Boletin Informativo di Savaneta y Pos Chikito December 2015

Transcripción

1 Boletin Informativo di Savaneta y Pos Chikito December Rumannan! Dia 8 di december, riba solemnidad di Inmaculada Concepcion di Maria, iglesia lo inicia e Aña di Hubileo di Misericordia. Na Aruba, Mgr. Luis Antonio Secco hunto cu tur pastoor lo celebra un Misa special en conexion cu e apertura di Aña di Misericordia na Pro-Catedral di Oranjestad. Cu e inicio di e Misa aki riba diadomingo 13 di december pa 7 or di anochi lo habri e porta di misericordia. Pro-Catedral aki lo bira un misa di hubileo caminda tur fiel por haya indulgencia cumpliendo cu rekisitonan di custumber: (resa un Nos Tata, resa pa e intencion di Papa; haci profesion di fe; confesion sacramental y Santa Comunion digno). Mgr. Luis Antonio Secco ta invita tur pastoor y parokiano pa den transcurso di e aña aki prepara un peregrinacion pa Pro-Catedral y despues di cumpli cu tur exigencia di indulgencianan pasa door di porta di hubileo y gana indulgencia di hubileo. Ta bon pa cada un di nos probecha e aña di hubileo aki y logra indulgencia plenario of parcial pa algun alma den purgatorio (pa mas detaye tocante indulgencia, lesa: Catecismo # 1471 of riba e website: Riba peticion di Papa Francisco, ta invita tur fiel pa probecha e tempo di gracia aki pa ricibi e frutanan di misericordia pa medio di un bon confesion sacramental. Na mes tempo, nos no por lubida, como siguidonan di Cristo, nos ta keda invita pa sigui Su ehempel di misericordia y practica, na un manera responsabel, obranan di misericordia tanto pa curpa como pa alma. Pa es motibo aki, Monseigneur ta propone pa cada parokia probecha di e Misanan di Aurora pa medita riba e obranan di misericordia. Mara e historia di e yiu perdi y su Tata cu a mustr e misericordia por motiva nos na bolbe cerca Dios pa medio di un bon confesion y sinti Su abraso di misericordia y alegria di paz. sigui lesa

2 Mara e historia di e bon samaritano cu a yuda un persona den desgracia por motiva nos pa practica misericordia cu nos prohimo. Tambe, nos Monseigneur Luis Antonio Secco ta pidi tur fiel pa probecha e aña santo aki pa resa cu mas fe, profundisa den meditacion di Palabra di Dios reflexionando riba temanan manera: husticia; misericordia; indulgencia; conversion; pordon; Maria Mama di Misericordia. Dianan festivo den luna di December 03.12: San Francisco Javier, sacerdote 04.12: San Huan Damasceno, obispo y dokter di Iglesia 06.12: San Nicolas, obispo y martir 07.12: San Ambrosio, obispo y dokter di Iglesia 08.12: Inmaculada Concepcion di La Birgen Maria (patrono di misa Sta. Cruz) 09.12: San Huan Diego 12.12: Birgen di Guadalupe 14.12: San Huan de la Cruz, sacerdote y dokter di Iglesia te cu 24.12: Misa di Aurora 25.12: Pasco di Nacemento 26.12: Di dos dia di Pasco di Nacemento /San Esteban, diacono/ prome martir 27.12: Sta. Famia; Hesus, Maria y Hose 28.12: Sto. Inocentenan (0-2 aña) 31.12: San Silvestre I / Misa di gradicimento pa fin di aña ADVENT Diadomingo 29 di november, Iglesia ta inicia un aña liturgico nobo cu tempo di advent cu ta tempo di preparacion pa tempo di Pasco. Fo i mita di october mundo di comercio a cuminsa crea ambiente di Pasco. Su obhetivo ta pa BENDE mas tanto posibel. Obhetivo di un cristian ta: bon preparacion spiritual pa e temporada di Pasco. P esey, laga nos sigui e liturgia di advent y e mensahenan di Papa, pa Pasco di e aña aki no bira djis un recuerdo di e nacemento historico di Hesus, sino un experiencia personal cu Hesus presente den nos bida. Mara cada bela cu nos bay cende durante e 4 diadomingonan di advent haci nos mira mas cla e persona di Hesus den nos prohimo, en particular den cada mucha como tambe Su presencia permanente y milagroso den Sacramento di Eucaristia. Schedule di koornan Diaranson 2 di december pa 7 or di anochi, nos ta invita cabesante (representante) di cada koor di nos parokia y esnan cu ta desea di anima liturgia den nos misa y capiya pa un reunion na Savaneta. Durante e reunion

3 lo traha riba e schedule pa e proximo mita aña Zinnia Croes E aña aki nos a keda sacudi cu morto tragico di un mucha di nos parokia. Su morto a haci hopi impacto tanto entre e muchanan di scol Santa Famia como entre nos parokianonan Savaneta/Pos Chikito y pueblo di Aruba en general. Como recuerdo di su bida y su inocente sonrisa a traha un gazebo den cura di scol, como tambe a lanta e Fundacion Zinnia. E fundacion su meta ta pa conscientisa comunidad Arubano tocante e peligernan y e consecuencianan ora di core bou influencia di alcohol. Mara e simia hoben aki cu a cay den tera asina trempan yuda nos biba nos bida cristian mas responsabel como tambe bira mas responsabel den trafico. Pa tur chauffeur cristian nos ta propone un oracion: Mi Señor, duna mi firmesa den mi mannan y un bista cla pa asina mi no causa niun daño riba caminda. Oh Dunado di bida, no permiti mi bira e causa di morto of herido, y proteha mi di cualkier accidente. Siña mi con pa uza e vehiculo na bienestar di otro y yuda mi pa no cay den tentacion di core duro. Sea mi guia y protector. Amen. FELIZ PASCO!!! Tempo di Pasco di Nacemento ta haci nos reflexiona riba e misterio di encarnacion di Dios. Invisibel di Su mes E ta bira visibel pa ser humano pa asina nos por haya idea di sabiduria, bunitesa y amor di Dios. P esey tambe e celebracion di Pasco ta compromete tur cristian pa no solamente crea ambiente di Pasco pa medio di adornonan bunita, encuentronan familiar y social di gran balor, pero tambe imita Dios den su misterio di encarnacion. Encarna den bo prohimo y acept E den bo curason. Pa tanto hende Hesus a keda ignora te rechasa naciendo pafo di ciudad den un pober stal. No rechasa Hesus cu kier drenta den bo curason, pero ta bin disfrasa di bo yiu, di tanto muchanan chikito cu ta yora pa motibo di soledad y abandono. No rechasa Hesus cu ta bati na porta di bo curason encarna den bo famia of un hende casual. Habri bo mes y participa den su bida, encarna den su sufrimento. E ora ey lo bo mustra cu bo ta celebra un Pasco cristian, anto cu bo ta celebre cu practica di misericordia.

4 Mara santa comunion frecuente y digno ricibimento di Hesus encarna den un pida hostia yuda nos celebra e Pasco aki. Feliz Pasco rumannan! Durante di e Misanan di diadomingo pa e dia aki, tanto na Pos Chikito como na Savaneta, lo tin bendicion di famia; Pastoor ta pidi pa bin den famia. Cambio di aña na misa Savaneta Misa di gradicimento di final di aña ta diahuebs 31 di december pa 7 or di anochi. Na final, e tradicional presencia di Dande. Preparacion pa bautismo Cuminsando fo i januari 2016, preparacion di bautismo pa mayornan, madrina- y padrinonan lo keda duna den dos encuentro. E lo tuma luga riba e prome y di dos diaranson di cada luna pa 8 or di anochi na misa di Savaneta. Esey ta pa trata mas amplio e nificacion di bautismo como tambe formacion di un famia cristian. Lo celebra e Sacramento di Bautismo riba e ultimo diadomingo di cada luna despues di e Misa di 10 or di mainta. DEN FELIZ MEMORIA Maria Ceferina Cefe Ras-de Kort Mi bida ta rondona pa e cosnan pasahero. Señor, fiha mi curason riba e cosnan celestial y laga mi biba, hunto cu bo awor aki caba pa medio di fe, speransa y stimacion pa Cristo, nos Señor. AMEN. E oracion aki skirbi door di Cefe mes ta refleha con e tabata determina y sigur di su tarea den e mundo aki. E amor pa su religion y su prohimo a haci cu e la sirbi parokia pa hopi aña y tabata involucra den diferente grupo, entre otro, e tabata miembro di Legion di Maria Presidium Causa di nos Legria, miembro di Grupo Sagrado Curason, Team Liturgico, Blue Army, Hesus Misericordioso, Acolita, y fundador di Grupo Carismatico Salbacion pa Alegria Savaneta y Grupo San Hose Savaneta. Haciendo trabounan boluntario pa su parokia y prohimo a haci cu el a ricibi e condecoracion Eremedaille in de Orde van Oranje-Nassau. Cefe, cumpliendo cu su compromiso den famia, tabata sa di dedica tempo na Dios y asina comparti cu otro su fe. Te na su ultimo dianan, sea fo i su rolstoel of na cama, a participa na e shete diaransonnan di oracion na San Hose.

5 Mara su ehempel por yuda nos crece den fe y inspira nos pa bira mas activo den nos bida cristian. Prome diabierna di luna na honor di Sagrado Curason di Hesus Como parokia dedica na Sagrado Curason di Hesus ban reuni un biaha mas e aña aki riba diabierna 4 di december pa 6 or y mey di atardi y gradici Dios pa su amor. E preparacion di e celebracion di e prome diabierna ta na encargo di Blue Army y misdienaarnan. Koffiemorgen di Amigonan di Hesus y Maria Diadomingo 6 di december despues di Misa di 8 or di mainta na Capiya di Pos Chikito, Ministerio Amigonan di Hesus y Maria di Pos Chikito cu ta traha den formacion di nos muchanan lo tin un koffiemorgen te cu 11 or di mainta pa recauda fondo pa nan actividadnan. Carchi ta obtenibel cerca e lidernan di e grupo aki. Ban coopera generosamente cu nos muchanan. MISA PA MUCHA Diadomingo 6 di december pa 10 or di mainta na misa di Savaneta ta celebra e siguiente Misa pa mucha. Pa medio di e Misa aki nos kier mustra importancia di tempo di ADVENT, prome cu nos drenta tempo di Pasco. Un invitacion cordial na tur mucha, nan mayor- y educadornan. Fiesta di Birgen di Guadalupe Na aña 2000, nos a celebra pa prome bes e fiesta di nos Señora di Guadalupe (celebracion di 100 aña di nos parokia) como actividad. Cu apoyo di pastoor Juancho, e comision organisado cu tabata consisti di Michi Henriquez (dfm), Chila Croes (dfm), Rosenda Maduro (dfm) y Irena Croes a logra haci nan soño bira realidad. E acogida tabata masha exitoso y a duna e comision e curashi pa continua cu e actividad aki y awe nos por celebra e di 15 aña di existencia. E aña aki cu inmenso alegria y gratitud, nos lo celebra e fiesta di nos Señora di Guadalupe cu un toke special. Nos lo cuminsa cu un actividad den hofi pa 10 or di anochi di diabierna 11 di december cu oracion, poema y canto, y lo culmina cu un Santa Eucaristia pa 11 or di anochi dunando un homenahe y serenata na nos dushi Mama. (Tuma nota cu e dia aki pa 7 or di anochi no tin Misa.) Diadomingo nos lo tin benta di cuminda di Pasco y bolo den hofi di pastorie pa 11 or y mey di mainta.

6 E entrada di e bendemento aki ta pa traha e cura di bloki parti pariba di pastorie. PELICULA EL GRAN MILAGRO Diasabra 12 di december pa 7 or di anochi den Capiya di Pos Chikito lo tin presentacion di e pelicula: El gran milagro. E evento aki ta keda organisa pa Ministerio Amigonan di Hesus y Maria ARUBA, cu ta traha na formacion di nos muchanan den e parokianan: Sta. Cruz; Dakota; Playa; Tanki Leendert; Brazil; San Nicolas y Savaneta/Pos Chikito. E pelicula aki ta cu un contenido extraordinario cu por yuda cada un di nos biba nos relacion cu Dios, cu nos iglesia y balora mas miho e frutanan di e sacramentonan. Nos a scoge e pelicula aki como un material ideal pa evangelisa nos pueblo como tambe pa invita tur hende di bon boluntad pa coopera cu 5 florin y yuda nos lidernan participa den e Congreso di e Ministerio cu lo tuma luga dianan na Miami. Entrada di e carchinan aki of cualkier donacion liber na fabor di e ministerio cu keda entrega e anochi aki, lo keda parti igual pa tur esnan cu ta bay e Congreso. NOTA: Diasabra celebracion di Santo Sacrificio di Misa na Savaneta lo ta 6 or di atardi. ORARIO DI MISA Tin biaha ta resulta cu nos Misa no ta cuminsa na ora. Y si e no ta cuminsa na ora pueblo no ta worry pa yega na ora. Ta bon pa fo i inicio di e luna aki, mirando cu ta bay cuminsa tambe e Misa di Aurora, nos propone nos mes pa funciona mas ordena y asina mustra nos amor pa Dios y respet pa otro. Trata di bin misa prome cu ora, pa dispone di un par di minuut pa oracion personal como pa preparacion pa celebracion di Eucaristia. INTENCIONNAN DI MISA Inscribi intencionnan di Misa na tempo (den oficina of no mas laat cu 15 minuut prome cu Misa). Si ta bay inscribi den sacristi, evita di subi altar, miho drenta sacristi di pafo. E maestro di ceremonia (MC) lo cuminsa lesa e intencionnan di Misa (depende di e cantidad) algun minuut prome cu ora pa Misa cuminsa na e ora stipula. Pa e Misanan di Aurora lo tin un persona sinta patras na entrada di misa pa skirbi e intencionnan for di 4 or y mey di marduga. Aurora Dia 16 di december ta cuminsa e nobena, prome cu

7 Pasco di Nacemento, yama AURORA. Como cu e dianan aki e Misanan di Aurora ta 5 or di marduga, no tin Misa den siman. E Misa di 6 or di atardi riba 20 di december tambe ta cancela. E otro Misanan den fin di siman (week-end) ta sigui normal. Durante e nobena nos lo trata temanan relaciona cu Aña di Misericordia. Despues di cada Misa di Aurora ta invita tur presente pa pasa den hofi pa un rato social di cua cada dia ta prepara pa otro grupo. Tambe nos ta participa cu libreria La Barca lo ta habri tur e dianan aki despues di Misa di Aurora. Tin na benta e buki di nobena pa Misa di Aurora (cantidad ta limita). Collectnan special Di dos diadomingo di advent lo tin e TA CERA Comision Santana Savaneta te cu Pa emergencia yama: PABLO PAESCH: Orarionan di Misa riba e dianan di Pasco Misa solem di Pasco anochi lo ta pa 11 or di anochi (Misa di Meyanochi di Pasco) na Savaneta. Dia di Pasco 25.12: Capiya di Pos Chikito ta 7 or y 8 or di mainta; misa di Savaneta ta 10 or di mainta y 12 or di merdia. Di dos dia di Pasco ta celebra Misa pa e grandinan na Huize Mari Stella pa 10 di mainta y despues bautismo (na misa). Pa 7 or di anochi lo tin misa na Savaneta. usual collect pa Bisdom. Durante e Misanan di Aurora lo tin collect special (via envelop) pa traha un cura - muraya pariba di pastorie. Proximamente riba tereno pariba di pastorie lo construi 15 cas di famia. Prome cu esey sosode, nos ta desea di cera nos tereno. E presupuesto pa e trabou aki ta mas of menos 35 mil florin. E cura cu nos kier haci ta igual na esun cu tin banda di scol Sagrado Curason. Ta pidi e generosidad di tur nos parokianonan. Santo Inocentenan Dialuna 28 di december ta Dia di Inocentenan ta invita mayornan cu muchanan chikito (di 0 te cu 2 aña) pa un breve celebracion di bendicion di muchanan pa 6 or di atardi na misa di Savaneta. Diadomingo di Santa Famia Diadomingo 27 di december Iglesia ta celebra Fiesta di Sta. Famia, fiesta patronal di capiya Pos Chikito. Misa solem lo ta pa 8 or mainta.

8 Logo y lema di Aña di Hubileo ta duna nos un bista di loke ta e aña di misericordia. E lema ta: Misericordioso manera Tata y ta propone pa sigui ehempel di Dios Tata, cu ta pidi pa no husga ni condena, sino pordona y stima sin midi. E logo ta un obra di e Hesuita Marko I. Rupnik y ta trata di un splicacion teologico grafico di misericordia cristian. E ta mustra Hesus cu ta carga un hende perdi. E ta un imagen ya presente den iglesia antiguo cu ta indica cu Hesus a encarna pa nos redencion. E ilustracion aki tambe ta destaca figura di Hesus E bon wardado cu ta busca esun perdi y ta brasa nan cu su amor y ta yuda cambia nan bida. Bon wardador cu un misericordia extremo cu ta carga e humanidad riba su lomba, anto su wowonan ta confundi cu e wowonan di hende. Tambe e imagen aki ta expresa e naturalesa divino y humano di Hesus. E tres formanan oval concentrico di un color progresivo mas cla den esun extremo ta sugeri un movemento di Cristo cu ta saca hende fo i anochi scur di pica y morto. Di otro banda e profundidad di e color scur ta sugeri e caracter inscrudiñabel ( cu nifica: dificil pa compronde) di amor di Tata cu ta pordona tur cos. Oracion di Papa Francisco pa e Aña di Misericordia Señor Hesucristo, Bo a siña nos di ta misericordioso mescos cu Tata celestial ta misericordioso, y Bo a bisa nos cu ken cu mira Abo ta mira Tata. Mustra nos bo cara y nos lo ta salba. Bo mirada a libra Zakeo y Mateo for di sclavitud di placa; Bo a libra e muhe adultero y Magdalena for di e felicidad engañoso di mundo. Bo mirada misericordioso a haci Pedro yora despues di su traicion, y Bo a sigura Paraiso na e ladron arepenti. Scucha nos, awo cu Bo ta dirigi na cada un di nos e palabranan cu bo a papia cu e muhe samaritano: Si bo tabata conoce e don di Dios! Bo ta e cara visibel di e Tata invisibel, di e Dios cu ta manifesta su poder riba tur pa medio di pordon y misericordia: Laga Iglesia sea bo cara visibel den mundo, su Señor resucita y glorifica. Bo ta desea pa bo ministronan sea dorna cu debilidad pa asina nan por sinti compasion pa esnan ignorante y cu a perde e caminda; Laga pa cada un cu ta acerca nan, sinti nan mes stima y pordona pa Dios. Manda bo Spirito y consagra nan cu zeta di salbacion pa asina e Hubileo di Misericordia sea un aña di gracia di Señor, y bo Iglesia, cu un entusiasmo renoba, por trece bon noticia pa e pobernan, proclama libertad na e prisoneronan y bista na e ciegonan. Nos ta pidi Bo, Señor Hesus, pa intercesion di Maria, Mama di Misericordia, Abo cu ta biba y reina cu Tata y cu Spirito Santo den tur siglo di siglonan. Amen.