REGULAMENTO DO REXISTRO DE EMPRESAS DO SECTOR FORESTAL DE GALICIA ÍNDICE

Transcripción

1 REGULAMENTO DO REXISTRO DE EMPRESAS DO SECTOR FORESTAL DE GALICIA Artigo único.- Apróbase o regulamento. Disposicións adicionais Primeira.- Segunda.- Terceira.- Cuarta.- Disposicións transitorias Primeira.- Segunda.- Disposicións derradeiras Primeira.- Segunda.- ÍNDICE Anexo. Regulamento do Rexistro de Empresas do Sector Forestal de Galicia. Capítulo I: Disposicións xerais Artigo 1. O Rexistro de empresas do sector forestal de Galicia Artigo 2. Fins Artigo 3. Ámbito Artigo 4. Contido Capítulo II: Organización do Rexistro Artigo 5. Divisións Artigo 6. Seccións Artigo 7. Número de identificación Capítulo III: Procedementos Artigo 8. Procedemento de inscrición. Comunicación de datos Artigo 9. Variacións esenciais Artigo 10. Comunicación anual Artigo 11. Inspeccións Capítulo IV. Acceso á información e normas de confidencialidade Artigo 12. Acceso á información e normas de confidencialidade Capítulo V: Das estatísticas forestais e do sistema de debida dilixencia Artigo 13. Da subministración de datos estatísticos forestais Artigo 14. Do sistema de debida dilixencia adoptado polos operadores de xeito individual Artigo 15. Declaración responsable presentada polo axente no exercicio da súa dilixencia debida de xeito individual

2 Capítulo VI: Réxime sancionador Artigo 16. Infraccións e sancións. Anexo I: Contido de información para inscribirse no Rexistro de Empresas do Sector Forestal de Galicia Anexo II: Contido de información para presentar anualmente no Rexistro de Empresas do Sector Forestal de Galicia Anexo III: Listado de actividades económicas aos efectos do artigo 3 para ser inscritas no Rexistro de Empresas do Sector Forestal de Galicia

3 BORRADOR DE ORDE DO DE DE 2013, POLA QUE SE APROBA O REGULAMENTO DO REXISTRO DE EMPRESAS DO SECTOR FORESTAL DE GALICIA. O artigo 102 da Lei 7/2012, do 28 de xuño, de montes de Galicia creou o Rexistro de Empresas do Sector Forestal, no que se inscribirán as cooperativas, as empresas e as industrias forestais que realizan traballos forestais nos montes galegos e as industrias forestais con sede social na Comunidade Autónoma. O artigo 126 da citada lei crea o sistema rexistral forestal de Galicia como rexistro administrativo de consulta pública adscrito á consellería competente en materia forestal, no que se inscribirán entre outros o Rexistro de Empresas do Sector Forestal. No parágrafo 2 deste artigo facúltase á consellería competente en materia de montes para regular o funcionamento e o contido de todos os rexistros incluídos nese sistema rexistral forestal de Galicia. A Lei 43/2003, do 21 de novembro, de montes, establece no seu artigo 61, que as Comunidades Autónomas levarán un rexistro de cooperativas, empresas e industrias forestais tanto das empresas que realicen traballos forestais nos montes como das industrias forestais, incluíndo nestas as de serra, chapa, taboleiros, pasta, papel e cortiza. O título IV da Lei 21/1992, do 16 de xullo, de industria, creou o Rexistro de Establecementos Industriais de ámbito estatal. O regulamento dese rexistro aprobouse mediante o Real decreto 559/2010, do 7 de maio. Na disposición final primeira do Real decreto 559/2010 determínase o carácter básico da devandita norma, sen prexuízo das competencias das comunidades autónomas para establecer rexistros industriais nos seus respectivos territorios. Na Comunidade Autónoma de Galicia, mediante o Decreto 115/2000, do 11 de maio, aprobouse o Regulamento do Rexistro de Establecementos Industriais de Galicia. Derivado da transposición ao ordenamento xurídico español da Directiva 2006/123/CE do Parlamento Europeo e do Consello, do 12 de decembro, relativa aos servizos no mercado interior, tamén coñecida como Directiva de servizos, a través da Lei 17/2009, do 23 de novembro, sobre o libre acceso ás actividades de servizos, aprobouse

4 posteriormente a Lei 25/2009, do 22 de decembro, de modificación de diversas leis para a súa adaptación á Lei sobre o libre acceso ás actividades de servizos e o seu exercicio. Esta última modificou expresamente as leis vixentes afectadas pola directiva e en particular o título IV da Lei 21/1992, do 16 de xullo, de industria. O novo título IV da Lei 21/1992 crea o Rexistro Integrado Industrial e establece no seu artigo 21.2 que a creación dese rexistro entenderase sen prexuízo das competencias das comunidades autónomas para establecer rexistros industriais nos seus respectivos territorios. A nivel autonómico, a adaptación á directiva levouse a cabo a través da Lei 1/2010, do 11 de febreiro, de modificación de diversas leis de Galicia para a súa adaptación á Directiva 2006/123/CE do Parlamento Europeo e do Consello, do 12 de decembro, relativa aos servizos no mercado interior, que modificou a Lei 9/2004, do 10 de agosto, de seguridade industrial de Galicia. O rexistro de empresas do sector forestal de Galicia está integrado no rexistro industrial de Galicia como rexistro específico esixido pola normativa vixente. Coa integración no Rexistro Industrial de Galicia, o interesado só terá que presentar unha inscrición no Rexistro Industrial de Galicia para cumprir coa obriga de estar inscrito neste e no rexistro sectorial correspondente. As normas complementarias relativas a este rexistro específico desenvólvense a través desta orde. Á fin de dar cumprimento ás obrigas establecidas no Regulamento UE-995/2010, do 20 de outubro de 2010, polo que se establecen as obrigas dos axentes que comercializan madeira e produtos de madeira na Unión Europea e a súa normativa de desenvolvemento, os operadores inscritos no Rexistro de Empresas do Sector Forestal poderán describir o seu sistema de dilixencia debida adoptado de xeito individual en base aos instrumentos establecidos no artigo 104 da Lei 7/2012, do 28 de xuño, de montes de Galicia. Respecto dos procedementos administrativos asociados ao rexistro, a orde introduce a obrigatoriedade de realizalos de forma telemática dende o momento en que tecnicamente sexa posible, desenvolvendo o disposto no artigo 27.6 da Lei 11/2007, do

5 22 de xuño, de acceso electrónico dos cidadáns aos servizos públicos e o regulado a nivel autonómico no artigo 24.2 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. O Decreto 46/2012, do 19 de xaneiro, polo que se establece a estrutura orgánica da Consellería do Medio Rural e do Mar, e do Fondo Galego de Garantía Agraria, atribúelle á Secretaría Xeral de Medio Rural e Montes, como Administración forestal segundo a definición do artigo 8 da Lei 7/2012, do 28 de xuño, de montes de Galicia, as competencias en materia de xestión dos rexistros públicos en materia de montes. De conformidade co anterior, esta orde regula o Rexistro de Empresas do Sector Forestal, e o seu réxime de inscrición baixo os principios de liberdade de establecemento e de simplificación dos procedementos administrativos. A súa regulación obedece á necesidade de poñer en funcionamento un rexistro específico de empresas e industrias forestais que permita centralizar a información ata agora un tanto dispersa, así como á conveniencia de adecualo á ampliación e diversificación operada no sector forestal nos últimos anos, constituíndo así un medio para artellar unha política adecuada e realista mediante un banco de datos imprescindible para o aproveitamento dos montes que constitúen gran parte do territorio da Comunidade Autónoma de Galicia. En virtude de todo o exposto, e en uso das atribucións que me confire o artigo 34 da Lei 1/1983, do 22 de febreiro, reguladora da Xunta e do seu presidente, DISPOÑO: Artigo único.- Apróbase o regulamento que rexerá o Rexistro de Empresas do Sector Forestal de Galicia que se publica como anexo desta orde. Disposicións adicionais

6 Primeira.- O Decreto 115/2000, do 11 de maio, polo que se aproba o regulamento do Rexistro de Establecementos Industriais de Galicia, aplicarase con carácter supletorio en todo o que non prevexa de forma expresa esta orde. Segunda.- As cooperativas, empresas e industrias forestais ás que fai referencia esta orde e que figuren inscritas noutros rexistros no momento da entrada en vigor desta orde, pasan a integrar o novo Rexistro de Empresas do Sector Forestal de Galicia. Terceira.- A consellería competente en materia forestal establecerá os mecanismos necesarios co fin de incluír no Rexistro que regula esta orde, os datos das cooperativas, empresas e industrias forestais que figuren inscritas noutros rexistros. Cuarta.- Poderanse incluír ou excluír actividades económicas no anexo III do Regulamento do Rexistro de Empresas do Sector Forestal de Galicia, mediante resolución da Secretaría Xeral do Medio Rural e Montes, en canto que é Administración forestal consonte co disposto no artigo 8 da Lei 7/2012, do 28 de xuño, de montes de Galicia. Disposicións transitorias Primeira.- Os expedientes que se atopen en tramitación na data de entrada en vigor desta orde, seguirán rexéndose polas disposicións anteriormente vixentes. Segunda.- Os titulares das cooperativas, empresas e industrias incluídas no ámbito de aplicación desta orde, que a súa entrada en vigor non consten en ningún rexistro, deberán dar cumprimento ao establecido nesta orde, no prazo dun ano a partir da súa entrada en vigor. Disposicións derradeiras Primeira.- Facúltase ao Secretario Xeral do Medio Rural e Montes, para ditar cantas disposicións sexan necesarias para aplicar o disposto nesta orde.

7 Segunda.- Esta orde entrará en vigor o día seguinte ao da súa publicación no Diario Oficial de Galicia. Santiago de Compostela, A conselleira do Medio Rural e do Mar Rosa María Quintana Carballo

8 ANEXO. REGULAMENTO DO REXISTRO DE EMPRESAS DO SECTOR FORESTAL DE GALICIA. Capítulo I: Disposicións xerais Artigo 1. O Rexistro de empresas do sector forestal de Galicia 1. Esta orde ten por obxecto establecer as normas de funcionamento do Rexistro de empresas do sector forestal de Galicia (en diante, Rexistro), como rexistro administrativo de consulta pública, adscrito á consellería competente en materia forestal, no cal se inscribirán as cooperativas, as sociedades, as empresas e as industrias forestais que desenvolvan a súa actividade forestal na Comunidade Autónoma de Galicia. 2. O Rexistro queda integrado como rexistro específico no rexistro industrial de Galicia. 3. O órgano administrativo competente para a xestión do Rexistro é a Secretaría Xeral do Medio Rural e Montes, consonte co disposto no artigo 8 da Lei 7/2012, do 28 de xuño, de montes de Galicia, sen prexuízo do disposto na normativa que regula o Rexistro Industrial de Galicia, 4. A consellería competente en materia de montes coordinará as súas actuacións con outras consellerías para transferir e completar datos do Rexistro Industrial de Galicia e doutros rexistros estatais. Artigo 2. Fins O Rexistro ten como fins fundamentais: a) Dispoñer de maneira permanente e actualizada da información necesaria referida ás cooperativas, empresas e industrias forestais, tanto das que realizan traballos forestais nos montes galegos como das industrias forestais con sede social na Comunidade Autónoma, incluíndo nestas as de serra, chapa, taboleiros, pasta, papel, biomasa forestal, pellets, cortiza, cogomelos, plantas aromáticas, pequenos froitos, castaña e as que fagan aproveitamento doutros recursos forestais, co fin de levar a cabo as políticas de fomento e control que son competencia da consellería competente en materia de montes. b) Constituír o instrumento para a publicidade e integración da información sobre actividades forestais, como un servizo á cidadanía e, particularmente, ao sector

9 empresarial sen prexuízo das normas de confidencialidade establecidas nesta orde e nas disposicións de carácter xeral que lle sexan de aplicación. c) Subministrar aos servizos competentes da Comunidade autónoma de Galicia e da Administración Xeral do Estado, os datos precisos para elaborar as estatísticas forestais e en particular da política forestal e da estatística forestal española, tendo en conta a normativa autonómica e estatal vixente na materia. d) Ofrecer aos operadores inscritos no Rexistro a posibilidade de describir o seu sistema de dilixencia debida de xeito individual con arranxo ao establecido no artigo 104 da Lei 7/2012, do 28 de xuño, de montes de Galicia. e) Servir de instrumento de coordinación das actuacións das distintas consellerías en todo o referente ao contido do Rexistro. Artigo 3. Ámbito 1. Se inscribirán no Rexistro ás cooperativas, empresas e industrias forestais, tanto as que realizan traballos forestais nos montes galegos como das industrias forestais con sede social na Comunidade Autónoma e que leven a cabo algunha das seguintes actividades industriais de carácter forestal: a. As dedicadas a actividades de aproveitamento e transformación dos recursos forestais tanto madeireiros como non madeireiros. b. As dedicadas á execución da xestión forestal e as que realizan traballos relacionados coa prevención e defensa dos montes contra os incendios forestais. c. As dedicadas á produción de material forestal de reprodución. d. As dedicadas á produción ou á aplicación de produtos fitosanitarios para o control de enfermidades e pragas forestais e/ou ao seu control biolóxico. e. As dedicadas a actividades no monte en calquera das súas vertentes. 2. Así mesmo, tamén se inscribirán no Rexistro as seguintes empresas de servizos e entidades ou axentes en materia de seguridade e calidade industrial: a) Os servizos de enxeñaría, deseño, consultaría tecnolóxica e asistencia técnica directamente relacionados coas industrias e actividades indicadas no apartado 1 deste artigo. b) As entidades de acreditación, organismos de control, laboratorios e outros axentes en materia de seguridade e calidade industrial.

10 3. Constituirán o Rexistro as cooperativas, empresas, industrias, axentes e entidades inscritas no Rexistro Industrial de Galicia ás que se refiren os apartados 1 e 2 deste artigo e que desenvolvan algunha das actividades que figuran no anexo III deste Regulamento. Artigo 4. Contido 1. O Rexistro conterá os datos básicos e complementarios indicados na normativa que regula o Rexistro Industrial de Galicia. 2. Así mesmo, conterá os datos adicionais establecidos no Anexo II deste Regulamento. Capítulo II: Organización do Rexistro Artigo 5. Divisións A información existente no Rexistro estruturarase nas divisións seguintes: a) División I: industrias e actividades contempladas no artigo 3.1. b) División II: empresas de servizos contempladas no apartado a) do artigo 3.2. c) División III: entidades ou axentes en materia de seguridade e calidade contemplados no apartado b) do artigo 3.2. Artigo 6. Seccións 1. A división I organizarase en seccións coincidentes coas agrupacións establecidas polos tres primeiros díxitos da clasificación nacional de actividades económicas (CNAE) vixente. 2. A división II organizarase nas seccións seguintes: a) Empresas consultoras. b) Empresas de enxeñaría. c) Proxectistas e deseñadores. d) Instaladores. e) Conservadores, reparadores e mantedores. 3. A división III organizarase nas seccións seguintes: a) Entidades de acreditación. b) Organismos de normalización. c) Organismos de control. d) Laboratorios de ensaio.

11 e) Laboratorios de calibración. f) Entidades de certificación. g) Entidades auditoras e de inspección. h) Verificadores ambientais. i) Verificadores de emisións de gases de efecto invernadoiro. j) Outros axentes. 4. A estrutura das seccións mencionadas nos apartados 2 e 3 deste artigo poderá subdividirse e organizarse de acordo coa clasificación nacional de actividades económicas (CNAE) vixente. Artigo 7. Número de identificación Para cada cooperativa, empresa ou industria forestal, crearase unha ficha rexistral á que se lle asignará un número de identificación formado por oito díxitos. Os dous primeiros díxitos da serie farán referencia a cada unha das catro provincias galegas do modo seguinte: 15 (A Coruña), 27 (Lugo), 32 (Ourense), 36 (Pontevedra). Capítulo III: Procedementos Artigo 8. Procedemento de inscrición. Comunicación de datos 1. Os titulares das industrias, actividades, empresas de servizos e entidades ou axentes en materia de seguridade e calidade incluídos no ámbito do Rexistro comunicarán os datos básicos e complementarios indicados no Anexo I deste Regulamento. Os procedementos administrativos correspondentes, de declaración responsable ou comunicación, aprobaranse pola Administración forestal. Así mesmo, deberán comunicar obrigatoriamente as variacións esenciais ou cesamentos no prazo máximo de tres meses dende que se produzan. 2. De acordo co disposto no artigo 27.6 da Lei 11/2007, do 22 de xuño, de acceso electrónico dos cidadáns aos servizos públicos, as comunicacións contempladas neste artigo realizaranse de forma exclusivamente telemática. Esta comunicación é única para o Rexistro Industrial de Galicia. 3. A inscrición no Rexistro non supón un pronunciamento favorable da administración sobre a idoneidade deste respecto á restante normativa que lle sexa de aplicación nin do cumprimento dos procedementos administrativos específicos das súas instalacións ou produtos. O incumprimento das ditas normas poderá dar lugar a actuacións para a

12 corrección de deficiencias ou mesmo á paralización inmediata da actividade, sen prexuízo da instrución dun expediente sancionador. Artigo 9. Variacións esenciais Para os efectos do disposto no artigo 8, entenderase que existe unha variación esencial cando se dea algún dos supostos seguintes: a) Para a división I: 1º O cambio de titularidade ou razón social. 2º A variación das actividades desenvolvidas. 3º O cambio de enderezo social. 4º O traslado da actividade. 5º As modificacións da potencia instalada (entendéndose como potencia instalada a suma das potencias de toda a maquinaria e receptores sen aplicar coeficientes de simultaneidade) e da capacidade de produción anual que alteren en máis dun vinte por cento os datos existentes. No caso da potencia instalada, non será necesaria comunicación cando non se alcancen os 20 KW, sempre que a variación non sexa superior ao 50%. b) Para as divisións II e III: 1º O cambio de titularidade, de razón social ou de domicilio social. 2º A variación do ámbito material ou sectorial de actuación. Artigo 10. Comunicación anual 1. As cooperativas, empresas e industrias forestais inscritas no Rexistro comunicarán anualmente os datos relativos a súa actividade que figuran no Anexo II deste Regulamento. 2. O cumprimento do deber de comunicación anual de datos constitúe un requisito previo imprescindible para que as cooperativas, empresas e industrias forestais podan acollerse aos beneficios derivados dos programas de modernización e promoción así como axudas, subvencións, préstamos e avais que poida establecer ou tramitar a Xunta de Galicia. 3. De acordo co disposto no artigo 27.6 da Lei 11/2007, do 22 de xuño, de acceso electrónico dos cidadáns aos servizos públicos, as comunicacións anuais contempladas neste artigo realizaranse de forma exclusivamente telemática dende o momento en que tecnicamente sexa posible, o que se publicará no Diario Oficial de Galicia.

13 Artigo 11. Inspeccións A administración forestal poderá realizar en todo momento as inspeccións documentais e sobre o terreo que considere necesarias para comprobar os datos achegados ao Rexistro, así como calquera outra comprobación conveniente para o correcto funcionamento do Rexistro. Capítulo IV. Acceso á información e normas de confidencialidade Artigo 12. Acceso á información e normas de confidencialidade 1. Só teñen carácter público os datos básicos recollidos no punto 1 do Anexo I deste Regulamento. 2. Os datos de carácter persoal estarán protexidos pola normativa estatal vixente sobre protección de datos de carácter persoal. 3. De acordo co disposto no artigo 27.6 da Lei 11/2007, do 22 de xuño, de acceso electrónico dos cidadáns aos servizos públicos, o acceso aos datos públicos do Rexistro Industrial de Galicia realizarase exclusivamente a través de medios telemáticos a partir do momento en que sexa tecnicamente posible, o que se publicará no Diario Oficial de Galicia. Capítulo V: Das estatísticas forestais e do sistema de dilixencia debida Artigo 13. Da subministración de datos estatísticos forestais 1. As entidades validamente inscritas no Rexistro deberán subministrar anualmente á Administración forestal, para efectos estatísticos, a información relativa á súa actividade, en particular a relacionada co consumo de produtos forestais e coa produción, transformación e comercialización dos produtos forestais e co emprego consonte ao establecido no artigo 103 da Lei 7/2012, do 28 de xuño, de montes de Galicia. 2. A estes efectos deberán presentar antes da finalización do primeiro trimestre de cada ano, a comunicación anual (Anexo II), respecto dos datos de: a. Consumo e produción comercializada en unidades de volume, peso ou número de unidades. No caso dos entes provedores de material forestal de reprodución, deberán presentar a comunicación anual no último trimestre do ano, e referirase

14 aos datos do período que abrangue do 1 de xullo do ano anterior á comunicación ata o 30 de xuño do ano no que se realiza a comunicación. b. O número de persoas empregadas do exercicio anterior, consonte ao modelo establecido no Anexo II deste Regulamento. Artigo 14. Do sistema de dilixencia debida adoptado polos operadores de xeito individual 1. Os operadores inscritos no Rexistro poderán, se así o desexan, describir o seu sistema de dilixencia debida adoptado de xeito individual a través do artigo 104 da Lei 7/2012, do 28 de xuño, de montes de Galicia, e nomeadamente estará baseado: a. Para aproveitamentos madeireiros ou leñosos realizados no territorio forestal da Comunidade Autónoma a través da información relativa a cada subministro de producto consonte o réxime de notificacións, comunicacións e autorizacións de aproveitamentos madeireiros en montes de xestión privada disposto nos artigos 92, 93 e 94 da Lei 7/2012, do 28 de xuño, de montes de Galicia. b. Para outros aproveitamentos, fóra do territorio forestal da Comunidade Autónoma de Galicia, importacións de madeira ou produtos derivados de madeira, a través da información estatística anual en materia de consumos remitida en aplicación artigo 13 deste Regulamento, garantíndose deste xeito a rastrexabilidade da madeira aproveitada e dos produtos derivados desa madeira, en calquera punto da cadea de subministración (cadea de custodia), e por tanto evitando a entrada en dita cadea de produtos: i. Provenientes dunha tala ilegal en terceiros países ii. De orixe descoñecida, ou a iii. De produtos aproveitados en disconformidade coa Lei 7/2012, do 28 de xuño, de montes de Galicia ou o seu desenvolvemento regulamentario. 2. Dunha mostra seleccionada destes operadores inscritos no Rexistro, o órgano competente realizará controis á fin de comprobar que os datos rexistrados referidos aos aproveitamentos madeireiros ou leñosos realizados no territorio forestal da Comunidade Autónoma nos que interveñan, así como os datos anuais declarados de consumos e produción comercializada de madeira ou produtos derivados da madeira non presentan insuficiencias, pudendo para elo requirir información máis detallada ou aclaratoria ao operador.

15 3. Sen prexuízo do réxime sancionador que poida resultar de aplicación en cada caso, cando o órgano competente detecte insuficiencias proporá medidas correctoras. En función da natureza das infraccións detectadas, o citado órgano competente, poderá adoptar medidas preventivas inmediatas que poderán incluír, entre outras, as seguintes medidas: a. A incautación da madeira e dos produtos da madeira. b. A prohibición temporal do comercio de madeira e de produtos da madeira. Artigo 15. Declaración responsable presentada polo axente no exercicio da súa dilixencia debida de xeito individual 1. Aqueles axentes inscritos no rexistro que teñan o seu domicilio ou sede social, ou exerzan actividade empresarial forestal na Comunidade Autónoma de Galicia e comercialicen madeira ou produtos derivados da madeira poderán optar por desenvolver o seu sistema de dilixencia debida de xeito individual consonte o artigo 104 da Lei 7/2012, do 28 de xuño de montes de Galicia. 2. A efectos da súa verificación, deberán incorporar á comunicación anual, establecida no Anexo II deste Regulamento, unha declaración responsable manifestando que cumpren cos requisitos establecidos na normativa comunitaria respecto ao sistema de dilixencia debida, de acordo co Regulamento EUTR, a súa normativa de desenvolvemento e a lexislación de desenvolvemento ditada pola comunidade autónoma. 3. A estes efectos os axentes inscritos xustificarán o seu sistema de dilixencia debida de xeito individual en base ao disposto no artigo 14 do presente Decreto. Capítulo VI: Réxime sancionador. Artigo 16. Infraccións e sancións. O incumprimento das obrigas presentes nesta orde serán obxecto de sanción de acordo co establecido para o efecto do Título V da Lei 21/1992, do 16 de decembro, de industria, no Título III da Lei 9/2004, de 10 de agosto, de seguridade industrial de Galicia e no Título XII da Lei 7/2012, do 28 de xuño, de montes de Galicia.

16 Anexo I: Contido de información para inscribirse no Rexistro de Empresas do Sector Forestal de Galicia 1. DATOS BÁSICOS Para a división I, o Rexistro de Empresas do Sector Forestal de Galicia conterá os datos básicos seguintes: a) Relativos ao titular da industria ou actividade 1. Número de identificación fiscal 2. Razón social 3. Domicilio social 4. Enderezo, código postal, concello e provincia 5. Teléfono, fax e correo electrónico b) Relativos ao establecemento 1. Denominación 2. Enderezo, código postal, concello, provincia e referencia catastral 3. Teléfono, fax e correo electrónico 4. Todas as actividades desenvolvidas (códigos da Clasificación Nacional de Actividades Económicas (CNAE) vixente). 5. Número de identificación, asignado segundo se define no artigo 7. Para as divisións II e III, o Rexistro de Empresas do Sector Forestal de Galicia conterá os datos básicos seguintes: 1. Número de identificación fiscal 2. Razón social 3. Domicilio social 4. Enderezo, código postal, concello e provincia 5. Teléfono, fax e correo electrónico 6. Todas as actividades desenvolvidas (códigos da Clasificación Nacional de Actividades Económicas (CNAE) vixente). 7. Número de identificación, asignado segundo se define no artigo DATOS COMPLEMENTARIOS 2.1 Para a división I, o Rexistro de Empresas do Sector Forestal de Galicia conterá os datos complementarios seguintes relativos ao establecemento: 1. Superficie dos solares e superficie construída. 2. Capacidade de produción anual e consumo anual de materias primas. 3. Número total de persoas que integran a plantilla. 4. Produtos empregados e rematados (códigos da Clasificación Nacional de Produtos por Actividades (CPA) vixente). 5. Potencia eléctrica total instalada, relación da maquinaria necesaria para o desenvolvemento da actividade e valor total desa maquinaria. 2.2 Para as divisións II e III, o Rexistro de Empresas do Sector Forestal de Galicia conterá os datos complementarios seguintes: 1. Número total de persoas que integran a plantilla. 2. Maquinaria necesaria para o desenvolvemento da actividade e valor total desa

17 maquinaria. Anexo II: Contido de información para presentar anualmente no Rexistro de Empresas do Sector Forestal de Galicia Datos complementarios relativos á actividade, emprego e certificacións dos establecementos ou centros de traballo 1 CERTIFICACIÓNS, ACREDITACIÓNS E CLASIFICACIÓNS EMPRESARIAIS Tipo de Acreditación Nome Acreditación Expedido por Vixencia Observacións (ISO, PEFC, FSC, Clasificación Empresarial, Transporte, Outros) 2 EMPREGO Categoría Profesional segundo CNO-11 Nº Postos de Traballo Equivalente Homes Mulleres 3 CONSUMO ANUAL DE PRODUTOS E SUBPRODUTOS FORESTAIS Só establecementos división I Certificado Procedencia Código do produto Cantidade Unidade Provincia (solo para segundo CPA-2008 consumida Tipo % País produtos de procedencia Española) (PEFC, FSC, Outros) 4 COMERCIALIZACIÓN ANUAL DE PRODUTOS FORESTAIS Só establecementos división I Código do producto segundo CPA-2008 Unidade Cantidade producida (PEFC, FSC, Outros) Certificado Tipo % 5 DECLARACIÓN RESPONSABLE DA DILIXENCIA DEBIDA Só axentes que comercialicen madeira ou produtos derivados da madeira Manifesto baixo a miña responsabilidade que os datos do apartado 3 son verdadeiros e que cumpro cos requisitos establecidos na normativa comunitaria respecto ao sistema de dilixencia debida nos termos recollidos no artigo 104 da Lei 7/2012, do 28 de xuño, de montes de Galicia En, a de de 20 SECRETARÍA XERAL DE MEDIO RURAL E MONTES. CONSELLERÍA DO MEDIO RURAL E DO MAR.

18 Anexo III. Listado de actividades económicas aos efectos establecidos no artigo 3 desta orde para ser inscritas no Rexistro de Empresas do Sector Forestal de Galicia. Código * Outros cultivos perennes * Explotación doutro gando bovino e búfalos * Explotación de cabalos e outros equinos * Explotación de gando ovino e caprino * Explotación de gando porcino * Outras explotacións de gando * Tratamento de sementes para reprodución Denominación * Caza, captura de animais e servizos relacionados Silvicultura e outras actividades forestais Explotación da madeira Recolección de produtos silvestres, agás madeira Servizos de apoio á silvicultura Aserrado e cepillado da madeira Fabricación de chapas e taboleiros de madeira Fabricación de solos de madeira ensamblados Fabricación doutras estruturas de madeira e pezas de carpintería e ebanistería para a construción Fabricación de envases e embalaxes de madeira Fabricación doutros produtos de madeira; artículos de corcho, cesteiría e espartería Fabricación de pasta papelera Fabricación de papel e cartón Fabricación de papel e cartón ondulados; fabricación de envases e embalaxes de papel e cartón Fabricación de artículos de papel e cartón para uso doméstico, sanitario e hixiénico Fabricación de artículos de papelería Fabricación de papeis pintados Fabricación doutros artículos de papel e cartón * Fabricación de mobles de oficina e de establecementos comerciais * Fabricación de mobles de cocina * Fabricación doutros mobles * Servizos técnicos de enxeñería e outras actividades relacionadas co asesoramento técnico * Ensaios e análises técnicos * Outras actividades profesionais, científicas e técnicas n.c.o.p. * Inscrición no Rexistro de Empresas do Sector Forestal de Galicia só cando operen con recursos ou produtos forestais.