ÍNDICE 1 MANUAL BÁSICO 2 TONS DE CHAMADA 2 COMO ESTABLECER UNHA COMUNICACION INTERNA? 2 COMO ESTABLECER UNHA COMUNICACION EXTERNA?

ÍNDICE ÍNDICE 1 MANUAL BÁSICO 2 TONS DE CHAMADA 2 COMO ESTABLECER UNHA COMUNICACION INTERNA? 2 COMO ESTABLECER UNHA COMUNICACION EXTERNA? 2 COMO ESTABLECER UNHA COMUNICACIÓN COA OPERADORA? 3 PRESTACIÓNS BÁSICAS DAS EXTENSIÓNS 3 SÍGUEME 3 RECHAMADA 4 CONSULTA/TRANSFERENCIA DE CHAMADAS 4 PRESTACIÓNS AVANZADAS 4 GRUPOS 4 DESVÍO DE CHAMADA 5 CHAMADA EN ESPERA 5 CHAMADA AUTOMÁTICA 5 QUÉ FACER EN CASO DE AVARÍA? 6 1

MANUAL BÁSICO TONS DE CHAMADA A centraliña telefónica dispón de diferentes tonos de chamada, en función da orixe da mesma. Os diferentes tonos son os seguintes: 1. - Ton de chamada interna. 2. - Ton de chamada externa ou da operadora. 3. - Ton de rechamada. Cando activamola rechamada a unha extensión, no intre en que a centraliña se pon en contacto con nós, faino cun ton diferente dun periodo máis curto. COMO ESTABLECER UNHA COMUNICACION INTERNA? Para chamar a calquera extensión da Universidade, tan só é necesario descolgar o teléfono e escoita-lo ton de invitación a marcar e a continuación marcar a extensión coa que queremos falar. Tódalas extensións da universidade teñen cinco cifras. No caso de marcar unha extensión inexistente a centraliña responderá co tono de número inaccesible (unha especie de ton entrecortado e continuo). COMO ESTABLECER UNHA COMUNICACION EXTERNA? Para poder establecer unha comunicación co exterior é necesario que a extensión dende a que chamamos teña autorización para facer ese tipo de chamada. Para chamar ó exterior debemos marcar o 0 seguido do número co que nos queremos comunicar. No caso de facer unha chamada internacional, despois do 0 marcaríamos o prefixo internacional 00 e a continuación o resto do número. Existen catro tipos de autorizacións para o tráfico de chamadas saíntes dependendo do seu destino: Provincial, Móbiles corporativos, Nacional e Internacional. Se a nosa extensión non ten autorización para chamar ó exterior (en calquera das súas variantes) cando marquemo-lo 0 obteremos o ton de número inaccesible. Do mesmo xeito se temos autorización de tráfico Provincial, e intentamos marcar un número nacional fóra da provincia, obterémo-lo mesmo resultado. 2

COMO ESTABLECER UNHA COMUNICACIÓN COA OPERADORA? Marcando o número 9 dende calquera extensión fixa da Universidade pódese chamar ás operadoras da centraliña. PRESTACIÓNS BÁSICAS DAS EXTENSIÓNS Tódalas prestacións descritas a continuación son utilizables por tódolos usuarios do sistema. SÍGUEME Permite a un usuario que temporalmente se desplaza a outro despacho poder recibi-las súas chamadas noutra extensión. Pódese realizar de dúas formas: - Desde a extensión de orixe. Descolga-lo teléfono. Marcar 721+extensión destino. Se a operación é correcta escoitarémo-lo tono de invitación a marcar (ou ton de confirmación). - Desde a extensión destino: Antes de deixa-lo noso despacho, teclear 722 para comunicarlle á central telefónica que vamos a activa-lo sígueme desde algunha extensión. Unha vez que chegamos ó noso destino marcamos 723+nosa extensión. Se a operación é correcta escoitarémo-lo tono de invitación a marcar (ou ton de confirmación). - Para cancela-lo desvío: Para cancela-lo desvío tecleamos na nosa extensión 741. Para cancela-lo desvío desde o destino podemos utilizar dous códigos diferentes dependendo dos "síguemes" que queiramos cancelar. Unha misma extensión pode ser destino de múltiples desvíos. Pódense cancelar todos desde o destino co código 742 ou cada un deles independientemente marcando 743+extensión de orixe. Ista última opción é moi interesante por exemplo no caso dunha reunión na que algúns dos asistentes voltan ós seus despachos e o resto sigue no lugar da reunión e quere mante-lo seu desvío. 3

RECHAMADA Cando chamamos a unha extensión da universidade e comunica, a centraliña facilítanos a comunicación con esta persoa sen ter que chamar repetidas veces para comprobar se colgou o teléfono. No momento en que chamamos e nos da o sinal de "comunicando", SEN COLGAR O TELEFONO, marcamos o número 5 e obtemos ton de confirmación. Isto quere dicir que a rechamada está en curso. No intre en que o destinatario da nosa chamada colgue o noso teléfono o chamará automáticamente. Non é convinte facer demasiadas rechamadas simultáneas debido a confusión que se pode orixinar ó non saber a quén estamos a chamar. Antes de facer unha nova rechamada podemos cancelar as anteriores marcando o código 773. IMPORTANTE: Este código de cancelación márcase inmediatamente despois de descolga-lo aparello, non o podemos usar cando a extensión destino da o sinal de "comunicando". CONSULTA/TRANSFERENCIA DE CHAMADAS Cando recibimos unha chamada ou a facemos podemos consultar a un terceiro mediante a tecla de consulta (R) do noso aparello. O procedemento sería, sen colgar, pulsamos a tecla de consulta e marcamos o número a quen queremos consultar. Para cambiar entre os dous interlocutores pulsamos a mesma tecla de consulta. Relacionado coa consulta, está a transferencia. Se unha vez feita a consulta queremos pór en comunicacion ó terceiro co noso anterior interlocutor tan só temos que colga-lo teléfono. PRESTACIÓNS AVANZADAS GRUPOS As seguintes prestacións necesitan ser activadas polo seu xestor do sistema: As extensiones pertencentes a unha mesma área, departamento ou grupo de traballo, que se atopen físicamente próximas, pódense integrar nun mesmo grupo de captura. Este grupo terá asignado un número coma se fora unha extensión e se marcamos ise número producira-se unha chamada xeral ó grupo. 4

As principáis caracterísicas dun grupo de captura son: As chamadas tanto ó grupo coma os seus membros poden ser atendidas por calquera membro. EXEMPLO: Se soa un teléfono nun despacho cerrado, pode ser moi útil poder atender esa chamada sen ter que ir busca-las chaves do mesmo e abri-la porta. Tecleando o código de captura de chamada (770) calquera membro autorizado do grupo pode atendela. As chamadas ó grupo, van distribuíndose segundo unha determinada orde ou cíclicamente de modo que se a persoa que debería colle-la chamada en primeiro lugar está ocupada, a chamada non se perde e se lle pasa ó seguinte; ou no caso de que sexa cíclico as chamadas van distribuíndose dependendo de quen sexa o último en atendela. Os usuarios membros do grupo poden comunicarlle á centraliña, mediante o código apropiado, se están presentes 748 (capaces de recibir chamadas) ou ausentes do grupo 728 (as chamadas entrantes dirixidas en xeral ó grupo nunca lles soarán a eles). DESVÍO DE CHAMADA Non é necesario perder ningunha chamada cando estamos falando pola nosa extensión ou cando simplemente non estamos no noso posto de traballo. Podemos solicita-la activación do desvío de chamada para calquera das dúas situacións a unha extensión alternativa. Nese caso cando nos chamen, se comunica ou non contestamos, a chamada pasará a extensión que temos prefixada. IMPORTANTE: Este desvío é fixo e só se pode activar ou desactivar polo xestor do sistema. CHAMADA EN ESPERA Ás veces cando estamos nunha conversación escoitamos tres pitidos, indican que alguén esta intentando chamarnos. Se nese intre pulsamos a tecla de transferencia de chamada e despois o código 883 atenderemos a segunda chamada, deixando en espera a primeira ata que colguemos e rematemos co segundo. CHAMADA AUTOMÁTICA Se é necesario pódese programar unha extensión para que ó descolgar chame automáticamente a un número determinado. A marcación pode ser temporizada ou non. No caso da temporizada dispoñemos duns segundos para marcar outro número diferente do preprogramado, do contrario a centraliña fará a chamada automática. 5

QUÉ FACER EN CASO DE AVARÍA? Debe chamar ó Centro de Atención a Usuarios da USC marcando a extensión 55555. 6