ÉNTE LES ELEICIONES AUTONÓMIQUES Y CONCEYILES Darréu Mocedá d Izquierda Soberanista

Transcripción

1 ÉNTE LES ELEICIONES AUTONÓMIQUES Y CONCEYILES 2015 Darréu Mocedá d Izquierda Soberanista Mayu

2 Avérase un nuevu procesu eleutoral n Asturies nel que van escoyese los y les diputaes y conceyales que conformarán la Xunta Xeneral y los Ayuntamientos asturianos previsiblemente pa los próximos cuatro años, fechu que dende la Mocedá d Izquierda Soberanista, pesie a nun ser en sigo mesmo un partíu políticu o un coleutivu de calter eleutoralista, nun podíemos escaecer nin dexar de pronuncianos alrodiu d ello dende la nuesa perspeutiva. En primer términu, nun podemos escaecer la situación política, económica, social, cultural que vive la mocedá y el conxuntu del Pueblu Trabayador Asturianu: la corrupción, el sucursalismu, la falta d oportunidaes llaborales dignes, la represión de les lluches componen una realidá que ye señalada día a día, y que dexa a la mocedá asturiano nuna situación bien precaria. 40 mozos y moces emigren d Asturies acaldía, atópense en paru a la gueta del primer trabayu, el 90% de los nuevos contratos firmaos son temporales, medren les dificultaes p acceder a estudios pol aumentu de les tases o por falta de places, reprímese con peticiones totales de decenes d años de cárcel pol desendolcu de distintes lluches reivindicatives, despilfárrense cientos de millones d euros n obres faraóniques y en sovenciones a empreses privaes yá desllocalizaes na mayoría de los casos, con fondos pa una supuesta reconversión industrial que nun foi más que desmantelamientu son dalgunos de los exemplos de l Asturies d anguaño, de l Asturies frutu del réxime del 78 y, poro, somorguiada con un sucursalismu xabaz, a los intereses de les élites qu empleguen l Estáu español, la Xunión Europea o la OTAN como ferramientes de dominación. Creyemos, en primer términu, que nesta situación cunten cola so parte importante de responsabilidá les fuercies polítiques venceyaes al réxime, especialmente la FSA-PSOE y PP, pero ensin escaecer a otres formaciones que cuntaron con presencia nos gobiernos d Asturies y de los principales conceyos: Foro, IU, y la más reciente presencia na Xunta Xeneral d UPyD. Toos ellos, en mayor o menor midida, son responsables nunos casos y cómplices n otros, del desendolcu d un proyeutu p Asturies que podría calificase de falta de proyeutu, si nun fuera poles consecuencies que vien trayendo pal conxuntu de la clase trabayadora asturiana a tolos niveles, y que se resume perbién na situación de dependencia total de la nuesa 2

3 probetaya Comunidá Autonóma al gobiernu central y, poro, a los intereses d unes élites polítiques y económiques bien alloñaos de los porgüeyos populares. Tampoco vamos escaecer el papel en too ello de los dos sindicatos mayoritarios, SOMA-FITAG-UGT y CCOO, como pates sindicales del réxime clientelar encadarmáu pola FSA-PSOE nel últimes décades, y que tien como máxima espresión el despilfarru y corrupción de los Fondos Mineros, asina como la sumisión d estes centrales sindicales a los intereses tanto de les sos propies organizaciones, como de los empresarios que vienen beneficiándose del orde de les coses nel nuesu país. Esta ye pa nós la situación xeneral, un panorama que venimos espeyando nestos años pa poder actuar en consecuencia na xera d organizar y movilizar a la mocedá como motor de tresformación n Asturies. Nesi sen, dende Darréu entendemos que pa valtiar l actual réxime ye prioritaria y protagonista la llucha na cai, dende la base, trabayando nel día a día nel frente estudiantil, la llucha llaboral, na defensa de la tierra, el feminismu, l antifacismu, movimientu LGTB, etc con un llabor pedagóxicu que, nel nuesu casu concretu, faiga llegar a la mocedá non solamente esti conxuntu de problemátiques como un too, sinon tamién les sos causes y el mensaxe de que l camín pa igualo ye la construcción de la nuesa soberanía como pueblu dende l socialismu y el feminismu, dende la organización y la llucha. Les esperiencies hestóriques nos procesos eleutorales desarrollaos nes democracies burgueses amuesen la so imposibilidá a la hora de desendolcar por sí mesmos procesos revolucionarios: les propies llimitaciones del Estáu burgués nel que s afita l capitalismu fae que nun seya posible superar ciertes llendes dende l propiu sistema, cuya clase dominante va defender la so posición de poder polos medios que seyan necesarios ante cualquier amenaza pal so estatus. Sicasí, ello nun ye torga pa que refuguemos práutiques izquierdistes de refugu dafechu ya incondicional a cualquier procesu eleutoral: somos conscientes del interés qu espierten en bona parte del pueblu, y tamién de la posibilidá de ser emplegaes como ferramientes que contribuyan a un avance nel procesu de construcción d esi percitáu y necesariu Poder 3

4 Popular. Tamién somos conscientes del papel que dende los coleutivos tresformadores tenemos que xugar a la hora de facer llegar al pueblu les llimitaciones de la democracia representativa burguesa, y de facer ver que ye inútil cualquier espresión eleutoral si nun cunta detrás con un movimientu popular fuerte y sollerte al so papel decisivu a la hora de conquistar avances y defendelos. A la hora d analizar esti procesu eleutoral concretu que se mos avera, ye necesario tamién tener en cuenta dende qué perspeutiva y oxetivos lluchamos dende Darréu: puxamos por una Asturies llibre d opresión nacional, de clase y de xéneru, defensora ya impulsora del so patrimoniu históricu, cultural, llingüísticu, y mediuambiental, soberana y solidaria nes sos rellaciones col restu de pueblos del mundu. Pero too ello nun ye menos cierto qu estos plantegamientos qu emplegamos como exe discursivu, son de máximos, aplicables necesariamente pa una tresformación en toles estayes. Poro, consideramos qu a la hora de sofitar una candidatura o simplemente analizala, cabe plantegar dalgunes cuestiones de mínimos que permitiríen avanzar nes condiciones materiales, y na construcción d esi Poder Popular que tendrá que frayar inevitablemente col sistema. Dende la nuesa perspeutiva, el finxu básicu y a la vez resume de lo que vien darréu, ye la llucha por un procesu constituyente asturianu, qu amás de poner en valor Asturies como suxetu políticu soberanu, tenga en cuenta cuestiones como la defensa d una educación pública, llaica, igualitaria y apegada a la realidá social, hestórica, cultural o llingüística d Asturies; polítiques d empléu pa la mocedá, garantía d aplicación del drechu a la vivienda y prohibición de los desagospios; entamu d un procesu de reindustrialización y reactivación de los seutores económicos tradicionales; nacionalización de la banca y los seutores productivos (siendo claves enforma nel casu asturianu dellos como l enerxéticu, mineru, siderúrxicu, naval ); polítiques ambicioses n igualdá de xéneru; afondamientu na democratización del país y la participación popular aprovechando ferramientes tradicionales como l Conceyu Abiertu; algame máximu de competencies polítiques y económiques; reconocimientu d Asturies como nacionalidá hestórica, supresión de la institución del Principado, oficialidá pa les nueses llingües propies (col so correspondiente procesu de normalización, escolarización n asturianu y 4

5 gallego-asturiano, reimpulsu y acabu del procesu toponímicu, RTPA n ast ) y polítiques culturales de puxu decidíu polo propio (tanto tradicional como nueves creaciones); amnistía pa toles persones condergaes o encausaes por lluches polítiques y sociales son dalgunes cuestiones básiques a poner enriba la mesa, cuestiones que pa nós son de mínimos, pero qu al mesmu tiempu sirven tanto pal avance nes condiciones materiales de la clase trabayadora y d Asturies como realidá nacional, como p amosar les llimitaciones y contradicciones propies del sistema facilitando l so señalamientu na necesidá de valtialu. Son propuestes que, como bien señalamos, mos paecen imprescindibles. A la hora d analizar programes y plantegamientos de les candidatures a les eleiciones autonómiques asturianes, podemos atopar o bien tolo contrario a la que podría ser la nuesa llinia ideolóxica, o la coincidencia con dellos programes en cuestiones concretes, pero non lo suficiente en conxuntu. Como bien señalábemos enantes, nun vamos nin siquier a considerar a les fuercies que responsables del panorama políticu, económicu y social llamentable nel que s atopa Asturies: fuercies polítiques como PP, PSOE, Foro, o IU, amás de responsables direutos, enxamás ficieron un procesu d autocrítica respeuto al so facer nestos años, siendo especialmente llacerioso nel casu d IU. En cuantes a candidatures nueves con posibilidaes d algamar un importante sofitu popular, como Podemos, presumen avances en cuestiones como la llingüística, pero lo que pudo agüeyase ente una bayura d indefinición hasta l momentu, nun paez señalar un camín lo suficientemente ambiciosu y tresformador, y lo más importante: nun amuesa una visión de proyeutu de país, sinon qu herieda vieyes zunes sucursalistes tradicionalmente carauterístiques d otros partíos políticos colos que comparten espaciu. A ello sumaríemos les carencies a la hora de facer llabor pedagóxica, arrenunciando a cuestiones mui básiques nel so discursu col enfotu de ganar sofitu eleutoral, y escaeciendo con ello una visión más alló de la pura reforma. 5

6 Y en cuantes a la Izquierda Soberanista? Nesti procesu eleutoral autonómicu namái se presenta una candidatura dientro d esti espaciu ideolóxicu: la d Andecha Astur. Otres fuercies participantes n anteriores eleiciones (Compromisu, Conceyu Abiertu, Izquierda Asturiana ) nun presenten candidatures propies, bien sofitando otros proyeutos, o non. Sicasí, dende Darréu reafirmamos les cuestiones eleutorales que señalábemos nel documentu resultáu del nuesu V Conceyu Nacional, el del nuesu desvenceyamientu d AA: esta organización política, dende la so llexitimidá como tal pa dar los pasos que considere convenientes, torna a participar nun procesu eleutoral a toa costa, ensin analizar el contestu concretu, nin la utilidá de presentase nes condiciones nes que s alcuentra Andecha Astur como organización y la Izquierda Soberanista en xeneral como espaciu políticu, etc Falta analís, falta autocrítica, y sobre too, falta un replantegamientu de les sos práutiques pa col restu del texíu militante de la Izquierda Soberanista: vien siendo AA práuticamente la única organización que s asitia al marxe de dinámiques xunitaries como l Espaciu La Llegra o los bloques #LluchandoPolaSoberanía, apostando por un camín de fuxida haza alantre bien cuestionable. Pa nós el momentu nel que s alcuentra anguaño la Izquierda Soberanista ye fundamentalmente de construcción de los pegoyos como movimientu dende l trabayu de base en movimientos sociales, sindicales, culturales, etc, dende una mentalidá de movimientu que tien que desembocar tamién na construcción d un referente sociopolíticu xunitariu. Poro, dende esta perspeutiva, si yá nos paecería cuestionable una candidatura eleutoral xunitaria de la Izquierda Soberanista nestes eleiciones autonómiques, paéznoslo más entá si ye únicamente d un seutor. Ye por ello polo que dende la Mocedá d Izquierda Soberanista, qu en tantos procesos dimos el nuesu apoyu y llamamos al votu p Andecha Astur, nesta ocasión nun vamos facelo -respetando en tou casu la llibertá de la militancia pa tomar el so determín-. Siempres se ta a tiempu de reconsiderar postures, 6

7 siempres se ta a tiempu de nun siguir apostando por un camín que vien demostrando dende va años ser ineficaz, y xunise a un procesu nel que dende la humildá y el trabayu diariu, venimos apostando dende delles organizaciones y persones de la Izquierda Soberanista col enfotu de rearticulanos como movimientu no organizativo, lo ideolóxico, y lo estratéxico y táutico. En definitiva, nestes eleiciones autonómiques dende Darréu nun vamos llamar al votu pa nenguna fuercia política concreta, encamentando a la mocedá en tou casu a movese dientro de los parámetros mínimos que venimos plantegando y, lo que ye más importante: a xunise, intensificar, y ampliar la organización y la llucha dende l tarrén de llucha determinante: les cais. A nivel conceyil: Nestes eleiciones a les Cases Conceyu, podemos repetir l analís fechu hasta l momentu, sacantes delles esceiciones. Consideramos perpositivu l llabor que dende la Izquierda Soberanista vien faciéndose col impulsu o participación d espacios como Conceyu Abiertu por Noreña, exemplu de trabayu dende la base, de llabor pedagóxico, y d autoorganización popular combinando cai y llabor institucional dende la consciencia de les llimitaciones d esti tarrén últimu. Tamién se ven con bonos güeyos alternatives más amplies como Pueblu, candidatures d unidá popular que son espresión del trabayu n estayes culturales, sociales nestos conceyos a lo llargo de munchos años. Tamién otres propuestes como Compromisu por L.lena amuesen detrás un trabayu de dinamización conceyil dende la base a nun escaecer, reconociendo polo tanto l so perimportante llabor. Dende Darréu consideramos l ámbitu conceyil como clave pal trabayu de la Izquierda Soberanista nestos tiempos vinientes, amás d un tarrén afayaízu a la hora de ser quién a encadarmar alternatives rupturistes d unidá popular. Sicasí, pel momentu ye evidente que namái se foi quién a facelo cristalizar en dellos casos mui concretos, polo que faise necesario siguir enfotándose 7

8 n esparder estes dinámiques a tolos conceyos onde seya posible, dende l trabayu diariu y l enfotu claru de construyir Poder Popular, y ensin escaecer tampoco que ye pernecesaria la construcción d una cadarma y un discursu referencial a nivel xeneral d Asturies. Son estes les cuestiones básiques que queríemos treslladar dende Darréu de cara a estes eleiciones, que si bien cunten cola so importancia pal Pueblu Trabayador Asturianu, nun ye menos cierto que faen ver más que nunca qu ensin sofitu en forma de base popular movilizada nes cais del país, nun habrá ferramienta eleutoral que valga pa los intereses de la clase trabayadora del nuesu país. 8