COMISIÓN ACADÉMICA DO GRAO EN QUÍMICA ACTA DA SESIÓN DO 15 DE OUTUBRO DE 2015 Presidida pola Sra. Decana, na sala de Xuntas, ábrese a sesión as 12:00 h do 15/10/2015, cos asistentes que se relacionan ao marxe. Bermejo Barrera, Mª Pilar (Decana) Gayoso Andrade, Eduardo Bastida de la Calle, Rufina Vila Abad, José Manuel Casais Laíño, Mª del Carmen Barciela Alonso, Mª del Carmen García Deibe, Ana Mª Martínez Núñez, Emilio Fernández Ramos, Antonio Rodríguez Dafonte, Pedro Peña Gil, Diego Villaverde Cameron-Walker, Mª Carmen Sanmartín Matalobos, Jesús (Secretario) Desculpan a súa asistencia os membros da comisión que a continuación se relacionan: Benavente Martínez, Francisco Javier Ríos Rodríguez, Mª del Carmen ORDE DODÍA 1. Aprobación de actas de sesións anteriores. 2. Informe de coordinación do segundo semestre do curso 2014-15. 3. Modificación PDA de materias do Grao. 4. Análise en relación coas materias con menor taxa de éxito 5. Valoración de prácticas en empresas do curso 2014-15. 6. Rogos e preguntas. Recóllese a continuación o desenvolvemento da sesión.
1. Aprobación de actas de sesións anteriores. A Sra. Decana abre a sesión sometendo a aprobación as actas das sesións celebradas con datas 24/07/2015 e 15/09/2015, resultando aprobadas por asentimento. 2. Informe de coordinación do segundo semestre do curso 2014-15. A Sra. Decana resume punto por punto o informe remitido polos coordinadores de curso en relación co segundo semestre do curso 2014-15. O contido do devandito informe recóllese a continuación: 1) Valoración do nivel de coñecementos iniciais dos alumnos Curso Observación 1º Fallan en matemáticas e física 2º Falta formación básica ( ph, matemáticas e física) 3º Moi variable coas materias. Fallos en estatística e matemáticas 4º En xeral aceptable, salvo algunhas carencias en enxeñería química 2) Grado de satisfacción coa distribución dos grupos de prácticas. Suxestións para mellorar esta distribución nos próximos cursos 1º Desequilibrios ao usar os alumnos de nova matricula. Grupo separado para inglés 2º Mellorable. Xuntar as prácticas de cada materia 3º En xeneral ben. QO IV propón volver aos 6 grupos 4º 3) Porcentaxe aproximado de asistencia a clases expositivas, seminarios, prácticas de ordenador e titorías. Comparar co curso 2013-14 1º Mellor en seminarios e titorías. Non empeora con respecto ao curso pasado 2º Mellor en seminarios e titorías. Baixa lixeiramente con respecto ao curso pasado 3º Varia co tipo de docencia desde un 35-50% en expositivas hasta 95-100% en practicas. Un coordinador de materia propón volver ao sistema de control de asistencias pola Secretaría do centro 4º En expositivas en torno ao 70%, en interactivas mas do 90%. Diminuíu un pouco
4) Porcentaxe de cumprimento do programa proposto Curso Observación 1º A maioría das materias 100%, so unha un 95% 2º 100% en todas as materias 3º Entre un 95-100% 4º En xeneral se cumpriu o programa ao 100%, salvo en Análises Bioquímicos e Clínicos, que por razóns xustificadas, se acadou un 70%. 5)Valoración e reflexión sobre as clases de titorías. Propostas de mellora. 1º Moi variable, desde irrelevantes a moi importantes 2º En xeneral pouco frutíferas salvo QF III. Moitos alumnos 3º Valoración non moi boa, algunhas enténdense como seminarios e deberan ser diferentes 4º Dubidoso aproveitamento. Propoñen transformalas en seminarios, ou formar ao profesorado para mellorar o seu aproveitamento. 6) Suxestións de mellora de cara ao curso 2015/16 1º Establecer coñecementos mínimos en todas as materias. Aumentar horas de expositivas. Grupo de inglés en todas as clases 2º Mellorar a coordinación de Física e Estatística (cálculo de incerteza). Publicar calendario semanal de cada curso. Contactos entre coordinadores de curso e representantes de alumnos. Reducir grupos de seminarios 3º Control de asistencia en expositivas. Converter titorías en seminarios. Demasiados exercicios. Concentrar as titorías en dous días. Concentrar a docencia en dous días e os seminarios a continuación 4º Distribución de carga de traballo adecuada. Se solicita por algúns coordinadores maior flexibilidade na distribución de clases expositivas, seminarios e titorías.. 3. Modificación PDA de materias do Grao. A Sra. Decana informa de que por razóns de elaboración de horarios viuse obrigada a solicitar á Vicereitoría un grupo adicional de prácticas de laboratorio/ordenador para todas as materias de 1º curso. Esta situación orixinouse pola imposibilidade de atopar unha solución as coincidencias horarias dos alumnos do dobre Grao en Química e Bioloxía. Ademais, en cumprimento do compromiso adquirido na Xunta de facultade 10/07/2015, solicitouse á Vicereitoría un grupo adicional tanto de seminarios como de titorías para as materias que o Dpto de Q. Orgánica imparte en inglés.
Finalmente, a Sra. Decana informa de que as citadas solicitudes foron aceptadas pola Vicereitoría, o que levou á modificación do PDA das correspondentes materias do Grao en Química. 4. Análise en relación coas materias con menor taxa de éxito. O responsable de calidade do centro indica que é preciso realizar unha análise en relación coas materias con menor taxa de éxito, entre as que se atopan, Bioquímica, e en xeral, as materias de 2º curso. Como resultado da análise apúntase cara o limitado nivel de esixencia en 1º curso, como posible causa da reducida taxa de éxito en 2º curso. En canto a Bioquímica, apúntase cara o elevado volume dos contidos que abarca esta materia como posible causa da súa menor taxa de éxito. Co fin de mellorar os resultados nas materias de 2º curso acórdase manter unha reunión na que participen, cando menos, os coordinadores das materias de 1º curso, os coordinadores dos módulos de Q. Inorgánica, Q. Orgánica, Q. Analítica, Q. Física xunto co responsable de calidade do centro e a Sra. Decana. Nesta reunión analizarase subir o nivel de esixencia en 1º curso, establecendo quizais unha serie de coñecementos mínimos e poñendo mais énfase nos mesmos durante as clases. En relación con Bioquímica acórdase manter unha reunión cos profesores responsables da materia co fin de analizar unha posible diminución do volume dos contidos que abarca esta materia. 5. Valoración de prácticas en empresas do curso 2014-15. A Sra. Decana amosa a súa preocupación pola deficiencia de contidos químicos nas memorias presentadas polo alumnado que está a realizar prácticas en empresas, algo que non se reflexa na avaliación que realizan os titores internos. Co fin de tratar de evitar esta deficiencia acórdase manter unha reunión na que participen, cando menos, os titores internos de prácticas en empresas do curso 2014-15, o coordinador de prácticas externas e a Sra. Decana. Nesta reunión tratarase de unificar criterios e de mellorar a calidade das memorias presentadas polo alumnado. 6. Rogos e preguntas. A profra. Bastida de la Calle interesase pola concesión das M.H. no TFG. A Sra. Decana indícalle que se concederán na vindeira reunión da comisión de TFG. A profra. Villaverde Cameron-Walker interesase pola posición dos membros da comisión en relación co elevado número de alumnos dos grupos de prácticas de laboratorio en QO III. O prof. Gayoso Andrade indícalle que o mesmo acontece en QI II, e que a distribución de alumnos equilibrando os grupos, permitiulle obter grupos por baixo de 26 alumnos, valor co que a normativa da USC contempla a creación dun novo grupo. A profra. Bastida de la Calle suxírelle que o alumnado de QO III podería facer as prácticas por parellas, o que minimizaría a necesidade de recursos. A Sra. Decana indícalle que o número de grupos de prácticas acordouse en Xunta de Facultade, sendo o mesmo en todas as materias do mesmo curso, de modo que non é posible vulnerar ese acordo, solicitando un novo grupo a esta alturas de curso, so para QO III. O prof. Fernández Ramos pregunta se non sería posible asignarlle unha aula maior que a 2.15 aos seminarios de QF I evitando o cambio de aula do alumnado ao cambiar de materia. A Sra. Decana respóndelle que esta asignación é unha consecuencia da elevada ocupación de aulas e
que quizais exista unha alternativa, pero implicaría o cambio de aula do alumnado ao cambiar de materia. A profra. Villaverde Cameron-Walker pregunta polo procedemento a seguir como coordinadora de 4º curso para supervisar a reserva de aulas do profesorado. O prof. Gayoso respóndelle que en 2º curso as necesidades de aulas con fins docentes se trataron nunha reunión co coordinador de 2º curso. Outros coordinadores de curso apuntan a opción de empregar google calendar como ferramenta para supervisar a reserva de aulas do profesorado. E non tendo mais asuntos que tratar, ás 13:53 h do 15 de outubro de 2015 levántase a sesión, do contido da cal dou fe como Secretario co visto e prace da Sr. Decana. Secretario da Facultade Vº e Pr. Decana da Facultade Asdo.: Jesús Sanmartín Matalobos Asdo.: Mª Pilar Bermejo Barrera