El Gobiernu d'asturies destina 9,3 millones a la convocatoria d'ayudes pa fortalecer la industria agroalimentaria y forestal

Transcripción

1 Miércoles, 22 de marzu del 2017 El Gobiernu d'asturies destina 9,3 millones a la convocatoria d'ayudes pa fortalecer la industria agroalimentaria y forestal La dotación económica pa esti fin aumenta un 152 % al respective del exerciciu pasáu Autorizáu un gastu de euros p'ameyorar la calidá de les esplotaciones productores de lleche El Principáu va dedicar 112 millones al abonu de la nómina del salariu social y les prestaciones económiques de la dependencia hasta finales d'añu L'Executivu sofita con euros a les families qu'acueyen a menores La Conseyería de Servicios y Derechos Sociales va soscribir un conveniu con Siero y Sotu'l Barcu pa edificar 46 viviendes d'arriendu El Gobiernu d'asturies alcordó güei destinar 9,3 millones a financiar la convocatoria d'ayudes pa inversiones en tresformamientu, comercialización y desenvolvimientu de productos agrícoles, amás de pa tecnoloxíes forestales. Estes subvenciones, que suponen un respaldu importante a la industria agroalimentaria, xuben un 152 % al respective del Trátase de la mayor xubida porcentual nos presupuestos de la Conseyería de Desenvolvimientu Rural y Recursos Naturales pa un sector que representa'l 15 % del Productu Interior Brutu d'asturies, mente que la producción primaria malapenes algama'l 1,5 %. Estos datos ponen de manifiestu que'l valor de les producciones multiplícase por diez tres el so procesu de tresformamientu, polo que l'esfuerciu de gastu llogra una eficiencia máxima. Globalmente, la producción agroalimentaria del Principáu, el 90 % de la cual véndese fuera de la comunidá, suma unos millones al añu, de los que cerca de tán vinculaos al sector lacteu. 1

2 Les ayudes aprobaes, d importancia vital pal afitamientu d'un sector agroalimentariu potente y d una industria forestal local eficiente, van tener calter plurianual y van distribuyise en tres años: euros esti exerciciu, 2,5 millones nel 2018 y euros nel La cuantía máxima ta afitada nel 40 % de la inversión y los beneficiarios son persones físiques o xurídiques titulares d'industries agroalimentaries o forestales. Esti apoyu al sector ta recoyíu nel Programa de Desenvolvimientu Rural (PDR) , en dos midíes rellacionaes específicamente col impulsu a la industria agroalimentaria y forestal. La dotación nel so conxuntu ye de 68 millones mientres los siete años de programación, lo qu'equival a cerca del 20 % del total del PDR. Les partíes son cofinanciaes pol Fondu Européu Agrícola de Desenvolvimientu Rural (Feader), el Principáu y l'alministración Xeneral del Estáu. El so oxetivu ye ameyorar la capacidá productiva del sector industrial agroalimentariu y forestal, aquel que partiendo d'una materia prima básica (agrícola, ganadera, o forestal) realiza un tresformamientu qu'aporta valor añedíu y favorez la so comercialización. Con esta aportación contribúyese a ameyorar los sistemes de tresformamientu y comercialización de productos agrarios mediante l fomentu de la producción local, la venta directa y les canales curties de comercialización, mesmo que la inversión na industria agraria. Les ayudes subvencionen inversiones qu'ameyoren el rindimientu de les esplotaciones o'l caltenimientu del empléu, qu'incorporen tecnoloxíes y procedimientos pal desenvolvimientu de productos de calidá nuevos, que dexen crear redes locales de recoyida, recepción y almacenamientu y qu'impulsen sistemes de calidá y seguridá alimentaria. Nel casu de les industries forestales, l'executivu autonómicu pretende aprovechar el so potencial, ameyorar la mecanización de procesos y optimizar procedimientos. Nesti casu son subvencionables, ente más otros, los gastos d'adquisición de bienes inmuebles vinculaos al procesu de tresformamientu, la maquinaria y los equipos, los honorarios técnicos asociaos a la ellaboración de planes, l'adquisición de patentes o paquetes informáticos y la implantación de pautes de certificación. El Gobiernu d'asturies considera imprescindible llograr una mayor participación de llabradores, ganaderos y silvicultores nos procesos de tresformamientu y comercialización, polo que resulta necesario fomentar iniciatives pa establecer y diversificar les sos instalaciones industriales. 2

3 Respaldu a les esplotaciones llecheres El Principáu autorizó un gastu de euros pa la convocatoria de subvenciones destinaes a servicios d'asesoramientu y participación en rexímenes de certificación d'esplotaciones productores de lleche, cola mira de caltener y aumentar la calidá. Ésta ye una de les llinies de sofitu al sector lacteu, que pretende contribuyir a la meyora de la competitividá, ameyorar les resultancies económiques y fomentar el respetu pel mediu ambiente. Los gastos subvencionables son estos: funcionamientu del equipu de cata, funcionamientu del tanque de refrixeración, vixilancia y detección de xermes patóxenos na lleche, eficiencia enerxética y certificación esterna. 112 millones pa financiar prestaciones sociales L'Executivu autorizó un gastu de 112 millones pa facer frente al abonu de prestaciones sociales dende esti mes hasta finales d'añu. En concreto, van dedicase 85,5 millones al abonu de la nómina del salariu social y euros al pagu de les ayudes incluyíes nel Sistema pa l'autonomía y Atención a la Dependencia (Siaad). N'avientu del 2016, el Conseyu de Gobiernu autorizó yá un gastu antemanáu pa xineru y febreru, y col trámite de güei acútense les cuantíes necesaries hasta finales d'añu. El salariu social básicu constituye'l principal preséu del Executivu autonómicu pa lluchar contra la esclusión social y otórgase en función de los recursos de cada unidá familiar. Asturies ye la comunidá autónoma de réxime común que realiza un mayor esfuerciu presupuestariu nesti ámbitu y anguaño persones perciben esta renta mínima, que beneficia en global a más de ciudadanos. Les prestaciones económiques de la dependencia recíbenles aquelles persones que son atendíes na so casa por un familiar o que son usuaries de servicios de centru de día o atención residencial n'entidaes privaes. Anguaño, beneficien a más de persones. Convenios con conceyos pa la construcción de viviendes El Principáu dio lluz verde a la soscripción de dos convenios ente la Conseyería de Servicios y Derechos Sociales y los Conceyos de Siero y Sotu'l Barcu pa promover la construcción de viviendes públiques. Mediante estos alcuerdos, dambos conceyos dexen parceles municipales sobre les que'l Principáu va construyir promociones nueves de pisos d'arriendu a precios algamadizos. 3

4 Nel casu de Siero, en virtú del alcuerdu del plenu municipal del 25 de febreru, el Consistoriu va ceder dos finques que sumen metros cuadraos, asitiaes en Carbayín, na parroquia de Valdesoto, onde l'executivu autonómicu va edificar 36 viviendes de promoción pública con garaxes y trasteros. Pela so parte, el Conceyu de Sotu'l Barcu, mediante alcuerdu plenariu del 26 de xineru, va dexar una parcela de 465 metros cuadraos, allugada na cai Ardora de L Arena, na que va allugase un edificiu de diez viviendes con garaxe. La Conseyería de Servicios y Derechos Sociales espera empecipiar anguaño obres de construcción n'uviéu, Siero y el Baxu Nalón. Sofitu a l'acoyida de menores tutelaos El Conseyu de Gobiernu autorizó la concesión de subvenciones directes a families qu'acueyen a menores tutelaos pola Alministración autonómica colos que nun tienen parentescu, pa sufragar los gastos de mantención. La cuantía autorizada xube a euros y podrá ampliase en función de les necesidaes que se detecten. El Principáu decidió modificar el procedimientu d'accesu a estes ayudes, que nos años últimos realícense por aciu concurrencia competitiva, cola mira d'entainar la xestión y potenciar la modalidá d'acoyimientu familiar, a la que da prioridá la llei estatal nueva de protección del menor. Los acoyimientos realícense tanto en familia ayena, cuando los menores son atendíos por persones coles que nun tienen vínculación familiar, como en familia estensa, cuando quien acueye tien parentescu colos neños. A finales del 2015, taben acoyíos n'asturies 628 pequeños, 538 por familiares y 90 por persones ayenes. La cuantía global destinada a los acoyimientos aumenta un 3,4 %, al pasar d'un millón d'euros nel 2016 a 1,3 millones anguaño euros pa incorporar socios a cooperatives y sociedaes El Principáu alcordó dedicar euros a la convocatoria de subvenciones pa cooperatives y sociedaes llaborales pa la incorporación de socios nuevos. Con esta iniciativa, qu'aspira a sumar más d'un centenar de persones a entidaes d'economía social hasta'l 31 de xunetu viniente, el Principáu caltién el so compromisu de siguir impulsando esti sector. Amás, la dotación global podría ampliase hasta los euros si resultara necesario. 4

5 Esta llinia pretende fomentar l'empléu mediante la incorporación, con calter indefiníu, de paraos y trabayadores con contratos temporales nes mesmes entidaes nes que pasen a integrase como socios. L'ayuda consiste en euros por cada incorporación nueva y si se trata d'una muyer xube a euros. Amás, la cuantía va incrementase en 625 euros por cada fíu menor de tres años. Pa persones en situación d'esclusión, xube a euros y asítiase en pa discapacitaos desemplegaos, siempre que la incorporación sía a xornada completa. Operación de creitu de 5 millones pa la Universidá d'uviéu El Gobiernu autorizó a la Universidá d'uviéu a alcordar un creitu al plazu curtiu por un importe máximu de 5 millones d'euros. La operación, que yá foi aprobada internamente pola institución académica, va formalizase col Banco Santander con un tipu d'interés fixu al 0,12 % y ensin comisión d'apertura. Meyora de carreteres en Grau y L.lena L'Executivu autorizó la contratación de les obres d'arreglu de la carretera GR-4, San Pedru-Restiellu, en conceyu de Grau, por un importe de euros. El tramu sobre'l que se va actuar tien un llargor de 3,9 quilómetros y un anchor mediu de calzada de cinco metros. Los defectos del pavimentu van iguase cola estensión d'una capa de regularización d'amiestu bituminosu, siguida d'otra de rodadura. Les obres van completase cola instalación de metros de barrera de seguridá y señalización horizontal y vertical. Otra manera, informóse favorablemente de la contratación, con calter d'emerxencia, de les obres d'arreglu d'un fundimientu na carretera LN-12, Fierros-Chanos de Somerón, en conceyu de L.lena, a les que se destinaron euros y que van rematar nos díes próximos. Conveniu pa la campaña de la renta 2016 El Gobiernu va soscribir de nuevu'l conveniu que vieno desenvolviendo nos años últimos col Colexu d'economistes d'asturies pa contratar a 32 titulaos, espertos n'asesoría fiscal, que van incorporase al equipu qu'empresta orientación a la ciudadanía mientres la campaña de la renta del El Principáu va aportar euros pal so desenvolvimientu. La selección de los espertos va correr por cuenta del colexu y va realizase ente quien cursaren o remataren el Máster d'asesoría Fiscal, o participaren nos cursos de formación tributaria qu'imparte la institución. Los titulaos habrán tar en situación de desempléu. 5

6 El Principáu y l'axencia Tributaria van asesorar a los contribuyentes al traviés de les plataformes conxuntes d'uviéu, Xixón y Avilés. Amás, esti serviciu va ufiertase en Llaviana, Llanes, Navia, Siero, Tinéu y A Veiga con personal propio de l'alministración autonómica. Los 32 técnicos van distribuyise ente les nueve oficines esistentes. Prevése que la campaña presencial pa la presentación de la declaración empiece'l 11 de mayu y remate l 30 de xunu. Va poder solicitase cita previa, a partir de la primer selmana de mayu, al traviés del teléfonu o na web de l'axencia Tributaria ( Meyores na personalización del aprendimientu El Principáu va sumase al conveniu de collaboración ente'l Ministeriu d'educación, Cultura y Deporte y la empresa Symbaloo pa sofitar la personalización del aprendizaxe en centros educativos al traviés de la tecnoloxía. La compañía diseñó una plataforma abierta de planes d'estudiu personalizaos (Symbaloo Edu) que va poder implantase nos centros educativos sosteníos con fondos públicos que resulten escoyíos. Esti proyectu va dexar compartir fácilmente recursos dixitales, acceder a ferramientes gratuites y crear itinerarios propios d'aprendizaxe. El so oxetivu ye promover el desenvolvimientu plenu de la personalidá del alumnáu, facilitar la so empleabilidá y estimular l'espíritu entamador. Meyora del insertamientu llaboral de deportistes de rindimientu altu La Conseyería d'educación y Cultura va soscribir un conveniu d'un añu de vixencia con Decathlon España SAU pa facilitar la formación y l insertamientu llaboral de los deportistes de rindimientu altu nos sos centros de trabayu d'asturies. En virtú del alcuerdu, la compañía comprométese a incorporar nos sos procesos de selección a estos profesionales, altamente formaos y con competencies bien valoraes nel ámbitu llaboral. 6