar anunciando a candidatura de Galicia para o acollemento do Laboratorio Comunitario de Control Bacteriolóxico de Bivalvos cando xa coñecía a decisión da Comisión Europea de suprimilo Publicación da iniciativa, BOPG nº 226, do (10/PUP ) Grupo Parlamentario do Bloque Nacionalista Galego Bará Torres, Xosé Luís e cinco deputados/as máis Sobre os mecanismos de coordinación institucional e de intercambio de información existentes entre a Xunta de Galicia e o Goberno central para que o Goberno galego continuase anunciando a candidatura de Galicia para o acollemento do Laboratorio Comunitario de Control Bacteriolóxico de Bivalvos cando xa coñecía a decisión da Comisión Europea de suprimilo Publicación da iniciativa, BOPG nº 226, do (10/PUP ) Grupo Parlamentario de En Marea Santos Queiruga, Carmen e dous deputados/as máis Sobre as razóns do Goberno galego para continuar anunciando ao sector do mar a candidatura de Galicia para o acollemento do Laboratorio Comunitario de Control Bacteriolóxico de Bivalvos cando xa coñecía a decisión da Comisión Europea de suprimilo Publicación da iniciativa, BOPG nº 226, do

6 SUMARIO Retómase a sesión ás dez da mañá. Pregunta ao Sr. presidente da Xunta de Galicia de Dª Ana Belén Pontón Mondelo, do G. P. do Bloque Nacionalista Galego, sobre a responsabilidade do presidente da Xunta na resolución dos problemas de Galicia. (Punto quinto da orde do día.) Intervención da autora: Sra. Pontón Mondelo (BNG). (Páx. 13.) Contestación do presidente da Xunta de Galicia: Sr. Núñez Feijóo. (Páx. 14.) Réplica da autora: Sra. Pontón Mondelo (BNG). (Páx. 15.) Réplica do presidente da Xunta de Galicia: Sr. Núñez Feijóo. (Páx. 17.) Pregunta ao Sr. presidente da Xunta de Galicia de D. Xoaquín María Fernández Leiceaga, do G. P. dos Socialistas de Galicia, sobre os obxectivos que debe ter a Comunidade Autónoma de Galicia na revisión do sistema de financiamento autonómico. (Punto quinto da orde do día.) Intervención do autor: Sr. Fernández Leiceaga (S). (Páx. 18.) Contestación do presidente da Xunta de Galicia: Sr. Núñez Feijóo. (Páx. 19.) Réplica do autor: Sr. Fernández Leiceaga (S). (Páx. 21.) Réplica do presidente da Xunta de Galicia: Sr. Núñez Feijóo. (Páx. 22.) Pregunta ao Sr. presidente da Xunta de D. Luis Villares Naveira, do G. P. de En Marea, sobre a xestión que está a levar a cabo o Goberno galego en relación coa sanidade pública de Galicia. (Punto quinto da orde do día.) Intervención do autor: Sr. Villares Naveira (EM). (Páx. 23.) Contestación do presidente da Xunta de Galicia: Sr. Núñez Feijóo. (Páx. 25.) Réplica do autor: Sr. Villares Naveira (EM). (Páx. 26.) Réplica do presidente da Xunta de Galicia: Sr. Núñez Feijóo. (Páx. 28.) Modificación no desenvolvemento da sesión plenaria O señor presidente comunica unha modificación no desenvolvemento da sesión plenaria que consiste en que a interpelación que figura en segundo lugar será debatida en primeiro lugar. (Pax. 29) Proposición non de lei do G. P. Popular de Galicia, por iniciativa de D. José Alberto Pazos Couñago e sete deputados/as máis, sobre as actuacións que debe levar a cabo o Goberno galego e as demandas que debe realizar ao Goberno central, así como á empresa concesionaria da AP- 9, para mellorar a calidade de vida e minimizar o impacto das diversas infraestruturas de comunicación na parroquia de Chapela, no concello de Redondela. (Punto terceiro da orde do día.) O señor presidente comunica as emendas presentadas a esta proposición non de lei. (Páx. 30.) 6

7 Intervención do grupo autor da proposición non de lei: Sr. Pazos Couñago (P). (Páx. 33.) Intervención dos grupos parlamentarios emendantes: Sr. Bará Torres (BNG) (Páx. 37.),Sr. Losada Álvarez (S) (Páx. 38.) e Sr. Cal Ogando (EM). (Páx. 40.) O señor Pazos Couñago (P) intervén para posicionarse respecto das emendas. (Páx. 42.) Proposición non de lei do G. P. do Bloque Nacionalista Galego, por iniciativa de Dª Noa Presas Bergantiños e cinco deputados/as máis, sobre a solicitude polo Goberno galego ao grupo Ferroatlántica-Ferroglobe do mantemento en Galicia de todos os investimentos e postos de traballo derivados da fabricación de silicio solar, así como a realización das actuacións necesarias para favorecer o desenvolvemento na comunidade autónoma da totalidade do ciclo produtivo. (Punto terceiro da orde do día.) Intervención do grupo autor da proposición non de lei: Sra. Presas Bergantiños (BNG). (Páx. 45.) Intervención dos grupos parlamentarios: Sr. Losada Álvarez (S) (Páx. 48.), Sr. Casal Vidal (EM) (Páx. 50.) e Sr. Tellado Filgueira (P). (Páx. 51.) Nova intervención da señora Presas Bergantiños (BNG). (Páx. 53.) Proposición non de lei do G. P. Popular de Galicia, por iniciativa de D. Aurelio Alfonso Núñez Centeno e oito deputados/as máis, sobre o impulso pola Xunta de Galicia das medidas tendentes á dotación nos edificios públicos de baños adaptados para os pacientes ostomizados. (Punto terceiro da orde do día.) O señor presidente comunica as emendas presentadas a esta proposición non de lei. (Páx. 56.) Intervención do grupo autor da proposición non de lei: Sra. Amigo Díaz (P). (Páx. 57.) Intervención dos grupos parlamentarios emendantes: Sr. Torrado Quintela (S) (Páx. 59.) e Sra. Solla Fernández (EM). (Páx. 61.) Intervención dos grupos parlamentarios non emendantes: Sra. Prado Cores (BNG). (Páx. 62.) A señora Amigo Díaz (P) intervén para posicionarse respecto das emendas. (Páx. 64.) Proposición non de lei do G. P de En Marea, por iniciativa de D. Antón Sánchez García e D. Marcos Cal Ogando, sobre a demanda que debe realizar o Goberno galego ao Goberno central en relación coa autorización a Audasa da suba das tarifas nas peaxes da AP-9 para o ano 2018 e as dos anos seguintes, así como a elaboración pola Xunta de Galicia dun estudo da viabilidade do rescate da concesión para a súa xestión pública. (Punto terceiro da orde do día.) Intervención do grupo autor da proposición non de lei: Sr. Lago Peñas (EM). (Páx. 65.) 7

8 Intervención dos grupos parlamentarios: Sr. Bará Torres (BNG) (Páx. 67.), Sr. Fernández Leiceaga (S) (Páx. 69.) e Sr. Fernández Prado (P). (Páx. 71.) Nova intervención do señor Lago Peñas (EM).(Páx. 73.) O señor presidente anuncia o debate acumulado de tres proposicións non de lei. (Pax. 74.) Proposición non de lei do G. P. do Bloque Nacionalista Galego, por iniciativa de D. José Luis Rivas Cruz e cinco deputados/as máis, sobre as actuacións que debe levar a cabo o Goberno galego para frear o avance da presenza da avespa velutina en Galicia e o establecemento de mecanismos de loita biolóxica contra esa especie. (Punto terceiro da orde do día.) Proposición non de lei do G. P. dos Socialistas de Galicia, por iniciativa de D. José Manuel Pérez Seco e D. José Antonio Quiroga Díaz, sobre as actuacións que debe levar a cabo o Goberno galego en relación coa realización no ano 2018 dun trampeo masivo contra a avespa velutina, profundar na investigación e erradicar esta especie, así como afrontar os danos causados na poboación apícola e incluír os representantes do sector na comisión de seguimento. (Punto terceiro da orde do día.) Proposición non de lei do G. P. de En Marea, por iniciativa de Dª Paula Quinteiro Araújo e D. David Rodríguez Estévez, sobre as actuacións que debe levar a cabo o Goberno galego para a posta en marcha no ano 2018 dun plan de choque para o control da poboación da avespa velutina, a posta en funcionamento, de xeito efectivo, da comisión de seguimento e a apertura de liñas de investigación ao respecto, así como a apertura dunha liña de axudas específica para paliar as perdas sufridas polos apicultores. (Punto terceiro da orde do día.) O señor presidente comunica as emendas presentadas a estas proposicións non de lei. (Páx. 75.) Intervención dos grupos autores das proposicións non de lei: Sr. Rivas Cruz (BNG) (Páx. 75.), Sr. Pérez Seco (S) (Páx. 78.) e Sra. Quinteiro Araújo (EM). (Páx. 80.) Intervención dos grupos parlamentarios emendantes: Sra. Arias Rodríguez (P). (Páx. 83.) Os señores Rivas Cruz (BNG) (Páx. 86.) e Pérez Seco (S) (Páx. 87.) e a Sra. Quinteiro Araújo (EM) interveñen para posicionarse respecto da emenda. (Páx. 88.) Proposición non de lei do G. P. dos Socialistas de Galicia, por iniciativa de D. Xoaquín María Fernández Leiceaga e tres deputados/as máis, sobre as actuacións que debe levar a cabo a Xunta de Galicia para a integración da conexión ferroviaria dos portos galegos de interese xeral na Rede transeuropea de transportes, redeseñando o trazado do corredor atlántico de mercadorías, así como as demandas que debe realizar ao Goberno central ao respecto. (Punto terceiro da orde do día.) O señor presidente comunica as emendas presentadas a esta proposición non de lei. (Páx. 90.) Intervención do grupo autor da proposición non de lei: Sr. Fernández Leiceaga (S). (Páx. 90.) 8

9 Intervención dos grupos parlamentarios emendantes: Sr. Bará Torres (BNG). (Páx. 95.) Intervención dos grupos parlamentarios non emendantes: Sra. Rodríguez Barreira (P) (Páx. 96.) e Sr. Cal Ogando (EM). (Páx. 97.) O señor Fernández Leiceaga (S) intervén para posicionarse respecto da emenda. (Páx. 98.) Votación das proposicións non de lei Votación da Proposición non de lei, do G. P. Popular de Galicia, por iniciativa de D. José Alberto Pazos Couñago e sete deputados/as máis, sobre as actuacións que debe levar a cabo o Goberno galego e as demandas que debe realizar ao Goberno central, así como á empresa concesionaria da AP-9, para mellorar a calidade de vida e minimizar o impacto das diversas infraestruturas de comunicación na parroquia de Chapela, no concello de Redondela: aprobada por 67 votos a favor, ningún en contra e ningunha abstención. (Páx. 100.) Votación da Proposición non de lei, do G. P. do Bloque Nacionalista Galego, por iniciativa de Dª Noa Presas Bergantiños e cinco deputados/as máis, sobre a solicitude polo Goberno galego ao grupo Ferroatlántica-Ferroglobe do mantemento en Galicia de todos os investimentos e postos de traballo derivados da fabricación de silicio solar, así como a realización das actuacións necesarias para favorecer o desenvolvemento na comunidade autónoma da totalidade do ciclo produtivo: aprobada por 67 votos a favor, ningún en contra e ningunha abstención. (Pax. 100.) Votación da Proposición non de lei, do G. P. Popular de Galicia, por iniciativa de D. Aurelio Alfonso Núñez Centeno e oito deputados/as máis, sobre o impulso pola Xunta de Galicia das medidas tendentes á dotación nos edificios públicos de baños adaptados para os pacientes ostomizados: aprobada por 67 votos a favor, ningún en contra e ningunha abstención. (Páx. 101.) Votación do texto transaccionado da Proposición non de lei, do G. P. de En Marea, por iniciativa de D. Antón Sánchez García e D. Marcos Cal Ogando, sobre a demanda que debe realizar o Goberno galego ao Goberno central en relación coa autorización a Audasa da suba das tarifas nas peaxes da AP-9 para o ano 2018 e as dos anos seguintes, así como a elaboración pola Xunta de Galicia dun estudo da viabilidade do rescate da concesión para a súa xestión pública: rexeitado por 30 votos a favor, 37 en contra e ningunha abstención. (Páx. 101) Votación da Proposición non de lei, do G. P. do Bloque Nacionalista Galego, por iniciativa de D. José Luis Rivas Cruz e cinco deputados/as máis, sobre as actuacións que debe levar a cabo o Goberno galego para frear o avance da presenza da avespa velutina en Galicia e o establecemento de mecanismos de loita biolóxica contra esa especie: rexeitada por 29 votos a favor, 37 en contra e ningunha abstención. (Páx. 101.) Votación da Proposición non de lei, do G. P. dos Socialistas de Galicia, por iniciativa de D. José Manuel Pérez Seco e D. José Antonio Quiroga Díaz, sobre as actuacións que debe levar a cabo o Goberno galego en relación coa realización no ano 2018 dun trampeo masivo con- 9

10 tra a avespa velutina, profundar na investigación e erradicar esta especie, así como afrontar os danos causados na poboación apícola e incluír os representantes do sector na comisión de seguimento: rexeitada por 30 votos a favor, 37 en contra e ningunha abstención. (Páx. 102.) Votación da Proposición non de lei, do G. P. de En Marea, por iniciativa de Dª Paula Quinteiro Araújo e D. David Rodríguez Estévez, sobre as actuacións que debe levar a cabo o Goberno galego para a posta en marcha no ano 2018 dun plan de choque para o control da poboación da avespa velutina, a posta en funcionamento, de xeito efectivo, da comisión de seguimento e a apertura de liñas de investigación ao respecto, así como a apertura dunha liña de axudas específica para paliar as perdas sufridas polos apicultores: rexeitada por 30 votos a favor, 37 en contra e ningunha abstención. (Pax. 102.) Votación do texto transaccionado da Proposición non de lei, do G. P. dos Socialistas de Galicia, por iniciativa de D. Xoaquín María Fernández Leiceaga e tres deputados/as máis, sobre as actuacións que debe levar a cabo a Xunta de Galicia para a integración da conexión ferroviaria dos portos galegos de interese xeral na Rede transeuropea de transportes, redeseñando o trazado do corredor atlántico de mercadorías, así como as demandas que debe realizar ao Goberno central ao respecto: aprobado por 67 votos a favor, ningún en contra e ningunha abstención. (Páx. 103.) Suspéndese a sesión ás dúas e corenta e seis minutos da tarde e retómase ás catro e trinta minutos. Interpelación de D. Juan Manuel Díaz Villoslada e seis deputados/as máis, do G. P. dos Socialistas de Galicia, sobre a política do Goberno galego en relación coa recuperación das condicións laborais do persoal do sector público autonómico. (Punto cuarto da orde do día.) Intervención do autor: Sr. Díaz Villoslada (S). (Páx. 103.) Resposta da Xunta: Sr. conselleiro de Facenda (Martínez García). (Páx. 106.) Réplica do autor: Sr. Díaz Villoslada (S). (Páx. 109.) Réplica da Xunta: Sr. conselleiro de Facenda (Martínez García). (Páx. 111.) Interpelación de Dª Patricia Vilán Lorenzo e catro deputados/as máis, do G. P. dos Socialistas de Galicia, sobre a política do Goberno galego en relación coa rexeneración ambiental das zonas protexidas afectadas polos incendios forestais. (Punto cuarto da orde do día.) Intervención da autora: Sra. Vilán Lorenzo (S). (Páx. 113.) Resposta da Xunta: Sra. conselleira de Medio Ambiente e Ordenación do Territorio (Mato Otero). (Páx. 116.) Réplica da autora: Sra. Vilán Lorenzo (S). (Páx. 119.) Réplica da Xunta: Sra. conselleira de Medio Ambiente e Ordenación do Territorio (Mato Otero). (Páx. 121.) Interpelación de D. Marcos Cal Ogando e dous deputados/as máis, do G. P. de En Marea, sobre a protección do medio ambiente e o lindano. (Punto cuarto da orde do día.) Intervención do autor: Sr. Cal Ogando (EM). (Páx. 123.) 10

11 Resposta da Xunta: Sra. conselleira de Medio Ambiente e Ordenación do Territorio (Mato Otero). (Páx. 126.) Réplica do autor: Sr. Cal Ogando (EM). (Páx. 130.) Réplica da Xunta: Sra. conselleira de Medio Ambiente e Ordenación do Territorio (Mato Otero). (Páx. 131.) Pregunta de D. David Rodríguez Estévez e dous deputados/as máis, do G. P. de En Marea, sobre a realización na actualidade pola Xunta de Galicia dalgunha análise dos niveis de hidrocarburos aromáticos policíclicos e elementos traza nas augas e sedimentos dos encoros nas zonas afectadas pola recente vaga de lumes forestais. (Punto sexto da orde do día.) Intervención do autor: Sr. Rodríguez Estévez (EM). (Páx. 134.) Contestación da Xunta: Sra. conselleira de Medio Ambiente e Ordenación do Territorio (Mato Otero). (Páx. 135.) Réplica do autor: Sr. Rodríguez Estévez (EM). (Páx. 136.) Réplica da Xunta: Sra. conselleira de Medio Ambiente e Ordenación do Territorio (Mato Otero). (Páx. 137.) Pregunta de D. Daniel Vega Pérez e nove deputados/as máis, do G. P. Popular, sobre as melloras producidas no Hospital Comarcal da Mariña desde a entrada en funcionamento do sistema de Estruturas de Xestión Integrada, EOXI. (Punto sexto da orde do día.) Intervención do autor: Sr. Vega Pérez (P). (Páx. 138.) Contestación da Xunta: Sr. conselleiro de Sanidade (Vázquez Almuíña). (Páx. 139.) Réplica do autor: Sr. Vega Pérez (P). (Páx. 141.) Réplica da Xunta: Sr. conselleiro de Sanidade (Vázquez Almuíña). (Páx. 141.) Pregunta de Dª Olalla Rodil Fernández e cinco deputados/as máis, do G. P. do Bloque Nacionalista Galego, sobre a situación da infraestrutura e a dotación de persoal de enfermaría no Hospital Comarcal de Monforte. (Punto sexto da orde do día.) Intervención da autora: Sra. Rodil Fernández (BNG). (Páx. 143.) Contestación da Xunta: Sr. conselleiro de Sanidade (Vázquez Almuíña). (Páx. 144.) Réplica da autora: Sra. Rodil Fernández (BNG). (Páx. 145.) Réplica da Xunta: Sr. conselleiro de Sanidade (Vázquez Almuíña). (Páx. 146.) Pregunta de D. Aurelio Alfonso Núñez Centeno e oito deputados/as máis, do G. P. Popular de Galicia, sobre a valoración da Xunta de Galicia respecto da relación existente entre os beneficios e os riscos das vacinas que se usan no Programa galego de vacinación. (Punto sexto da orde do día.) Intervención do autor: Sr. Núñez Centeno (P). (Páx. 148.) Contestación da Xunta: Sr. conselleiro de Sanidade (Vázquez Almuíña). (Páx. 149.) Réplica do autor: Sr. Núñez Centeno (P). (Páx. 150.) Réplica da Xunta: Sr. conselleiro de Sanidade (Vázquez Almuíña). (Páx. 151.) 11

12 O señor presidente (Calvo pouso) anuncia o debate acumulado de tres preguntas. (Páx. 152.) Pregunta de D. Julio Torrado Quintela e Dª María Dolores Toja Suárez, do G. P. dos Socialistas de Galicia, sobre as razóns do Goberno galego para continuar anunciando a candidatura de Galicia para o acollemento do Laboratorio Comunitario de Control Bacteriolóxico de Bivalvos cando xa coñecía a decisión da Comisión Europea de suprimilo. (Punto sexto da orde do día.) Pregunta de D. Xosé Luís Bará Torres e cinco deputados/as máis, do G. P. do Bloque Nacionalista Galego, sobre os mecanismos de coordinación institucional e de intercambio de información existentes entre a Xunta de Galicia e o Goberno central para que o Goberno galego continuase anunciando a candidatura de Galicia para o acollemento do Laboratorio Comunitario de Control Bacteriolóxico de Bivalvos cando xa coñecía a decisión da Comisión Europea de suprimilo. (Punto sexto da orde do día.) Pregunta de Dª Carmen Santos Queiruga e dous deputados/as máis, do G. P. de En Marea, sobre as razóns do Goberno galego para continuar anunciando ao sector do mar a candidatura de Galicia para o acollemento do Laboratorio Comunitario de Control Bacteriolóxico de Bivalvos cando xa coñecía a decisión da Comisión Europea de suprimilo. (Punto sexto da orde do día.) Intervención dos autores: Sr. Torrado Quintela (S) (Páx. 152.), Sra. Presas Bergantiños (BNG) (Páx. 154.) e Sra. Santos Queiruga (EM). (Páx. 155.) Contestación da Xunta: Sra. conselleira do Mar (Quintana Carballo) (Páx. 156.) Réplica dos autores: Sr. Torrado Quintela (S) (Páx. 158.), Sra. Presas Bergantiños (BNG) (Páx. 159.) e Sra. Santos Queiruga (EM). (Páx. 160.) Réplica da Xunta: Sra. conselleira do Mar (Quintana Carballo). (Páx. 161.) Remata a sesión ás sete e corenta minutos do serán. 12

13 Retómase a sesión ás dez da mañá. O señor PRESIDENTE: Bos días. Reiniciamos a sesión co punto 5 da orde do día, que se corresponde co de preguntas para a resposta oral do presidente da Xunta. Pregunta ao Sr. presidente da Xunta de Galicia de Dª Ana Belén Pontón Mondelo, do G. P. do Bloque Nacionalista Galego, sobre a responsabilidade do presidente da Xunta na resolución dos problemas de Galicia O señor PRESIDENTE: Comezamos coa pregunta de dona Ana Belén Pontón Mondelo, portavoz do Grupo Parlamentario do Bloque Nacionalista Galego. Cando queira. A señora PONTÓN MONDELO: Moitas grazas. Señor Feijóo, este ano despídese con malas noticias para a economía das familias galegas. Temos o gasóleo e a gasolina máis caros de todo o Estado, e iso cunha refinería na entrada da Coruña. Temos a factura da luz máis cara de toda Europa, a pesar de que somos un país excedentario e que exportamos enerxía eléctrica. E soportamos unhas peaxes que son unha auténtica estafa legalizada e que, por riba, o ano que vén o señor Rajoy nolas vai subir un 4 %, o dobre que a media do Estado. Non me estraña que o IPC estea disparado en Galiza, e non quero pensar o que vai pasar en xaneiro cando se faga efectiva esta subida das peaxes da AP-9. E isto, ademais, nun país que está á cola en salarios. Pero esta realidade non é o froito dunha casualidade, é consecuencia da súa irrelevancia, á que nos conduce a estratexia de subordinación política que vostede ten con Rajoy. Unha irrelevancia que non só o arrastra a vostede, está arrastrando a toda Galiza. Pagamos esta irrelevancia con máis retrasos no AVE e con menos investimentos do Estado. Pagamos esta irrelevancia tamén cun ferrocarril que, excepto no tramo A Coruña-Vigo, no resto é absolutamente decimonónico. Pagamos esta irrelevancia coa exclusión do corredor atlántico de mercadorías e con esa candidatura pantasma para acoller un laboratorio que ía desaparecer. Señor Feijóo, vostede vendía fume ou simplemente se están burlando de vostede? Aclárenolo, porque en calquera destas dúas circunstancias sae moi mal parado. (Aplausos.) Pero, mire, permítame que me deteña na situación das peaxes da AP-9, aínda que só sexa porque vostede dentro dun par de horas vai acudir a un acto do ministro de Fomento. E, por dignidade e por respecto aos galegos e galegas, pídolle que actúe como presidente de Galiza e que lle traslade que este país non está para soportar máis discriminación; tampouco para seguir engordando os beneficios multimillonarios de Audasa, e moito menos cando a nosa xente ten uns salarios que non lle permiten chegar á fin de mes. Nós supoñemos desde o BNG que vostede aproveitará este encontro para trasladarlle o cabreo dos galegos e das galegas ante esta tomadura de pelo, e fágolle tres propostas para este encontro. En primeiro 13

14 lugar, parar a subida das peaxes e, pola contra, empezar xaneiro con bonificacións e descontos, como teñen todas as autoestradas. Segundo, exixir que sexa o Estado ou Audasa quen asuman o custo de ampliación desa infraestrutura. E, en terceiro lugar, reclamar que se levante o veto á transferencia. Por unha vez, señor Feijóo, aporte solucións e deixe de buscar culpables. Durante todos estes anos os seus culpables sempre foron Zapatero, o Bipartito... Agora, nos últimos tempos, saca un novo comodín, ten o procés e o cupo vasco. Pero así non se solucionan os problemas deste país. Por iso, señor Feijóo, pregúntolle se considera que vostede, como presidente da Xunta, pode solucionar algún problema deste país ou simplemente vai seguir buscando culpables. (Aplausos.) O señor PRESIDENTE: Grazas, señora Pontón. Resposta do presidente da Xunta. O señor PRESIDENTE DA XUNTA DE GALICIA (Núñez Feijóo): Moitas grazas, señor presidente. Señora Pontón, o tempo dos mitins xa rematou hai un ano e medio, como mínimo. E nese tempo dos mitins os galegos souberon descifrar cal é a responsabilidade de cada grupo e de cada candidatura. E por iso vostede segue aquí dando un mitin e eu sigo aquí intentando descifrar exactamente que é o que me pregunta. Pero con moita honra vou intentar responderlle. Mire, señoría, o ano acaba cun acordo sindical importante porque vai crecer un 30 % o salario mínimo interprofesional nos próximos catro anos. O ano acaba cun acordo importante porque a economía galega vai seguir crecendo este ano, xa consolidado, un 3 %; e levamos tres anos crecendo un 3 % de forma acumulativa. O ano non acaba mal desde o punto de vista do paro, porque temos menos paro que no ano 2008, cando vostedes gobernaban, en época de bonanza económica. O ano non sei como vai acabar desde o punto de vista das infraestruturas, pero o certo e verdade é que seguimos sendo a segunda comunidade autónoma de maior investimento por habitante en infraestruturas. En definitiva, señoría, o que se intenta é corrixir os problemas que atopamos cando chegamos; por exemplo, o corredor atlántico. Vostede daquela non dixo nada, pero Galicia quedou fóra do corredor atlántico na negociación do Partido Socialista no ano 2011 en Europa. Vostede calou, como calou, por exemplo, cando o Partido Socialista pactou con Audasa un incremento das peaxes para este ano no ano 2011, publicado no Boletín Oficial do Estado 48 horas antes de votar. E vostede tamén calaba. Eu non calei, señoría; nin calo agora nin calei antes. E por iso probablemente os galegos, cando remataron os mitins, foron votar e agora eu estoulle respondendo a vostede e vostede simplemente estame falando do que lle peta. Ten vostede todo o dereito, pero dáme a sensación de que eu non teño, dende logo, ningún ánimo de lembrar o señor Zapatero, e moito menos o señor Bipartito, pódollo asegurar. Aquelas épocas son para esquecer, sen dúbida. 14

15 Pero pola insistencia na que vostede persiste e insiste cada vez que me fala das cousas, ten vostede que entender que, se vostede me pregunta polo incremento da peaxe da autoestrada, teño que recordarlles a todos os galegos que son moi intelixentes que a peaxe da autoestrada se incrementa porque vostedes que apoiaban daquela incondicionalmente o señor Zapatero estiveron calados cando o señor Zapatero pactou que os galegos paguemos as obras da autoestrada en forma de peaxes. Vostedes, daquela, mutis por el foro. Mire, señoría, o seguidismo irresponsable do nacionalismo catalán e do nacionalismo vasco correspóndelles a vostedes. A min o que me corresponde é contarlles aos galegos a verdade. Cando vostedes queren un sistema de financiamento igual que o cupo vasco teño que dicirlles aos galegos que ese sistema supón para Galicia perdas importantes. Os expertos cífranas, como mínimo, en millóns de euros menos de investimento e de financiamento cada ano. Pero vostede, como lle interesa ser nacionalista a calquera custa, con independencia de Galicia, por iso vota. Pero nós, señoría, imos seguir traballando, pódollo asegurar. Vou seguir asumindo todas as miñas responsabilidades, como, por exemplo, denunciar as petroleiras porque temos o gasóleo non o máis caro de España pero si o terceiro máis caro de España, tendo aquí unha refinería. De cando vostedes gobernaban non recordo ningunha denuncia ao respecto. Como ve, cando nós gobernamos denunciamos as petroleiras. E no recibo da luz, señoría, o recibo da luz en Galicia é igual ca no resto de España, cunha diferenza: que agora as empresas eléctricas aboan un canon eléctrico e levamos recadados 130 millóns de euros que cando vostedes gobernaban simplemente llelo condonaban; é dicir, nin llelo exixían; é dicir, nin llelo impuxeron. Por iso me sinto, señoría, moi satisfeito de intentar defender os galegos, ás veces con éxito e ás veces con menos éxito, pero nunca con mentiras. Máis nada e moitas grazas. (Aplausos.) O señor PRESIDENTE: Grazas, señor presidente. Réplica, señora Pontón. A señora PONTÓN MONDELO: Ben, señor Feijóo, vostede non falla e, efectivamente, hoxe sacou todos os comodíns do público aos que nos ten afeitos con tal de non asumir nin unha das súas responsabilidades. (Aplausos.) E, mire, vostede efectivamente ten a responsabilidade de gobernar e non de facer de oposición da oposición, como fai continuamente. E vostede ten a responsabilidade de gobernar e de defender os intereses deste país, e non o seu servilismo a Rajoy, que nos está saíndo por un ollo da cara a todos os galegos e a todas as galegas. Eu fíxenlle tres propostas en relación coa AP-9, dado que vostede vai ter hoxe ou vai asistir hoxe a un acto que organiza o ministro de Fomento. Vai vostede trasladarlle o cabreo dos galegos e das galegas por esta enésima tomadura de pelo coa subida das peaxes?, si ou non? 15

16 (Aplausos.) Vai vostede reclamarlle ao ministro que, en vez de subir as peaxes, se apliquen descontos e rebaixas como teñen todas as autoestradas do Estado? Si ou non, señor Feijóo? Díganolo. Porque, mire, vostede sabe, igual que sei eu e sabe calquera persoa minimamente informada, que, se ao Goberno do señor Rajoy lle parecía tan prexudicial ese convenio que asinou o Goberno de Zapatero, por que non o modificou? E se todo era tan sinxelo por que, en vez de cambiar ese convenio, o que fixeron foi aprobar outro no ano 2013 que o que fai é duplicar a subida que xa se prevía? Está claro, señor Feijóo, que o problema é que, mentres esta infraestrutura dependa do Estado, o que imos ter os galegos e as galegas son peaxes e máis peaxes, porque están defendendo os intereses de Audasa pero non os intereses dos galegos e das galegas. Esta é unha infraestrutura que está amortizada e requeteamortizada. E o que é importante neste momento é o que vai facer vostede, señor Feijóo. Porque, mire, o BNG criticou todos os abusos desa concesionaria, gobernara quen gobernara. Si, si, si, señor Feijóo. E, cando queira, imos aos diarios de sesións e vemos o que votaba cadaquén. (Pronúncianse palabras que non se perciben.) Si, si. Quere que lle recorde quen vendeu a AP-9? Quen vendeu a AP-9? O señor Aznar cando vostede era conselleiro de Política Territorial. (Aplausos.) (Pronúncianse palabras que non se perciben.) Quere que lle saque as declaracións do que dicía vostede nesta tribuna cando o interpelaba o BNG contra esta estafa a este país? Dicía que non había ningún problema, que era un bo negocio para Galiza que se vendera por millóns de euros a AP-9. Pero ría, porque mentres vostede ri, señor Feijóo, os galegos e galegas que teñen uns salarios que non lles permiten chegar á fin de mes... O señor PRESIDENTE: Remate, por favor. A señora PONTÓN MONDELO:...van ter un 4 % máis de peaxes. Vostede tamén se ría dos galegos e das galegas cando lles dicía que era un bo negocio vender a AP-9 a prezo de saldo. E hoxe o máis grave, señor Feijóo, é que está vostede convertido nun auténtico monicreque do señor Rajoy (Murmurios.) e que a súa ambición política non lle permite defender os intereses deste país porque cre... O señor PRESIDENTE: Grazas, señora Pontón. A señora PONTÓN MONDELO:...que lle pode ir mal no futuro, e prefire facerlle a ola a Rajoy que defender os intereses... O señor PRESIDENTE: Grazas, señora Pontón. A señora PONTÓN MONDELO:...deste país. E mire, a min o que me dá pena... O señor PRESIDENTE: Grazas. Remate xa, por favor. A señora PONTÓN MONDELO:...é que vostede nos está conducindo á irrelevancia política. E non me preocupa por vostede, preocúpame por Galiza, porque nos está facendo perder oportunidades. E ese é, señor Feijóo, o problema de fondo e ao que vostede non quere enfrontarse. 16

17 Nada máis e moitas grazas. (Aplausos.) O señor PRESIDENTE: Grazas, señora Pontón. Turno de peche, señor presidente. O señor PRESIDENTE DA XUNTA DE GALICIA (Núñez Feijóo): Señoría, o Diario de Sesións é unha boa testemuña e por iso non teño ningún inconveniente en que se revise o Diario de Sesións. Votos a favor da transferencia da autoestrada? A señora Pontón, non Diario de Sesións. Votos a favor da transferencia da autoestrada? Grupo Parlamentario Popular, todos si Diario de Sesións, a historia de Galicia, señora Pontón, a historia de Galicia. (Aplausos.) Segundo negocio da señora Pontón e do seu grupo: convenio coa señora Magdalena Álvarez para levantar a peaxe de Rande e da Barcala. Votos a favor de que Galicia pague o 50 % do custo do levantamento da peaxe dunha autoestrada estatal? Os da señora Pontón e o seu grupo. Votos en contra? Grupo Parlamentario Popular na súa totalidade. Esa é a historia, señoría, e a realidade. (Aplausos.) Esa é a historia que os galegos teñen que coñecer e esa é a historia, señoría, da autoestrada do Atlántico. Mire, señoría, cando vostedes gobernaban era algo incrible conseguir nada máis e nada menos que o 8 % do presuposto do Estado. Agora gobernamos nós, conseguimos o 11 % do presuposto do Estado e é unha calamidade nacionalistas dixit. Prosigamos. Temos 341 euros per cápita en investimentos. A media de España está en 185 euros per cápita. Resulta que temos case o dobre que o resto dos españois e isto é un desastre. Sigan vostedes con eses desastres, señora Pontón, pero os desastres do seu partido. Mire, señora Pontón, non vou defender eu o incremento das peaxes, por suposto que non. Para iso xa está o Partido Socialista, que o subscribiu. Pero o que dende logo non vou ignorar é que, cando vostedes gobernaban no ano 2007, a peaxe subiu igual que agora. Señora Pontón, escoite, a peaxe no ano 2007 subiu o 3,72 % (Pronúncianse palabras que non se perciben.) E daquela non había un quilómetro de obras que había que pagar. (Murmurios.) Non, señora Pontón. Non confunda vostede os galegos, que sabemos sumar e restar. (Aplausos.) No ano 2009, señora Pontón, no ano 2009, a peaxe da autoestrada volveu subir un 4,35 %, e daquela non había que pagar un só quilómetro de obra de ampliación da autoestrada. E lamento que vostede non lles diga aos galegos que no ano 2015 a peaxe da autoestrada subiu cero, que no ano 2016 a peaxe da autoestrada subiu cero, e o próximo ano subirá o 4 %. É dicir, en tres anos a peaxe da autoestrada subiu un 4 %, o mesmo que subía no ano 2009 ou no ano 2007 cando vostedes si estaban de acordo co señor Zapatero. Pero, dende logo, non conte comigo para bendicir este incremento da peaxe, en ningún caso, e moito menos conte comigo para non explicar de ningún xeito por que o Goberno socialista pactou con Audasa ese contrato na miña opinión, absolutamente favorecedor da concesionaria 48 horas antes de votar nas eleccións do ano En todo caso, señora Pontón, vostede fai cousas moi simpáticas. Primeiro pregúntame por que cito o señor Zapatero e o Bipartito constantemente, e despois quéixase de que lle con- 17

18 teste aludindo ao señor Zapatero e ao Bipartito constantemente. Exactamente, señora Pontón, que é o que teño que facer? Defender os intereses de Galicia sempre, pero empezo a entender a súa estratexia. Señora Pontón, cada vez critícanos menos polo que facemos aquí e máis polo que fan outros noutros lugares. E iso é un bo indicador. Máis nada, moitas grazas. (Aplausos.) O señor PRESIDENTE: Grazas, señor presidente. Pregunta de D. Xoaquín María Fernández Leiceaga, do G. P. dos Socialistas de Galicia, sobre os obxectivos que debe ter a Comunidade Autónoma de Galicia na revisión do sistema de financiamento autonómico O señor PRESIDENTE: Señor Leiceaga, cando queira. O señor FERNÁNDEZ LEICEAGA: Señor Núñez Feijóo, esta pregunta ten un precedente hai un ano, cando xa falamos disto neste Pleno. E espero que non se converta nun clásico e que poidamos celebrar o ano que vén un modelo de financiamento autonómico máis favorable para Galicia. Hai que dicir que despois da pregunta fixemos un esforzo e acordamos en xaneiro, ou febreiro, do ano 2017 xa neste Parlamento apoiar que as necesidades de gasto fosen o centro do sistema, que a nivelación fose total, que o avellentamento e a dispersión tivesen máis peso, así como outros elementos centrais do modelo. Pero houbo unha discrepancia importante que non fomos capaces de resolver. A discrepancia central é sobre o volume de recursos ao que deberiamos aspirar que a Administración xeral do Estado achegase ao modelo, para cubrir as deficiencias que tivo este durante a crise e que deron lugar a un axuste en variables importantes. E tampouco fomos capaces de chegar a un acordo sobre o que aspiraba a obter Galicia dese incremento. Onde debería situarse Galicia? Vostedes non quixeron entrar neste tema. Dicían que non era o momento. Con posterioridade, funcionou unha comisión de expertos que deu lugar a un ditame no mes de xullo. E, ademais, vostede reuniuse en distintas ocasións con outros presidentes autonómicos e asinou un protocolo que entra nestes temas. En ambos casos establécese a necesidade da nivelación vertical, de que achegue recursos a Administración xeral do Estado. Nós estamos de acordo con iso. Por exemplo, na comisión de expertos faise unha estimación e dise que, para compensar o que deixaron de percibir as comunidades autónomas nestes anos, debería achegar a Administración central entre e millóns para o conxunto do sistema. Iso di a comisión de expertos, lea vostede o informe. En todo caso, iso debería ser suficiente para colocar a posibilidade de satisfacer as necesidades autonómicas nos servizos básicos ao nivel previo á crise. E no punto 3 do convenio que asinou con Asturias e Castela León vostede di que a corrección dos déficits de financiamento nos servizos que presenta o modelo vixente dotando o sistema de maiores recursos é unha necesidade. É dicir, está abundando no mesmo. E tamén se diagnostica que existe un déficit en dependencia, en gastos sociais, en sanidade e na educación. Nós estamos de acordo con iso. 18

19 Nese convenio, ademais, vostede fai unha defensa do status quo, que tamén significa que a Administración central ten que achegar novos recursos ao modelo, porque é o que permite que ningunha comunidade perda. Por tanto, está vostede de acordo co que nós diciamos que había que facer, en xaneiro do ano pasado, e que vostedes non foron capaces de votar. Pero desde xullo non sabemos nada, hai un apagón informativo. Este Parlamento non sabe qué é o que está pasando. Está negociando o conselleiro de Economía, o director xeral, co Goberno central, igual que outras comunidades autónomas, pero o Parlamento non está informado. O primeiro que reclamamos é transparencia, pero reclamamos tamén algo máis, reclamamos que nos diga cales son os seus obxectivos, cal é o nivel mínimo do que debe achegar a Administración central para que as comunidades autónomas teñan capacidade de prestar os servizos básicos en boas condicións. Cal é a súa opinión? Onde pon vostede o límite? E, en segundo lugar, cal é o nivel de exixencia mínimo de Galicia en relación con eses fondos adicionais? Que porcentaxe debe aspirar a captar? Esas son as cuestións que debe responderlles aos cidadáns se quere actuar con transparencia, se quere actuar facendo un exercicio de firmeza e se quere, por tanto, manifestar a súa capacidade de liderado. Eu creo que esa é a súa función como presidente da Xunta de Galicia. Moitas grazas. (Aplausos.) O señor PRESIDENTE: Grazas, señor Fernández Leiceaga. Resposta do presidente da Xunta. O señor PRESIDENTE DA XUNTA DE GALICIA (Núñez Feijóo): Moitas grazas, señor presidente. Señor Leiceaga, efectivamente, hai un ano preguntábame vostede, en termos moi parecidos, sobre como ía o modelo de financiamento. E vostede daba un consello que eu anotei. Dicía literalmente: «O que ten que facer» vostede dicía «é tecer complicidades, complicidades externas, complicidades internas, políticas e coa sociedade civil». Como ve, señor Leiceaga, tomei nota das súas propostas. Efectivamente, tecemos complicidades. A primeira, levar á Conferencia de Presidentes a postura de Galicia e conseguir que se aprobara. É dicir, facer fincapé nun principio básico, que é o custo efectivo dos servizos, e facer algo importante por primeira vez: que se inclúa nese acordo da Conferencia de Presidentes unha proposta de Galicia para facer fincapé de forma específica no gasto da sanidade; dous obxectivos conseguidos que, como vostede sabe, non foron fáciles, porque había algún presidente que non estaba de acordo con que constasen estes dous principios. O segundo que fixemos, no de tecer complicidades externas, foi o acordo que vostede acaba de sinalar, un acordo cun presidente do Partido Popular en Castela-León e un acordo cun presidente socialista en Asturias. Iso é tecer complicidades, señor Leiceaga. 19

20 E o segundo que fixemos son as complicidades internas: pactar con vostedes o experto, o experto que represente os intereses de Galicia nesa comisión nacional de expertos de comunidades autónomas que elabore unha proposta que posteriormente será tida en conta polo Goberno de Madrid. E, en segundo lugar, pactar criterios básicos. E vostede e eu pactamos, vostede e o seu grupo pactamos criterios básicos que están no Diario de Sesións do Parlamento. Deses criterios básicos non me vou apartar nin un ápice. Polo tanto, señor Leiceaga, non creo que iso non sexa ser coherente coas súas propostas e coas nosas respostas. Se vostede me di que temos que seguir transparentando, eu comprométolle que no seguinte período de sesións acaba hoxe este o Goberno vai comparecer en comisión para explicar con concreción cales son os criterios que o Goberno traslada ao Ministerio de Facenda, para que vostede poida comprobar que eses criterios que vostede e nós acordamos seguen en pé. É moi importante o matiz que vostede introduciu na súa pregunta. Dixo: «Será, felizmente, o próximo ano o ano do financiamento autonómico?» Depende moito do Partido Socialista, señor Leiceaga. Si, si, moitísimo. Vostede sabe que, sen vostedes, non vai haber sistema autonómico de financiamento. Depende moitísimo. E, na medida das súas posibilidades, tamén depende incluso de vostede como presidente, nada máis e nada menos, do Partido Socialista en Galicia. Señor presidente do Partido Socialista en Galicia, vostede está de acordo co señor Iceta ou non? Vostede está de acordo con que se condone a débeda que os gobernos centrais trasladaron ás comunidades autónomas rescatadas ou, pola contra, está de acordo co Goberno galego en que iso non se pode condonar? Verdade, señor Leiceaga, que temos moitas cousas que falar? Esa é a nosa proposta. Por certo, se hai un goberno constitucionalista en Cataluña é moi probable que haxa un sistema de financiamento. Se, pola contra, hai un goberno independentista, é practicamente imposible que haxa un sistema de financiamento. Sería moi importante a partir do xoves saberémolo. O señor Iceta non está en ningún caso a favor de votar a calquera candidato constitucionalista para que sexa presidente da Generalitat pero si estaría disposto a presidir un goberno da Generalitat apoiado por Esquerra Republicana de Cataluña e por Podemos de Cataluña. Comprenderá, señor Leiceaga, que para falar de financiamento hai que falar tamén de compromisos políticos co Estado. Nós temos un compromiso político, en primeiro lugar, con Galicia... (Murmurios.) O señor PRESIDENTE: Silencio. O señor PRESIDENTE DA XUNTA DE GALICIA (Núñez Feijóo): Estado....e tamén co conxunto do Máis nada e moitas grazas. (Aplausos.) O señor PRESIDENTE: Grazas, señor presidente. Réplica do señor Fernández Leiceaga. O señor FERNÁNDEZ LEICEAGA: Si, señor presidente, vou ter que reclamarlle un turno de comparecencia neste Pleno para poder explicarme. Pero, en todo caso, efectivamente, eu 20