Transcripción

1

2 Desde AGaSEX asesoramos a calquera persoa que reclame os nosos servizos en calquer eido relacionado coa Saúde Sexual: Sexualidade e afectividade. Métodos anticonceptivos. Enfermidades de transmisión sexual e vih/sida. Anticoncepción de emerxencia ou Postcoital. Interrupción voluntaria de embarazo. Amenorrea. Disfuncións sexuais. Problemática psicoafectiva. Abusos sexuais. Recursos bibliográficos. Xestación. Infertilidade. As consultas resólvense de forma totalmente gratuita nun clima de intimidade e cun enfoque persoal e individualizado, ofrecendo unha axeitada derivación ó Sector Sanitario Público nos casos que así se requira. Podes chamarnos de Luns a Venres de 10:00 a 14:00 horas ao teléfono Ou tamén podes contactar con nós por en: info@agasex.org

3 O condón masculino: É un dos métodos anticonceptivos máis utilizado, aínda que non é o único. Non só evita embarazos non planexados, senón que nos protexe de infeccións de transmisión sexual ( é o único que prevén a transmisión do VIH!). Colócase sobre o pene cando está erecto e sempre antes de calquera penetración (anal, oral ou vaxinal). Hai que usar un diferente en cada relación e seguir as súas instruccións de colocación para que sexa eficaz. Se queres potenciar esta eficacia, podes usar o que se coñece como o dobre método, que consiste en combinalo cun método anticonceptivo hormonal. É importante que comprobes a súa data de caducidade antes de utilizalo, que o afastes da calor e a luz e que evites gardalo onde poida estragarse o envoltorio. Lembra que podes elixir entre moitos modelos, cores e sabores para facer máis divertido o seu uso. Só tes que deixar voar a túa imaxinación!. Iso si, despois de usalo lémbrate de tiralo ao lixo, nunca polo WC. E non esquezas de que é dun só uso.

4 Pílula postcoital ou do día despois: É un composto hormonal que frea a ovulación, dificulta a fecundación ou evita que si o óvulo foi fecundado se implante no útero. Has de ter claro que non é abortiva, a súa función é evitar o embarazo. Non debes recorrer a ela de xeito habitual como se fose un anticonceptivo máis. É importante que sexas conscente de que é un método de emerxencia, e polo tanto soamente haberás de usala si existe risco de embarazo non planexado, é dicir, si fallou o teu método anticonceptivo habitual ou non o usaches. Para tomala tes un máximo de 72 horas (3 días), pero lembra que canto antes a tomes maior é a súa eficacia. Dentro das primeiras 24 horas seguintes ao coito desprotexido a súa eficacia é do 95%, pero a medida que pasan as horas esta porcentaxe vai disminuíndo. A pilula postcoital podes conseguila no teu Centro de Saúde ou na farmacia sen necesidade de receita médica. Debes ter en conta que non protexe das infeccións de transmisión sexual como pode ser a SIDA.

5 Infeccións de Transmisión Sexual (ITS): Son enfermidades que se transmiten a través de contactos sexuais sen protección. As máis comúns son a sífilis, a gonorrea, o herpes xenital, os condilomas ou a candidiasis. Os seus síntomas son variados, pero adoita ser común os picores ou molestias ao ouriñar e/ou ao manter relacións sexuais, as úlceras ou verrugas nos xenitais, o cambio de cor e textura do fluxo vaxinal ou secrecións no pene que habitualmente non tiveras. A única maneira de saber con seguridade se nos transmitiron alguhna delas é acudindo ó Centro de Saúde, xa que debes ter en conta que moitas destas infeccións non presentan síntomas ata pasar meses. Unha ITS da que se está a falar moito é a SIDA. É unha enfermidade provocada por un virus (VIH) que se transmite a través do sangue, semen e secrecións vaxinais. Lembra que esta enfermidade non ten cura e que na maioría dos casos non se amosan os síntomas, por iso é importante usar preservativo nas relacións sexuais con penetración, xa que este é o único método anticonceptivo que vai a evitar a transmisión. Se tes algunha dúbida de que o VIH fóseche transmitido, deberías realizar unha proba despois de 3 meses para evitar que transmitas a enfermidade a outras persoas coas que manteñas relacións sexuais sen protección.

6 Disfrutando da nosa sexualidade: A sexualidade é unha forma mais de comunicarse con nós mesmos/as e co mundo que nos rodea. Debemos vivenciala como algo saudable e positivo nas nosas vidas xa que entre outras cousas permítenos obter pracer, por tanto faise importante coidala. Para obter este pracer non temos porqué chegar á penetración nas nosas relacións sexuais, hay infinitas máis formas de acadalo.!non te sintas obrigado/a! Tes que saber que non existe unha receita de como se ten que vivir a sexualidade, cada un/unha de nós é única/o e por iso esperamos, queremos e desexamos cousas diferentes. Esto fai moi importante escoitar e respetar ao outro/a tanto como a un/unha mesmo/a xa que cada persoa exprésase dun xeito diferente. Ademais o que a un/unha lle resulta pracenteiro a outra persoa pódelle non gustar, do mesmo xeito que o que nos fai disfrutar nun momento non ten porqué agradarnos sempre. O noso desexo pode orientarse cara a outras persoas do mesmo sexo ou do sexo contrario (incluso de ambos) e iso non ten porque ser nin mellor nin peor, calquera orientación é igual de válida, por iso temos que respetalas. Como ves, o respeto cara aos/as demais é importante, a ninguén se lle pode impor que é o que lle ten que gustar. Pero tamén é importante respetarnos a nós mesmas/os. Para elo temos que ser conscientes de que unhas relacións sexuais pracenteiras implican necesariamente saúde, por iso deberías planear de antemán que método anticonceptivo vas a usar para protexerte e así non estar pensando en ITS ou nun posible embarazo non planexado cando manteñas relacións sexuais. Programa Dinamización do uso da lingua galega no eido de intervencións socioeducativas relacionadas coa Saúde Afectivo-Sexual subvencionado polo Concello da Coruña.