1. Zergatik WordPress? Kontua sortu Blogaren ezarpenak Argitalpenak Estatistikak... 30

Transcripción

1 Wordpress

2 Ikastaroaren aurkibidea Ikastaroaren aurkibidea Zergatik WordPress? ZER DA WORDPRESS? WORDPRESS VS BESTE BLOG PLATAFORMA BATZUK WORDPRESS.ORG VS WORDPRESS.COM Kontua sortu GAIA AUKERATU Domeinua aukeratu PLANA AUKERATU SORTU KONTUA Blogaren ezarpenak KONTROL PANELA EZARPENAK ERABILTZAILEAK BLOGA PARTEKATZEA Gaiak MENUAK Argitalpenak POST BAT IDAZTEA ORRIALDEAK Estatistikak

3 Ikastaroaren helburua da ikasleak ikastea WordPress.com-en blog korporatibo bat egiten, ariketa praktiko baten bitartez. Gainera, WordPress.com plataformak eskaintzen dituen ezarpen- eta edizio-aukerak ulertzea. 1. Zergatik WordPress? 1.1 ZER DA WORDPRESS? WordPress edukiak kudeatzeko sistema bat da (edo CMS, ingelesez Content Management System), eta aldizka eguneratzen diren webgune edo web-orriak sortzera bideratuta dago. Erabiltzeko erraza denez eta edukiak kudeatzeko potentzial handia duenez, CMS hedatuena bilakatu da. Horregatik, WPren inguruan komunitate handia sortu da. Horrek eduki-kudeatzailea, pluginak, gaiak eta abarrak gehiago garatzea dakar Zergatik da hain garrantzitsua hain hedatua egotea? Sor daitezkeen arazo eta zalantzei dagoeneko milioika pertsonek aurre egin dietela suposatzen duelako, eta era berean hobekuntzak eta soluzioak proposatu dituztelako. Horregatik dira hain garrantzitsuak CMS honen atzean dagoen komunitatea eta gaiaren inguruan aurki ditzakezun talde eta foro guztiak. 1.2 WORDPRESS VS BESTE BLOG PLATAFORMA BATZUK Gaur egun blog bat sortzeko aukera eskaintzen duen zerbitzu mordoa dago: blogia; blogger; nireblog; blogalaxia; wordpress,... Horiek guztiek blogak erraz eta doan sortzeko aukera ematen badigute ere, Wordpress intuitiboenetarikoa eta erabiltzeko errazenetarikoa da. Gainera, konfiguratzeko aukera gehien eskaintzen dizkigunetarikoa da. Aukera asko dago eta bakoitzak bere zaletasunak ditu, baina Wordpress gure blog korporatiboa sortzeko plataforma interesgarria da honako arrazoi hauengatik: WordPress-blog bakoitzak estatistikak eransten ditu sortzen den momentu berean. 3

4 Erabiltzeko erraztasuna erabiltzaileen informatika maila gorabehera. Bikaina edukiak kudeatzeko eta egituratzeko. Web-orria mantentzeko eta eguneratzeko erraztasuna. Dagoeneko garatuta dauden hamaika doako Plugin eta modulu, orrialdearen errendimendua hobetzeko eta erabiltzailearen bizitza errazteko. Sare Sozial nagusiekin ezin hobeto moldatzen eta egokitzen da Bilatzaileetarako dagoeneko prest dagoen SEO arkitektura 1.3 WORDPRESS.ORG VS WORDPRESS.COM Gidaliburu honen bitartez, ikasiko dugu gure bloga nola abian jarri wordpress.com-en; hala ere, wordpress.org-en egiteko aukera dago. Hona hemen bi zerbitzuen arteko alde nagusiak: WORDPRESS.COM Wordpress.com hostingaz arduratzen da. Plataformak xxxxxxxx.wordpress.com domeinua doan ematen dizu, zeure domeinua erabiltzeko aukera eskaintzen badu ere. Mantentzea, segurtasuna eta eguneratzeak wordpress.com-en esku daude. Blogetan ezin da publizitaterik txertatu. Gai mugatuak. Ezin dira pluggin-ak instalatu. Ezin dira PHP, CSS eta HTML Kodeak aldatu. WORDPRESS.ORG Deskargatu daiteke eta hostinga behar du instalatzeko. Zeure domeinua izan behar duzu. Mantentzea, segurtasuna eta eguneratzeak erabiltzailearen esku daude. Publizitatearen eta haren etekinen gaineko kontrola. Gai kopuru handia. PHP, CSS eta HTML Kodeak alda daitezke. 2.Kontua sortu 4

5 Geure Wordpress-bloga izateko, webgunean sartu eta alta egin behar dugu lehenik. Zure lehenengo bloga bada, klikatu norberaren bloga Jarraian, alta egiteko prozesua hasteko pantaila batera eramango gaitu; 4 urrats ditu: 1.- Gaia aukeratu. 2.- Domeinua aukeratu. 3.- Gehien komeni zaigun plana aukeratu. 4.- Erabiltzaile-kontua sortu. 2.1.GAIA AUKERATU 5

6 Lehen urrats honetan, Wordpressek gaia aukeratzea proposatzen digu; hau da, blogak izatea nahi dugun itxura. Horretarako, hainbat gairen artean hauta dezakegu, doakoak batzuk, ordainpekoak besteak. Hainbat aukera azter ditzakegu, eta gehien gustatzen zaiguna aukeratu. Argi ez badugu, alde batera utz dezakegu urrats hau, eta dagoeneko kontua sortu dugunean egin. 2.2DOMEINUA AUKERATU Blogaren helbidea edo domeinua gure kokapenerako ezinbestekoa da. Bakarra izango da, eta behin aukeratu dugunean, ezin izango da aldatu. Wordpressek 3 aukera eskaintzen dizkigu: 1. Neure domeinua ez badaukat eta bat sortu nahi ez badut, Wordpressek bat emango dit,.wordpress.com akabera izango duena. Blog korporatiboa 6

7 egin nahi badugu, aukera hau ez da gomendagarriena, ez baitu profesionaltasun-itxura ematen. Horregatik, nork bere domeinua izatea gomendatzen dugu beti. Izan ere, euroko kostua baino ez du urtean, eta bezeroei profesionaltasun-itxura handiagoa emango diegu. 2. Neure domeinua ez badaukat, baina bat nahi badut niretzat, Wordpressek haien bitartez bat erosteko aukera ematen digu. Geure domeinua ez badugu, bilatzaile-barran blogari eman nahi diogun izena idatziko dugu, eta Wordpressek automatikoki esango digu erabilgarri dagoen. Hala bada, 2 aukera eskainiko dizkigu;.wordpress.com amaitzen den doako aukera, edo domeinua zuzenean erostea. 3. Dagoeneko neure domeinua badaukat, blogari eslei diezaiokegu. Hala ere, kasu horretan Wordpressek 13 kobratuko dizkigu urtean. 1. aukera: doakoa 2. aukera: domeinu eskuragarriak erosi 3. aukera: Zeure domeinua esleitu 2.3. PLANA AUKERATU Hurrengo urratsean gure beharretara egokitzen den plana hautatu behar dugu dauden aukeren artean. 7

8 Hiruetako bat aukeratu aurretik, garrantzitsua da planen arteko aldeak ezagutzea. DOAKO PLANA Doako aukerarekin ezin dugu geure helbide pertsonalizatua erabili, eta lekua 3 GB-ra mugatuta dago. Blogari emango diogun erabilera ongi balioetsi eta datu hori kontuan hartu behar da, ez garelako geure domeinua erabiltzeko gai izango, 8

9 eta eskaintzen digun lekua nahikoa ez izatea gerta daitekeelako. Horrela izatekotan, hurrengo aukeretako bat planteatzea komeniko litzateke. PREMIUM PLANA Plan horrek 99 -ko kostua du urtean, eta gunearen helbide pertsonalizatua erabiltzeko abantaila dauka. Gainera, 13 GB-eko lekua eskaintzen du eta ez du publizitaterik txertatzen. Aukera hau aproposa da blog korporatiboa egin nahi dutenentzat. BUSINESS PLANA Leku mugagabeaz eta premium-gaiak aukeratu ahal izateaz gain, aukera honekin Google Analytics konfiguratu ahal izango duzu; funtsezkoa blogaren errendimendua eta kanalak sortzen digun ROIa neurtu nahi baditugu. Beraz, bloga zure negozioa sustatzeko kanal indartsua izan daitekeela uste baduzu, hau da duzun aukerarik osoena. Planak 299 -ko kostua du urtean. 2.4.SORTU KONTUA Eta azkenik, Wordpress erabiltzaile-kontu bat sortzea izango da azken urratsa. Horretarako, -helbide bat sartu beharko dugu egiaztatzeko esteka eta etorkizunean blogarekin lotutako jakinarazpenak jaso ditzagun. Erabiltzaile-izen bat eta pasahitza ere aukeratu beharko ditugu. Kontrolpanelera sartzeko beharko ditugu. Azkenik, bat bidaliko digute posta-helbidera gure kontua egiaztatzeko. 9

10 Behin egiaztatuta, badugu geure bloga! 3.Blogaren ezarpenak 10

11 3.1. KONTROL PANELA Blogaren kontrol-paneletik, argitalpenak kudea ditzakegu, sarrera berriak argitara ditzakegu, itxura alda dezakegu, etab. Ikus ditzagun kontrol-panelaren atalak: Bloga kudeatzeko kontrolpanela Sarrera berria Jakinara zpenak Beste blogak edo iturriak jarraitzeko irakurlea Hemendik blog berria sortu edo gehitu dezakegu Kontuaren ezarpenak Bloga irakurleek ikusiko duten moduan ikusi Blogeko sarrerak edo orrialdeak kudeatu Itxura kudeatzeko Blogaren funtzionaltasuna konfiguratzeko eremua: erabiltzaileen kudeaketa, pluginak 3.2. EZARPENAK 11

12 Lehenik eta behin bloga konfiguratu behar dugu. Ezkerraldeko menuko Ezarpenak erlaitzean klik eginez, 4 erlaitz dituen konfigurazio-menu zehatzago batean sartuko gara: 1. Orokorra 2. Idazketa 3. Iruzkinak 4. Analytics Orokorra erlaitzean, blogaren aukera orokorrak ezarriko ditugu: Blogaren izenburua eta deskribapena. Deskriptiboa izan behar du, irakurleek zertaz hitz egingo duzun jakiteko. Hemendik domeinu pertsonalizatua gehitu dezakezu, izatekotan Enpresa-bloga bada, garrantzitsua da bilatzaileek indexatzeko aukera markatzea; bestela, ez gaitu inork aurkituko. Lotutako edukia baliabide interesgarria da, horri esker irakurleek antzeko gaiak jorratzen dituzten postetan nabigatu ahal izango dutelako. Argazkiaukera erabiltzea gomendatzen dugu, adibidean bezala. Atal honetatik honako hauek egin ahal izango ditugu ere: 12

13 Gunearen helbidea aldatu. Blogaren edukia ezabatu eta berriz hasi URLa mantenduz. Bloga behin betiko ezabatu: behin ezabatzen denean, ezin da informazioa berreskuratu. Hortaz, oso ziur egon behar duzu operazio hau egiten duzunean. Idazketa erlaitzean, sarreren formatu eta kategoria lehenetsiak ezarri daitezke. Gainera, hemendik Hau argitaratu markatzailera sarbidea izango duzu. Nabigatzailean egikaritzen den aplikazio txiki bat da, eta webeko hainbat sekzio aukeratzea ahalbidetzen du. Edozein webgunetik testua, irudiak eta bideoa kopiatzeko erabili daiteke, eta beraz, eduki gehiago zuzendu edo gehitu dezakegu. Instalatzeko, atal honetan agertzen den esteka arrastatzearekin eta markatzaileen barran jartzearekin nahiko da. Beste aukera da gogokoen zerrendara gehitzea, eskuineko botoia sakatuz sarrerak argitaratzeko lasterbide moduan. Iruzkinak erlaitzean, blogean egiten diren iruzkinak eta moderatzeko modua konfigura ditzakegu. Estekatutako guneak abisatu eta artikuluak iruzkintzea ahalbidetu. Ezarri iruzkinen egileak bete behar dituen baldintzak. Erabaki iruzkinak mugatu ala ez eta erakutsiko diren modua. Ezarri zure blogean egiten diren iruzkinen inguruko jakinarazpenak. Iruzkinak moderatzeko aukerak: 13

14 Hainbat hitz zerrendatu daitezke, iruzkinetan erabiltzen badira, zuzenean moderazioilarara joateko argitaratu aurretik. Goragoko maila batean, spam moduan marka daitezke, zerrendako hitzen bat duten iruzkinak Azkenik, Analytics erlaitzetik, Google Analytics konfigura dezakegu, baina aukera hau Business kontua duten erabiltzaileek baino ez dute eskura ERABILTZAILEAK Blogera erabiltzaile berriak gehi ditzakezu, eta zuk, administratzaile bezala, nahi duzun profila eman. Hainbat baimen dituzten profil horiek nahi duzunean alda ditzakezu, blogaren administratzailea zaren bitartean Hori egiteko, egin klik ezarpenen menuko "erabiltzaileak botoian. Jarrain, egin klik "Invite New botoian: 14

15 Idatzi posta elektronikoa edo wordpresseko erabiltzaile-izena, eta esleitu profila. Hona hemen profilak: Jarraitzailea Jarraitzaileek ez dute blogean argitaratzeko inongo pribilegiorik; post berria argitaratzen den bakoitzean berriak jasotzeko izena eman duten pertsonak baino ez dira. Blogean egin dezaketen gauza bakarra iruzkinak egitea da (aukera hori gaituta badute). Bloga publikoa bada, edonork jarrai dezake, baina pertsona jakin batzuekin partekatu nahi baduzu, gonbidapenak bidal diezazkiekezu. Bloga pribatua bada, ezin izango du inork jarraitu, zuk espresuki gonbidatu ezean. Laguntzailea Laguntzaileak mezuak bere kabuz sor eta edita ditzake, baina ezin ditu argitaratu. Bere mezuetako bat argitaratzeko prest dagoenean, administratzaileak ohar bat jasoko du, orraztu dezan. Gainera, behin laguntzaile baten posta administratzaileak onartu eta argitaratu duenean, kolaboratzaileak ezin du gehiago editatu. 15

16 WORDPRESS Laguntzaileek ere ez dute fitxategiak eta irudiak igotzeko gaitasunik, baina blogaren estatistikak ikus ditzakete. Egilea Egileak bere mezuak sor, edita, argitara eta ken ditzake, baita fitxategiak eta irudiak igo. Egileek ez dute orrialdeak sortzeko, aldatzeko edo kentzeko sarbiderik, ezta beste erabiltzaileen mezuak aldatzeko ere, baina haien postean egindako iruzkinak edita ditzakete. Editorea Editoreak edozein post eta orrialde sor, edita, argitara eta ezaba dezake, iruzkinak modera ditzake eta kategoriak, etiketak eta estekak kudea ditzake. Administratzailea Administratzaileak erabateko boterea dauka blogean, eta den-dena egin dezake. Administratzaileek administratzaile gehiago sor ditzakete, erabiltzaile berriak gonbida ditzakete eta erabiltzaileen rolak alda ditzakete. Honakoen gaineko erabateko kontrola dute: mezuak, orrialdeak, kargatutako fitxategiak, iruzkinak, ezarpenak, gaiak, inportazioak, beste erabiltzaileak, etab. Blog osoa ezabatzeko gaitasuna ere badute. Horregatik guztiagatik gomendatzen da administratzaile bakarra egotea blogeko BLOGA PARTEKATZEA Atal honetan, gure sare sozialak lot ditzakegu. Horrela, post berria argitaratzen dugun bakoitzean, gure sare sozialetan argitaratuko da automatikoki. Hemendik, irakurleek beste pertsonekin sarrerak erraz partekatzeko botoiak konfiguratu ahal (eta behar) ditugu. 16

17 3.5. GAIAK 17

18 Alta egitean ezarri ez badugu, kontrol-paneletik blogak izatea nahi dugun itxura finkatu behar dugu. Horretarako, Pertsonalizatu ataleko Gaiak botoian klik egingo dugu, eta proposatzen diren gaietako bat hautatuko dugu. Bilatzailetik, gaiak bila ditzakezu, hitz gakoaren edo tipologiaren arabera: doakoak ala premium. Behin aukeratu dugunean, gaia pertsonalizatu behar dugu: 18

19 Blogaren itxura alda dezakegu gai batetik abiatuta: koloreak, atzealdeak eta letra-tipoak aukeratu, goiburuko irudia aldatu eta widgetak gehitu Blogaren aurrebista gailuaren arabera: mahai gainekoa, Tableta edo mugikorra. GUNEAREN IZENBURUA, GOIBURUA ETA LOGOTIPOA Blogaren titulua da blogaren izen ofiziala. Domeinuaren berdina izan daiteke ala ez eta etorkizunean alda daiteke. Deskribapen laburra edo leloa blogaren gaia ulertzen lagunduko duen testua da (ez da nahitaezkoa). Logotipoa: marka gisa identifikatuko zaituen irudi edo logotipoa gehi daiteke. Etorkizunean alda daiteke hori ere. KOLOREAK ETA ATZEALDEA 19

20 Lehenespenez ageri den atzealdeko kolorea utz dezakegu edo, nahiago badugu, aldatu egin dezakegu, bai Wordpressek eskaintzen digun kolorepaleta baten bidez, bai irudi korporatibo propioa aukeratuta; enpresa-blogen kasuan azken aukera hori da gomendagarriena. Bestalde, atzealdea irudi batekin ordezka dezakegu; horretarako, aukeratu irudia botoian klik egingo dugu eta nahi duguna aukeratu. LETRA TIPOAK Izenburuen nahiz oinarrizko testuaren letra-tipoak alda ditzakegu. GOIBURUKO IRUDIA Goiburuko irudia aldatzean, kontuan izan behar da haren neurriak aukeratutako gaiaren arabera aldatzen direla. Aldatzeko klik egitean, pertsonalizatzaileak beharrezko neurriak emango dizkizu. WIDGET-AK Widgetak eduki-sekzio independenteak dira eta zure gaiak dituen widget-guneetan ipin daitezke (alboko barra ere esaten zaie). Gaiaren arabera alboko barrak edota oinekoak izan ditzakezu (ingeleraz footer ). Aukeratu ditzakegun widgetak askotarikoak dira. Hona hemen erabilienetako batzuk. 20

21 Blogean widget bat ipintzeko, non kokatu nahi dugun erabaki behar dugu lehenik. Aukeratu dugun gaiaren arabera, hainbat aukera izango ditugu. Gure adibidearen kasuan, Baskerville gaia aukeratu dugu. 3 footer edo widget-gune eskaintzen dizkigu, blogaren oinean dauden hiru zutaberi dagozkienak. A Footerra B Footerra C Footerra 21

22 Agertzeko tokia aukeratu dugunean, nahi dugun widgeta aukeratu behar dugu. Zenbait kasutan, gaiek zenbait widget izango dituzte erantsita. Kasu horretan, editatu, aldatu edo besterik gabe ezabatu ahal izango ditugu. Ezkerreko menutik widgeten ordena alda daiteke, sakatu eta arrastatuta. Horietako bakoitzaren konfigurazioa aldatzeko, geziaren ikonotik aukerak zabaldu eta, noski, widget berriak gehitu edo ezabatu egin ditzakegu. Widget berri bat gehitzeko, Widget bat gehitu botoian klik egingo dugu, nahi duguna aukeratu eta konfigurazioko jarraibideak beteko ditugu. Garrantzitsua da widget bakoitzak bere konfigurazio-aukerak izango dituela nabarmentzea MENUAK 22

23 Wordpresseskin menuak pertsonaliza ditzakegu. Aukeratutako gaiaren arabera, hainbat menu-gune izango ditugu eskura, eta nahieran konfigura ditzakegu. Menua konfiguratzeko, menu nagusiko Menuak botoian klik egin behar dugu, eta lehenengo goitibeherakoan editatu nahi dugun menu-gunea aukeratu. Bigarren goitibeherakoan, editatu nahi dugun menua aukeratuko dugu. Alda dezakegun menu lehenetsia izango dugu, eta nahiago badugu, menu berriak sor ditzakegu nahien arabera bat edo beste aukeratzeko. Adibide honetarako menu berria sortuko dugu. Lehen urratsa menu berriaren izena aldatzea izango da, eta + ikurraren bidez, menu berrian elementuak gehituko ditugu. Atalari izena emango diogu, eta jarraian, atala non estekatu nahi dugun aukeratuko dugu. Sortu dugun orrialde bat, sarrera jakin bat, artikulu-kategoria zehatz bat edo tag edo etiketa jakin bat duten artikuluak izan daitezke. Azkenik, barneko link batekin (gure blogeko atal batekin lotura egiten duen beste bat) edo kanpoko batekin estekatzeko aukera dugu. 23

24 Menuaren lehenengo atala sortu dugunean, gehiago sor ditzakegu eta hainbat mailatan ordenatu. Aurretik aukeratuz edo besterik gabe menuko itemak nahi dugun tokira arrastatuz egin dezakegu. 4.Argitalpenak 4.1. POST BAT IDAZTEA 24

25 Sarrerak edo postak argitaratzeko bi aukera ditugu: batetik, eskuineko menuko argitaratu ataleko Blogeko sarrerak botoiarekin, edo bestetik, kontrol-panelean eskuineko goiko aldean agertzen den arkatz-formako lasterbidearekin. IZENBURUA Sarrera berriaren izenburua idatzi behar dugu lehenik eta behin. Gogoratu deskribatzailea eta erakargarria izan behar duela, irakurleak artikulua irakurtzera bultzatzeko. Bestetik, izenburuan hitz gakoak gehitu behar ditugu (ahal bada), gure posta hobeto kokatzeko. POSTA IDAZTEA Artikuluaren testua testu-editorean idatzi behar dugu. Horretarako, kontuan hartu behar dugu ikusteko bi modu daudela. Testua moduan ikusten ari bagara, artikulua kodean ikusiko dugu. Bisual moduan bagaude, ikusteko formatuan ikusiko dugu. Kode-ezagutzak izan ezean, modu horretan lan egitea gomendatzen dugu. 25

26 Testu-editorea oso intuitiboa da eta Worda ekartzen du gogora. Horregatik da hain erraza erabiltzeko. Dena den, botoi bakoitzaren erabileraren inguruko zalantzak baditugu, kurtsorea botoiaren gainean jarriz funtzioaren inguruko azalpena agertuko da. Editorearen aukera guztiak agertzeko, eskuineko botoian klik egin behar da. Artikulua aurretik Wordean idazten badugu, argi ibili behar dugu, testua zuzenean kopiatzen badugu, formatuak ere kopia ditzakegulako. Formatu-arrasto oro ezabatzeko, aurretik ohar-blokean kopiatzea gomendatzen dugu. IRUDIAK ETA BESTELAKO MULTIMEDIA ELEMENTUAK GEHITZEA Irudiak eta bestelako multimedia-elementuak gehitzeko, Multimedia gehitu botoian klik egin behar dugu. Jarraian, fitxategiak multimedia-liburutegira igotzeko erabili nahi dugun modua aukeratuko dugu: Errestatu, disko gogorrean aukeratu edo URL batetik zuzenean txertatu. 26

27 Behin irudia igotakoan, Multimedia liburutegian sartuko da, eta bertara jo dezakegu etorkizunean egindako sareretan multimedia-elementuak berriz erabiltzeko. Jarraian, garrantzitsua da eskuineko panelean irudiari buruzko datu guztiak betetzea: izenburua, legenda, Alt eta deskribapena, gure SEO estrategiaren irizpideak kontuan hartuta, betiere. Azkenik, irudiak artikuluan izango duen neurria eta lerrokatzxea erabaki behar dugu, eta irudiak esteka izango duen ala ez. Datu guztiak betetakoan, Sarreran sartu botoian klik egingo dugu prozesua amaitzeko. 27

28 Irudiez gain, postean bestelako formatuetan dauden fitxategiak gehitu ditzakegu, hala nola pdf, doc, ppt, odt, pptx, docx, pps, ppsx, xls, xlsx, key. Aukera hau aproposa da artikulua informazioa osagarriarekin osatzeko. POSTAREN EGOERA Posta argitaratzeko, artikuluaren egoera aldatu behar dugu, Zirriborroa izatetik Berehala argitaratu egoerara. Hau ezkerraldeko menuan egiten da. Hortik, berrikustera bidali dezakegu edo nahi dugun egunean eta orduan argitara dadin programatu. KATEGORIAK ETA ETIKETAK Garrantzitsua da post bakoitza behar bezala etiketatzea eta kategorizatzea. Kategoriak blog guztikoak dira, orokorrak, eta bertan hitz egingo den gaiei buruzkoak izaten dira. Normalean bloga sortzean erabakitzen dira, baina beharrezkoa izanez gero kategoria berriak gehi ditzakegu. Garrantzitsua da kategoriak ahalik eta baztertzaileenak izatea, artikuluak ordenatzeko eta bilaketa errazteko. Artikulu berak kategoria bat baino gehiago izan ditzake. Bestetik, etiketak post bakoitzaren eduki zehatzarekin daude lotuta. Hortaz, arrunta izango da artikulu bakoitzean berriak sortzea. Hala ere, asko hainbat postetan errepika daitezke. 28

29 EZARPENEN BESTE AUKERA BATZUK Ezkerreko menuan posta konfiguratzeko beste aukera batzuk ditugu: nabarmendutako irudi bat gehitzea (aukeratutako gaiaren arabera), kokapena gehitzea, artikuluaren edukiaren laburpena idaztea eta hemendik erabakiko dugu artikulua aurrez konfiguratu ditugun gure sare sozialetako kanaletan partekatu nahi dugun ala ez. Menu honetatik, gainera, konfigurazio aurreratura sarbidea izango dugu, eta bertatik erabaki ahal izango dugu, adibidez, artikulu honetan iruzkinak egin ahal izango diren edo atsegin dut izatea ahalibdetuko dugun ORRIALDEAK Blogean hainbat orrialde sor daitezke. Orrialde horiek informazio "iraunkorra" duten atalak izango dira. Blogetako orrialde ohikoenak egilearen ingurukoak edo kontaktu-orriak izan ohi dira. Sortzeko eta editatzeko modua postenaren antzekoa da. Kontrol-paneleko menu nagusian dagoen Orrialdeak botoian klik egiten badugu, artikuluen berdina den testu-editorea zabalduko da. Orrialdearen izenburua aukeratu eta edukia idatzi behar dugu bakarrik. 29

30 5.Estatistikak Blogaren jardueraren inguruko oso estatistika osatuak eskaintzen dizkigu WordPressek. Horri esker, blogaren inguruko datu adierazgarriak ikusi ahal izango ditugu. Horrek hobetzen eta eduki-estrategiaren inguruko erabakiak hartzen lagunduko digu. Datu horiek CSV formatuan deskarga daitezke azterketa-lana errazteko. Tresnak honako datu hauek ematen dizkigu: Sarrera-jarduera Egun eta ordu ohikoenak Sarrerak, bisitak eta bisitariak Estatistikak eguneko, asteko, hilabeteko eta urteko. Estatistikak sarrerako eta orrialdeko Sarrera berrienaren laburpena Iruzkinak Jarraitzaileak Etiketak Aipamenak Klikak Egileak Bilaketa-zehaztapenak Bisitarien lokalizazioa 30

31 31

32 32