INTRODUCIÓN. 1 Subirats, M., &Brullet, C. Rosa y azul (1988): La Transmisión de los géneros en la escuela mixta. Madrid: Instituto de la Mujer.

Transcripción

1 INTRODUCIÓN A nosa sociedade asiste con preocupación á familiaridade da violencia de xénero. Nenos e nenas, pais e nais, familias de múltiple variedade reciben na sala da súa casa, a través da fiestra electrónica as noticias que con grande frecuencia comunican un caso tras outro de violencia de xénero. A violencia de xénero é o último expoñente obsceno dunha sociedade que non construíu valores de convivencia, de igualdade e de respecto da diversidade e da s diferenzas entre as persoas. Nosa sociedade é, afortunadamente, cada vez máis, máis diversa, máis diferente e máis enriquecedora, pero nela estes casos de violencia de xénero lémbrannos que debemos traballar cada día e cada hora na construción dunha sociedade que valore positivamente a convivencia en igualdade. A problemática estrutural da violencia de xénero na nosa sociedade manifestase nesas novas que por frecuentes, non poden nunca de deixárennos indiferentes. Tódalas persoas cada muller, cada neno, cada nena, cada home deben dende a súa realidade deben sumárense e sumarmos a un BASTA XA ou a un NUNCA MÁIS planetario. Dende os seminarios de Educación Infantil queriamos abordar toda esta problemática dende un xeito construtivo, revisando literatura científica ao respecto observamos que nós mesmos, como educadores e educadoras somos moitas veces transmisores de valores de xénero cos seus aspectos positivos e negativos, lembramos un traballo como Rosa y azul 1, do que xa pasaron anos pero de grande actualidade no momento presente. Quizais todas e todos nós, como educadores de Educación Infantil, como familias de nenos e nenas que andan a construír a súa personalidade cada día; e sabendo que os primeiros anos de vida son fundamentais para dita construción, debemos pensar e ofrecer unha proposta educativa que, dende a reflexión crítica sobre o problema, aporte a esa construción diaria dunha sociedade na que a igualdade e a convivencia sexan unha realidade asumida e comprometida con todas e todos. É por isto que Cholo e Nela, nos ofrecen este ano a reflexión sobre a nosa realidade e a proposta de construírmos cada día en tópicos e tipos, en modelos de sociedade nos que promovamos estes valores de Igualdade. O mundo dos globos e o mundo das pingas de auga contemplan a diferenza como realidade enriquecedora e a fantasía como elemento dinámico da propia existencia e a diversidade como elemento que constrúe convivencia. É por isto que os seminarios de Educación Infantil sendo consecuentes coa proposta de Cholo e Nela presentamos esta proposta a prol desa construción de tópicos e modelos de igualdade 1 Subirats, M., &Brullet, C. Rosa y azul (1988): La Transmisión de los géneros en la escuela mixta. Madrid: Instituto de la Mujer. 1

2 OBXECTIVOS Desenvolver Aptitudes e hábitos positivos en igualdade. Establecer un clima de convivencia. Adquirir unha autoestima positiva Fomentar a adquisición das destrezas básicas. Coñecer o noso contorno social. Actuar de forma autónoma fronte os estereotipos. Crear novos estereotipos en igualdade. Comunicarse a través dos distintos tipos de expresión. CONTIDOS CONCEPTUAIS: Igualdade. Convivencia. Autoestima. Destrezas básicas. Creatividade. Novos estereotipos. Contorno social. Expresión e comunicación. CONTIDOS PROCEDAMENTAIS: Adquisición de actitudes e hábitos positivos dentro dun clima de convivencia. Desenvolvemento da autoestima partindo das relacións sociais. Utilización de novos estereotipos de forma autónoma. Exploración dos distintos tipos de expresión. CONTIDOS ACTITUDINAIS: Confianza nas súas propias posibilidades. Interese por adquirir unha coordinación óculo-manual axeitada. Aceptación das normas básicas de convivencia. Actitude de escoita con respecto aos outros. Gusto polo desenvolvemento da creatividade. Valoración positiva de estereotipos que promoven á igualdade. 2

3 FICHA DE AVALIACIÓN INDIVIDUAL Adquire valores e normas ao respecto. Comprende e utiliza a linguaxe como medio de comunicación Amosa interese polos estereotipos que promoven a igualdade. Desenvolve axeitadamente as destrezas básicas. Participa na construción de procesos de convivencia S AV N 3

4 CONTOS 4

5 5

6 Cholo e Nela, en Igualdade O país dos globos é un sitio incríbel. Cada mañá, cada globo sae de casa coa forma que lle peta. É por iso que a ninguén lle sorprende ver unha pita xigante pola beirarrúa ou un dinosauro pequerrecho e de vinteún cores todas diferentes As néboas que conforman o pais das pingas cada día collen unha cor distinta, segundo alumean as raiolas do sol. Tódalas pingas póñense ledas co sol. Nela tamén e nunca esquece aquel día que baixou pola primeira vez no Arco da Vella ata a terra e lle quedaron aquelas mechas das súas cores. No país dos globos e nas néboas das pingas todas e todos están encantadas e encantados coa maxia da diferencia, coas ilusións da diversidade e coa igualdade de vivir felices en países engaiolantes. Nela e Cholo reúnense cada pouco en calquera sitio, comparten xogos e tarefas en común, ás veces ratos máis divertidos, outros menos...entre os dous e con moitos amigos viven e son felices traballando e xogando en equipo. 6

7 7

8 A maxia dun bo equipo está na formula que unha meiguiña de Fantasía lles deu hai anos: respecto, proxectos compartidos, ilusión, felicidade, ledicia. Todo isto por suposto con dúas palabras de maxia especial: En Igualdade. NELA: Ola Cholo estaba pensando que podíamos empezar a preparar a próxima convivencia, coas nenas e os nenos de Infantil? CHOLO: É certo Nela, temos que buscar quen nos axude. Temos que falar coas mestras e mestres de Infantil e coas mamás e os papás dos nenos e as nenas... NELA: Sí entre todas e todos organizarémolo moito mellor NELA : Sabes qué... encántame traballar en equipo, que cadaquén se encargue de algo e se poña contento/a por face-las cousas ben. CHOLO: A min tamén. NELA: Lémbraste da fadiña de Fantasía? E das dúas palabras EN IGUALDADE. CHOLO: Claro que me lembro, no país dos globos é así. En casa facemos as tarefas entre todos e todas, os máis pequechos axudamos aos grandes, a papá e a mamá, a moitas cousas. Trátase sempre de facelo entre todas e todos do mellor xeito posíbel. Eu póñome moi contento axudando... NELA: Xa, claro pero en igualdade é moito máis CHOLO: En igualdade é que todos e todas contemos, teñan en conta a nosa opinión, valoren o noso traballo, as nosas ideas...un montón de cousas máis... NELA: É certo Cholo, xa nolo dicía a fadiña de Fantasía, claro que en igualdade son moitas cousas, case que son todas, é a vida, e a Convivencia tamén. E temos que preparala entre todas e todos... CHOLO: Así que imos preparar murais e debuxos entre todas e todos, colaborando pais e nais e mestres e mestras, e os nenos e nenas tamén... 8

9 9

10 NELA: Sabes qué... Cholo? Poderiamos mandarlle algo especial do País dos Globos e das Néboas das Pingas, para que lembren as dúas palabras da fadiña de Fantasía? CHOLO: Qué podería ser...? NELA: Será toda unha sorpresa Cholo e Nela seguen a falar nas néboas das pingas, as cores son moitas na tarde. No País dos Globos hai moitas formas paseando...todos e todas EN IGUALDADE 10

11 11