PLAN DE ACCION TITORIAL (PAT). A LOE entre as funcións do profesorado, cita La tutoría de los alumnos, la dirección y la orientación de su aprendizaje y el apoyo en su proceso educativo, en colaboración con las familias. Dende o marco teórico e a normativa actual que o desenvolve, consideramos a acción titorial intrinsecamente vinculada á docente. Forma parte do currículo, está integrada no mesmo e desenvólvese como unha medida xeral de calidade e de atención á diversidade. A acción titorial da mesma maneira que a Orientación, formarán parte, en todo momento, da función docente e nunca á marxe do Currículo. A titoría será pois, un recurso interno e propio do Centro sen descartala posibilidade de ampliarse cara un apoio máis especializado ou puntual. Dende esta perspectiva, a titoría debe de incorporar elementos que exceden o puramente académico e que poden contribuír ó desenvolvemento de proxectos de vida máis autónomos e responsables. Así, e cando os alumnos chegan ao Centro é necesario dárllelo a coñecer, serán as "xornadas de acollida", onde son os titores/as os que se encargan dese traballo organizado. Tamén resulta necesario ter reunións cos pais/nais, para informalos do funcionamento do Centro e das liñas mestras polas que este se rexe. Dende o Departamento de orientación colaborarase con toda esta actividade de acollida e información a alumnos/as e a pais/nais/titores legais. PREMISAS BÁSICAS QUE SE PERSEGUEN - Asegurar coherencia entre os PATs e a análise do contexto socio-educativo; con axuda, claro está, da Titoría. - Facilitar a integración do alumnado no grupo e no Centro e fomentala súa participación. - Mellorar o rendemento académico mediante a utilización de TTIs. - Desenvolver habilidades que posibiliten un desenvolvemento integral dos alumnos. - Previr DAs e realizar seguimentos das Aprendizaxes dos alumnos. - Fomentar a concienciación, implicación e relación de tódolos integrantes da Comunidade Educativa. - Establecer Medidas de Atención á Diversidade e articular respostas educativas axeitadas.
- Realizar seguimentos das Aprendizaxes dos alumnos. - Apoiar o proceso en xeral de aprendizaxe do alumnado, atendendo e respectando as peculiaridades individuais. - Optimizala capacidade de Ensino e Socialización da Escola. - Promovela comunicación Familia - Centro. - Desenvolver a madurez persoal do alumnado e a súa toma de decisións. - Contribuír á personalización da Educación. OBXECTIVOS XERAIS -Promover a participación do equipo directivo no deseño, desenvolvemento e avaliación da acción titorial. -Colaborar directamente na organización global das funcións de orientación e titoría propoñendo criterios e liñas de actuación prioritarias dentro do PAT do centro. -Coordinar as actividades titoriais asegurando a coherencia educativa no desenvolvemento das programacións dos distintos profesores do grupo e favorecendo a formación do titor para que poida desempeñar as función propias da forma máis axeitada ás características do grupo. -Favorecer a mellora continua da acción titorial colaborando no desenvolvemento, seguimento e avaliación do plan do centro. -Facilitar o seguimento e atención individual do alumnado en situación de risco por medio da acción titorial personalizada. -Facilitar e colaborar cos titores no desenvolvemento do PAT, aportando recursos, criterios de actuación, asesoramento técnico e materiais diversos. -Incrementar e mellorar os recursos dispoñibles no centro para o desenvolvemento da acción titorial. -Promover a colaboración das familias na tarefa educativa que se desenvolve no centro. -Promover experiencias de innovación e mellora no ámbito da acción titorial. - Manifestar unha clara disposición a querer cambiar decisións e esquemas de funcionamento segundo as necesidades e demandas do alumnado, conseguindo ao mesmo tempo transformalas nunha actividade educativa e facilitadora dos procesos de integración grupal e de maduración persoal. -Exteriorizar un interese franco por comprender os alumnos dende os seus puntos de vista, poñéndose no seu lugar, comprendendo as súas inquietudes, sentimentos e demandas co fin
de poder atendelas e encamiñalas, se fose necesario, para o ben do proceso educativo ou para o ben do propio alumno. -Dar mostras de preferencia por un diálogo aberto, respectuoso, sincero, que non resulte excesivamente directivo e que pola contra sirva para orientar ao alumno na súa busca de alternativas e compromisos de actuación conducentes a resolver os seus problemas. -Apostar pola asunción de compromisos de actuación compartidos (alumnado-titor), asumindo o esforzo que estes poden supoñer e os seus posibles éxitos como fracasos, sen que iso poida supoñer unha renuncia unilateral dese compromiso a pesar dos reveses. -Buscar espertar no alumnado o seu desexo de participar, cambiar, mellorar... - Desenvolver en todo momento un traballo de equipo que permita, a través da oportuna coordinación, a suma e converxencia de esforzos na tarefa educativa. OBXECTIVOS ESPECÍFICOS PARA CADA CURSO -Colaborar estreitamente coa xefatura de estudos para (partindo da análise das características de cada grupo), establecer respostas específicas dende a organización e os contidos da acción titorial, especialmente cando se plantexen situacións de especial dificultade, debido por exemplo, á presenza dalgún alumno/a con necesidades específicas de apoio educativo asociadas a trastornos de conduta. -Seguimento e avaliación do alumnado que recibe apoios específicos fóra do grupo de referencia. O titor/a servirá de ponte para a información e coordinación da actividade docente e avaliadora entre os profesores de apoio dese alumnado e os do grupo de referencia. -Promover a incorporación de contidos relacionados coas habilidades sociais, a autoestima, a resolución pacífica de conflitos, a dinámica de grupos e a igualdade entre homes e mulleres. - Informar á comunidade educativa sobre o NOF. - Participar e colaborar co profesor/a dinamizador da aula de convivencia na promoción da convivencia e na resolución pacífica dos conflitos. O Departamento de Orientación colaborará e apoiará ao profesorado no desempeño da súa función titorial, facilitándolle asesoramento e o material que precisen. O programa de acción titorial desenvolverase ao longo do curso. PRIMEIRO TRIMESTRE: Recibir e acoller aos alumnos/as sobre todo, aos novos doutro Centro, facilitando o contacto e a aceptación entre eles. Explicar ao alumnado todo o referente á vida e funcionamento do Centro. Informar ao alumnado sobre o NOF. Obter maior información sobre os alumnos/as do grupo.
Coñecer a estrutura e dinámica do grupo e intervir si fose necesario. Facilitala integración. Elixir con responsabilidade ó representante do grupo. Cumprimentalas fichas de seguimento. Realizala Avaliación Inicial. Recadar información sobre Hábitos e Técnicas de estudo. Instruír en técnicas de HHSS, planificación e organización do traballo. Informar e obter información dos pais. Participar nas sesións de avaliación dos alumnos do grupo. Coñecer o nivel de integración. Avaliación. SEGUNDO TRIMESTRE: Informar sobre os resultados da avaliación e analizalos. Promover a reflexión parte dos/as alumnos/as. Coñecer o rendemento de cada alumno/a. Detectar e diagnosticar Das. Programar e reorientala recuperación dos alumnos coma unha acción integrada nas actividades escolares. Facilitar información aos alumnos/as sobre si mesmos. Propoñer e profundizar nas TTIs. Atender á diversidade de intereses, motivacións e preferencias,... Informar ao alumnado sobre a súa capacidade, intereses, preferencias,... Traballar os procesos de toma de decisións. Explorar e intervir nos casos de alumnos/as con dificultades. Mellorar a convivencia. Coordinar a OV e OP. Reflexionar sobre os procesos de Aprendizaxe. Preavaliación. Avaliación dos procesos e resultados instrucionais. TERCEIRO TRIMESTRE Informar sobre os resultados da Avaliación e analizalos. Informar sobre as distintas posibilidades de opcionalidade que oferta o Centro. Coñecer os intereses, aptitudes,... dos/as alumnos/as. Valorar as posibles discrepancias entre os intereses e aptitudes dos/as alumnos/as. Implementar traballos de forma más intensiva sobre TTI. Iniciar o proceso de cristalización de preferencias, motivacións e intereses. Facilitar e instruír no proceso de toma de decisións. Atender á diversidade do alumnado.
Informar dos resultados académicos ós pais. Valorar o traballo de maneira sumativa e final. Elaborar a Memoria de actividades orientadoras e titoriais. A ACCIÓN TITORIAL NO BACHARELATO E CICLOS FORMATIVOS En canto ao Bacharelato, os Ciclos Formativos, no centro non se contempla unha hora lectiva presencial co alumnado dedicada á titoría, polo que a función titorial deberá canalizarse a través da acción educativa global. A orientación educativa e profesional nestes estudos terá como obxectivo esencial apoiar ao alumnado no seu proceso educativo e facilitarlle a toma de decisións sobre as opcións académicas e profesionais máis acordes coas súas capacidades, intereses e necesidades formativas. O Departamento de Orientación colaborará cos titores e titoras destes niveis na realización das súas funcións. A principio de curso entregarase material a cada titor/a con documentos que poden facilitar a función titorial: -Funcións dos titores/as. -Presentación do curso. -A elección de delegado/a, acta da elección. -Bacharelatos no IES Concepción Arenal. -Optatividade. -Universidades. -Formación Profesional. -Bolsas. Tamén prestará asesoramento individualizado ao alumnado que o solicite. Para isto concrétase un horario de atención ao alumnado que estará visíbel na porta do Departamento. ACCIÓNS DE COLABORACIÓN CO EQUIPO DIRECTIVO -Elaborar a planificación xeral de temas e tarefas a desenvolver ao longo do curso co Director e Xefatura de estudos. -Deseño e planificación xeral dos temas e procedementos das reunións de titores de ESO coa xefatura de estudos e a xefa do departamento de Orientación ao longo do curso. Haberá dúas reunións polo menos; unha ao principio de curso e outra antes da avaliación final.
-Propoñer ao Equipo Directivo criterios e procedementos para desenvolver as sesións de avaliación cos equipos de profesores da ESO. -Reunión periódica co Xefe de Estudos e coa xefa do departamento de orientación para coordinar e seguir o desenvolvemento do PAT nas reunións cos titores. -Colaborar co Equipo Directivo e cos titores no diagnóstico, tratamento e seguimento dos casos de especial gravidade que se poidan producir: conduta, absentismo -Participar co equipo directivo e cos titores na resolución de conflitos nos que resulte oportuna a intervención da orientadora. -Participar nas sesións de avaliación da ESO colaborando co Equipo de profesores do grupo na toma de decisión sobre as medidas educativas axeitadas para atender as necesidades dos grupos e individuais presentadas. -Colaborar na identificación de necesidades formativas dos titores para propoñer cursos de formación. -Elaborar a memoria final do PAT coa colaboración do Xefe de Estudos e titores propostas de modificación. coas ACCIÓNS DE COLABORACIÓN E ATENCIÓN ÓS TITORES -Presentarlles ao comezo de curso os eixos e accións esenciais do PAT. -Aportar asesoramento técnico, propostas concretas e materiais que faciliten o desenvolvemento das titorías. As actividades que se propoñen, están secuenciadas ao longo do curso, repartidas nos tres trimestres e atendendo ás diferentes necesidades e intereses de cada un dos niveis educativos. A súa finalidade fundamental é a de fomentar a cohesión do grupo, mellorando as relacións interpersoais, o coñecemento mutuo, a cooperación entre o alumnado e a reflexión acerca do momento evolutivo no que se atopan. Estas actividades concrétanse máis nunha grella deseñada ao efecto e que se entrega ós titores/as, onde se secuencia por niveis cada unha das actividades que se programa para cada semana. -Facilitarlles o asesoramento e material que precisen para a adecuada realización das sesións semanais de titoría previstas ou que xurdan ao longo do curso por necesidade, actualidade, etc. -Proporcionar aos titores de 1º ESO ó comezo do curso información relevante do alumnado que inicia a etapa, especialmente dos que presentan máis necesidades educativas.
-Proporcionar a todos os titores ao comezo de curso información relevante do seu alumnado recollida nos Informes de Avaliación Individualizados de cursos anteriores, así como toda a información relevante do alumnado de nova incorporación. -Atender individualizadamente as súas demandas. -Participar cos titores na solución de conflitos que xurdan no seu grupo poñendo en marcha procesos de diagnóstico e tratamento. -Colaborar no seguimento individual do alumnado con dificultades de aprendizaxe ou que presenten dificultades de adaptación proporcionando os recursos e apoio necesario. -Organizar charlas formativas sobre temas transversais a desenvolver na titoría do grupo impartidas por colaboradores externos. ACCIÓNS DE COLABORACIÓN E ATENCIÓN Ó ALUMNADO. -Atender as demandas de asesoramento e axuda que propoñan individualmente, ven directamente ou indirectamente a través da familia ou titores ou por propia iniciativa do departamento. -Intervención directa nas actividades de titoría do grupo cando a temática ou as circunstancias o demanden. ACCIÓNS DE COLABORACIÓN E ATENCIÓN Á FAMILIA -Fixar cos titores criterios e procedementos de coordinación para dar resposta axeitada ás demandas de asesoramento que presenten nun proceso de colaboración e de compromiso no seguimento. -Atender as consultas e demandas que formulen. -Colaborar co Equipo directivo na organización e desenvolvemento das reunións de pais/nais que se convoquen.