GRAO EN MESTRE/A DE EDUCACIÓN INFANTIL GRAO EN MESTRE/A DE EDUCACIÓN PRIMARIA CURSO ACADÉMICO 2015/2016

Transcripción

1 GRAO EN MESTRE/A DE EDUCACIÓN INFANTIL GRAO EN MESTRE/A DE EDUCACIÓN PRIMARIA CURSO ACADÉMICO 2015/2016 Traballo de Fin de Grao Guía para a súa elaboración e defensa Materias: G Traballo Fin de Grao. Mestre en Educación Infantil G Traballo Fin de Grao. Mestre en Educación Primaria G Traballo fin de grao-mención Atención á Diversidade (OB) G Traballo fin de grao-mención Educación Musical (OB) G Traballo fin de grao-mención Educación e TIC (OB) G Traballo fin de grao-mención Lingua Estr. Francés (OB) G Traballo fin de grao-mención Lingua Estr. Inglés (OB) G Traballo fin de grao-mención Lingua Estr. Alemán (OB) G Traballo fin de grao-mención Lingua Estr. Portugués (OB) Créditos ECTS: 9 Tempo de estudo e traballo persoal: 225 horas Carácter: Obrigatorio Perídodo: Anual Introdución O Traballo Fin de Grao (TFG), tal e como recolle a normativa vixente, consiste na elaboración dun traballo orixinal no que se acrediten os coñecementos, competencias e destrezas adquiridas durante os estudos das titulacións de Grao en Mestre/a de Educación Infantil ou Grao en Mestre/a de Educación Primaria. Comprenderá, como mínimo, tarefas de busca e revisión bibliográfica, selección, tratamento e elaboración de información, e presentación e defensa pública. É un traballo final onde se deben reflectir as competencias 1

2 adquiridas na titulación e, ao mesmo tempo, unha ponte cara a practica profesional. Supón un reto que implica ao alumnado ao profesorado e ao conxunto da Facultade na tramo final da formación académica dos mestres e mestras. Esta Guía ten a finalidade de orientar o proceso do TFG que se inicia co coñecemento das normas que o regulan, continua coa selección de temáticas e titorización, o deseño, planificación e elaboración, e remata coa presentación e defensa pública. 1. Normativa - Memoria Oficial do Grao en Mestre/a de Educación Primaria e do Grao en Mestre/a de Educación Infantil da USC verificada pola ACSUG no Curso Mestre_Infantil_2010_11.pdf Mestre_Primaria_2010_11.pdf - Normativa de Matricula, Elaboración e Defensa dos Traballos Fin de Grao e Fin de Master na USC aprobada no Consello de Goberno de 2 de maio de _de_matrxculax_elaboracixn_e_defensa_dos_traballos_fin_de_grao_e_fin_de_mxst er_na_usc.pdf - Regulamento do Traballo Fin de Grao da Facultade de Ciencias da Educación da USC. Aprobado en Xunta de Facultade de 18 de decembro de 2014 ( nto_tfg_aprobado_xf_ pdf) 2. Obxectivos e competencias A través do desenvolvementos do TFG o/a estudante logrará: 1. Integrar coñecemento teórico e práctico referido á realidade educativa de aula e centro. 2. Demostrar competencias para planificar, desenvolver, avaliar e innovar a práctica profesional. 3. Desenvolver de forma sistemática un traballo orixinal, que inclúe: a) Delimitar o tema; b) Formular obxectivos; c) Seleccionar información; d) Analizar e tratar a información; e) Elaborar conclusións e propostas de traballo; 2

3 f) Prever instrumentos de validación Na súa condición de Traballo Fin de Grao debe integrar o conxunto das competencias da titulación de Mestre en Educación Infantil ou Primaria e, dun xeito especial, as que ser recollen de forma específica no programa da materia. 3. Contidos Os contidos sobre os que versará o TFG serán os mesmos que compoñen os títulos de Grao que, de forma global, poden expresarse nos seguintes epígrafes: 1. Sociedade e educación. 2. O mestre ou a mestra de educación infantil/primaria. 3. O suxeito da educación. 4. A escola de educación infantil/primaria: organización e modelos curriculares. 5. A construción das aprendizaxes nas diferentes áreas 4. Modalidades O Traballo Fin de Grao terá un carácter individual e cada estudante terá asignado un titor ou titora que o orientará no proceso de elaboración do mesmo. Isto non é obstáculo para que varios estudantes poidan traballar nunha mesma liña temática e mesmo compartir consultas bibliográficas e aspectos do enfoque teóricometodolóxico. Varios estudantes titorizados polo mesmo docente poderán traballar unha mesma liña ou temática, pero tanto a redacción e elaboración como a defensa do TFG será sempre individual. Ademais a defensa será xulgada polo mesmo tribunal Todas as opcións para realizar o TFG pretenden o desenvolvemento das competencias do título, procurando a súa proxección na práctica profesional. Ofrécense tres modalidades: a/ Traballo de iniciación á investigación documental O/a estudante realiza unha investigación que se funda na busca e análise documental sobre unha temática específica, proporcionando un estado da cuestión dun problema ou realidade educativa, presentando un informe claro e coherente no que se achegue unha interpretación fundamentada e unha análise reflexiva sobre o obxecto de estudo. b/ Traballo de iniciación á investigación de campo O/a estudante deseña e leva a cabo unha investigación na que, tomando como base a revisión da literatura básica sobre o tema ou realidade educativa obxecto de análise, desenvolve un estudo de campo que complementa a perspectiva teórica cos datos empíricos, dando conta dos elementos habituais nos informes de investigación. 3

4 Dado que é unha iniciación á investigación na realización terase en conta unha limitación na dimensión e tarefas de investigación p.e.: definindo obxectivos máis específicos, formulando uns límites na busca de información científica ou deseñando instrumentos de investigación cunha experimentación piloto, etc. c/ Deseño dun proxecto de intervención/innovación educativa O/a estudante realiza a planificación dunha intervención/innovación no ámbito educativo que incluirá: revisión bibliográfica, contexto e/ou xustificación da intervención, deseño da intervención e procedementos de avaliación/validación. 5. Matrícula e requisitos A matrícula realizarase nos prazos establecidos pola USC. Para poder formalizala o alumnado poderá ter pendentes como máximo 75 créditos para completar os estudos excluídos os correspondentes ao TFG. Para a presentación e defensa pública dos TFG será requisito necesario ter superados todos os créditos do Grao, excepto os correspondentes ao TFG. 6. Titorización do Traballo Fin de Grao O TFG será realizado baixo a supervisión dun titor ou titora que terá a función de orientar e asistir ao estudante. Serán funcións do titor/a: - Acordar co/a estudante as características e esixencias académicas do TFG - Asinar o Compromiso de Inicio do Traballo (Anexo Doc. 3), que deberá remitirse á Comisión de Traballos Fin de Grao a través da Secretaría da Facultade como data límite un mes despois da publicación da asignación definitiva de titores/as. - Orientar o desenvolvemento do TFG proporcionando asesoramento bibliográfico e metodolóxico, atendendo ao respecto das normas de estilo e realizando un seguimento periódico do proceso de elaboración. - Programar as sesións de titoría necesarias para o deseño, orientación e seguimento do traballo - Revisar e facer as correccións oportunas do material elaborado polo/a estudante. - Dar visto e prace (Anexo Doc. 5) á versión final do traballo que o alumnado incorporará aos exemplares do TFG e que deberá presentar na Secretaría do centro xunto coa solicitude de defensa (Anexo Doc.4). - Emitir un informe confidencial para o tribunal (Anexo Doc. 6), que o/a titor/a remitirá á Secretaría da Facultade nos prazos de depósito dos TFG e que 4

5 incluirá unha valoración do proceso de elaboración e do traballo do estudante. O tribunal que avalía o traballo terá en conta este informe do titor/a para emitir a cualificación final. 7. Asignación de titores/as O centro publicará para cada curso académico as liñas de traballo e os/as titores/as das diferentes Áreas de Coñecemento. Os estudantes matriculados no TFG, presentarán na Secretaría da Facultade, nos prazos que se establezan para cada curso académico, a solicitude de asignación de titor/a. (Anexo Doc 2). A asignación de propostas realizarase tendo en conta como criterio as preferencias expresadas na solicitude e tomando como criterio selectivo o expediente académico do/a alumno/a. Unha vez asignadas as propostas de TFG, cada estudante deberá contactar co/a titor/a a fin de delimitar o traballo a realizar e asinar un compromiso de inicio do traballo (Anexo Doc. 3), que deberá remitirse á CTFG, a través da Secretaría da Facultade no prazo dun mes desde a aprobación da asignación, coa seguinte información a) Título do TFG. b) Resumo da proposta (máx. 200 palabras) c) Data e sinatura do titor/a e do alumno/a De modo excepcional, tanto o/a estudante como o/a titor/a poderán solicitar a anulación da asignación do TFG ou o cambio de traballo baixo a mesma ou diferente titorización, mediante escrito razoado remitido á CTFG e presentado na Secretaría da Facultade. A Comisión analizará o caso e, se procede, realizará unha nova asignación. 8. Os estudantes e a realización do traballo O alumnado é o responsable último da realización do traballo de acordo co establecido no Regulamento do Traballo de Fin de Grao da Facultade e nesta Guía. É responsabilidade do alumnado: - Asistir ás sesións presenciais que planifique a Facultade para a preparación e realización do TFG. - Asistir obrigatoriamente ás sesións interactivas e titorías que o/a profesor/a titor/a programe durante todo do curso académico. 5

6 - Presentar no prazo que se estableza para cada curso académico o Compromiso de inicio de TFG, asinado polo titor/a, e que incluirá: Título do TFG, resumo (máx. 200 palabras), data e sinaturas. - Asistir ás sesións de titoría fixadas polo/a titor/a para o seguimento do TFG e atender as súas orientacións para a realización do mesmo. - Entregar a proposta final do traballo cunha antelación mínima de sete días lectivos respecto da data de titoría final, para a súa revisión. - Presentar na secretaría da Facultade, no prazo fixado para cada convocatoria a solicitude de defensa do TFG asinada polo alumno/a xunto cos exemplares do TFG que incorporarán tanta na versión escrita como na copia en CD e formato pdf a autorización do/a tiror/a (Anexo Doc. 4). 9. Estrutura e aspectos formais Estrutura O TFG mostrará o traballo desenvolvido polo estudante e deberá cumprir os requisitos dos traballos académicos destas características. Os traballos adaptaranse á seguinte estrutura suxeita a modificacións nas diferentes modalidades: - Portada exterior (debe conter a titulación, o título da materia e do traballo, nome e apelidos do autor/a e do titor/a, Facultade, Universidade, curso académico e data). - Portada interior: título do traballo en galego, castelán e inglés. - Visto e Prace do titor/a para a defensa do TFG. - Índice paxinado. - Resumo (máximo 200 palabras) e palabras chave (5) en galego, castelán e inglés. - Introdución (unha visión panorámica do traballo, a modalidade na que se inclúe, os obxectivos que persegue e as competencias ás que se presta atención prioritaria). - Identificación dun obxecto de estudo relevante para a profesión docente, contidos e metodoloxía acordes coa modalidade de TFG elixida. - Resultados obtidos ou concreción das propostas de intervención ou innovación. - Conclusións. - Referencias documentais (libros, artigos, páxinas web...). - Anexos (se fose o caso). Aspectos formais 6

7 A extensión do informe axustarase a un máximo de 30 páxinas computables desde a introdución ata as referencias documentais, ambas incluídas. Os anexos poderán incluírse á marxe desta extensión e noutro tipo de formato. Deberá presentarse en DIN A4, tipo de letra Arial (11pts) ou Calibri (12 pts), interliñado: 1,5. As marxes serán de 2,5 cm por cada lado. A impresión será a dobre cara. Os anexos poderán incluírse á marxe desta extensión. Presentaranse tres exemplares encadernados con lomera, encolados ou en espiral e unha copia en formato PDF ou outro tipo de arquivo, se é necesario, en soporte CD. O documento en PDF deberá ter o seguinte título TFG1415_Apelido1_Apelido2_Nome. Todas as copias deberán ser depositadas na secretaría da Facultade. As citas bibliográficas e a bibliografía, deberán seguir as normas APA -Publication Manual of the American Psychological Association (APA). 6ª ed. Washington: APA, 2012-, que se pode consultar no seguinte enlace: Ver guía en castelán na seguinte dirección: Asemade, teranse en conta as seguintes indicacións atendendo á responsabilidade ambiental no emprego de recursos: - Evitar tapas de plástico ou outros envoltorios externos innecesarios. - Imprimir a dúas caras en calidade aforro de tinta. - Non empregar folios en branco como separadores de capítulos ou partes. - Evitar anexos que non teñan referencia directa cos temas desenvolvidos. 10. Entrega e defensa Para concorrer en calquera das tres oportunidades establecidas para cada curso académico, o/a estudante debe depositar na secretaría da Facultade a solicitude de defensa e os exemplares do traballo nos prazos e formatos establecidos para cada curso académico (Anexo Doc. 4). Os exemplares do TFG impresos en papel deberán estar encadernados, encolados ou en espiral. O traballo será defendido polo/a estudante en sesión pública diante dun tribunal na data e hora que se fixe para cada convocatoria. A composición dos tribunais e as datas de defensa faranse públicas nos taboleiros da Facultade e notificaranse cunha antelación mínima de cinco días. Os tribunais encargados da avaliación dos TFG estarán constituídos por tres membros, designados polo decano da Facultade de entre o profesorado con docencia nas titulacións do Grao en Mestre/a de Educación Infantil e Educación 7

8 Primaria. En caso de ausencia xustificada, de forma extraordinaria os tribunais poderán actuar con dous membros. Ao alumnado matriculado no TFG que esté cursando unha mención garantizaráselle sempre que sexa posible que, a lo menos, un membro do tribunal sexa un/unha profesor/a da Área de Coñecemento vinculada á mención. Cando un mesmo tribunal convoque a varios estudantes de forma sucesiva, e o tempo de presentación e defensa sexa menor do previsto, poderá chamar ao alumno/a seguinte para que inicie a súa exposición antes da hora inicialmente fixada. O acto de defensa terá unha duración total de 30 minutos. O/a estudante fará durante 10 minutos unha presentación oral na que sinalará sinteticamente: - Obxectivos e metodoloxía - Resultados/conclusións máis destacados - Contribucións do TFG á mellora das competencias profesionais Tras a exposición do/a estudante, o tribunal poderá intervir durante un tempo máximo de 10 minutos para facer unha valoración do traballo e as observacións que considere oportuno para a súa mellora. Finalmente, o/a estudante poderá contestar conxuntamente ás cuestións formuladas polo tribunal nun tempo máximo de 10 minutos. Presentación e defensa en formato póster: Os estudantes que o desexen, previo acordo co titor/a, poderán facer a presentación do traballo en formato póster. O póster consistirá nunha única páxina deseña en Power Point, PDF ou programas semellantes. Debe ter unha calidade suficiente para que poida ser impreso en tamaño A2 (420 x 594 mm), e conterá os seguintes aspectos: Título, nome e apelidos do autor/a, nome e apelidos do titor/a, palabras clave, obxectivos, materiais e metodoloxía, resultados. O póster deberá estar organizado gráfica e visualmente de forma eficaz. Unha copia en soporte informático deberá entregarse aos membros do tribunal de avaliación xuntamente coa copia impresa do traballo. O/a estudante expoñerá publicamente o seu póster ante o tribunal proxectándoo nunha pantalla (non é necesario que achegue copia impresa) O tribunal dispoñerá dun máximo de 10 minutos para facer observacións ou pedir aclaracións. O/a estudante dispoñerá a continuación doutros 10 minutos para responder á intervención do tribunal. 8

9 11. Avaliación O tribunal é o responsable da cualificación final dos traballos. Para realizar a avaliación o tribunal dispoñerá dun instrumento específico que contemplará aspectos como: delimitación do tema, fontes consultadas, metodoloxía utilizada, resultados acadados, presentación e defensa. O/a titor/a que orientou o traballo emitirá, no momento do depósito do traballo, un informe escrito confidencial (Anexo Doc. 6) no que valorará os aspectos máis destacados do proceso de elaboración, do traballo persoal do/a estudante e do resultado final. A cualificación final será o resultado das seguintes valoracións parciais: - Traballo escrito: 70% - Presentación oral e defensa: 30% 12. Cualificación e revisión A cualificación final corresponde ao tribunal e obterase da media das outorgadas por cada membro nunha escala numérica de 0 a 10, con expresión dun decimal, seguindo a normativa académica ao respecto. A cualificación farase pública nos taboleiros de anuncios ou polos medios electrónicos de comunicación de cualificacións de aplicación na USC nun prazo non superior a sete días dende a súa defensa. O alumnado terá dereito á revisión da cualificación nas datas e lugares que se fixen no momento de facer públicos os resultados provisorios e dentro dos dez días seguintes á publicación. A revisión será persoal e presencial, e poderán realizala un ou varios membros do tribunal. Os tribunais poderán propoñer para Matrícula de Honra traballos avaliados cunha cualificación igual ou superior a 9. A concesión desa mención farase ao rematar todas as oportunidades do curso académico atendendo ao número de MH posibles (5% do número dos alumnos matriculados) e aos criterios que estableza a CTFG. Os TFG deberán ser orixinais e non poderán reproducir outros traballos sen citalos adecuadamente. O uso fraudulento de información implicará a cualificación de Suspenso na oportunidade correspondente. 13. Custodia e difusión dos TFG Unha copia electrónica en PDF dos traballos superados quedará depositada para o seu arquivo e consulta na Facultade. Estas copias poderán ser utilizadas na USC con fins académicos e de investigación, sempre coa mención específica aos seus autores, que conservarán a propiedade intelectual dos traballos. 9

10 A Comisión de TFG, a proposta dos tribunais, poderá promover a difusión dos TFG de maior calidade, en especial aqueles que acaden a mención de Matrícula de Honra. Os autores dos traballos propostos, co visto e prace do titor, deberán asinar o correspondente documento para autorizar a súa difusión no repositorio institucional da USC (Minerva), no que declaren que se trata dun traballo orixinal e que non está suxeito a restricións. 10

11 ANEXOS 1. Calendario de depósito e defensa do TFG para o curso académico 2015/2016 (Doc.1) 2. Solicitude de titor/a e liñas de traballo para o curso académico 2015/2016 (Doc. 2) 3. Compromiso de inicio do TFG(Doc.3) 4. Solicitude de defensa do TFG (Doc.4) 5. Visto e Prace do titor/a para incorporar no TFG (Doc.5) 6. Informe do titor/a para o tribunal avaliador (Doc. 6) 7. Criterios de avaliación do tribunal (Doc.7) 11

12 CURSO ACADÉMICO 2015/2016 TRABALLOS FIN DE GRAO CALENDARIO DE DEPÓSITO E DEFENSA FEBREIRO 2016 XULLO 2016 SETEMBRO 2016 * DEPÓSITO 8 ao 12 de Febreiro de a 29 de xuño de a 27 de xullo de 2016 DEFENSA 22 ao 26 de Febreiro de 2016 De 11 a 15 de xullo de ao 13 setembro de 2016 * As datas de depósito e defensa da convocatoria de setembro de 2016 poderán modificarse en función do Calendario Oficial do curso académico 2016/2017 que se aprobe polo Consello de Goberno. 12

13 SOLICITUDE DE TITOR TRABALLO FIN DE GRAO DATOS DA TITULACIÓN TITULACIÓN MENCIÓN (so para Infantil e Primaria CURSO ACADÉMICO 2015/2016 APELIDOS E NOME DNI DATOS DO/A ALUMNO/A Solicito a asignación de titor/a do TFG para o curso académico 2015/2016 de acordo coa orde de preferencia que se indica: RELACIÓN TITORES/AS E LIÑAS DE TRABALLO PARA O CURSO ACADÉMICO 2015/2016 Nº DE ORDE DEPTO TITOR/A TEMÁTICA Nº PRAZAS Santiago de Compostela a.. O/a Alumno/a 13

14 CURSO ACADÉMICO COMPROMISO DE INICIO DO TFG DATOS DA TITULACIÓN TITULACIÓN MENCIÓN (so Infantil e Primaria) CURSO ACADÉMICO DATOS DO/A ALUMNO/A APELIDOS E NOME DNI Domicilio Localidade Código postal Teléfono Título do TFG Mail Titor/a Área Data prevista de defensa: febreiro 2016 ( ) xullo 2016 ( ) setembro 2016 ( ) Descrición do TFG (máx. 200 palabras): Temática, obxectivos e metodoloxía de traballo. Os abaixo asinantes manifestan a súa conformidade e aceptan a realización e titorización respectivamente do TFG que se detalla Santiago de Compostela, de de 20 O/A estudante O/A titor/a Asdo. Asdo. 14

15 SOLICITUDE DE DEFENSA TRABALLO FIN DE GRAO DATOS DA TITULACIÓN TITULACIÓN MENCIÓN (SÓ INFANTIL E PRIMARIA) CURSO ACADÉMICO DATOS DO/A ALUMNO/A APELIDOS E NOME DNI (9 caracteres) DATOS DO/A TITOR/A APELIDOS E NOME DEPARTAMENTO SOLICITA Ser admitido para a defensa do seu TFG na convocatoria de, co título: TÍTULO DEFINITIVO DO TRABALLO EN GALEGO EN CASTELÁN EN INGLÉS Santiago de Compostela,.. de. de 20. O/a Alumno/a 15

16 TRABALLO FIN DE GRAO CURSO 2015/16 CONVOCATORIA de Adianto do Formulario de solicitude de defensa: do.. ao... Período de depósito:. Período de defensa: Documentación a entregar nas Secretarías da Facultade (CAMPUS NORTE E CAMPUS VIDA): 1.- Adianto do FORMULARIO DE SOLICITUDE DE DEFENSA por correo electrónico: ata o día. ás 14:00 horas. Remitirase unha copia por correo electrónico, sen sinaturas, (que se entregará despois en papel) aos seguintes enderezos: o o o o GRAO EN MESTRE/A EN EDUCACIÓN INFANTIL: tfg.infantil@usc.es GRAO EN MESTRE/A EN EDUCACIÓN PRIMARIA: tfg.primaria@usc.es GRAO EN PEDAGOXÍA: zedudeca@usc.es GRAO EN EDUCACIÓN SOCIAL: zedudeca@usc.es Instruccións para cubrir o formulario: 1. Descarga o documento no teu equipo. 2. Unha vez cubertos os datos, garda unha copia e ponlle como nome ao documento SOLICITUDE TFG_TITULACIÓN_Apelidos, Nome. 3. Envíanos esa copia que gardaches ao correo electrónico indicado arriba. 4. Revisa na carpeta de correos enviados que o formulario gardara os datos correctamente. 2.- DEPÓSITO DO TRABALLO FIN DE GRAO: Documentación a entregar nas Secretarías da Facultade (CAMPUS NORTE E CAMPUS VIDA), do. ao.de.. de as 14:00 horas. o o o o O FORMULARIO DE SOLICITUDE DE DEFENSA asinado e que previamente se enviou por correo electrónico. Tres exemplares impresos do TFG. Copia do TFG en formato PDF en CD (un único documento, que deberá ter o seguinte título TFG1415_Apelido1 Apelido2, Nome ). AUTORIZACIÓN DO TITOR/A do TFG asinada (irá incorporada nos exemplares do TFG e na copia en formato pdf). A composición dos tribunais e as datas, lugares e horas de defensa expoñeranse nos taboleiros e comunicaránse por correo electrónico. 16

17 TITULACIÓN VISTO E PRACE DO TITOR/A PARA A DEFENSA DO TFG DATOS DA TITULACIÓN MENCIÓN (do Grao en Mestre/a de Educación Infantil e Grao en Mestre/a de Educación Primaria) CURSO ACADÉMICO/CONVOCATORIA DATOS DO/A ALUMNO/A APELIDOS E NOME DNI TITULO DO TFG TITULO MENCIÓN (do Grao en Mestre/a de Educación Infantil e Grao en Mestre/a de Educación Primaria) DATOS DO/A TITOR/A APELIDOS E NOME DEPARTAMENTO/AREA como titor/a do TFG que figura máis arriba, da o visto e prace ao traballo e reúne os requisitos académicos suficientes e desenvolve as competencias propias da mención en do Grao en Mestre/a de Educación., para a súa defensa pública ante o tribunal correspondente na convocatoria de referencia, de acordo coa normativa de TFG e TFM aprobada polo Consello de Goberno do 2 de maio de 2013 e o Regulamento de TFG da Facultade de Ciencias da Educación aprobado polo Consello de Goberno de 21 de maio de 2014 que establece no artigo 11 o dereito do alumnado á propiedade intelectual do traballo. Santiago de Compostela a de de 20 (sinatura do titor/a) 17

18 INFORME DO TITOR/A DO TFG PARA O TRIBUNAL AVALIADOR DATOS DA TITULACIÓN TITULACIÓN MENCIÓN * (só para Graos de Mestre/a) CURSO ACADÉMICO * Para a obtención do título de Grao con Mención é necesario que 3 créditos o TFG estén vinculados á mención que cursa o/a alumno/a. DATOS DO/A ALUMNO/A APELIDOS E NOME DNI TITULO DO TFG APELIDOS E NOME DEPARTAMENTO DATOS DO/A TITOR/A como titor/a do TFG que figura máis arriba, emite o seguinte INFORME: Asistencia e participación do/a estudante nas reunións de deseño e seguimento Suficiente Ben Moi ben Busca, tratamento da información e elaboración de informes de progreso Suficiente Ben Moi ben Atención do/a estudante ás revisións e correccións propostas Suficiente Ben Moi ben Aspectos formais e cumprimento das normas de estilo Suficiente Ben Moi ben Adecuación do traballo do/a estudante á carga de traballo do TFG Suficiente Ben Moi ben OBSERVACIÓNS Santiago de Compostela, de de 2 (sinatura) 18

19 TITULACIÓN MENCIÓN *(só para Graos de Mestre/a) CURSO ACADÉMICO CRITERIOS DE AVALIACIÓN DOS TRABALLOS FIN DE GRAO DATOS DA TITULACIÓN * Para a obtención do título de Grao con Mención é necesario que 3 créditos o TFG estén vinculados á mención que cursa o/a alumno/a. APELIDOS E NOME DNI DATOS DO/A ALUMNO/A TITULO DO TFG A) TRABALLO ESCRITO (70%) Fontes consultadas, cantidade e calidade da información manexada Insuficiente Suficiente Ben Moi ben Metodoloxía seguida, adecuación á temática, instrumentos utilizados Insuficiente Suficiente Ben Moi ben Resultados obtidos e relevancia para a formación como mestre Insuficiente Suficiente Ben Moi ben Formato, claridade da redacción, respecto das normas de estilo Insuficiente Suficiente Ben Moi ben Cualificación do traballo escrito (ata 6 puntos) B) PRESENTACIÓN E DEFENSA (30%) Presentación, claridade, tempo e medios utilizados Insuficiente Suficiente Ben Moi ben Defensa, respostas, argumentación Insuficiente Suficiente Ben Moi ben Cualificación da presentación e defensa (ata 4 puntos) CUALIFICACIÓN GLOBAL (cualitativa e cuantitativa) Proposto para matrícula de honra (cualificación superior a 9) SI NON Proposto para a súa inclusión no repositorio MINERVA SI NON Santiago de Compostela, de. de 20 19