CÓDIGO DE CONDUTA SUBMINISTRADORES FNMT-RCM Segunda edición: outubro 2017
Introdución A Fábrica Nacional de Moeda e Timbre Real Casa da Moeda é unha entidade pública Empresarial adscrita ao Ministerio de Facenda e Función Pública, que ten como misión empresarial desenvolver a súa actividade con vocación de interese público, xerando unha relación de confianza na elaboración de produtos e prestación de servizos para poñelos a disposición das Administracións Públicas, dos cidadáns e, en xeral, da sociedade. No seu compromiso cunha xestión empresarial sustentable, desenvolve todas as súas actividades baixo principios de calidade, eficiencia e seguridade, de forma íntegra, honesta e socialmente responsable. Son estes valores diferenciais da FNMT-RCM, os que lle procuraron a confianza de clientes e cidadáns. A FNMT-RCM está comprometida con estes principios de responsabilidade social e os recolleu nun código de conduta, confiando en que os seus subministradores, colaboradores, imprescindible na súa tarefa, establezan e manteñan uns sistemas de xestión para garantilos, asumindo así o compromiso de observar un alto estándar ético no desenvolvemento da súa actividade industrial e comercial. Código Conduta Subministradores (Ed. 2017) FNMT-RCM 1
Compromiso dos Subministradores da FNMT-RCM EMPREGADOS Os subministradores da FNMT-RCM deberán respectar e promover os dereitos humanos fundamentais recoñecidos universalmente no desempeño das súas actividades. Deberán, por tanto: Proporcionar unha remuneración xusta, cumprindo polo menos as leis e regulamentos da aplicación en materia de salario e horario. Promocionar a igualdade de oportunidades e trato para os seus empregados, independentemente da cor da súa pel, raza, nacionalidade, antecedentes sociais, incapacidades, orientación sexual, crenza política ou relixiosa, sexo ou idade. Respectar a dignidade persoal, a intimidade e os dereitos de cada individuo. Rexeitar calquera forma de traballo forzoso, recusando empregar ou facer traballar a alguén en contra da súa vontade, así como garantir inexistencia de calquera forma de traballo infantil. Rexeitar calquera tratamento inaceptable aos empregados, tal como ameazas de violencia, explotación ou abuso sexual, acoso verbal ou psicolóxico, trato degradante ou inhumano, coerción ou castigos corporais, ou ameazas do mencionado tratamento. Recoñecer o dereito de libre asociación de empregados. Asumir a responsabilidade pola saúde e a seguridade dos seus empregados, estabelecendo un sistema de xestión de acordo coas normas de aplicación relativas á prevención de riscos laborais. Controlar os riscos e tomar la medidas preventivas fronte aos accidentes e as enfermidades profesionais. Código Conduta Subministradores (Ed. 2017) FNMT-RCM 2
MEDIO AMBIENTE A FNMT-RCM espera dos seus subministradores o compromiso na consecución dunha boa xestión medioambiental dos seus procesos e recursos, mediante a realización, entre outras, das prácticas seguintes: Fomentar o uso eficiente da enerxía, a auga e os recursos naturais. Adoptar medidas preventivas contra a contaminación. Identificar e xestionar as substancias que representen un perigo ao ser liberadas no medio ambiente, co fin de garantir a súa manipulación, traslado, almacenamento, reciclaxe ou reutilización e eliminación en condicións seguras. Controlar e tratar, antes do seu vertido ou eliminación, as augas residuais e os residuos sólidos xerados nas operacións e os procesos industriais. Controlar e tratar, antes da súa liberación, as emisións atmosféricas de substancias orgánicas volátiles, aerosois, corrosivos, partículas, substancias químicas que destrúan a capa de ozono e subprodutos da combustión, xerados por actividades industriais. Estabelecer plans de actuación para a eliminación ou redución progresiva dos citados compoñentes contaminantes. Prever recursos adecuados para incorporar e/ou manter un sistema de xestión medioambiental na súa actividade. Código Conduta Subministradores (Ed. 2017) FNMT-RCM 3
TRANSACCIÓNS COMERCIAIS ÉTICAS A FNMT- RCM considera a integridade e a confianza requisitos esenciais para o mantemento das súas relacións comerciais. Os seus subministradores deberán desenvolver a súa actividade cumprindo coa lexislación vixente en cada momento, así como cos compromisos adquiridos nas contratacións realizadas e basear o desempeño da súa tarefa na integridade e honestidade empresarial e comercial, con especial atención nos seguintes principios de actuación: Promover un entorno empresarial aberto e xusto, evitando a competencia desleal. A transferencia de tecnoloxía e know-how realizarase de maneira que se protexan os dereitos de propiedade intelectual. Non divulgar nin utilizar indebidamente información confidencial obtida con motivo da relación comercial coa FNMT-RCM. Non exercer prácticas comerciais irregulares tales como, asociación para nivelación ou pactos de prezos ou outras prácticas que vaian en contra da libre competencia. Non ofrecer subornos, pagamentos ilegais ou calquera regalo ou prebenda a empregados da FNMT-RCM que pretendan influír nun trato favorable ou afectar á transparencia dos procedementos para a contratación de calquera tipo de subministro ou servizo. Conflito de Intereses: os subministradores non deberán negociar directamente con ningún empregado da FNMT-RCM, cuxo cónxuxe, parella sentimental ou outro membro da súa familia ou parente ata o cuarto grao de consanguinidade ou terceiro de afinidade, teña intereses económicos co subministrador. Deberán fomentar a vixilancia contra a corrupción no seu ámbito de actuación para previr e detectar actividades tales como a fraude, ou branqueo de diñeiro ou a malversación de fondos. Código Conduta Subministradores (Ed. 2017) FNMT-RCM 4
Conclusión Estes principios de responsabilidade social forman parte integrante das condicións xerais de contratación da FNMT-RCM e/ou dos seus pregos de condicións particulares e/ ou contratos, sendo, polo tanto, esixibles a calquera compañía contratada que asumen o compromiso de trasladar estas normas ao seu propio persoal (empregados, directivos ou colaboradores) e, no seu caso, subcontratistas, para que estabelezan as medidas adecuadas, a fin de promover o seu cumprimento. Neste sentido, a FNMT-RCM realizará enquisas sistemáticas a todos os seus subministradores para coñecer o grao de desenvolvemento acadado por cada un deles na implantación de políticas de responsabilidade social corporativa. Da mesma maneira, a FNMT-RCM resérvase o dereito de realizar auditorías aos seus subministradores, que lle permitan contrastar o nivel de cumprimento das actuacións solicitadas e os niveis de desenvolvemento reflectidos nas enquisas. Código Conduta Subministradores (Ed. 2017) FNMT-RCM 5