Amodiozko gutunak (2)

Transcripción

1 Amodiozko gutunak (2) 1.mailako ikasleak

2 Donostia, 2012ko otsailaren 15a Kaixo, amona: Gutun hau idazten dizut asko maite zaitudalako eta festetan bakarrik bisitatzen zaitudanez, egun askotan faltan botatzen zaitut. Laister nire amaren urtebetetzea denez, Matia zaharren egoitzan elkartuko gara. Urtebetetzea ospatzen dugun bitartean denbora osoan zurekin egon nahi dut. Zu ikusi ahal izateko azken aukera izango balitz bezala, asko maite zaitudalako. Lehenik musu handi bat emango dizut, bigarrenik egun hauetan gertatu zaidan guztia kontatu nahi dizut, adibidez: asteburuko partiduan irabazi, galdu edo berdindu dugun, ikastolan emaitza onak edo txarrak lortzen ari naizen, ikastolan lagun berriak egin ditudan edo ez, lagunekin ondo moldatzen naizen edo ez, etab. Bestaldetik zuk niri egun hauetan gertatu zaizun guztia kontatzea nahi dut, adibidez: egun hauetan ondo edo gaizki lo egin duzun, osasunari begira ondo zauden edo ez, janariarengatik zerbait arraroa pasatu zaizun, etab. Baina, nire amari, aitari eta arrebari ere hitz egiteko aukera emango diegu, bestela gu hitz egiten ikustera joan direla uste izango dute. Horrela nire arrebak ere ikastolan zer emaitzak lortu dituen esango dizu. Besterik gabe, musu handi bat. Iñigo

3 Donostia, 2012ko otsailaren 20 Kaixo ama maitea: Maite zaitudala badakizu,hala ere, gutun hau idazten dizut. Badakit euskeraz ez dakizula, baina etxean gazteleraz irakurriko dizut. Otsailaren 6tik zurekin bizi naiz eta geroztik bi aste pasa dira. Oso gogor borrokatu dugu eta elkar egotea lortu dugu, eta bizitzea ere bai. Badakit gogaikarria naizela eta ez zaizula nik hori izatea gustatzen, baina zu ere oso gogaikarria zera. Asko maite zaitut. Mundu osoko amarik hoberena zara eta ni umerik onena. E zintudan ezerengatik aldatuko, eta pentsatzen ari naiz zuk berdina egingo duzula. Karta asko idatzi dizut eta guztiak gustatu zaizkizu. Karta hauek bihotzetik atera ditut eta parrafo, lerro eta hitzak bihotzetik atera ditut. Maiteminduen eguna pasa dela badakit eta ezer ez dizudala oparitu ere badakit, baina nik gaur idatzi dizut eta espero dut gutuna gustatzea. Etxera ailegatu bezain pronto gutun hau iritsiko zaizu. Ailegatzean irakurri egingo didazu eta beti bezala pozez negarrez hasiko zara. Asko maite zaitut eta zuk ni ere bai. Badakit etxean ez dudala ezer laguntzen, baina aldatuko naiz. Bi aste bakarrik pasa dira eta ematen du zu eta nik denbora asko egon garela elkarrekin. Bihar eskolara joan behar dut eta eskolan zutaz pentsatuko dut, eta zu nitaz ere, uste dut. Beno muxu asko ematen dizut eta besarkada haundi-haundi bat. Agur ama Zure ume maitea Aritz Lamas

4 Kaixo Jon maitea: Donostia, 2012ko otsailak 15a Duela asko ez naizela herrira joaten, eta ez zaitut duela asko ikusi. Zer moduz doaz gauzak herrian? Ni ondo nago, baina zure falta asko sumatzen da. Gogoratzen naiz herrian izan nuen lehenengo laguna izan zinela eta txikitan bihurrikeria asko egiten genituela. Zure gurasoen berri eta zure berri jakin nahi nuke, beraz idatzi, mesedez. Duela gutxi zutaz oroitu nintzen, etxean nengoela. Asperturik nengoen, eta idatzi egin behar nizula oroitu nintzen. Gogoratzen naiz, herriko festetan, igerilekuko tabernan geundela gurasoekin, apo bat agertu zela. Orduan apoa jarraitzeari ekin genion, eta apoak igerilekura jauzi egin zuenean, zu eta ni bere atzetik joan ginen, uretara. Egun horretan oso ondo pasa nuen. Beste gauza batez ere oroitzen naiz, Corearen aurkako futbol partiduaz. Oso ondo jolastu genuen, nahiz eta 5-4 galdu genuen. Zure eta besteen aurka beste bizikleta lasterketa bat egin nahi dut, edo gehiago. Baina oraingo honetan nik irabaziko dut. Bueno, idazteko lehen ere esan dizut, beraz, agur eta musu handi bat: Zure herriko laguna, Ibai Ibai Arregi, 1.E

5 Kaixo, Nora: Donostian, 2012ko otsailaren 14an Duela hamar urte ezagutzen gara eta lagunak gara ezagutu ginen lehen egunetik. Oso momentu onak pasa ditugu elkarrekin. Gure tirabirak izan ditugu lagun guztiek bezala, baina hainbeste denbora ondoren, oraindik lagunak izaten jarraitzen dugu. Zu nire bizitzan asko zara, askotan lagundu didazu nire momentu zailetan, eta nik zuri. Gure gertaera bat gogoratuko dizut: Egun batean, nire aitak Liztorretara eraman gintuen. Zu, Araitz eta ni joan ginen eguna pasatzera, barbakoa egitera eta gero kobazuloetara. Nik arropa zaharra eta linterna eramateko esan nizuen, kobazuloetara joango ginelako. Goizeko 11:00etan, lehenengo zure etxetik pasa ginen zure bila. Gero Araitz hartu genuen Talon, ogia erosi eta Liztorretara abiatu ginen. Hara iristerakoan mahai bat bilatu eta gure gauzak utzi genituen; ondoren adarrak bilatu genituen sua pizteko. Saltxitxak eta solomoa jan genituen. Oso goxua egon zen bazkaria, oso gustura jan genuen.16:00 inguruan abiatu ginen kobazuloetara. Kobazulo barruan geundela, zulo batetik sartu ginen. Barruan geundela, beldurra geneukan, Araitz zihoan lehenengoa. Berak itoko zela esaten zuen. Azkenean denok beldurra kendu eta handik pasa ginen. Dibertigarria izan zen. Ondoren bazkaldu genuen lekura bueltatu eta afari-merienda egin genuen bazkarian soberan geratutako gauzekin. Bukatzeko azkenean bakoitza bere etxera bueltatu ginen egun izugarria pasa ondoren. Lagunak izaten jarraituko dugula seguru naiz. Muxu eta besarkada izugarria. Idoia

6 Kaixo maitea : Donostia, 2012ko otsailaren 15a Ez gara txikitatik ezagutzen, baina oso ondo moldatzen gara. Ikusi zintudanean lagun onak izango ginela pentsatu nuen, baina orain lagunak baino gehiago gara eta asko pozten naiz horrela izateaz. Zu nire bizitzan pertsona garrantzitsuenetakoa zara. Nahiz eta batzuetan elkarrekin ez egon edo ez hitz egin jakin ezazu asko maite zaitudala. Zuk irribarre bat ateratzen didazu beti eta ez edozein irribarre, hori zuk bakarrik egin dezakezun zerbait da. Beti zaude hor denetarako laguntzeko, ondo pasatzeko, gaizki nagoenean alaitzeko Eta benetan eskertzen dizut nigatik egiten duzun guztia. Ez dakizu ze pozik jartzen naizen zu ikusterakoan, ondo pasatzen, irribarrez, lagunekin jolasten eta zurekin nagoenean askoz gehiago. Nik beti maiteko zaitut gertatutakoa gertatuta, eta espero dut zuk ni ere bai. Momentu asko pasa ditugu elkarrekin, oso momentu onak, eta jakin ezazu ez ditudala inoiz ahaztuko, zure ondoan egongo naiz beti gauza onetarako eta gauza txarretarako. Asko maite zaitut maitea, ez aldatu! Muxuak, Jone Jone Sierra 1.E

7 Donostia, 2012ko otsailaren 15a Kaixo, maitea : Donostiatik idazten dizut gauza oso garrantzitsu bat esateko. Esan nahi dizudan gauza da, zutaz maiteminduta nagoela. Ikusi zintudan momentutik, zutaz maitemindu nintzen. Oso mutil atsegina zara nirekin. Ez nekien nola esan maite zaitudala, eta gutun bat idaztea bururatu zait, gutun honetan zenbat maite zaitudan esateko. Zurekin hitz egiten dudan bakoitzean, nire bihotza belarrian izango banu bezala sentitzen dut. Zure ahotsa entzuten dudan bakoitzean, lasaiago sentitzen naiz. Zure ondoan eserita nagoenean, gorri-gorri jartzen naiz eta izugarrizko lotsa ematen dit zurekin hitz egiteak. Zu zara ezagutu dudan pertsona alai eta atseginetako bat. Horregatik eta beste gauza askorengatik maite zaitut hainbeste. Zure irribarre batek egun osoa alaitzen dit eta zuk, ni oso ondo sentiaraztea lortzen duzu. Nahiz eta ni Donostian bizi, eta zu Nafarroako herri txiki batean bizi, asko maite zaitut. Asteburuetan edo festa egunetan bakarrik ikusten dugu elkar, baina niri berdin zait. Hemen Donostin oso gustora nago nire lagun guztiekin, baina duela hiru aste ez zaitudala ikusten eta faltan botatzen zaitut. Faltan botatzen dut zure irribarre ederra, zure alaitasuna Hiru aste hauetan zehar Carmenekin, Nafarroako herriko neska batekin, hitz egiten egon naiz eta esan zidan berak ere asko maite zaituela. Ez dakit zer egin, denbora asko pasa da zutaz maitemindu nintzen egunetik. Nire lagun onena da eta ez dakit zer egin. Ez zait ezer gehiago bururatzen zuri idazteko. Oso ondo pasa, asteburu honetan ikusiko gara, muxu pila bat zuretzat. Laura Oncala

8 Donostia, 2012ko otsailaren15a Kaixo, maitea. Zer moduz zaude? Faltan botatzen zaitut. Orain dela bi urte ez zaitudala ikusten, eta horregatik zuri gutun bat bidaltzea bururatu zait. Uda iristeko 2 aste bakarrik falta dira eta horregatik irriketan nago zu berriro ikusteko, zure gutunean esan zenuen bezala. Oraindik gogoratzen naiz lehenengo aldiz ikusi zintudanean, zure begi marroiekin eta irribarre horrekin nola maitemindu ninduzun, eta hortik aurrera ez zaitut inoiz ere ahaztu, beti egon zara nire bihotzean. Laster egongo gara biok batera uda osoa pasatzeko. Biok batera gauza asko egingo ditugu txikitan egiten genuen bezala. Ze oroitzapen datozkidan burura horren inguruan. Alde batetik pena ematen dit zu etortzeak, horrek gogoratzen baitit iraila iristen denean zu berriro zure etxera itzuliko zarela, eta ez zaitudala ikusiko urte bat barru arte. Biak elkarrekin gaudenean gurasoen herrira joango gara bi aste pasatzera. Han Mariarekin, Laurarekin, Martarekin, Elenarekin eta zure lagun koadrilarekin egongo gara. Irriketan nago haiek ikusteko. Gogoratzen zara haietaz, ezta? Haiek bai lagun onak! Zu ikustean, seguruenik, oso pozik jarriko direla. Eta gogoratzen al zara ni plazatik nengoela zu niregana etorri zinela eta zurekin joateko esan zenidala? Hortik aurrera nire lagun hoberenak izan dira eta dena zure laguntzari esker. Beno hau idazten tartetxo bat pasa dut jada. Denbora hau oso azkar pasa zait zurekin hitz egiten dudan bakoitzean bezala. Orain nire gauzak hartu eta etxetik banoa. Pena ematen dit zutaz agurtzea, baina bi aste barru, dena ondo badoa, biok elkarrekin hitz egiten egongo gara nire etxeko lorategiko zuhaitzaren azpian, eguzkia nola ezkutatzen den ikusten dugun bitartean. Bueno, oraingoz ez daukat ezer gehiago zuri esateko. Espero dut laster gutun hau irakurtzen egongo zarela.muxuak denon partez, Maialen Ubiria 1.E Maialen

9 Donostian, 2012ko otsailaren 14a Kaixo, Azkar: Hementxe nago etxeko ordenagailuan zuri idazten. Nahiz eta zu hilda egon, badakit gutun hau irakurtzen ari zarela nire alboan. Asko botatzen zaitut faltan. Egun batean ni nire lagunekin joan nintzen eguna pasatzera, eta nire gurasoak eta anaia izeba-osaben herriko azokara (Elizondoko feriara) joan ziren. Animalia postu bat ikusi zuten eta arrain bat erostea erabaki zuten. Orduan zu erosi zintuzten, gero etxera etortzean niri oparitzeko. Etxera etorri zinetenean, zu ikustean eta niretzat zinela entzutean ilusio handia eman zidan eta izugarri poztu nintzen. Zure arrain-ontzirako txoko bat prestatu nuen eta oso ondo pasatzen nuen egun guztia zuri begira. Egun batean konturatu nintzen txikiegia zela arrain-ontzi hura zuretzat eta, laster Olentzero gaua zenez, beste handiago bat eskatzea pentsatu nuen. Iritsi zen eguna eta berehala altxatu nintzen ohetik opariak irekitzeko. Nire opari guztiak ireki nituen eta arrainontzi handi bat, janaria eta zure arrain-ontziko ura aldatzeko bi saretxo ekarri zizkidan.

10 Berehala joan nintzen zuregana eta etxe berria prestatu nizun. Janaria bota nizun eta zuk berehala jan zenuen. Orduan Azkar izena jarri nizun, azkar jaten zenuelako. Orduz geroztik nire maitasun guztiz maitatu zintudan. Beste egun batean nire etxeko lurra konpondu behar zuten eta usain fuerteegia botatzen zuenez, nire amaren herrira (Goizuetara) joateko aprobetxatu genuen asteburua pasatzeko. Goizuetatik bueltan zu hilda zeundela ikusi genuen eta izugarrizko pena eman zidan eta negarrez hasi nintzen. Orduz geroztik egunero, gauero zutaz gogoratzen naiz, eta zure txokora begiratzen dudanean, oso hutsa ikusten dut. Espero dut zeruan niri itxoiten egongo zarela. Nire maitasun guztiz, agur. MANEX Manex Mendiburu 1.D

11 Kaixo, Nagore: Donostia, 2012ko Otsailak 15a Zuri idazten dizut asko maite zaitudalako, eta oso lagun ona zarelako. Orain dela urte pare bat ezagutzen dugu elkar, igeriketan ezagutu ginen. Gogoratzen naiz igeri egin bitartean ezagutu ginela eta hortik aurrera jakin nuen oso lagun onak izango ginela. Eta oraindik lagun oso onak izaten jarraitzen dugu. Beti zaude nire ondoan txarrean eta onean, beti lagun izan didazu gauza zailetan, Zu egunero ikusteak eguna pozten nau, zu atetik sartzen zarenean, beti besarkada bat ematen diogu elkarri eta horrek asko pozten nau. Ahal dugun guztietan elkarrekin egoten gara. Zu nire bihotzean egongo zara betirako. Gogoan ditut kotxean egindako barre guztiak. Konpetizioetan beti egoten gara elkarrekin eta igeri egitean beti jartzen gara elkarrekin. Zu nirekin eskiatzera etortzen zinen egunak, nire egunik hoberenak izan ziren. Noizbait zurekin haserretu baldin banaiz, BARKATU. Momentu txarrak atzean utzi eta bakarrik onak gogoratu nahi ditut. Egunero ikusten zaitudalako, hemen nire sentimendu guztiak adierazten dizkizut. Muxu bat. Asko Maite zaitut