IRAKASLEA: Laura Granado EGILEAK: Janire Albert / David Arredondo / Izaro Landa / Ainhize Llamas / Marius Moroz / Rubén Pérez / Bittor Santamaría / Ander Vázquez / Naroa Velasco / Uxue Arredondo / Alain Fernández / Gonzalo Gutiérrez / Lucía Bilbao / Mohamed El Hilali / Alba Flores / Joel Galván / Adrián García / Aroa Lafuente / Rubén Llorente / Irene Ortiz / Claudia Pascual / Yeray Prieto / Iker Sainz eta Jagoba Sánchez 1. Dena mendekuagatik Bazen behin itsaso azpiko burbuila batean zegoen Triolandia mundua. Bertan Shhh izeneko suge bat bizi zen, isila eta lasaia zena. Bere begiez nahi zuena hipnotizatzeko ahalmena zuen txikitan edabe bat hartu zuelako. Egun batean bere familiako guztiak txango batean atera ziren, aita, ama eta anaiarrebak. Shhh bere etxean geratu zen bere lagunekin jolasten. Zoritxarrez, ehiztari bat agertu eta bere familiako guztiak arrapatu eta eraman zituen. Geroztik bera bakarrik geratu zen, pentsatzen maite maite zituen bere familiako guztiak hilda zeudela eta bere buruan asmo bakarra geratu zitzaion: mendekua hartzea eta ehiztari hori hiltzea. Horregatik handik aurrera aurkitzen zituen
pertsona guztiak hipnotizatzen zituen eta bere menpe geratzen ziren, esklaboen ejerzito bat lortu nahi zuelako, bere plana betetzeko. Egun batean Shhhhh ehiztaria harrapatzeko asmoz atera zen itsasotik, nahiz eta ez jakin non bizi zen. Hondartzatik atera eta basoa zeharkatzen ari zenean, Magus Magikus III aurkitu zuen, bere kapela puntan eta guzti. Berari galdetu zion non aurkitu ahal zuen ehiztari maltzurra eta honek erantzun: - Zoaz Baso Ilunaren Tenplu Gorrira eta han aurkituko duzu bere tenplua. Harantz abiatu zen sugea, suabe suabe baina gelditu gabe. Bidean aurkitu zuen txirula jotzen ari zen txistulari bat eta beraren musika entzuten geratu zen tarte batean, gustura asko. Holako batean txirularia gelditu eta galdetu zion: - Kaixo suge, nora zoaz? Eta honek erantzun zion: - Jakin izan dut hemendik hurbil ehiztariaren tenplua dagoela eta bera hiltzera nator. Hori entzutean txirularia izutu egin zen eta esan zion: - Ez,ez ezin duzu hil, ehiztaria nire aita da-eta! Orduan, arin arin, txirulariak bere txirula zuzendu zion, botoi bat sakatu eta,putz egitean, balak botatzen hasi zen. Baina sugea oso azkarra zen eta denak ekidin zituen. Gainera, salto bat eman eta txirulariari kosk egin zion hankan nahiz eta ez zauritu burdinazko galtzerdiak zeukalako. Hain gogor kosk egitean, bi hortz galdu zituen. Sugeak orduan oso oso haserre bere begiak zuzendu zizkion eta hipnotizatzen hasi zen. Txirularia geldi geldirik geratu zen, begirada galduta. Shhh-k esan zion orduan: - Zoaz tenplura eta hil ezazu zure aita, ehiztaria!!!! - eta barre egin zuen. Eta biak tenplurantz abiatu ziren, aurretik txirularia hipnotizatuta eta atzetik sugea lurretik arrastaka. Tenpluan sartu eta ehiztaria agertu zenean, honek esan zion: - Kaixo seme, ondo zaude? Aurpegi txarra daukazu. Eta zergatik daukazu aizkora erraldoi hori eskuetan? Izan ere, txirulariaren begiak more more zeuden eta eskuetan XXL neurriko aizkora zekarren bere aitari lepoa ebakitzeko asmoz. 5
Aitak, ehiztariak, susmo oso txarra hartu zuen eta soka batez sabairaino igo ahal izan zen. Goitik ikusi zuen bere semea behin eta berriro bere aizkora mugitzen, bera ebakitzeko gogoz ez zekien zer egin. Eta orduan ikusi zuen lurrean sugea zegoela, bere begiez txirulariaren burua menperatzen. Ideia bat izan zuen eta enbor zati bat hartuta, oso punteria ona zuenez, bota zion goitik eta kopetaren erdian bete betean eman zion. Konortea galduta geratu zenez, txirulariaren hipnosia amaitu zitzaion eta ehiztaria jaitsi ahal izan zen. Honek entzun zuen orduan bere semeak azaldu ziona: - Ez da gaiztoa, aita, bere familia desagertu zitzaion zuk eramanda eta horregatik dago horren haserre. Pozaren pozez beraiengana joan zen. Ehiztariak, errukituta, askatu egin zituen eta barkamena eskatu zion: - Ez nuen uste - esan zion - horrenbesteko kaltea egiten nizunik. Barkatu! Denek eman zioten elkarri besarkada handia. Shhh sugeak askatu zituen bere menpe zeuden Triolandiatar guztiak eta geroztik denak poz pozik bizi izan ziren. ETA SUGEA, TXIRULARIA ETA EHIZTARIA POZIK BIZI IZAN BAZIREN, GU ERE POZIK BIZI GAITEZEN! Momentu hartan Shhh sugea esnatu zen eta ikusi zuen bere familia osoa han zegoela, bizirik eta kaiola batean sartuta.