BASES PARA A PROVISIÓN DE 5 PRAZAS DE SOCORRISTAS PERSOAL LABORAL TEMPORAL.

Transcripción

1 BASES PARA A PROVISIÓN DE 5 PRAZAS DE SOCORRISTAS PERSOAL LABORAL TEMPORAL. Convócase proceso selectivo para cubrir como persoal laboral temporal mediante concurso-oposición 5 prazas de socorrista, de conformidade coas seguintes bases: 1º.- OBXECTO. Estas bases teñen como finalidade o establecemento do sistema, procedemento e baremos das probas que se aplicarán na selección de 5 prazas de socorrista. 2º.- CARACTERÍSTICAS DO CONTRATO DE TRABALLO. O contrato de traballo será laboral temporal, na modalidade de contrato de duración determinada de interese social. A duración deste contrato será de dous meses, a xornada completa. As persoas que resulten seleccionadas estarán sometidas ó réxime de incompatibilidades que determina a lexislación do empregado público de Galicia. O horario de traballo establecerase polo Concello. Ademais das funcións de salvamento e socorrismo propias do posto de traballo, os socorristas deberán: - Cumprimentar o parte diario segundo ficha modelo incluída dentro do Sistema de Xestión Ambiental en praias, para: * Seguimento da xestión e segregación correcta de residuos do areal. * Avaliación do estado do material e equipos postos a disposición do servizo. * Revisión da dotación dos botiquíns de primeiros auxilios e necesidades de reposición ou sustitución nos mesmos. - En caso de existir extintores nas casetas, cumprimentar a revisión de extintores establecida no Sistema de Xestión Ambiental nas praias do Concello. Remisión das fichas de forma semanal ao Concello para a súa valoración global. - Manter en boas condicións o posto de primeiros auxilios e o material sanitario. - Controlar e vixiar as condicións hixiénico-sanitarias das praias. - Comunicar calquera incidencia que poda ocorrer respecto ao estado dos materiais e instalacións que puideran presentar risco para os usuarios das praias con especial atención ao balizamento (avaría, roturas, suxerencias...). 3º.- REQUISITOS E CONDICIÓNS ESIXIDOS ÓS/ÁS CANDIDATOS/AS. a) Idade: Ter cumplidos os dezaseis anos e non exceder, no seu caso, da idade máxima de xubilación forzosa.

2 b) Titulación: Para o exercicio profesional do socorrismo acuático na Comunidade Autónoma de Galicia será necesario que o/a profesional solicite a inscrición no correspondente Rexistro Profesional de Socorristas Acuáticos de Galicia achegando a preceptiva declaración responsable e que dispoña da correspondente habilitación profesional, para ou cal deberáse posuír un dous seguintes niveis formativos: - Título de técnico deportivo en salvamento e socorrismo, ou calquera outro título de grao medio ou superior de formación profesional que inclúa no seu currículo os módulos formativos asociados a todas as unidades de competencia da cualificación de socorrismo en instalacións acuáticas do Catálogo Nacional de Cualificacións Profesionais. acuáticas. - Certificado de profesionalidade de socorrismo en instalacións - Acreditación de ter superado as catro unidades de competencia da cualificación profesional de socorrismo en instalacións acuáticas. Non obstante, a partir da entrada en vigor do DECRETO 104/2012, de 16 de marzo, polo que se fixa a formación mínima dos socorristas acuáticos e se crea e regula o Rexistro Profesional de Socorristas Acuáticos de Galicia, e durante o período transitorio de 5 anos, que permita garantir a obtención por parte das persoas interesadas da acreditación das unidades de competencia da cualificación profesional correspondente, poderán inscribirse de forma provisional no Rexistro Profesional de Socorristas de Galicia as persoas que, no momento da entrada en vigor desta normativa, cumpran algún dos seguintes requisitos: 1.º Estar en posesión dun diploma que acredite a realización dun curso de 80 horas de formación de salvamento e socorrismo acuático impartido pola Academia Galega de Seguridade Pública con anterioridade á data de entrada en vigor do presente decreto. 2.º Estar en posesión dun diploma que acredite a realización dun curso de formación en materia de socorrismo impartido por universidades, federacións deportivas de salvamento e socorrismo, Cruz Vermella ou outras entidades con experiencia na formación de socorristas, con anterioridade á data de entrada en vigor do presente decreto, sempre que devandito curso obteña a homologación da Academia Galega de Seguridade Pública. Aqueles cursos que estean en fase de desenvolvemento na data de publicación do presente decreto serán considerados a efectos do establecido neste apartado, sempre que a entidade que organiza o curso notifíqueo á Agasp no prazo dun mes a contar desde o día seguinte á publicación deste decreto. A Academia Galega de Seguridade Pública utilizará como criterio de homologación que o curso teña un mínimo de 80 horas e un contido similar ao curso de salvamento e socorrismo acuático ofertado pola Agasp nos últimos anos. 3.º Estar en posesión dun diploma que acredite a superación con avaliación positiva do Curso de formación profesional para o emprego de socorrista acuático (AFDB10, de 240 horas), expedido por unha Administración pública competente en materia de formación profesional para o emprego.

3 4.º Acreditar unha experiencia laboral superior a 12 meses. Dita experiencia acreditarase mediante certificado de vida laboral acompañado de fotocopia compulsada de contrato de traballo ou certificación de empresa onde figuren a duración dos períodos de prestación do contrato, as actividades desenvolvidas e o intervalo de tempo no que se realizaron ditas actividades c) Nacionalidade: Ser de nacionalidade española ou de nacionalidade dalgún dos demais estados membros da Unión Europea, ou nacional dalgún Estado, ao que en virtude dos tratados internacionais celebradas pola Unión Europea e ratificados por España, lle sexa de aplicación a libre circulación de traballadoras/es. Tamén poderán participar, calquera que sexa a súa nacionalidade, a/o cónxuxe das persoas de nacionalidade española ou dalgún dos demais estados membros da Unión Europea, cando así o prevexa o correspondente tratado, e as nacionais dalgún Estado ao que, en virtude dos tratados internacionais realizados pola Unión Europea e ratificados por España, lles sexa de aplicación a libre circulación de traballadoras/es, sempre que non estean separadas de dereito, así como ás/aos descendentes de ámbolos cónxuxes, de menos de vinte e un anos ou maiores desta idade que vivan ás súas expensas. d) Capacidade: Non padecer enfermidade nin estar afectado/a por limitación física ou psíquica que sexa incompatible co desempeño das correspondentes funcións. e) Habilitación: Non estar separado/a do servizo de ningunha Administración Pública en virtude de expediente disciplinario nin atoparse inhabilitado/a por sentencia firme para o exercicio de funcións públicas. Os/as aspirantes que non tiveran a nacionalidade española deberán acreditar, igualmente, non estar sometidos/as a sanción disciplinaria ou condena penal que impida, no seu Estado, o acceso á función pública. f) Documentación: Presentar instancia dentro do prazo establecido para concurrir ao proceso acompañando a seguinte documentación: Fotocopia autenticada do D.N.I. (no seu defecto, resgardo do D.N.I. ou pasaporte). Fotocopia autenticada das titulacións requiridas para o acceso ao posto. Xustificante do pagamento das taxas 4º.- FORMA DE SELECCIÓN. Concurso oposición Garantizarase a publicidade da convocatoria así como o cumplimento dos principios de libre concurrencia, mérito e capacidade. 5º.- TRIBUNAL CUALIFICADOR. O Tribunal cualificador estará constituído polo persoal que estableza ao efecto a resolución de alcaldeía que se dite. Os membros do tribunal deberán absterse de intervir, notificándollo á autoridade convocante, cando concurran neles algunha das circunstancias previstas no artigo 28

4 da Lei 30/92. Así mesmo, os interesados poderán promover a recusación de acordo co sinalado no artigo 29 do mesmo texto legal. O tribunal non poderá constituírse nin actuar sen a asistencia, cando menos, de tres dos seus membros. O tribunal resolverá por maioría de votos dos seus membros presentes tódalas dúbidas e propostas que xurdan para a aplicación das normas contidas nestas bases e estará facultado para resolver as cuestións que se poidan subscitar durante a valoración dos méritos, así como adoptar as medidas necesarias que garantan a debida orde do concurso en todo o que non estea previsto nas Bases. Os seus acordos serán impugnables nos supostos e na forma establecida pola Lei 30/1992, de 26 de novembro, xa citada. O tribunal poderá dispoñer a incorporación ós seus traballos de asesores especialistas cando as circunstancias ou a valoración dos méritos así o aconselle. A Resolución que conteña a composición do tribunal e a data, hora e lugar da valoración dos méritos, publicarase no tablón de edictos do concello. 6º.- PROCEDEMENTO DE SELECCIÓN. O proceso selectivo consistirá de dúas fases. FASE I: OPOSICIÓN. A fase de oposición constará da realización das seguintes probas físicas: 1.- PROBAS FÍSICAS A) 100 m DE NATACIÓN E 25 m DE ARRASTRE. Esta proba consta 100 m aprox estilo libre, recollida dun maniquí e volta ao lugar de saída facendo outros 25 m aprox de arrastre. Esta proba será cronometrada, podendo o tribunal determinar que sexa APTO / NON APTO. COA SEGUINTE PUNTUACIÓN APTO: 5 PUNTOS E NO APTO O PUNTOS B) BUCEO Consistirá en mergullarse e recoller un obxeto do fondo da piscina, na zona que determine o tribunal. Esta proba cualificarase como APTO / NON APTO. COA SEGUINTE PUNTUACIÓN APTO: 5 PUNTOS E NO APTO O PUNTOS C) CARREIRA NA PRAIA Esta proba realizarase na Praia de A Rapadoira. De carácter obrigatorio e eliminatorio. Consistirá en correr unha distancia aprox. de 300 metros pola area descalzos. Esta proba será cronometrada, e para superala haberá que realizala coma máximo en 1 minuto e 50 segundos e cualificarase como APTO / NON APTO. COA SEGUINTE PUNTUACIÓN APTO: 5 PUNTOS E NO APTO O PUNTOS

5 FASE II. CONCURSO CURSOS RELACIONADOS COAS FUNCIÓNS A DESEMPEÑAR: - Pola participación ou asistencia a cursos (non se valorarán xornadas, seminarios ou simposios), relacionados co posto a desempeñar, organizados por universidades, escolas de administración pública, organismos de titularidade pública, ou demáis entes de similar condición á anterior, ata un máximo de 1,50 puntos, de acordo coa seguinte valoración en proporción ó número de horas acreditadas: De 10 a 20 horas, a razón de 0,15 puntos/curso. De máis de 20 horas e menos de 40, a razón de 0,25 puntos/curso. De 40 horas ou máis, a razón de 0,50 punto/curso. Se non se acreditase o número de horas valoraranse a razón de 0,15 puntos/curso. Acreditarase a formación coa copia compulsada dos diplomas dos cursos realizados. COÑECEMENTO DO IDIOMA GALEGO: - Por cursos oficiais de lingua galega ou validación correspondente: Curso de iniciación ou Celga 1: 0,25 puntos. Curso de perfeccionamento ou Celga 4: 0,50 punto. No caso de posuír os dous cursos, valorarase solamente o de maior puntuación. Acredarase este apartado coa copia compulsada dos cursos ou da validación correspondente. De non acreditarse farase unha proba de nivel aos aspirantes, puntuándose coa cualificación de apto ou non apto, debendo acadarse para aprobar a cualificación de apto. No caso de que a suma das fases de concurso e oposición dean lugar a un empate, terase en conta o mellor tempo cronometrado e sucesivos por orde decrecente obtidos na proba de natación, entre os candidatos que resulten empatados.

6 7º RELACIÓN DOS TRABALLADORES SELECCIONADOS. Finalizado o procedemento selectivo e establecida polo Tribunal a orde de preferencia publicarase as persoas seleccionadas no Taboleiro de Anuncios do Concello, non podendo declarar que foron seleccionados un número maior de aspirantes ao de postos de traballo convocados, e o mesmo elevará a devandita relación á Alcaldía-Presidencia que ditará resolución de contratación. 8º.- LEXISLACIÓN. En todo o non previsto nestas bases serán de aplicación as seguintes disposicións: Orde do 29 de febreiro de 2012, pola que se establecen as bases que regulan, para o exercicio 2012, as axudas e subvencións para o fomento do emprego a través dos programas de cooperación no ámbito de colaboración coas entidades locais; Lei 7/1985, Reguladora das Bases de Réxime Local; Real Decreto Lexislativo 781/1986, de 18 de abril; Lei 7/2007, de 12 de abril, do Estatuto Básico do Empregado Público; Decreto Lexislativo 1/2008, do 13 de marzo, polo que se aproba o texto refundido da lei de función pública de Galicia; Lei 5/1997, de 22 de xuño, da Administración Local de Galicia; Real Decreto Legislativo 1/1995, de 24 de marzo, polo que se aproba o texto refundido da lei do estatuto dos traballadores e a Lei 30/1992, de 26 de novembro, de réxime xurídico das Administracións Públicas e do procedemento administrativo común. Foz, 26 de xuño de 2012 Don Javier Jorge Castiñeira, Alcalde-Presidente.

7 ANEXO I MODELO DE INSTANCIA D/Da...con D.N.I. nº...con domicilio...c.p... Localidade...e teléfono de contacto... EXPÓN: Que tendo coñecemento da Convocatoria do proceso selectivo de. E declarando explicitamente coñecer e aceptar as Bases reguladoras da Convocatoria, cumprindo os requisitos de acceso. Achégase para tal efecto a seguinte documentación: (marcar cunha X) D.N.I. autenticado. Titulación autenticada. Copia compulsada do resgardo que xustifique o pago ao Concello de Foz na conta do BBVA , da cantidade correspondente para cada proceso selectivo segundo a ordenanza reguladora da taxa de expedición de documentos do Concello, en concepto de dereitos de exame, cantidade que unicamente será devolta se o aspirante resultase excluído por falta dos requisitos esixidos para tomar parte na convocatoria. A non presentación e pago da taxa por dereitos de participación nos procesos selectivos dentro do prazo de presentación de instancias, non poderá ser obxecto de subsanación, determinando a exclusión do aspirante, quedando da seguinte maneira: -Posto de traballo grupo V: 15 Documentación autenticada méritos. SOLICITA: sexa admitida esta Instancia para participar no proceso selectivo referido. Data, D.N.I. e asina do/a aspirante: AO SR. ALCALDE-PRESIDENTE DO CONCELLO DE FOZ.