PROCEDEMENTO PARA A SELECCIÓN TEMPORAL PERSOAL FACULTATIVO ESPECIALISTA DE ÁREA BASES

Transcripción

1 PROCEDEMENTO PARA A SELECCIÓN TEMPORAL PERSOAL FACULTATIVO ESPECIALISTA DE ÁREA Estas bases serán incluídas na orde do día dunha reunión da Mesa Sectorial, para a súa aprobación. Posteriormente, previo tratamento na Comisión Central de Seguimento do Pacto de selección temporal (DOG do 30 de xuño de 2016), a Dirección Xeral de Recursos Humanos ditará unha resolución que desenvolverá o procedemento, de conformidade coas ditas bases, e iniciará o primeiro prazo para a inscrición de aspirantes. A resolución será publicada no Diario Oficial de Galicia. BASES Figuran resaltadas as modificacións respecto ao documento presentado na reunión da comisión técnica do Ámbito de aplicación. Este sistema de selección será de aplicación a todos os nomeamentos temporais de persoal estatutario licenciado/a sanitario/a do nivel de atención especializada no Sistema Público de Saúde de Galicia, coa excepción dos nomeamentos de atención continuada (gardas médicas), nomeamentos con causa nas ausencias por vacacións e substitucións de duración previsible igual ou inferior a 3 meses. As presentes bases non serán de aplicación ás categorías e/ou especialidades de licenciados/as sanitarios/as que se encontran incluídos no ámbito da Resolución do 13 de xuño de 2016, da Dirección Xeral de Recursos Humanos, que seguirán rexéndose polo establecido na mesma. 2.- Selección de aspirantes. 1

2 2.1.- Elaboración de listas de aspirantes. Por resolución da dirección xeral de Recursos Humanos, publicada no Diario Oficial de Galicia, iniciarase o prazo para inscribirse nas listas de aspirantes, que se actualizarán con carácter periódico. Elaborarase unha única lista por especialidade, pero os/as aspirantes poderán seleccionar a/as área/s en que solicitan prestar servizos con carácter preferente. De non concretar ningunha entenderase que optan por calquera delas. O procedemento de inscrición será o mesmo que se aplica, a través de Fides/expediente, para as demais listas de aspirantes. Este sistema informático utilizarase igualmente para rexistrar electronicamente os requisitos de participación e os méritos que se posúen. O procedemento de publicación das listas de aspirantes será tamén o mesmo que se aplica con carácter xeral (listas provisionais, prazo de reclamacións e listas definitivas) Baremo. A orde de prelación das persoas aspirantes na lista virá determinada pola puntuación que resulte de aplicar un baremo cos seguintes méritos: 1.- Participación na oferta pública de emprego na categoría e/ou especialidade no Servizo Galego de Saúde (máximo 24 puntos). 2.- Experiencia profesional, formación, investigación e innovación sanitaria (máximo 40 puntos). 3.- Postos con características específicas. Poderá realizarse entrevista e/ou memoria (máximo 16 puntos). 2

3 1.- Participación na OPE (máximo 24 puntos). Asignarase coa debida proporcionalidade a maior das puntuacións globais obtidas pola persoa aspirante na fase de oposición dos dous últimos procesos selectivos convocados e resoltos polo Servizo Galego de Saúde na correspondente categoría e/ou especialidade, con independencia da superación da dita fase. En ningún suposto se valorarán puntuacións derivadas da participación en procesos selectivos anteriores á OPE No suposto de que as puntuacións máximas a acadar nas distintas ofertas públicas de emprego sexan diferentes, aplicarase unha regra de proporcionalidade. O coñecemento da lingua galega das persoas aspirantes que non teñan participado na OPE, que non tivesen realizado o correspondente exercicio ou tivesen obtido neste unha puntuación inferior á máxima, valorarase neste epígrafe con 2 puntos, previa acreditación do Curso de Celga 4 ou equivalente. Aos aspirantes que tivesen realizado a fase de oposición dalgún dos dous últimos procesos selectivos convocados e resoltos polo Servizo Galego de Saúde na correspondente categoría e/ou especialidade, e non teñan acreditado o Celga 4 ou equivalente, valoraráselles coa debida proporcionalidade a puntuación obtida no exercicio de lingua galega da oposición na que obtiveran a maior puntuación global. Ás persoas aspirantes que tiveran participado na OPE da correspondente categoría e/ou especialidade pola quenda de promoción interna, e estiveran polo tanto exentas do exercicio sobre o contido da parte común do programa, valorarase este apartado con 2 puntos. 3

4 2.- Experiencia profesional, formación, investigación e innovación sanitaria: valoraranse de acordo co baremo utilizado na última convocatoria de selección de persoal estatutario fixo do Servizo Galego de Saúde, na categoría e/ou especialidade correspondente (máximo 40 puntos). 3.- Postos con características específicas. Poderá realizarse entrevista e/ou memoria (máximo 16 puntos) Postos con características específicas. Cando as necesidades concretas que se pretendan cubrir, ou as especificidades e técnicas propias de determinados postos en unidades de referencia así o xustifiquen, poderá realizarse un procedemento especial de selección nalgunha das seguintes dúas modalidades: 1.- Requirindo determinada experiencia e/ou formación previa nalgunha ou nalgunhas áreas específicas de actividade da correspondente categoría e/ou especialidade. A selección, entre os/as aspirantes que reúnan os requisitos de experiencia e/ou formación previa, realizarase atendendo a algún dos seguintes criterios: - Exclusivamente a puntuación na lista. - A puntuación na lista, incrementada co resultado dunha entrevista e/ou memoria. Cando se opte pola realización dunha entrevista e/ou memoria, o número de aspirantes que accedan á mesma, entre aqueles que acrediten a experiencia e/ou formación previa requirida, poderá ser limitado (respectando en todo caso a orde de prelación establecida na lista de aspirantes). 4

5 2.- Realizando unha entrevista e/ou memoria aos/ás aspirantes da lista, sen necesidade de que estes/as acrediten determinada experiencia e/ou formación previa. O número de aspirantes que accedan á entrevista e/ou memoria poderá ser limitado, respectando en todo caso a orde de prelación establecida na correspondente lista. Neste caso a selección realizarase atendendo á puntuación na lista, incrementada co resultado da entrevista e/ou memoria. A entrevista e/ou memoria serán regradas con carácter previo pola comisión de valoración, fixando os criterios para a súa realización e valoración. Poderá fixarse unha puntuación mínima para superar esta fase de entrevista e/ou memoria. A xerencia ou dirección concretará e fará públicas as bases que se aplicarán nesta fase adicional de entrevista e/ou memoria, determinará o número de aspirantes que accederán á mesma -sempre respectando a orde de prelación das listas- e nomeará unha comisión de valoración coas seguintes composición e funcións: - Composición: Estará constituída por presidente/a, dous vogais e secretario/a. Na composición garantirase a presenza de profesionais con destino en, alomenos, dous distritos sanitarios, e cando menos dous dos membros da comisión, terán a titulación da categoría e/ou especialidade na que se realiza a selección. Na designación dos membros da Comisión, deberá respectarse o disposto no artigo 60 do Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público. Os/as integrantes da comisión deberán absterse de intervir no proceso para o que foron designados/as cando se atopen incursos nalgunha das circunstancias previstas no artigo 23.2 da Lei 40/2015, do 1 de outubro, de Réxime Xurídico do Sector Público. 5

6 - Funcións: As súas funcións serán fixadas nas bases do proceso, e en todo caso terán as seguintes: - Fixar previamente os criterios para realizar e valorar a entrevista e/ou a memoria. - Realizar e valorar a entrevista e/ou a memoria. - Dar traslado á xerencia correspondente das puntuacións obtidas polos aspirantes na entrevista e/ou memoria. A puntuación máxima acadable pola entrevista e/ou memoria será de 16 puntos. 3.- Xestión de chamamentos. Os chamamentos efectuaranse polas xerencias seguindo rigorosamente a orde de puntuación nas listas, sen prexuízo do que se establece no punto 2.3 respecto a determinados postos con características específicas. 4.- Aplicación do Pacto de selección temporal (DOG do 30 de xuño de 2016) Á marxe do previsto nos puntos 1, 2 e 3 anteriores, na selección temporal do persoal estatutario licenciado/a sanitario/a do nivel de atención especializada aplicaranse con carácter xeral as normas establecidas no vixente Pacto de selección temporal (DOG do 30 de xuño de 2016). Como excepcións: - A selección efectuarase sen quenda de acceso de promoción profesional (lista única). - Aplicarase o 30 de xuño, no lugar do 31 de outubro de cada ano, como data de referencia para a elaboración das sucesivas listas. Todas as listas de licenciado/a sanitario/a serán compatibles entre si. 6

7 Serán subsidiarias entre si para os efectos da formalización de nomeamentos, nos supostos de indispoñibilidade transitoria de aspirantes nunha das categorías as listas de persoas aspirantes das categorías de pediatra de atención primaria e facultativo/a especialista de área na especialidade de pediatría e as súas áreas específicas. Na comisión de seguimento do Pacto poderán acordarse outras excepcións ou modulacións, respecto ás normas xerais establecidas no mesmo, que estean xustificadas polas peculiaridades do colectivo de persoal estatutario licenciado/a sanitario/a do nivel de atención especializada. 7