Servizo de Prevención de Riscos Laborais

Transcripción

1 Páx. 1 de 4 DESCRICIÓN Durante a realización dos traballos de mantemento nas vías públicas, en ocasións debemos realizar unha gran repetición de movementos, así como a manipulación ou manexo manual de cargas; ben porque non poidamos utilizar elementos que nos auxilien (camión por exemplo), ben porque así o fai necesario o propio traballo. Riscos Causas Trastornos no pescozo. Postura forzada da cabeza: xirada, inclinada cara a atrás ou a un lado. Manter a cabeza nunha mesma posición durante moitos minutos. Movementos repetitivos da cabeza e os brazos. Trastornos no lombo. Trastornos nos ombros. Trastornos nos cóbados. Levantar, depositar, soster, empurrar ou tirar con cargas pesadas. Traballo físico intenso. Vibracións transmitidas ao corpo a través dos pés ou as nádegas. Brazos moi levantados por diante ou aos lados do corpo, ou forzados cara a atrás. Movementos repetitivos dos brazos. Manter os brazos na mesma postura durante moito tempo. Aplicar forza cos brazos ou coas mans. Traballo repetitivo dos brazos que ao mesmo tempo esixe realizar forza coa man. Trastornos nos pulsos Traballo manual repetitivo facendo forza coa man e os dedos. Traballo repetitivo da man nunha postura forzada, ou ben cando utilizamos repetidamente dous ou tres dedos para agarrar obxectos.

2 Páx. 2 de 4 NORMAS DE SEGURIDADE/ RECOMENDACIÓNS Todo aquilo que miremos con frecuencia, debe estar en fronte a nós e por debaixo dos ollos. Procurar non manipular manualmente cargas pesadas, dar preferencia sempre á utilización de equipos de manutención de cargas. Diminuír o peso dos obxectos manipulados, evitando levantalos por enriba dos ombros, ou ben por debaixo dos xeonllos. Evitar inclinar moito o tronco cara a adiante e, en especial, xiralo e botalo cara a atrás sen apoialo nun respaldo. Iluminar adecuadamente a zona de traballo, evitando reflexos e sombras molestas. Reducir a intensidade do traballo físico pesado, alternándoo con actividades máis lixeiras que non forcen o lombo. Evitar a transmisión de vibracións ao corpo procedentes de plataformas sobre as que se está de pé, ou dos asentos de determinados vehículos como tractores, carretillas, camións, etc. Alongar os ciclos de traballo moi curtos, por exemplo, ampliando o número de tarefas que hai que realizar. Evitar o traballo repetitivo, alternando tarefas diferentes durante a xornada. Reducir a forza feita cos brazos ou as mans (diminuíndo o peso dos obxectos, utilizando ferramentas axeitadas, empregando elementos de axuda como tornos, rolos, etc.). Todo o que se manipule con frecuencia debe estar situado por diante e preto do corpo. Evitar o traballo moi por debaixo dos cóbados ou por enriba dos ombros. Manter apoiados os antebrazos, cando a tarefa o permita. Agarrar os obxectos con todos os dedos flexionados (como cando se agarra un pau). Reducir a forza feita coas mans e cos dedos. Evitar traballar co cóbado completamente estendido ou dobrado. Non empregar a man para golpear obxectos (coma un martelo). Evitar o contacto da man con superficies moi frías. Evitar suxeitar obxectos con superficies esvaradías: cambialas, empregar dispositivos que faciliten o agarre ou usar luvas axeitadas. Evitar a transmisión de vibracións das ferramentas á man (utilizando as luvas axeitadas, por exemplo).

3 NORMAS DE SEGURIDADE/ Recomendacións específicas APROXIMARSE Á CARGA Para levantar unha carga hai que aproximarse a ela. O centro de gravidade do home debe estar o máis próximo que sexa posible, e por enriba, do centro de gravidade da carga (Figura 1). En caso contrario, o esforzo a que se somete a zona lumbar resulta excesivo (Figura 2); como cinco veces superior que no primeiro caso. -BUSCAR O EQUILIBRIO O equilibrio imprescindible para levantar unha carga correctamente, só se acada se os pés están ben situados: Enmarcando a carga. Lixeiramente separados. Lixeiramente adiantado, un respecto do outro para aumentar o polígono de sustentación (Figura 3) ASEGURAR A PRESA DE MANS Asir mal un obxecto para levantalo e transportalo provoca unha contracción involuntaria dos músculos de todo o corpo. O correcto é collelo coa palma da man e a base dos dedos. Deste xeito, a superficie de agarre é maior co que se reduce o esforzo e a conseguinte fatiga. (Figura 4). Para cumprir este principio e tratándose de obxectos pesados, pódese, antes de asilos, preparalos sobre calzos para facilitar a tarefa de meter as mans e situalas correctamente. FIX Servizo de Prevención de Riscos Laborais Páx. 3 de 4 AR A COLUMNA VERTEBRAL As cargas deben levantarse mantendo a columna vertebral recta e aliñada. Dobrar o lombo entraña un risco de lesión na columna, aínda que a carga non sexa demasiado pesada. (Figura 5 e 6). Para manter o lombo recto débense meter lixeiramente os cadrís e mirar de fronte, erguendo así a cabeza cara a arriba. Unha vez levantada a carga, manter os brazos estirados e o máis pegados ao corpo posible. A torsión do tronco, sobre todo se se realiza mentres se levanta a carga, pode así mesmo producir lesións. Neste caso é preciso descompoñer o movemento en dous tempos: primeiro levantar a carga e despois virar todo o corpo movendo os pés a base de pequenos desprazamentos. Mellor aínda é, antes de erguer a carga, orientarse correctamente na dirección de marcha que vaiamos coller, para non ter que virar o corpo. CONSIDERACIÓNS XERAIS Unha vez levantada a carga, manter os brazos estirados e o máis pegados ao corpo posible. Se as cargas son importantes deberán ser manexadas entre dúas persoas ou mediante un equipo auxiliar. En caso de transportar barras de lonxitude superior a 2 metros transportaranse entre o nº de persoas que se estime necesario. Utilizar e dispor de utensilios axeitados para o manexo da mercadoría. Proporcionarlles aos traballadores luvas axeitadas para o tipo de traballo que teñen que desenvolver. Non levantar as cargas por enriba dos ombros, isto pode provocar lesións na columna. UTILIZAR A FORZA DAS PERNAS Para calquera tarefa de manipulación manual debe utilizarse en primeiro lugar a forza das pernas, xa que os seus músculos son os máis potentes do corpo humano, moito máis que os brazos que son os que corrente e erroneamente utilizamos para levantar e desprazar obxectos.

4 Páx. 4 de 4 FACER TRABALLAR OS BRAZOS A TRACCIÓN SIMPLE Na medida do posible, os brazos deben traballar a tracción simple, é dicir, estirados. Os brazos deben manter suspendida a carga, pero non a elevar. Para transportar unha carga, esta debe manterse pegada ao corpo, suxeitándoa cos brazos estendidos, non flexionados. APROVEITAR O PESO DO CORPO A utilización do peso do noso propio corpo para realizar tarefas de manutención manual permite reducir considerablemente o esforzo que hai que realizar coas pernas e brazos. O peso do corpo pode ser utilizado: Empurrando para desprazar un móbil (carretilla por exemplo), cos brazos estendidos e bloqueados para que o noso peso se transmita íntegro ao móbil. Tirando dunha caixa ou un bidón que se desexa tombar, para desequilibralo. Resistindo para frear o descanso dunha carga, servíndose do noso corpo coma contrapeso. En todas as operacións debe porse coidado en manter o lombo recto. APROVEITAR A REDACCIÓN DOS OBXECTOS Consiste este principio en aproveitar as forzas naturais a que están sometidos os obxectos (gravidade, elasticidade, enerxía, cinética, etc.) para diminuír o esforzo que hai que realizar. Vexamos algúns exemplos: Aproveitamento da tendencia á caída.

5 Páx. 5 de 4 Aproveitamento do movemento ascensional: Para levantar unha carga que vai ser depositada sobre o ombro, deben encadearse as operacións, sen parar, para aproveitar o impulso que lle demos á carga para despegala do chan. Se detemos o movemento nalgunha das fases, o esforzo será dobre, xa que teremos que vencer dúas veces a forza de inercia da carga. PESO MÁXIMO EN KG. DAS CARGAS QUE HAI QUE MANIPULAR EN FUNCIÓN DA FRECUENCIA DO SEU MANEXO: Ocasional Habitual COIDEMOS O NOSO LOMBO, SE SE USA MAL A LESIÓN PODERÍA SER IRREVERSIBLE