ANEXO I. Segunda. Retribución mensual bruta correspondente a un subgrupo A2 nivel 18: 1.987,37.

Transcripción

1 ANEXO I Bases para a confección urxente de listas para a cobertura de prazas de técnico/a local de emprego, baixo as modalidades de funcionarios/as interinos/as establecidas no art do Real Decreto Lexislativo 5/2015, de 30 outubro, polo que se aproba o texto refundido la Lei do Estatuto Básico do Empregado Público. Primeira. As presentes bases teñen por obxecto a confección de listas para a cobertura de prazas de técnico/a local de emprego (Subgrupo A2), como funcionarios/as interinos/as nas modalidades reguladas no art do Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público. No non disposto nelas será de aplicación a Convocatoria Unitaria para a provisión de prazas de funcionarios/as de carreira e persoal laboral deste Concello. Segunda. Retribución mensual bruta correspondente a un subgrupo A2 nivel 18: 1.987,37. Terceira. Requisitos: Para tomar parte nas probas selectivas, os/as aspirantes deberán reunir os seguintes requisitos, referidos todos e cada un á data en que termine o prazo de presentación de solicitudes: a) Estar en posesión da titulación de enxeñaría técnica, diplomatura universitaria, arquitectura técnica, grao ou equivalente. Conforme a disposición transitoria quinta da Lei 2/2015, de 29 de abril, de emprego público de Galicia, considerarase equivalente ao título de diplomado universitario ter superados tres cursos completos de licenciatura. b) Ter a nacionalidade española, sen prexuízo do disposto no artigo 57 do texto refundido da Lei do Estatuto Básico do Empregado Público. c) Ter cumpridos dezaseis anos e non exceder, no seu caso, da idade máxima de xubilación forzosa. d) Posuír a capacidade funcional para o desempeño das tarefas habituais da praza á que se aspira. e) Non ser separado/a mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas, nin acharse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario/a, ou para exercer funcións similares ás que desempeñaban no caso do persoal laboral, no que fose separado/a ou inhabilitado/a. No caso de ser nacional doutro Estado, non acharse inhabilitado/a ou en situación equivalente nin ser sometido/a a sanción disciplinaria ou equivalente que impida, no seu Estado, nos mesmos termos o acceso ao emprego público. f) Estar en posesión do título acreditativo de nivel de coñecemento da lingua Galega CELGA IV ou equivalente. As persoas aspirantes que non acrediten estar en posesión do Celga 4 ou equivalente deberán facer unha proba de acreditación do coñecemento da lingua galega. Cuarta. Proba de acreditación do coñecemento do galego As persoas aspirantes que non acrediten estar en posesión do Celga 4 ou equivalente, deberán facer unha proba que se valorará co resultado de apto/a ou non apto/a. Esta proba consistirá na tradución directa e/ou inversa de un ou varios textos, en castelán ou galego, e nun tempo máximo de 1 hora. Os textos serán escollidos pola Comisión cualificadora inmediatamente antes de celebrarse a proba, correspondéndolle á Comisión determinar o nivel de coñecemento esixido para superar esta proba. Esta proba realizarase antes de iniciarse a fase de oposición. As persoas aspirantes que non acrediten estar en posesión do Celga 4 ou equivalente e que non superen esta proba quedarán excluidos do proceso. Páxina 1 de 5

2 Quinta. A selección constará de dúas fases: 1. FASE DE OPOSICIÓN: Esta fase constará dun exercicio de carácter eliminatorio. Proba escrita: Consistirá en responder unha proba escrita que constará de duas partes. Esta proba será calificada como máximo ata 50 puntos, sendo necesario superar o mínimo establecido en cada unha das dúas partes, para superala, e sendo eliminadas aquelas persoas aspirantes que non o obteñan. Este exercicio constará de duas probas, que se realizarán en unidade de acto, de forma consecutiva: 1ª parte: Consistirá en responder por escrito un cuestionario tipo test de 75 preguntas, con catro respostas alternativas, sendo só unha delas correcta. Tamén haberá que responder a 6 preguntas de reserva. O cuestionario será determinado pola Comisión cualificadora inmediatamente antes de celebrarse a proba e relacionado coas materias comprendidas no temario que se adxunta a esta convocatoria. O tempo destinado a esta proba será de 80 minutos. Esta parte será cualificada de 0 a 30 puntos, sendo necesario alcanzar un mínimo de 15 puntos para superalo, sendo eliminadas aquelas persoas aspirantes que non o obteñan. A puntuación calcularase de acordo cos seguintes criterios: Por cada resposta correcta outórgaselle 0,40 puntos. Por cada resposta incorrecta descontarase 0,133 puntos. As respostas en branco non puntúan. 2ª parte.- Consistirá en desenvolver por escrito 20 preguntas con resposta curta. O cuestionario será proposto pola Comisión Cualificadora inmediatamente antes do comezo do exercicio e versará sobre os contidos das materias comprendidas na parte especial do temario que se adxunta a esta convocatoria. Valorarase neste apartado a concreción das respostas e a capacidade de redacción e síntese. A Comisión cualificadora determinará o nivel de coñecementos esixidos para alcanzar a puntuación mínima. O tempo destinado a esta proba será de 100 minutos. Esta parte será cualificada de 0 a 20 puntos, sendo preciso alcanzar un mínimo de 10,00 puntos para superalo, sendo eliminadas aquelas persoas aspirantes que non o obteñan. Á finalización da proba escrita cada persoa aspirante poderá obter copia das súas respostas das dúas partes. O seguinte día hábil publicarase o contido do exercicio e o cadro de respostas da primeira parte na páxina web do Concello da Coruña. 2. FASE DE CONCURSO: Con posterioridade á fase de oposición, procederase á avaliación da fase de concurso. Non terá carácter eliminatorio e consistirá na valoración, por parte da Comisión cualificadora, dos méritos que concorran nas persoas aspirantes. Soamente teranse en conta os documentos acreditativos (orixinais ou fotocopias fehacientes) que aqueles/as presentasen ata o peche do prazo de presentación de instancias da convocatoria. Non se tomarán en consideración nin serán valorados os méritos que non queden debidamente acreditados en todos os seus extremos no momento da finalización do prazo de presentación de instancias. Con todo, non será necesario presentar documentos que xa se achen en poder desta Administración, o cal deberá ser alegado expresamente na instancia. Valoraranse os méritos da fase de concurso conforme ao seguinte baremo: a) Experiencia laboral: Por servizos prestados en calquera Administración Pública en prazas de técnico/a local de emprego, a razón de 0,10 puntos por mes. A experiencia laboral acreditarase mediante a presentación do certificado de vida laboral, así como o certificado da administración de Páxina 2 de 5

3 procedencia onde conste, entre outros extremos, a titularidade da praza e o posto desempeñado coas súas datas de inicio e de fin. O máximo de puntuación neste apartado será de 3 puntos. b) Cursos de formación: Pola acreditación de asistencia a cursos específicos de formación e perfeccionamento expedidos ou homologados por organismos oficiais e directamente relacionados coas funcións da praza de técnico/a local e emprego. Non se puntuará a asistencia a asembleas, xornadas, congresos, conferencias, seminarios, simposios ou similares. Aplicarase o seguinte baremo: Cursos de duración comprendida entre 10 y 24 horas de duración 0,10 puntos Duración comprendida entre 25 e 50 horas Duración comprendida entre 51 e 75 horas Duración comprendida entre 76 e 100 horas Cursos de 100 horas ou máis: 0,20 puntos. 0,30 puntos 0,40 puntos. 0,50 puntos. No caso de que as certificacións non especifiquen o número de horas de duración, ou no caso de cursos de duración inferior a 10 horas non se concederá puntuación algunha. O máximo de puntuación neste apartado será de 2,00 puntos. c) Coñecemento da lingua galega: - Por estar en posesión do título de linguaxe administrativa nivel superior: 0,75 puntos. - Por estar en posesión do título de linguaxe administrativa nivel madio: 0,50 puntos. O máximo de puntuación neste apartado será de 0,75 puntos. A puntuación obtida nesta fase, que se publicará na páxina web do Concello, será computada na valoración final das persoas aspirantes que superasen a fase de oposición, con indicación da puntuación obtida polos/as aspirantes finalistas da convocatoria. Esta puntuación tamén se sumará á puntuación obtida na fase de oposición para a creación dunha lista de espera desta praza para cubrir necesidades futuras de interinidade. Contra a valoración provisional da fase de concurso, as persoas aspirantes poderán presentar, no prazo de 10 días seguintes á publicación, as reclamacións que estimen oportunas ante o propio tribunal. Á vista das reclamacións que se presenten e, no caso de ser estimadas, realizaranse as oportunas correccións na valoración e procederase á publicación definitiva na páxina web do Concello da Coruña. Sexta. Solicitudes: As persoas interesadas deberán presentar a solicitude no Rexistro Xeral deste Concello no prazo de DEZ DIAS HABILES, contados desde o día seguinte ao da publicación do anuncio correspondente no Boletín Oficial da Provincia (BOP). Xunto coa instancia, deberá presentarse inexcusablemente a seguinte documentación: - Fotocopia do DNI - Fotocopia compulsada do título esixido como requisito na base terceira. - Fotocopia compulsada da acreditación do coñecemento da lingua Galega. - Relación dos méritos que aleguen co fin de valoralos na fase de concurso. Os méritos serán enumerados segundo a orde establecida nesta convocatoria, acompañados dos documentos orixinais ou fotocopias xustificativas. Páxina 3 de 5

4 - Declarar si desexa o texto dos exames en galego ou en castelán. Toda a documentación anteriormente indicada deberá posuírse na data de finalización do prazo de presentación das instancias. Setima. Publicidade do proceso selectivo. A publicidade dos distintos actos derivados deste proceso selectivo, así como as comunicacións a que dese lugar, realizaranse na páxina web do Concello da Coruña ( na pestana Concello opción Selección de Persoal. Oitava. Cualificación final.- As cualificacións das persoas aspirantes en cada unha das partes da proba escrita publicaranse na páxina web do Concello da Coruña. A orde de prelación das persoas aspirantes que superen o proceso selectivo realizarase de acordo coa suma das puntuacións obtidas nas fases de oposición e concurso. En caso de empate na puntuación final do proceso selectivo establécese a seguinte orde de prioridade: 1º A nota máis alta na primeira parte da proba escrita da fase de oposición. 2º A nota máis alta na segunda parte da proba escrita da fase de oposición. 3º Maior número de preguntas acertadas na primeira parte da proba escrita. Novena. O tribunal propoñerá a contratación das persoas que obteñan a máxima puntuación conforme á cualificación final obtida neste proceso. Para futuras contratacións, acudirase a lista resultante deste proceso selectivo, que estará formada polas persoas aspirantes que superen as dúas partes da proba escrita, tendo en conta a orde da puntuación total obtida no proceso (fase de oposición e fase de concurso) e o disposto na Instrucción 4/17 sobre o procedemento de creación e xestión de listas de agarda para o nomeamento de persoal interino do Concello da Coruña. TEMARIO Parte xeral Tema 1. A Constitución Española de 1978: Dereitos e deberes dos cidadáns. O Estatuto de Autonomía de Galicia. As institucións da Comunidade Autónoma: o Parlamento, o Consello da Xunta e o Presidente. Tema 2. Lei 39/2015, de 1 de outubro, do procedemento administrativo común das Administracións Públicas. Dos actos administrativos. Concepto e clases Elementos. Requisitos dos actos administrativos. Eficacia dos actos. A notificación. Nulidade e anulabilidade. Tema 3. Lei 39/2015, de 1 de outubro, do procedemento administrativo común das Administracións Públicas. Iniciación do procedemento. Disposicións xerais. Clases e especialidades de iniciación. Inicio do procedemento a solicitude do interesado. Ordenación. Instrucción: Disposicións xerais. Proba. Informes. Participación dos interesados. Terminación: clases de terminación e especialidades. Tramitación simplificada do procedemento administrativo. Execución. Título. Executoriedade. Execución forzosa. Medios de execución forzosa. Tema 4. Lei 39/2015, de 1 de outubro, do procedemento administrativo común das Administracións Públicas. Recursos administrativos. Principios xerais. Obxecto e clases. Normas xerais dos recursos administrativos. Recurso de alzada. Recurso de reposición. Recurso extraordinario de revisión. Tema 5. O réxime local: Regulación xurídica. O municipio: concepto e elementos. Tema 6. Organización municipal. Órganos necesarios e órganos complementarios. Competencias do municipio. Tema 7. Municipios de gran poboación. O Alcalde: competencias, forma de elección e cesamento. Os Tenentes de Alcalde. A Xunta de Goberno Local: composición e atribucións. O Concello Pleno: composición e competencias. As Comisións Informativas. Tema 8. Dereitos e deberes dos funcionarios locais. Código de conduta de empregados públicos. Réxime de incompatibilidades. Páxina 4 de 5

5 Tema 9. Lei 9/2017, de contratos do sector público. Os contratos administrativos. Ámbito subxectivo e obxectivo de aplicación. O obxecto do contrato, o precio e a súa revisión. Clasificacións dos contratos Tema 10. Marco normativo específico de Prevención de Riscos Laborais. A Lei 31/1995 de 8 de novembro de Prevención de Riscos Laborais. Plan Xeral de Prevención de Riscos do Concello da Coruña. Parte específica Tema 11. A figura do Axente de Emprego de desenvolvemento local. Normativa reguladora. Características, funcións e ámbitos de actuación. Tema 12. A Estratexia Europea para o Emprego. Directrices para as políticas de emprego A dimensión local. Tema 13. A política de emprego. Instrumentos da política de emprego segundo o Real Decreto Lexislativo 3/2015, de 23 de outubro, polo que se aproba o texto refundido da lei de emprego. Tema 14. Lei 11/2013, de 26 de xullo, de medidas de apoio ao emprendedor e de estímulo do crecemento e da creación de emprego. Tema 15. O asesoramento técnico na iniciativa empresarial. A persoa emprendedora: Análise da idea empresarial. Tema 16. O deseño dun itinerario de Emprendemento. Fases. Tema 17. O emprendedor e a idea de negocio. Tema 18. O modelo de negocio: definición e módulos. Tema 19. O plan de empresa. Definición. Obxectivos e estructura. Tema 20. Trámites administrativos para a posta en marcha dunha idea empresarial. Tema 21. Formas xurídicas para a creación dunha empresa. Incentivos. Subvencións e bonificacións. Tema 22. A empresa. Elementos, obxectivos e clasificación. Tema 23. Fontes de financiación da empresa: custes empresariais e umbral de rendabilidade. Tema 24. O liderazgo, teorías, tipos e estilos. Tema 25. A comunicación: elementos, etapas e barreiras. Tema 26. A negociación: elementos, tipos e fases. Tema 27. As infraestructuras de apoio ao Emprendemento. Tema 28. O Instituto Galego de Promoción Económica. BIC Galicia. Tema 29. Subvencións destinadas a fomentar e manter a creación de emprego autónomo. Tema 30. A lei 6/2016, do 4 de maio, da economía social de Galicia. A Coruña, 2 de maio de 2018 A XUNTA DE GOBERNO LOCAL, P.D. A Concelleira delegada de Facenda e Administración, María Eugenia Vieito Blanco Páxina 5 de 5