ESCOLA SUPERIOR DE ENXEÑARÍA INFORMÁTICA INFORME DE ACCIÓNS ACADÉMICAS E DE COORDINACIÓN VERTICAL E HORIZONTAL EMPRENDIDAS IT06-PC06 MÁSTER EN ENXEÑERÍA INFORMÁTICA PLAN DE COORDINACIÓN DOCENTE INFORME DE ACCIÓNS ACADÉMICAS E DE COORDINACIÓN VERTICAL E HORIZONTAL EMPRENDIDAS Aprobado en Comisión Académica do MEI o 29/05/2015 Aprobado en Xunta de Centro o 2/6/2015 1. XUSTIFICACIÓN O profesorado da actual Universidade española, inmersa nun profundo cambio estrutural provocado pola reforma do Espazo Europeo de Educación Superior, debe asumir novos roles e funcións no seu desempeño docente, como pode ser o coordinador de titulación, de curso ou de materia.. De acordo co Manual do Sistema de Garantía Interna de Calidade (SGIC) da Escola Superior de Enxeñaría Informática, faise necesaria a implantación de accións académicas e de coordinación vertical e horizontal, cuxo obxectivo fundamental será conseguir formar titulados nas condicións esixidas no título de Máster en Enxeñaría Informática, a través dun traballo conxunto do profesorado que, actuando cun equipo docente, e mediante accións colaborativas de organización do ensino e a avaliación, sexa capaz de conseguir unha docencia de calidade.. O equipo docente estará integrado polos/as profesores/as de curso de cada titulación, e que serán os últimos responsables da consecución de obxectivos da mesma. Por tanto, os equipos docentes convértense no eixo da coordinación docente universitaria. O plan de estudos do Máster en Enxeñaría Informática baséase nun proceso de ensinoaprendizaxe centrado en competencias, polo que un traballo de coordinación deberá establecer cando e como se vai a levar a cabo a adquisición das mesmas, tanto da titulación en xeral, como específicas de materia, e transversais. Unha coordinación adecuada será, en gran medida, a responsable do éxito de implantación da titulación e da consecución dos obxectivos
e competencias do título de Máster en Enxeñaría Informática.
2. ACTIVIDADES DE COORDINACIÓN Para poder realizar unha adecuada coordinación nas diferentes materias e cursos, é necesario un estudo profundo das competencias transversais, establecendo o nivel de competencia que se desexa adquirir en cada curso. Dado que unha competencia pode ser traballada en varias materias, faise prioritario o establecemento da coordinación da repartición e niveis de competencias nas distintas materias que forman parte do plan de estudos.. Por tanto, a coordinación débese realizar horizontalmente (entre materias que o alumnado cursa de modo simultáneo) e verticalmente (correcta distribución e consecución de competencias específicas e transversais do título, a través dos diferentes cursos reflectidos no plan de estudos), de forma que se coordinen paralelamente a adquisición de contidos e competencias nas diferentes materias, para o que será necesaria ademais coordinación temporal no desenvolvemento das diferentes actividades formativas e na avaliación. As actividades de coordinación se levarán a cabo nos seguintes niveis: Coordinación de curso (coordinación horizontal): encargado/a de coordinar a actividade docente entre as diferentes materias do curso, coidando de que as actividades previstas aseguren unha dedicación continuada do/a estudante medio/a ao longo do semestre, que se axuste o máis posible ás 40 horas semanais. Coordinador/a de módulo (coordinación vertical): encargado/a de coordinar a elaboración das guías docentes das materias adscritas a un módulo determinado, coidando de que os contidos, actividades e avaliación de competencias se axusten ao establecido na memoria do Máster en Enxeñaría Informática, evitando duplicidades, baleiros e/ou a aplicación de criterios de avaliación diferentes aos establecidos na guía docente. Responsable de materia (coordinación horizontal): cada materia terá un/unha responsable que se encargará de optimizar a actividade do profesorado encargado da súa docencia e da elaboración da guía docente da mesma. Coordinación de titulación (coordinación vertical): responsable último da coherencia de competencias, actividades e avaliación entre todas as materias do título.
3. COORDINACIÓN DE CURSO A coordinación do Máster, ou persoa en quen delegue, será o responsable de coordinar a planificación docente de cada curso da titulación. Por tanto, deberá: a. Harmonizar a distribución da carga de traballo (presencial e non presencial) do curso en cada materia. b. Coñecer e difundir entre os responsables de materia e o alumnado a planificación de todas as actividades de avaliación.. c. Coñecer as necesidades do profesorado en canto a recursos necesarios para impartir a súa docencia. d. Informar á dirección do centro das necesidades de formación do equipo docente do curso. 4. COORDINACIÓN DE MÓDULO Os/as coordinadores/as de módulo serán profesores/as con participación docente na titulación, elixidos anualmente pola Comisión Académica e que deberán: a. Analizar os contidos e competencias específicas e transversais das diferentes materias que forman cada módulo, detectando duplicidades e carencias, prestando especial atención á temporalidade dos devanditos contidos. b. Asegurar que se desenvolven adecuadamente as competencias nas diferentes materias, tal e como se estableceron nas guías docentes. c. Definir e executar, de ser o caso, as avaliacións das anteriores competencias e obxectivos a realizar de forma conxunta coas materias que configuran o módulo. d. Garantir que non existe repetición de contidos entre materias ou falta de coordinación entre elas. e. Asistir a todas as reunións convocadas pola coordinación da titulación. f. Informar á coordinación da titulación dos problemas existentes no desenvolvemento da docencia e planificación dos módulos, e propor solucións. g. Elaborar, de ser necesario, informes de seguimento de módulo durante o curso
académico, propondo as melloras oportunas. 5. RESPONSABLE DE MATERIA O/A profesor/a responsable de cada materia é aquel/a profesor/a asignado/a en POD como tal á mesma, sendo o/a encargado/a de xestionar calquera problema que poida xurdir ao longo do curso, póndoo en coñecemento do/a coordinador/a de módulo. Será tamén o/a encargado/a de comunicar ao/a coordinador/a de curso calquera aspecto relativo á organización da materia: cambios puntuais de aula ou horarios, datas de probas de avaliación,... As súas funcións son: a. Coordinar ao equipo docente da materia, establecendo o procedemento de traballo a seguir.. b. Acordar co resto do equipo docente os contidos, elaboración e/ou revisión do material didáctico, probas a realizar e criterios de avaliación da materia. c. Elaborar a guía docente da materia. d. Realizar un seguimento da publicación de notas e firma de actas.. e. Convocar ao resto do equipo docente da materia ás reunións que considere necesarias para realizar valoracións acerca do desenvolvemento do curso. f. Levar control regularmente acerca do traballo non presencial do alumno, e comunicalo a/ao coordinador/a de curso. 6. COORDINACIÓN DE TITULACIÓN A tarefa de coordinación de titulación será realizada pola coordinación do Máster, ou persoa na que delegue. Serán funcións propias: a. Velar pola correcta implantación do título. b. Velar pola formación do profesorado participante na docencia da titulación. c. Elaborar a proposta anual da PDA da titulación, así como os horarios e asignación de aulas.. d. Fomentar o desenvolvemento de actividades de promoción de mobilidade..
e. Coidar de que o alumnado adquira as competencias establecidas na memoria do título. f. Levar a cabo o Plan de Acción Titorial do Centro. g. Xestionar os espazos e recursos necesarios para un correcto desenvolvemento da docencia, en coordinación coa dirección do centro. h. Realizar unha revisión continuada do proceso de ensino-aprendizaxe, para unha actualización e mellora do programa formativo do título. i. Analizar e detectar carencias e solapamientos de contidos e competencias entre as diferentes materias que se imparten na titulación, e que poden estar relacionadas entre elas. 7. PLANIFICACIÓN DE ACCIÓNS DE COORDINACIÓN DOCENTE Establecerase un calendario de reunións por curso académico para os distintos niveis de coordinación. Cada coordinador/a poderá propor reunións cando o considere necesario. Deberanse incluír ademais as seguintes reunións: TITULO CONVOCADA POR ASISTENTES MOTIVO REUNIÓN DE VERIFICACIÓN DE GUÍAS DOCENTES Coordinación de titulación. Coordinadores/as de módulo. Antes da aprobación na Comisión Académica das guías docentes dun curso académico, a coordinación de titulación convocará a todos/as os/as coordinadores/as de módulo, que deberán ter revisadas as correspondentes guías docentes, verificando que se garanta unha correcta definición e asignación das competencias e obxectivos de aprendizaxe en cada unha das materias que forman cada materia, así como unha correcta metodoloxía, planificación, e actividades de avaliación..
TITULO CONVOCADA POR ASISTENTES REUNIÓN INICIAL DE COORDINACIÓN DE CURSO Coordinador/a de curso Responsables de materias de cada curso MOTIVO Antes do inicio de cada curso académico, o/a coordinador/a de curso convocará aos responsables das materias, solicitando información acerca dos recursos necesarios para impartir de forma correcta a súa docencia, planificación de actividades, e outros aspectos que se poidan considerar relevantes para o correcto desenvolvemento da adquisición de competencias. 8. REVISIÓN DO PLAN DE COORDINACIÓN A avaliación do Plan de Coordinación da Avaliación Docente concíbese como un proceso de recollida e análise de información relevante que permita realizar unha mellor coordinación docente de futuros cursos académicos, de cara á acadar unha óptima adquisición de competencias e contidos do plan de estudos, adaptados ás necesidades do mercado laboral, co fin de garantir o maior nivel de empregabilidade posible dos futuros egresados. Por tanto, os datos da avaliación constituirán un elemento para a reflexión que contribuirá ao perfeccionamento profesional, e será unha ferramenta esencial, xa que proporcionan información precisa sobre as decisións que se van tomando durante a planificación, o desenvolvemento e a finalización do mesmo.