REUNIÓN DA COMISIÓN 5.ª, SANIDADE, POLÍTICA SOCIAL E EMPREGO. Día: Hora: 10:30

Transcripción

1 REUNIÓN DA COMISIÓN 5.ª, SANIDADE, POLÍTICA SOCIAL E EMPREGO Día: Hora: 10:30

2 A Comisión 5.ª, Sanidade, Política Social e Emprego, da que vostede forma parte, reunirase o próximo día 6 de maio de 2016, ás 10:30 horas, no pazo do Parlamento. A orde do día é a seguinte : Punto 1. Punto 2. Designación da Ponencia encargada de elaborar o informe sobre a Proposición de lei de modificación da lei 13/2008, do 3 de decembro, de Servizos sociais de Galicia (doc. núm ) Proposicións non de lei en comisión (09/PNC ) Grupo Parlamentario da Alternativa Galega de Esquerda Solla Fernández, Eva e Ron Fernández, José Javier Sobre as actuacións que debe levar a cabo o Goberno galego en relación coa aplicación do Plan nacional para a abordaxe da hepatite C no Sistema nacional de saúde nos centros penitenciarios de Galicia Publicación da iniciativa, BOPG n.º 520, do (09/PNC ) Grupo Parlamentario Mixto Martínez García, María Consuelo Sobre as actuacións que debe levar a cabo o Goberno galego en relación coas condicións laborais e asistenciais que están a padecer o persoal laboral e as persoas usuarias dos centros de atención directa da Consellería de Traballo e Benestar Publicación da iniciativa, BOPG n.º 527, do (09/PNC ) Grupo Parlamentario dos Socialistas de Galicia Ferreiro Vidarte, María de los Ángeles e 3 máis Sobre as actuacións que debe levar a cabo o Goberno galego co fin de evitar os embarazos non desexados, fomentar a igualdade e previr a violencia de xénero, así como garantir unha axeitada educación afectivosexual Publicación da iniciativa, BOPG n.º 606, do (09/PNC ) Grupo Parlamentario da Alternativa Galega de Esquerda Solla Fernández, Eva e 5 máis Sobre as actuacións que debe levar a cabo o Goberno galego en relación co estado de deterioración que presenta o centro de saúde de Cee, así como a realización polo concello dos trámites necesarios para a súa cesión e asunción da súa titularidade e mantemento pola Xunta de Galicia Publicación da iniciativa, BOPG n.º 606, do

3 (09/PNC ) Grupo Parlamentario do Bloque Nacionalista Galego Paz Franco, María Tereixa e Prado Cores, María Montserrat Sobre as actuacións que debe levar a cabo o Goberno galego en relación coa decisión de implantar o modelo denominado "liña fría" para o servizo de comidas do Complexo Hospitalario Universitario de Ourense Publicación da iniciativa, BOPG n.º 609, do (09/PNC ) Grupo Parlamentario dos Socialistas de Galicia Acuña do Campo, María Carmen e 4 máis Sobre as actuacións que debe levar a cabo o Goberno galego en relación coa atención que se está a prestar ás persoas con enfermidades psiquiátricas crónicas derivadas a residencias da terceira idade Publicación da iniciativa, BOPG n.º 630, do (09/PNC ) Grupo Parlamentario do Bloque Nacionalista Galego Prado Cores, María Montserrat Sobre a garantía polo Goberno galego dos dereitos laborais dos traballadores das empresas adxudicatarias do servizo de transporte sanitario urxente terrestre e a exixencia a estas do cumprimento do convenio colectivo Publicación da iniciativa, BOPG n.º 635, do Os grupos parlamentarios poderán presentar emendas ás mocións e ás proposicións non de lei ata seis horas antes do inicio da sesión, o abeiro do disposto no artigo do Regulamento. O que lle comunico para o seu coñecemento e a súa convocatoria á devandita reunión. Santiago de Compostela, 2 de maio de 2016 Marta María Rodríguez-Vispo Rodríguez Presidenta da Comisión

4 RELACIÓN DE MEMBROS DE COMISIÓN 5.ª, SANIDADE, POLÍTICA SOCIAL E EMPREGO POR ORDE ALFABÉTICA Mesa Presidenta Marta María Rodríguez-Vispo Rodríguez Vicepresidente Javier Dorado Soto Secretaria María Remedios Quintas Álvarez P P S Vogais María Carmen Acuña do Campo María Carmen Gallego Calvar Elena Cruz González Sánchez Jaime Íñiguez Martínez María Consuelo Martínez García Aurelio Alfonso Núñez Centeno Rosa Oubiña Solla María Montserrat Prado Cores Marta Rodríguez Arias Cristina Isabel Romero Fernández Eva Solla Fernández S S P P M P P BNG P P AGE

5 Reunión da Comisión 5.ª, Sanidade, Política Social e Emprego Día: Hora: 10:30 Orde do día 1. Designación da Ponencia encargada de elaborar o informe sobre a Proposición de lei de modificación da lei 13/2008, do 3 de decembro, de Servizos sociais de Galicia (doc. núm )

6 Reunión da Comisión 5.ª, Sanidade, Política Social e Emprego Día: Hora: 10:30 Orde do día 2. Proposicións non de lei en comisión

7 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario da Alternativa Galega de Esquerda Solla Fernández, Eva e Ron Fernández, José Javier Sobre as actuacións que debe levar a cabo o Goberno galego en relación coa aplicación do Plan nacional para a abordaxe da hepatite C no Sistema nacional de saúde nos centros penitenciarios de Galicia Publicación da iniciativa, 520,

8 Á MESA DO PARLAMENTO O Grupo Parlamentar da Alternativa Galega de Esquerda (ESQUERDA UNIDA- ANOVA) a iniciativa dos seus deputados Eva Solla Fernández e Xabier Ron Fernández, ao abeiro do disposto no artigo 160 do Regulamento da Cámara, presenta a seguinte Proposición non de lei, para o seu debate en Comisión, relacionada cos novos tratamentos farmacolóxicos da hepatite C. EXPOSICIÓN DE MOTIVOS: O pasado día 1 de abril entrou en vigor o Plan Nacional para el Abordaje de la Hepatitis C en el Sistema Nacional de Salud, aprobado polo Ministerio de Sanidad e ratificado pola Mesa Interterritorial de Sanidad. Este plano recolle, no informe de situación respecto desta enfermidade no Estado, a pavorosa situación sanitaria que o virus da Hepatite C provoca entre a poboación reclusa en centros penitenciarios, onde a prevalencia da infección é de un 20,3%, persoas segundo a cifra que figura na páxina 29 do Plano, unha cifra só comparable ao 24% de prevalencia que se rexistra en Exipto, o país con maior afectación do mundo de acordo cos informes da OMS. Isto equivale, traducido aos seis centros penitenciarios de Galicia, a un número en ningún caso inferior a 750 internas e internos infectados. A isto temos que acrecentarlle o feito de que, de acordo cos datos do propio informe, un 26,8% das persoas en situación de reclusión afectadas están coinfectadas polo Virus de Inmunodeficiencia Humana, o que provoca unha máis rápida evolución da enfermidade hepática, polo que se determina que as persoas coinfectadas serán obxecto de atención prioritaria dentro da aplicación do Plano. A Liña Estratéxica 1 do Plano aprobado polo Ministerio, identifica como poboación prioritaria en materia de prevención para reducir a incidencia da Hepatite C as persoas internas en Institucións Penitenciarias.

9 En contraste coa situación descrita, o número de persoas internas en centros penitenciarios do territorio galego que están a ser tratadas cos novos fármacos é insignificante. A excepción de tres internos no centro de Pereiro de Aguiar, non hai constancia de máis afectados que teñan recibido a través do SERGAS estes fármacos iniciando o seu tratamento en prisión. Apenas podemos engadir a esta cifra algún interno que ingresou co tratamento xa iniciado ou que o iniciou durante un ingreso hospitalario. En total a cifra de internos tratados por unha ou outra circunstancia non superaría a decena. Esta situación de falta de dispensación destes fármacos con altísima eficacia para a curación da hepatite ás persoas presas responde exclusivamente a unha decisión tomada en base ao disenso entre a Consellería de Sanidade e o Ministerio del Interior respecto de que Administración debe facerse cargo do custo dos tratamentos. En novembro de 2014 o Xulgado do Contencioso Administrativo nº1 de Santiago de Compostela, en peza separada no preito entre SERGAS e Ministerio do Interior no que se intenta dirimir quen debe facerse cargo do tratamento dun recluso enfermo de Hepatite C, dita medida cautelar obrigando á administración sanitaria autonómica a dispensarlle o tratamento a este doente en tanto se non se resolva a cuestión de fondo do litixio. O SERGAS decidiu apelar este auto diante do TSXG. O TSXG en sentenza de 20 de maio de 2015 confirma esa medida cautelar, condenando ademais ao SERGAS ao pago das costas do recurso. Nos fundamentos de dereito desta sentenza o TSX establece que non negado polo Letrado autonómico que, ao seu xuízo, o interese concorrente é de índole económica, exclusivamente, entendemos, co xuíz a quo, que debemos dar preferencia ao dereito á saúde, xa que a diatriba sobre quen (Administración estatal ou autonómica) debe dispensar o medicamento e, por ende, correr cos gastos asociados, ten un carácter secundario e, desde logo, plenamente resarcible en caso de sentenza desestimatoria no preito principal, a diferenza do risco mediato ou inmediato que, en caso de non acceder á medida cautelar, con certeza sufriría o interno na súa integridade física.

10 Por outra parte, diante da negativa por parte do SERGAS á dispensación destes tratamentos a persoas en situación de reclusión penitenciaria, a Dirección General de Instituciones Penitenciarias comezou a finais do pasado mes de xuño a ofertar a aqueles e aquelas internas que teñen prescritos os novos tratamentos por parte dos servizos de medicina especializada habilitados polo SERGAS a posibilidade de ser trasladados aos penais Madrid II e Madrid V para recibir os tratamentos. Esta solución supón un agravamento nas condicións de cumprimento de condena para as persoas afectadas ao afastalas do seu contorno social e practicamente privalas do dereito de visita durante períodos de 12 ou 24 semanas, dependendo da súa pauta de tratamento. Esta solución resulta aínda máis chocante tendo en conta que outros fármacos, de dispensación en farmacia hospitalaria e administración ambulatoria, como é o caso dos utilizados no tratamento da infección por VHC, fanse chegar as e os doentes reclusos desde os correspondentes servizos de farmacia do sistema público galego a través dos servizos médicos dos distintos centros penitenciarios. Solución esta que non implica prexuízo adicional algún para eses doentes e que tampouco prexulga quen deba afrontar finalmente os custos farmacéuticos inherentes. Por outra parte, a dispensación directa polo do Ministerio do Interior, no caso de que resultase ser este quen deba correr con eses gastos farmacéuticos, tampouco supón aforro algún para esa administración por canto o prezo dos fármacos é o mesmo para todas as administracións sanitarias e, aos custos de liquidar eses prezos ao SERGAS terían que engadirse os derivados do traslado das internas e internos aos mencionados centros penitenciarios e de volta a aquel no que veñen cumprindo condena. Por todo isto, Alternativa Galega de Esquerda (ESQUERDA UNIDA- ANOVA) presenta a seguinte Proposición non de lei: O Parlamento de Galicia insta á Xunta de Galicia a: 1. Tomar as medidas necesarias para que, de acordo cos principios e preferencia de dereitos establecidos polo TSXG na súa sentenza de 20 de maio de 2015, o SERGAS proceda a dispensar sen máis dilación os novos fármacos para a Hepatite C a todas persoas internas nos centros

11 penitenciarios galegos para as que están establecidos estes tratamentos no Plan Nacional para el Abordaje de la Hepatitis C en el Sistema Nacional de Salud. 2. Establecer un sistema coordinado entre o SERGAS e a Dirección General de Instituciones Penitenciarias que permita a aplicación efectiva e máis eficaz posible do disposto no Plano para a abordaxe da Hepatite C no ámbito dos centros penitenciarios radicados en Galicia. Compostela, 9 de setembro de Asdo. Eva Solla Fernández Xabier Ron Fernández Deputados do G.P. da AGE Xosé M. Beiras Torrado Portavoz do G.P. da AGE. Asinado dixitalmente por: Eva Solla Fernández na data 09/09/ :41:46 Jose Javier Ron Fernandez na data 09/09/ :41:54 Xosé Manuel Beiras Torrado na data 09/09/ :42:02

12 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario Mixto Martínez García, María Consuelo Sobre as actuacións que debe levar a cabo o Goberno galego en relación coas condicións laborais e asistenciais que están a padecer o persoal laboral e as persoas usuarias dos centros de atención directa da Consellería de Traballo e Benestar Publicación da iniciativa, 527,

13 GRUPO MIXTO PARLAMENTO DE GALICIA Á MESA DO PARLAMENTO DE GALICIA. O Grupo Parlamentar Mixto, a iniciativa da súa deputada Consuelo Martínez García ao abeiro do disposto no Regulamento da Cámara, presenta a seguinte Proposición non de lei para o seu debate en Comisión. EXPOSICIÓN DE MOTIVOS O Comité de Empresa de Traballo e Benestar da Provincia da Coruña enviou unha carta ao presidente do goberno do estado, Mariano Rajoy, denunciando que dende a imposición da Lei 1/2012 de medidas temporais.en determinadas materias do emprego público da Comunidade Autónoma de Galicia, prorrogada ano a ano na Lei de orzamentos de Galicia, nos centros dependentes da Consellería de Traballo e Benestar,e en particular nos que desempeñan a súa labor nos centros de atención directa (Residencias de maiores, escolas infantís, centros de menores, centros de atención a persoas con discapacidade, centros sociocomunitarios...) son numerosas as deficiencias e normas impostas dende a Consellería de Traballo e Benestar que están a crear unha situación laboral de explotación, estres e perdida da calidade asistencial, entre as que destacan: Xornadas de 7 días consecutivos. Imposibilidade de gozar algún dos 14 festivos anuais establecidos legalmente, Quendas de traballo de dous domingos consecutivos. Sobrecarga de tarefas ao ter que asumir o traballo do persoal de baixa ou con ausencias xustificadas que non se cobren. 1 Parlamento De Galicia PNC

14 GRUPO MIXTO PARLAMENTO DE GALICIA Denegación de permisos xustificados ou licenzas por necesidades de servizo derivadas da escaseza de persoal e non cobertura de baixas. Escaseza moi grave de novo material, e maquinaria e utensilios obsoletos ou avariados que Xamais se reparan. Imposibilidade de conciliar a vida laboral coa familiar. Deterioro da calidade dos servizos prestados ás persoas usuarias. Recorte do uso de cueiros, privatización servizos, minoración actividades de mantemento físico, minoración de actividades de carácter lúdicos, etc. Remata o Comité o seu escrito solicitando do Presidente do Goberno do estado que proceda a iniciar as medidas conducentes a solucionar a situación do persoal laboral e as persoas usuarias dos centros de atención directa da Consellería de Traballo e Benestar da Xunta de Galicia, entre elas interceder ante a Xunta de Galicia para que a Lei de orzamentos de 2016 non prorrogue os recortes da Lei 1/2012 de medidas temporais en materias de emprego público, que entre outros recortes anula arbitrariamente, o Artigo 19 do Convenio do Persoal Laboral, o que é unha das causas principais da situación descrita de explotación, estres laboral e imposibilidade de conciliar a vida laboral e familiar. Entendendo que a reivindicación dos traballadores e traballadoras dos centros de atención directa da Consellería de Traballo e Benestar, o Parlamento de Galicia son xustas e asumibles polo goberno galego, preséntase a seguinte proposición non de lei para o seu tratamento en comisión: O Parlamento de Galicia insta á Xunta de Galicia a: Solucionar a situación do persoal laboral e as persoas usuarias dos centros de atención directa da Consellería de Traballo e Benestar. 2 Parlamento De Galicia PNC

15 GRUPO MIXTO PARLAMENTO DE GALICIA Non prorrogar a Lei 1/2012 de medidas temporais en materias de emprego público na Lei de orzamentos de 2016 Cumprir o establecido no Artigo 19 do Convenio do Persoal Laboral, que regula as condicións laborais do persoal e marca as pautas nas carteleiras e quendas de traballo. Adoptar todas as medidas necesarias para posibilitar a conciliación da vida laboral e familiar do persoal dos centros de atención directa da Consellería de Traballo e Benestar. Pazo do Parlamento, a 22 de setembro de 2015 Asdo.: Consuelo Martínez García Vicevoceira do G.P. Mixto do Parlamento de Galicia. Asinado dixitalmente por: María Consuelo Martínez García na data 22/09/ :49:52 3 Parlamento De Galicia PNC

16 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario dos Socialistas de Galicia Ferreiro Vidarte, María de los Ángeles e 3 máis Sobre as actuacións que debe levar a cabo o Goberno galego co fin de evitar os embarazos non desexados, fomentar a igualdade e previr a violencia de xénero, así como garantir unha axeitada educación afectivo-sexual Publicación da iniciativa, 606,

17 Grupo Parlamentario Á Mesa do Parlamento Partido dos Socialistas de Galicia O Grupo Parlamentario dos Socialistas de Galicia por iniciativa das súas deputadas, María de los Ángeles Ferreiro Vidarte, María Carmen Acuña do Campo, Carmen Gallego Calvar e María Quintas Álvarez, a través do portavoz e ao abeiro do disposto no artigo 160 do Regulamento da Cámara, presenta ante esa mesa a seguinte proposición non de lei para o seu debate na Comisión 5ª. Hai uns días o Ministerio de Sanidade, fixo públicos os datos das ILE do ano 2014 en España e nas comunidades autónomas. Os datos referentes a Galicia reflicten que o número de mulleres que interromperon o seu embarazo foi de A cifra total en España é de e é a menor dos últimos 9 anos, sendo esta a tendencia por diversos motivos: algúns débense á maior utilización da píldora do día seguinte, ao abaratamento do custe dalgunhas pílulas, a atención do planeamento familiar nalgúns centros de saúde, etc. Destes datos dedúcese tamén que son as mulleres entre 20 e 24 años, é non as menores de 20, a idade na que se producen máis abortos. Outro dato importante refírese á utilización de métodos anticonceptivos: hai un 34 % de mulleres que non utilizaron ningún método (nin elas nin a súas parellas) é isto si que é máis frecuente e preocupante. Esta tendencia no descenso dos abortos en España non se da ao mesmo nivel en Galicia nin é tan regular coma no resto do país. Analicemos algunhas razóns: - En Galicia non existe a educación sexual nas escolas. Non forma parte do currículo escolar. Como moito vai algún especialista dar charlas sobre temas relacionados, pero é algo puntual e nun nivel educativo determinado. Isto non é Educación, é simplemente información... A Educación leva consigo a información e o necesario cambio de actitudes, como isto non se fai, aínda se pensa que na Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA gp-socialista@parlamentodegalicia.es

18 Grupo Parlamentario primeira vez non te quedas embarazada, que a marcha atrás é un método seguro, etc.etc. Partido dos Socialistas de Galicia Elaboráronse materiais didácticos por parte da área sanitaria do Goberno, pero Educación nunca as levou á práctica. A consecuencia é que os nosos mozos e mozas só teñen información por amigos, revistas pornográficas, películas etc. - Os centros de planeamento familiar estanse a esmorecer porque o Goberno galego non ten o máis mínimo interese en que funcionen: Non se cobren as prazas dos profesionais que quedan vacantes, hai varios COF que non teñen traballador/a social, hai varios COF que só teñen un día á semana consulta xinecolóxica, hai COF que a consulta xinecolóxica faina cada día da semana un profesional distinto, hai profesionais que atenden o COF, o centro de saúde e tamén un centro de saúde mental. - Non existe un marco normativo. O último no que se detallaban funcións e contidos do servizo e dos profesionais data do ano 1984, o chamado Plan de centros de orientación familiar do Insalud. Como consecuencia, non se ofertan as mesmas prestacións en todos os centros e non existe igualdade no acceso a estes servizos na mesma comunidade, porque o Goberno do Sr Feijóo non tivo ningunha actuación neste senso. O Goberno do Sr Feijóo e do PP actúa dunha forma totalmente hipócrita neste campo. É contrario ao aborto, pero non fai absolutamente nada para evitalo. En resume, os COF, no seu funcionamento actual, non cumpren o principal obxectivo do planeamento familiar que é proporcionar a toda a poboación unha atención integral con unha dimensión educativa, e de promoción da saúde afectivo sexual e non exclusivamente asistencial que é o modelo que defende o Goberno do PP. Por todo iso o Grupo Parlamentario dos Socialistas de Galicia, presentan a seguinte proposición non de lei: Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA gp-socialista@parlamentodegalicia.es

19 Grupo Parlamentario O Parlamento de Galicia insta o Goberno galego a levar a cabo as seguintes propostas: Partido dos Socialistas de Galicia 1º) Realizar unha campaña dirixida fundamentalmente ás mozas e mozos durante o ano 2016 co obxectivo de previr os embarazos non desexados e de informar dos recursos sociosanitarios existentes á súa disposición. 2º) Elaborar no prazo de dous meses un proxecto educativo para fomentar a igualdade, previr a violencia de xénero e garantir unha adecuada educación afectivo sexual utilizando as programacións que xa están elaboradas. O proxecto será presentado no Parlamento para o seu debate. 3º) Aplicar ese proxecto, unha vez aprobado, no próximo curso académico para impartir a educación afectivo sexual nas escolas, a educación en igualdade e a prevención da violencia de xénero, facendo as modificacións curriculares que se precisen. 4º) Elaborar de forma inmediata un plan de viabilidade dos centros de planeamento familiar, no que se contemplen as súas prestacións e as funcións dos profesionais, así como a dotación dos recursos necesarios para potenciar os COF. 5º) Incluír nos plans estratéxicos da Administración autonómica todo o referente á saúde afectivo sexual. Pazo do Parlamento, 11 de febreiro de 2016 Asinado dixitalmente por: María de los Ángeles Ferreiro Vidarte na data 11/02/ :28:50 Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA gp-socialista@parlamentodegalicia.es

20 Grupo Parlamentario María del Carmen Acuña do Campo na data 11/02/ :29:17 Carmen Gallego Calvar na data 11/02/ :30:21 Maria Remedios Quintas Alvarez na data 11/02/ :30:33 Partido dos Socialistas de Galicia Jose Luis Méndez Romeu na data 11/02/ :30:51 Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA

21 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario da Alternativa Galega de Esquerda Solla Fernández, Eva e 5 máis Sobre as actuacións que debe levar a cabo o Goberno galego en relación co estado de deterioración que presenta o centro de saúde de Cee, así como a realización polo concello dos trámites necesarios para a súa cesión e asunción da súa titularidade e mantemento pola Xunta de Galicia Publicación da iniciativa, 606,

22 Á MESA DO PARLAMENTO O Grupo Parlamentar da Alternativa Galega de Esquerda (ESQUERDA UNIDA- ANOVA), a iniciativa da súa deputada Eva Solla Fernández e dos seus deputados Xabier Ron Fernández, Ramón Vázquez Díaz, Juan M. Fajardo Recouso, Antón Sánchez García e Xosé M. Beiras Torrado, ao abeiro do artigo 160 do Regulamento da Cámara, presenta a seguinte Proposición non de lei, para debate en Comisión, relacionada co estado do centro de saúde de Cee. EXPOSICIÓN DE MOTIVOS: A situación da atención primaria no noso país ven marcada por unha sorte de recortes orzamentarios consecutivos que deixan coma consecuencia un abandono progresivo da mesma. A situación previa ao inicio da crise xa non era moi boa en moitos centros de saúde, a antigüidade da construción de moitos de eles supuña en moitos casos obsolescencia de instalacións e barreiras arquitectónicas. Ademais, cando a titularidade e mantemento dos centros debería xa estar a cargo da Consellería de Sanidade; isto non se está a cumprir, impedindo nalgúns casos a rehabilitación necesaria nos edificios. O progresivo adelgazamento do mantemento dos mesmos trae coma consecuencia a progresión do deterioro ata límites insostibles nalgúns casos, coma é o do centro de saúde de Cee. O edificio do mesmo atópase en estado case de ruína, cun deterioro moi avanzado en infraestrutura e instalacións. Feito que ten causado algún accidente grave coma o desprendemento dun radiador de ferro sobre unha cativa de 16 meses o pasado mes de Decembro.

23 Calefacción que non funciona, instalación eléctrica e tubaxes deterioradas e importantes humidades que poden afectar á integridade dos teitos de este centro. Por todo o exposto, Alternativa Galega de Esquerda (ESQUERDA UNIDA- ANOVA) presenta a seguinte proposición Proposición non de lei: O Parlamento de Galicia insta á Xunta de Galicia a: 1.- Levar a cabo unha reforma urxente do Centro de Saúde de Cee, que alomenos atenda os problemas da cuberta, humidades, instalación eléctrica e calefacción. Así coma renovación do mobiliario e aparataxe obsoleta. 2.- Instar ao Concello a iniciar ou continuar os trámites para asumir a titularidade e mantemento do centro, reclamando, se aínda non estivese aportada, a documentación pertinente. Compostela, 17 de febreiro de Asinado dixitalmente por: Eva Solla Fernández na data 18/02/ :42:04 Xosé Manuel Beiras Torrado na data 18/02/ :42:13 Anton Sánchez García na data 18/02/ :42:15 Ramón Vázquez Díaz na data 18/02/ :42:19 Juan Manuel Fajardo Recouso na data 18/02/ :42:23

24 Jose Javier Ron Fernandez na data 18/02/ :42:26

25 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario do Bloque Nacionalista Galego Paz Franco, María Tereixa e Prado Cores, María Montserrat Sobre as actuacións que debe levar a cabo o Goberno galego en relación coa decisión de implantar o modelo denominado "liña fría" para o servizo de comidas do Complexo Hospitalario Universitario de Ourense Publicación da iniciativa, 609,

26 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza Á Mesa do Parlamento O Grupo Parlamentar do Bloque Nacionalista Galego (BNG), a iniciativa das deputadas Tereixa Paz Franco e Montserrat Prado Cores, ao abeiro do disposto no Regulamento da Cámara, presenta a seguinte Proposición non de lei para o seu debate en Comisión, relativa ao desmantelamento dos servizo se cociña do Complexo Hospitalario Universitario de Ourense para implantar o modelo chamado de liña fría. Segundo as informacións ás que tivo acceso este Grupo Parlamentar parece que de forma inminente se vai producir o desmantelamento do servizo de cociña existente no Complexo Hospitalario Universitario de Ourense para substituílo polo modelo chamado de liña fría. Este modelo que se implantou xa no Hospital Álvaro Cunqueiro de Vigo supón a privatización deste servizo e o conseguinte deterioro da calidade do servizo. Son moitas as evidencias do fracaso deste modelo que ten provocado numerosas queixas dos e das usuarias e do persoal sanitario. Desde a súa implantación téñense producido numerosas deficiencias: pratos que chegan fríos aos e ás pacientes, a súa escaseza ou incluso que non se adecúen ás prescricións de dieta realizada polo persoal facultativo. Este modelo que xa foi ensaiado noutros lugares ten evidenciado o seu fracaso non só pola perda da calidade da alimentación senón que mesmo porque resulta máis caro para o erario público, de aí que en moitos casos, fora de Galiza, se estea revertendo cara o modelo de cociña convencional. Ademais de ser un claro exemplo de privatización e de beneficio privado en detrimento da calidade do servizo e dos dereitos dos e das usuarias tamén ten consecuencias laborais para o persoal que actualmente se ocupa destas tarefas que

27 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza descoñecen cal vai ser a súa situación no futuro. Estas son as razóns polas que o Grupo Parlamentar do Bloque Nacionalista Galego, a través das deputadas asinantes, formula a seguinte Proposición non de lei para o seu debate en Comisión: O Parlamento de Galiza insta ao Goberno Galego a reconsiderar a súa decisión de establecer o modelo de liña fría para o servizo de comidas no Complexo Hospitalario Universitario de Ourense polo deterioro na calidade que representa e o menoscabo na alimentación dos e das pacientes que que se manteña o servizo de cociña nas condicións de prestación actuais. Igualmente que se garantan os postos de traballo e os dereitos do persoal que actualmente presta os seus servizos nese cometido. Santiago de Compostela, 25 de febreiro de 2016 Asdo.: Tereixa Paz Franco Montserrat Prado Cores Deputadas do G.P. do BNG Francisco Xesús Jorquera Caselas Portavoz do G.P. do BNG Asinado dixitalmente por:

28 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza María Tereixa Paz Franco na data 25/02/ :53:36 María Monserrat Prado Cores na data 25/02/ :53:43 Francisco Xesús Jorquera Caselas na data 25/02/ :53:48

29 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario dos Socialistas de Galicia Acuña do Campo, María Carmen e 4 máis Sobre as actuacións que debe levar a cabo o Goberno galego en relación coa atención que se está a prestar ás persoas con enfermidades psiquiátricas crónicas derivadas a residencias da terceira idade Publicación da iniciativa, 630,

30 Grupo Parlamentario Á Mesa do Parlamento Partido dos Socialistas de Galicia O Grupo Parlamentario dos Socialistas de Galicia, por iniciativa das súas deputadas e do seu deputado Carmen Acuña do Campo, José Ramón Val Alonso, Carmen Gallego Calvar, María Quintas Alvarez e María de los Angeles Ferreiro Vidarte, a través do seu portavoz, e ao abeiro do disposto no artigo 160 do Regulamento da Cámara, presenta a seguinte proposición non de lei para o seu debate en Comisión 5.ª, Sanidade, Política Social e Emprego. Exposición de motivos Acabamos de coñecer polos medios de comunicación o caso dunha enferma psiquiátrica falecida en Mondoñedo por atragoamento nunha residencia para anciáns e discapacitados intelectuais, que recollen a denuncia dos familiares contra o centro e a Xunta de Galicia por suposta neglixencia no seu coidado. Dende o Grupo Parlamentario Socialista temos formulado o debate en varias ocasións, na Cámara galega, xa que non nos parece adecuado o almacenamento destes doentes neses espazos residenciais non adecuados nin preparados para as necesidades de coidado que eles precisan tralo peche dos obsoletos centros psiquiátricos, onde ata o de agora atendíanse as patoloxías psiquiátricas crónicas. Tamén solicitamos datos sobre o seguimento e os coidados médicos que se están aprestar agora aos enfermos e enfermas que foron derivados a eses centros sen topar resposta nin da Administración sanitaria galega nin do Grupo Parlamentario Popular que preferiu rexeitar sempre as nosas solicitudes. Hoxe, e a través desta iniciativa, queremos facernos eco da denuncia que en relación a este problema fai o Movemento Galego da Saúde Mental, o cal se pregunta igual que nos preguntamos nós que coidados están a recibir persoas como a falecida, afectadas por trastornos mentais graves, que sofren severas discapacidades e que reciben tratamentos psicofarmacolóxicos con frecuentes efectos secundarios -como comprometer o nivel de conciencia e a motricidade-, ingresadas en residencias pensadas para a terceira idade e se as dotacións profesionais, espazos, recursos e organización serán apropiadas para ese fin. Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA gp-socialista@parlamentodegalicia.es

31 Grupo Parlamentario Partido dos Socialistas de Galicia Lamentablemente os responsables sanitarios de Galicia evidenciando unha falta de compromiso intolerable para con estas persoas, en lugar de reforzar a deficiente rede de Saúde Mental e os recursos sociais, buscando a reintegración destas persoas á sociedade de xeito acorde ás súas necesidades e potencialidades, ou no seu caso unha atención residencial especializada, tan só as reubicaron noutro lugar residencial, a miúdo en institucións non axeitadas que non están dotadas e cualificadas para o seu coidado e tratamento. Con esta decisión, a cidadanía que require unha atención sanitaria e social específica -á que teñen pleno dereito- non a están a recibir, converténdose en poboación de risco respecto á súa saúde, seguridade e vulneración de dereitos. Por todo o exposto, o Grupo Parlamentario dos Socialistas de Galicia presenta a seguinte proposición non de lei para o seu debate en Comisión: O Parlamento galego insta a Xunta de Galicia a: 1. Realizar plans periódicos de inspección en todas as residencias da terceira idade de Galicia onde foran trasladadas persoas enfermas mentais con patoloxías crónicas que garantan o cumprimento dos criterios de acreditación para a función de coidado destes enfermos. 2. Realizar, dende a Inspección Sanitaria, o seguimento de todas as persoas que con enfermidades psiquiátricas crónicas foron desprazadas ás residencias da terceira idade para garantir que reciben os coidados e o seguimento necesario das súas patoloxías. 3. Elaborar, dende a Consellería de Sanidade, un censo e un plan de seguimento deses doentes dinámico, segundo vaia sendo o número e as necesidades dos mesmos. Pazo do Parlamento, 4 de abril de 2016 Asdo.: Carmen Acuña do Campo José Ramón Val Alonso Carmen Gallego Calvar María Quintas Alvarez Mª de los Angeles Ferreiro Vidarte Deputadas e deputado do G.P. dos Socialistas de Galicia Asdo.: José Luis Méndez Romeu Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA gp-socialista@parlamentodegalicia.es

32 Grupo Parlamentario Portavoz do G.P. dos Socialistas de Galicia Asinado dixitalmente por: Partido dos Socialistas de Galicia María del Carmen Acuña do Campo na data 05/04/ :17:10 José Ramón Val Alonso na data 05/04/ :17:16 Carmen Gallego Calvar na data 05/04/ :17:21 Maria Remedios Quintas Alvarez na data 05/04/ :17:26 María de los Ángeles Ferreiro Vidarte na data 05/04/ :17:32 Jose Luis Méndez Romeu na data 05/04/ :17:38 Rúa do Hórreo, s/n Parlamento de Galicia. Tfno: Fax: SANTIAGO DE COMPOSTELA

33 Reunión da Comisión 5.ª, Sanidade, Política Social e Emprego Día: Hora: 10:30 Orde do día (09/PNC ) Grupo Parlamentario do Bloque Nacionalista Galego Prado Cores, María Montserrat Sobre a garantía polo Goberno galego dos dereitos laborais dos traballadores das empresas adxudicatarias do servizo de transporte sanitario urxente terrestre e a exixencia a estas do cumprimento do convenio colectivo Publicación da iniciativa, 635,

34 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza Á Mesa do Parlamento O Grupo Parlamentar do Bloque Nacionalista Galego (BNG), a iniciativa da deputada Montserrat Prado Cores, ao abeiro do disposto no Regulamento da Cámara, presenta a seguinte Proposición non de lei para o seu debate en Comisión, relativa á conflitividade laboral nas empresas que prestan o servizo de transporte sanitario urxente terrestre do 061. A Fundación Pública Urxencias Sanitarias de Galicia-061, sacou a concurso e realizou a adxudicación do servizo de transporte sanitario urxente terrestre. Este concurso foi paralizado e modificado por diferentes razóns, e xerou malestar entre as empresas galegas do sector, sobre todo as de menor dimensión, que o cualificaron como moi agresivo, xa que mentres a cuantía do mesmo era moi similar ao anterior, que consideran que xa era moi axustado para poder cubrir custes e prestar a atención, establece toda unha serie de condicións a maiores das actuais, como novas prestacións e instrumental médico, respiradores para nen@s de corta idade, navegador, conexión de datos, xeolocalización... e a isto hai que engadir o encarecemento de combustíbel, roupa, seguros... Parte importante das empresas ás que se lle adxudicou o concurso presentaron a oferta con baixa económica moi importante, isto causou preocupación e fundados temores de que puidera repercutir nunha merma das condicións laborais d@s traballadores/as, e unha perda significativa de emprego e deterioro da calidade asistencial. A escasos meses da adxudicación deste concurso público os temores estanse a verificar en feitos, e traballadores/as das empresas adxudicatarias están a denunciar

35 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza tanto o incumprimento do convenio: cambios de categoría, horarios caprichosos, exceso de horas traballadas, persoal insuficiente por base, non pago de horas extras,cobertura de vacacións...como as condicións deplorábeis en moitas das bases, non dispoñer de roupa e calzado adecuado e suficiente, non lavado e desinfectado do mesmo etc. As empresas adxudicatarias xustifican o non cumprimento do convenio en que as cuantías económicas que reciben non son suficientes. Ás demandas laborais hai que engadir as denuncias do uso de ambulancias de apoio, non equipadas, como transporte sanitario de emerxencias. Vehículos de apoio, nos que só vai un/unha condutor/a, que deben estar para traslados non vitais, é dicir non poden socorrer a emerxencias, están sendo enviadas a cubrir urxencias, non de xeito excepcional,senón que se está a converter en algo habitual, ao igual profesionais teñan que acudir en taxi a atender urxencias por falta de ambulancias dispoñíbeis. Utilizar ambulancias de apoio de forma continuada como propias do servizo de urxencias, constitúe risco, en primeiro lugar usuari@s, porque se lle presta unha atención deficiente e para o persoal unha situación de tensión, presión e vulnerabilidada, ao ter que enfrontarse a situacións que non poden resolver. A responsabilidade desta situación é a propia administración, xa que responsábeis do 061, como do Sergas son perfectamente coñecedores da situación.o transporte sanitario urxente é un servizo vital, e todo fai indicar que o Goberno galego está a optar por un modelo de xestión que mercantiliza a saúde, significa recortes na prestación do servizo, non se garante a calidade na prestación, e non se respectan os dereitos laborais d@s traballadores/as.

36 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza Por estas razóns o Grupo Parlamentar do Bloque Nacionalista Galego presenta a seguintes proposición non de lei para o seu tratamento en comisión: O Parlamento de Galiza, insta ao Goberno galego a que esixa o cumprimento das condicións establecidas no concurso do servizo de transporte sanitario urxente terrestre, ás empresas adxudicatarias do mesmo, a rematar co uso de ambulancias de apoio, non equipadas, como transporte sanitario de emerxencias e a dotación das ambulancias suficientes para profesionais non teñan que acudir en taxi ás urxencias. O Parlamento de Galiza, insta ao Goberno galego a que garanta os dereitos laborais d@s traballadores/as que prestan servizo para as empresas adxudicatarias do servizo de transporte sanitario urxente terrestre, e esixa destas o cumprimento do convenio colectivo. Santiago de Compostela, 12 de abril de 2016 Asdo.: Montserrat Prado Cores Deputada do G.P. do BNG Francisco Xesús Jorquera Caselas Portavoz do G.P. do BNG Asinado dixitalmente por:

37 OFICINA PARLAMENTAR Parlamento de Galiza Rúa do Hórreo, s/n. Tel Fax Fax prensa: Santiago de Compostela Galiza María Monserrat Prado Cores na data 12/04/ :51:47 Francisco Xesús Jorquera Caselas na data 12/04/ :51:53