Sistema de contas. Cadro macroeconómico de Galicia. Contas de bens e servizos, produción e explotación. Galicia

Transcripción

1 Sistema de contas Cadro macroeconómico de Galicia Contas de bens e servizos, produción e explotación. Galicia Contas de produción e explotación por ramas de actividade. Ano Datos provisionais 13

2

3 Produción Macromagnitudes económicas É unha actividade realizada baixo o control e a responsabilidade dunha unidade institucional que utiliza man de obra, capital e bens e servizos para producir outros bens e servizos (SEC-95, 3.02). Consumos intermedios Representan o valor dos bens e servizos consumidos como bens empregados nun proceso de produción. Gasto en consumo final Consiste no gasto realizado polas unidades institucionais residentes en bens e servizos que se utilizan para satisfacer directamente as necesidades individuais ou as necesidades colectivas dos membros da comunidade. Este gasto pode realizarse no territorio económico ou no resto do mundo (SEC-95, 3.75). Consumo final efectivo Comprende os bens e servizos adquiridos por unidades institucionais residentes para a satisfacción directa das necesidades humanas, xa sexan estas individuais ou colectivas. Os bens e servizos para consumo individual son adquiridos por un fogar e utilizados para satisfacer as necesidades e carencias dos membros deste. Os servizos para consumo colectivo préstanselles de forma simultánea a todos os membros da comunidade ou dunha parte específica desta. Valor engadido bruto (VEB) Para cada unidade dedicada a unha actividade produtiva, é a diferenza entre a produción e os consumos intermedios. Valórase a prezos básicos, que son os prezos que os produtores reciben dos compradores restando calquera imposto que se pague e restando calquera subvención que se perciba (SEC-95, 8.18 e seguintes). Servizos de intermediación financeira medidos indirectamente (SIFMI) Constitúen a remuneración indirecta obtida polas institucións financeiras nas operacións de depósitos e préstamos que realizan cos seus clientes. Na actualidade, deben asignarse aos sectores/ramas de actividade usuarios destes servizos. Polo tanto, non se rexistran integramente como consumos intermedios dun sector/rama de actividade ficticio, como se indicaba orixinalmente no SEC, senón que poden constituír consumo final, exportación ou importación. 13. Exportacións e importacións As exportacións consisten en operacións mediante as que os residentes subministran bens e servizos aos non residentes, mentres que nas importacións son os non residentes os que subministran bens e servizos aos residentes. Produto interior bruto (PIB) É o resultado da actividade produtiva das unidades de produción residentes. Correspóndese coa produción total de bens e servizos da economía, menos o total de consumos intermedios utilizados no conxunto de procesos produtivos, máis os impostos Galicia en Cifras. Anuario

4 ligados á importación e equivale á oferta final de bens e servizos producida no interior do país. Pódese definir de tres formas: suma dos valores engadidos das diversas ramas de actividade máis os impostos netos de subvencións sobre os produtos (oferta), suma da demanda final de bens e servizos das unidades institucionais residentes máis o saldo exterior de bens e servizos (demanda), suma da remuneración de asalariados, impostos sobre a produción e as importacións netos de subvencións, renda mixta e excedente bruto de explotación (rendas) (SEC-95, 8.89). Formación bruta de capital (FBC) Comprende as adquisicións menos as cesións de activos fixos realizadas polos produtores residentes (formación bruta de capital fixo) e o valor das entradas en existencias menos o valor das saídas e o valor de calquera perda corrente dos bens mantidos en existencias (variación de existencias) (SEC-95, 3.100). Remuneración de asalariados Comprende toda a remuneración en efectivo e en especie que lles pagan os empregadores aos seus asalariados como contrapartida do traballo realizado por estes durante o período contable. A remuneración de asalariados desagrégase en soldos e salarios e cotizacións sociais a cargo dos empregadores (SEC-95, 4.02). Excedente bruto de explotación (EBE)/renda mixta Corresponde á renda que obteñen as unidades da utilización dos seus propios activos de produción. É o saldo da conta de explotación. No caso das empresas non constituídas en sociedades correspondentes ao sector fogares, fálase de renda mixta. O excedente bruto de explotación do sector fogares é a suma do alugamento imputado das vivendas ocupadas polos fogares, que son os seus propietarios, máis a renda mixta que corresponde á remuneración do traballo realizado polo propietario ou os membros da súa familia e que non se poden distinguir dos seus beneficios como empresario (SEC-95, 8.18 e seguintes)..13 Impostos sobre a produción e as importacións Son os pagamentos obrigatorios sen contrapartida, recadados polas administracións públicas, que gravan a produción e as importacións de bens e servizos, a utilización de man de obra, a propiedade ou o uso da terra, edificios e outros activos utilizados na produción. Divídense en impostos sobre os produtos (impostos que hai que pagar por cada unidade producida ou distribuída dun determinado ben ou servizo) e outros impostos sobre a produción (impostos que soportan as empresas como resultado da súa participación na produción, independentemente da cantidade ou o valor dos bens e servizos producidos ou vendidos) (SEC-95, 4.14). Subvencións Son os pagamentos correntes sen contrapartida que as administracións públicas lles efectúan aos produtores residentes coa finalidade de influír nos seus niveis de produción, nos seus prezos, ou na remuneración de factores de produción. Divídense en subvencións aos produtos (subvencións que hai que pagar por unidade dun ben ou servizo producido ou importado) e outras subvencións á produción (comprenden as subvencións, distintas das anteriores, que poden recibir as unidades de produción residentes como consecuencia da súa participación na produción) (SEC-95, 4.30). 206 Galicia en cifras. Anuario 2006

5 Fogar O Sistema Europeo de Contas define fogar (2.75) como pequenos grupos de persoas que comparten un mesmo aloxamento e poñen en común unha parte ou a totalidade das súas rendas e patrimonio, e que consomen colectivamente determinados bens e servizos, principalmente o aloxamento e a alimentación. Ademais o SEC engade que esta definición pode complementarse coa existencia de vínculos familiares ou afectivos. Nesta definición, inclúense as persoas que viven en institucións de forma permanente (por exemplo, ingresados en hospitais, membros de ordes relixiosas, presos). Esta poboación representa unha parte moi pequena da poboación total e as súas actividades produtivas (remuneradas) xa están recollidas nas contas económicas. A produción doméstica nestes fogares non é significativa, e a efectos do satélite doméstico non se considera esta produción. A diferenza fundamental entre a consideración do fogar en termos de Contas Económicas e na Conta Satélite de Produción Doméstica está nas funcións que lle son asignadas. O SEC define como funcións principais dos fogares como sector institucional o consumo, e eventualmente a produción de bens e servizos de mercado. Estas son as funcións consideradas en Contas Económicas para a delimitación do sector, pero estas funcións amplíanse significativamente dende a perspectiva da Conta Satélite da Produción Doméstica Galega (CSPD). Esta ampliación xorde no aspecto produtivo dos fogares, considerando que os fogares producen os bens e servizos que eles mesmos consumen, e que teñen como función principal a satisfacción das necesidades básicas dun fogar. Cotizacións sociais Inclúense as cotizacións sociais efectivas e imputadas. As cotizacións sociais efectivas comprenden todos os pagamentos que as persoas aseguradas ou os seus empregadores fan, directamente ou a través dun organismo recadador, a institucións que conceden prestacións sociais, a fin de adquirir ou manter o dereito a estas prestacións. Inclúense as cotizacións sociais efectivas a cargo dos empregadores, dos asalariados, dos traballadores autónomos e desempregados (SEC 4.92). As cotizacións sociais imputadas representan a contrapartida das prestacións sociais directas dos empregadores (SEC 4.98). 13. Galicia en Cifras. Anuario

6

7 Galicia en Cifras. Anuario

8 Galicia en cifras. Anuario 2006

9 Galicia en Cifras. Anuario

10 Galicia en cifras. Anuario 2006