O balonmán é un dos deportes de equipo máis practicados. Nel enfróntanse dous equipos que tratan de introducir o balón na portería do rival lanzándoo

Transcripción

1 O BALONMÁN O balonmán é un dos deportes de equipo máis practicados. Nel enfróntanse dous equipos que tratan de introducir o balón na portería do rival lanzándoo coas mans. Comezamos a aprendizaxe dos deportes colectivos co balonmán, xa que a súa técnica é máis sinxela que a doutros deportes de equipo, o que che permitirá gozar desde o primeiro momento do xogo e centrarte máis facilmente na aprendizaxe dos aspectos tácticos.

2 O BALONMÁN historia aspectos regulamentarios aspectos técnicos aspectos tácticos instalación e material agarrada pases táctica individual o xogo bote lanzamentos táctica colectiva HISTORIA O balonmán ten a súa orixe nos países do centro e o norte de Europa. Nun principio os partidos xogábanse ao aire libre e os equipos estaban formados por once xogadores. Aos poucos o balonmán empezouse a xogar tamén en pista cuberta e o número de xogadores reduciuse a sete. Aínda que durante un tempo conviviron as dúas modalidades, finalmente impúxose o balonmán de sete. Nos Xogos Olímpicos de Berlín, en 1936, o balonmán convértese en deporte olímpico na modalidade de once xogadores. O balonmán a sete xógase por primeira vez nunhas olimpíadas en Múnic, en En 1946 créase a IHF (Federación Internacional de Balonmán). En España este deporte aparece unido ás prácticas deportivas nos cuarteis militares e tense constancia de que o practicaban os cadetes da Escola Militar de Toledo. A Federación Española de Balonmán créase en En Galicia o balonmán practicábase tamén como deporte habitual na Escola Naval de Ferrol. A Federación Galega de Balonmán non aparece ata 1984, ano no que se crea a liga ASOBAL. ASPECTOS REGULAMENTARIOS O TERREO DE XOGO liña de banda zona de substitucións liña de fondo liña central 20 m 6 m 9 m liña de 7 m liña de golpe franco liña de área de portería liña de limitación do porteiro 4 m área de portería 40 m 48

3 DURACIÓN DO PARTIDO En competicións con xogadores de máis de dezaseis anos os partidos terán unha duración de dous tempos de 30 minutos, con 10 minutos de descanso. Se os xogadores teñen entre 12 e 16 anos xogarán dous tempos de 25 minutos cun descanso de 10 minutos. No caso de que se chegue ao final do partido con empate entre os dous equipos e haxa que decidir un gañador, xogarase unha prórroga de dous tempos de cinco minutos cun minuto de descanso entre cada tempo. Se logo desta prórroga continúa o empate xogarase unha segunda prórroga e se aínda así, o empate continúa, decidirase o gañador en función das regras da competición. En moitas competicións para desfacer este empate realízanse lanzamentos desde a liña de sete metros. Xogadores recibindo instrucións durante un tempo morto. Cada equipo ten dereito a pedir un minuto de tempo morto en cada tempo do partido para que o adestrador poida dar instrucións tácticas aos xogadores. Non se pode pedir un tempo morto nunha prórroga. O BALÓN O balón será esférico, de pel ou dun material sintético e a súa superficie non debe ser brillante nin esvaradiza. O tamaño e o peso do balón varía en función das distintas categorías. OS EQUIPOS O partido será xogado por dous equipos formados por un máximo de sete xogadores cada un, dos cales un xogará como porteiro. Ademais dos xogadores de campo, cada equipo pode ter varios xogadores suplentes. Lanzamento dende a liña de sete metros. Non existe límite de cambios durante o partido e non é necesario avisar ao árbitro para facelos. Desta forma un xogador suplente pode entrar a substituír a un compañeiro en calquera momento do partido coa única condición de que o xogador titular saia primeiro do terreo de xogo. Existe unha liña de cambios pola que deben entrar e saír os xogadores ao terreo de xogo. Durante o partido o porteiro pode cambiar o seu posto con calquera outro xogador. Momento de substitución dun xogador. 49

4 A INDUMENTARIA DOS XOGADORES Todos os xogadores dun equipo deben levar uniformes idénticos, excepto o porteiro. As cores dun equipo débense diferenciar claramente das do rival. Os xogadores non poden levar obxectos que poidan ser perigosos para eles mesmos ou para o resto de xogadores. Entre estes obxectos inclúense reloxos, aneis, piercings, colares, cadeas ou pendentes que non estean debidamente cubertos. O PORTEIRO O porteiro pode tocar o balón dentro da área de portería con calquera parte do corpo sempre que o faga con intención defensiva. Tamén pode saír da área sen estar en posesión do balón e participar no xogo seguindo as regras como un xogador máis. Os porteiros de balonmán teñen unha gran flexibilidade. NON LLE ESTÁ PERMITIDO Saír da área de portería co balón controlado. Volver entrar na área de portería desde a área de xogo co balón. COMO SE XOGA O BALÓN ESTÁ PERMITIDO Lanzar, coller, parar, empuxar e golpear o balón usando as mans, brazos, cabeza, tronco, coxas e xeonllos. Reter o balón como máximo durante tres segundos. Dar tres pasos, como máximo, co balón. Botar o balón cunha man. NON ESTÁ PERMITIDO Tocar o balón cun pé ou perna por baixo do xeonllo. Que un equipo conserve a posesión do balón sen facer ningún intento de atacar ou lanzar a portería (xogo pasivo). Atrasar a execución dun saque. FALTAS E CONDUTA ANTIDEPORTIVA Bloqueo correcto do lanzamento. ESTÁ PERMITIDO Utilizar o corpo para obstruír o camiño do rival incluso cando non teña o balón. Entrar en contacto cun rival de fronte, cos brazos flexionados, e desta forma controlalo e acompañalo. 50

5 NON ESTÁ PERMITIDO Quitarlle o balón ao contrario nin golpealo cando o ten entre as súas mans. Bloquear ou empuxar ao rival cos brazos, mans ou pernas. Reter ao rival, suxeitalo, empurralo ou lanzarse contra el. Realizar calquera acción que poida pór en perigo ao rival. O GOL Un equipo anota un gol cando consegue que o balón traspase totalmente a liña de gol rival sen incumprir ningunha regra. O equipo que consiga máis goles ao final do partido será o gañador. Acción defensiva non permitida. OS SAQUES E OS LANZAMENTOS O SAQUE DE CENTRO Farase un saque de centro ao comezo da primeira e da segunda metade do partido, ao comezo de cada parte das prórrogas e despois de cada gol. O SAQUE DE BANDA Realízase un saque de banda cando o balón sae completamente pola liña de banda ou cando un defensa toca en último lugar un balón que sae fóra do campo cruzando a liña exterior de portería do seu equipo. Cando o balón toca o teito ou algún obxecto sobre o terreo de xogo durante o partido, tamén se reinicia o xogo cun saque de banda. O SAQUE DE PORTERÍA O porteiro porá en xogo o balón mediante un saque de portería cando: Un xogador contrario invada a súa área de portería cometendo unha infracción. Consegue controlar o balón dentro da área de portería ou o balón queda parado no chan dentro da área de portería. O balón sae do campo pola liña exterior de portería despois de que o tocase en último lugar un rival ou o porteiro. Falta por agarre da man. Falta por agarre ilegal. 51

6 O GOLPE FRANCO Os árbitros sinalarán un golpe franco cando o equipo en posesión do balón ou os xogadores rivais cometan unha infracción que faga que perda o balón o equipo en posesión. O golpe franco sacarase en principio desde o lugar onde se cometeu a infracción, tendo en conta que non se pode sacar un golpe franco máis alá da liña de golpe franco dos rivais. Árbitro sinalando un golpe franco. Golpe franco. O LANZAMENTO DE SETE METROS Sinalarase un lanzamento de 7 m sempre que se impida de forma antirregulamentaria (ou por un imprevisto) a finalización dunha clara ocasión de gol. O xogador realizará o lanzamento cun tiro directo a portería desde detrás da liña de 7 m O porteiro ten que situarse por detrás da liña de 4 m. Lanzamento de 7 metros. Páxinas web de interese Real Federación Española de Balonmán: Federación Galega de Balonmán: Liga ASOBAL: AS SANCIÓNS AMOESTACIÓN Sancionaranse con amoestación as faltas que deben sancionarse progresivamente e as condutas antideportivas. Un xogador só debe ser sancionado unha vez con amoestación e un equipo non debe ser sancionado máis de tres veces con amoestación. Despois a sanción debería ser cando menos unha exclusión de dous minutos. O árbitro indicará a amoestación ao xogador ensinándolle un cartón amarelo. 52

7 EXCLUSIÓN Sancionarase cunha exclusión do xogo durante dous minutos ao equipo do xogador que: Faga un cambio incorrecto. Realice faltas repetidas. Repita condutas antideportivas. Sexa descualificado. Se o árbitro o considera xustificado pode sancionar directamente cunha exclusión a un xogador, aínda que non exista repetición de faltas. O árbitro sinala a exclusión levantando o brazo con dous dedos estendidos. A terceira exclusión dun xogador leva sempre a unha descualificación. Durante o tempo da exclusión o xogador non pode participar no xogo e o seu equipo non pode substituílo. DESCUALIFICACIÓN Sanciónanse con descualificación: As faltas que poñan en perigo a integridade física dun contrario. A conduta antideportiva grave dun xogador. As agresións antes do partido ou durante un procedemento de desempate. A terceira exclusión dun xogador. O árbitro sinalará a descualificación ensinando ao xogador o cartón vermello. Un xogador descualificado non pode volver participar no xogo durante o tempo que reste de partido e o seu equipo será ademais sancionado con dous minutos de exclusión. Árbitro sinalando unha exclusión. Árbitros e mesa do anotador e cronometrador. EXPULSIÓN Deben sancionarse con expulsión as agresións que se cometan durante o tempo de xogo. O árbitro sinala a expulsión cruzando os brazos por encima da cabeza. A expulsión é polo resto do partido, o xogador non pode ser substituído e o equipo debe xogar cun xogador menos. OS ÁRBITROS Un partido será dirixido por dous árbitros que teñen a mesma autoridade. Ademais dos árbitros, en cada partido haberá un cronometrador e un anotador. 53

8 ASPECTOS TÉCNICOS Agarrada do balón. A AGARRADA DO BALÓN Recorda que o tamaño do balón varía dunha categoría a outra. Se xogas cun balón dunha categoría superior á túa podes ter problemas para agarralo correctamente e non gozarás do xogo. Durante o xogo, o balón suxéitase habitualmente cunha man e para agarralo correctamente debes colocar a man cóncava (coma se fose unha cunca) cos dedos abertos. O balón descansa sobre a parte media da palma da man e sobre os dedos. Temos que facer unha lixeira forza coa xema dos dedos para que non se nos escape o balón mentres o manexamos. Se apoias o balón sobre toda a palma da man non poderás manexalo correctamente e perderalo con facilidade. O BOTE Empregaremos o bote en distintas situacións do xogo, principalmente para desprazarnos polo campo cando teñamos que percorrer unha distancia de máis de tres pasos. Debes tratar de non mirar o balón durante o bote para non perder a visión do que está ocorrendo no xogo. Se miras o balón mentres o botas, non conseguirás ver o desmarque dos teus compañeiros e non serás consciente dos movementos dos defensas. Pase en suspensión. Pase clásico. OS PASES Recorda que o obxectivo último de todo pase é que un compañeiro consiga recibilo, así que debe ser preciso e coa forza adecuada, dependendo da distancia do receptor. Se realizas un pase demasiado forte e con pouca precisión, o teu compañeiro terá dificultades para recibilo e é probable que o teu equipo acabe perdendo a posesión do balón. TIPOS DE PASES Clásico. Media e baixa altura. En pronación. Por detrás. Por enriba do ombreiro. Deixada. En suspensión. De peito (a dúas mans). Por enriba da cabeza (a dúas mans). 54

9 OS LANZAMENTOS A PORTERÍA O lanzamento a portería é o obxectivo principal que temos que buscar durante un ataque. Por suposto, debemos conseguir facer o lanzamento nas mellores condicións posibles para lograr un gol. Un bo lanzamento será preciso e rápido. TIPOS DE LANZAMENTOS Clásico: á altura do ombreiro. Media e baixa altura. Rectificados (con e sen caída): o xogador varía no último momento a dirección do lanzamento. En suspensión: o salto é cara a arriba buscando altura. En salto con e sen caída: o salto é cara a adiante buscando profundidade. En caída. De costas. Vaselina: buscamos que o balón faga unha parábola por enriba do porteiro. Lanzamento de 7 m. Lanzamento en suspensión. Lanzamento en salto. Lanzamento en caída. ASPECTOS TÁCTICOS TÁCTICA INDIVIDUAL DEFENSA Defensa ao xogador con balón Os obxectivos do defensor serán: dificultar o lanzamento ou o pase do atacante, impedir que se achegue á portería, roubarlle o balón ou forzar un erro para recuperalo. Defensa ao xogador sen balón Neste caso, o defensa buscará impedir que o xogador atacante reciba un pase ou que non o reciba nunha situación vantaxosa. Defensa ao xogador con balón dificultando o lanzamento. Xogador desmarcado a punto de recibir un pase. 55

10 ATAQUE Xogador con balón O xogador con balón debe: manter a posesión do balón, conseguir progresar cara á portería contraria, atopar unha boa situación de lanzamento ou realizar un pase sobre un compañeiro que se atope nunha situación vantaxosa. Xogador sen balón Os seus obxectivos son: desmarcarse para conseguir recibir o balón nunha posición de vantaxe sobre o equipo rival e facer axudas aos seus compañeiros creando espazos para o ataque. TÁCTICA COLECTIVA Dentro deste apartado aprenderás algúns dos sistemas de xogo máis utilizados durante a aprendizaxe do balonmán. Á hora de elixir o sistema de xogo que utilizaremos no noso equipo debemos de ter en conta a capacidade física e o nivel técnico dos xogadores. DEFENSA Defensa individual Neste tipo de defensa cada xogador ten asignado un rival ao que ten que marcar en todo momento. É moi fácil de entender polos xogadores novos e por iso úsase moito na iniciación ao balonmán e noutros deportes de equipo. Defensa 6-0 Os xogadores forman unha única liña defensiva, practicamente sobre a liña de área de portería. Defensa 5-1 Un dos xogadores colócase lixeiramente por diante da liña defensiva que forman os seus compañeiros. ATAQUE Ataque posicional Ante unha defensa xa organizada realizaremos un ataque posicional. Os xogadores atacantes buscarán, mediante pases e distintos desmarques e movementos, crear un oco na defensa rival para poder realizar un bo lanzamento a portería. Contraataque Consiste en realizar un ataque rápido, normalmente logo dun roubo de balón, evitando que lle dea tempo á defensa a organizarse. Defensa 6-0. Defensa 5-1. Contraataque. Observa que a defensa non está organizada. 56