LLANKASHKATA RIKSICHIY

Transcripción

1 LLANKASHKATA RIKSICHIY

2

3 MAMALLAKTA MAMAKAMACHIKKUNATA SIKSI Patricio Pazmiño Freire Ecuador mamallaktapak kamachi amawta, INCAE hatun yachay kushka Gerencia Política pankayuk, FLACSO hatun yachayta charik, Españapak Valencia hatun yachay Wasipi PhD amawtarikrik. Kallari Ecuador Mamakamachiy Wasita Pushak, Quitopi wacharik, hayñikunamanta llankak. Constitucionalismo Democrático shutiyuk linchita wiñachik. Hatun Yachay Wasikunapi yachachik; hayñikunamanta, allpakuyaymanta, runakunamanta, kamachinamantapash yuyayta kuk, tawka kamukunata killkakpash. Wendy Molina Andrade Ecuadorpa Internacional hatun yachana wasi kushka kamachi amawta. Warmikunapuramantaka paymi punta Ecuador Mamakamachiy Wasita kati Pushak kan, Andina Simón Bolívar hatun yachay wasi kushka tawka hatun yachaykunayuk. Tawka mamallaktapi shuktak mamallaktakunapash allikachishkami kan. Fiscalía General del Estado, Universidad Autónoma Regional Autónoma de los Andes, Universidad del Valle de Matatipac, México, Asociación Mundial de Justicia Constitucional, shuktakkunapash. Runa hayñikunamanta, mamakamachi ñayñikunamanta, shuktakkunamantapash hatun yachay wasikunapi yachachik. Constitucionalismo Democrático ukupi linchirishka, shinallatak, Mundial de Justicia Constitucionalpi, Instituto de Estudios de Derecho Administrativo y Social shutiyuk IDEAS tantanakuypipash yaykurishka. 3

4 Antonio Gagliardo Loor Guayaquilpi wacharik, Vicente Rocafuerte hatun yachay wasipi kamachi amawtariyta yachakmi kan. Tawka mamallaktakamay ukukunapi llankak, yuyayta kuk, markakamak, Concejo Nacional de Rehabilitación Social ukuta pushak, Fiscalía General del Estado ukupipash 16 watakunata llankak. Kay yachaykunatami hatun yachay wasikunapi yachachik kan: Derecho Procesal Penal, Criminología, Ciencias Penales, Defensoría Pública, Derecho Constitucional yachaytapash. Derecho y Justicia Constitucionalpi allikachishkami kan. Marcelo Jaramillo Villa Tukuykunapa llankaypika tawka watakunatami kan, llakikunapi urmaypakllakunawan llankashpami shamushka. Kamachi amawtami kan, shinallatak kay hatun yachaykunatapashmi charin: Derecho Económico y Derecho de Mercado; Derecho Constitucional, Justicia Constitucional, Interpretación y Aplicación de la Constitución shutiyuk hatun yachayyukmi kan. Andina Simón Bolívar shinallatak Instituto de Altos Estudios Nacionales IAEN hatun yachay wasikunapimi yachachik kashka. Mamallaktapak shutipi shuktak hatun tantanakuykunapi kashkami. Tukuykunapak pakta kaypi hayñikunata kamaypimi paypa kawsaypika llankashpa shamushka. María del Carmen Maldonado Universidad Central del Ecuador kushka kamachi amawta, Cooperación Internacional, Análisis de Conflictos Internacionales (IEPALA) hatun yachaykunata charik. Cátedra Jean Monnet hatun yachayta Madrid Universidad Complutense yachana wasipi charik. Derecho Administrativo Ecuador Universidad Andina Simón Bolívar kushka hatun yachayyuk,. Kunanpika Derecho Constitucional hatun yachaytami Universidad Castilla-La Mancha yachay wasipi katikun. 4

5 Ñawpa Ministerio de Bienestar Social, kunan MIES kak ukupi; Municipio de Quito ukupi, Instituto Ecuatoriano de Seguridad Social ukupipash pushak kak. Universidad Internacional SEK hatun yachay wasipi Derecho Administrativo yachayta yachachik, shuktak hatun yachay wasikunapipash. Japónpi rurarik sumak rimariy mishanakuypi mishak. Tatiana Ordeñana Sierra Ciencias Sociales y Políticas Jurisprudencia, Derechos Humanos hatun yachaytapash charik. México mamallaktapi surkushka Gestión Emprendimiento de Desarrollo Social hatun yachayyuk, Derecho Civil, Derecho de Familia yachaykunapipash Españapi kak Barcelona hatun yachay wasi kushkata charik. Universidad Castilla-La Mancha hatun yachay wasi kushka Justicia Constitucional, Interpretación y Aplicación de la Constitución hatun yachayyuk. Universidad de Guayaquil, Universidad Casa Grande, ESPOL, Universidad de Especialidades Espíritu Santo, Universidad ECOTEC hatun yachay wasikunapi yachachik kak. Universidad de Rosario, Colombia mama llaktapak; Buenos Airespa hatun ychay wasi; Argentinapa, Alemaniapa Freie Universität Berlin hatun yachay wasikunapi yachachik kak. Tawka killkakunata, taripaykunata, kamukunatapash killkak, hatun kamachi rimanakuykunapi tantarik. Consejo de Participación Ciudadana y Control Social ukupi pushak kak; Guayas markapa Instituto Nacional de Niñez y la Familia ukuta pushak kak. Alfredo Ruiz Guzmán Derecho Constitucional, Derechos Fundamentales, Procedimientos Constitucionales, Justicia Constitucional hatun yachayyuk, pankakunataka Universidad de Guayaquil yachay wasimi kushka. Yallik watakunapimi yuyayta kukshina llankashka llankak tantanakuykunawan, shuktak sami tantanakuykunawanpash. Tawka kamukunata killkami kan, tawka allikachikunatapash chaskishkami, kunanpika Guayaquil hatun yachay 5

6 wasimanmi kimirik kan. Kamachi yachay ukukunata pushakpashmi karka. Llankakunata, llakta ayllukunata, llakipi urmanallakunawanmi llankashka. Ruth Seni Pinoargote Ciencias Políticas y Sociales, Mamallaktapak Kamachi Amawta, Derecho Procesal, shuktak hatun yachakyukpashmi kan. Shuktak pushaykunatapash apashkami, shina: Portoviejopa Corte Superior de Justicia ukupi, Corte Suprema de Justicia ukupi, Tribunal Constitucional ukupipash. Comisión Ecuatoriana de Derecho y Ecología ukupi, Asociación Latinoamericana para los Derechos Humanos ukupipash llankakmi kashka. Manabípak Universidad Laica Eloy Alfaro hatun yachay wasipi yachachik, shinallatak Colegio de Abogados de Manabí, Corte Suprema de Justicia ukukunapash paypa llankayta allikachishkami. 6 Manuel Viteri Olvera Kamachi yachak amawta, Universidad Estatal de Guayaquil hatun yachana wasi ukupi yachachik, Procedimientos Constitucionales yachayta rakikmi kan. Universidad de Castilla-La Mancha hatun yachay wasipi kay yachaykunatami tukuchishka: Derecho Constitucional, Derechos Fundamentales, Derechos Fundamentales y Justicia Constitucional, Garantías Constitucionales y Derechos Fundamentales en el Derecho Penal y Procesal Penal. Tawka pushaykunatami kay ukukunapi charishka: Corte Suprema de Justicia, Guayaquilpa Corte Superior de Justiciapi, Babahoyopa Corte Superior de Justicia, Los Ríospa Ministro Fiscal, Guayaspa Juez Octavo de lo Penal, Guayaspa Juez Tercero de Trabajo. Paypa llankayta, yachachiytapash allikachishpami churashkakuna: Esmeraldaspa, Los Ríospa, Manabípa Corte Superior de Justicia ukukuna. Kamachi amawtakunapa mama tantanakuy Federación Nacional de Abogados del Ecuador shutiyukpash.

7 MAMAKAMACHIY WANACHIYKUNA Mamallakta Mamakamachikkunapa llankaytaka Mamakamachikkuna Tantanakuy arininakuy surkushkakuna shinallatak kay wasipak pushay ukukuna surkushkakunapashmi rikuchin. Kay Chimpapurachiy kamupika wakin wanachiykunatami churashkanchik, kaywanka mamakamachi kuskay allitak ñukanchik mamallaktapak kashkata rikuchinkapakmi kan. Tawkasamipurapi kuska: Wao runakunamanta Orellanapa Segundo de Garantías Penales wanachikka Ecuador Mamakamachiy Wasiman tapuyta kacharkami ñawpa Código Penalpi tiyakuk shuk kamachiku Mamakamachipi nikuk shina kashka mana kashkatapash nichun. Kayta tapuytaka wao runakunami taromenane runakunata wañuchishka shinallatak ishkay uchilla wawakunatapash shuwashpa rishka huchachiymantami kan. Mamakamachiy Wasika kay huchachiypi wanachinkapakka runa yuyay, kawsaytarakmi rikurana kan, katika huchapi urmaymanta runa kawsay wakllirishkata allichinkapakpash shuktak kamachikunapi nikuk shina ruraypakpash ima kawsaypura kashkata rikunatakmi kankuna nirkami. 7

8 Ecuadorpi runa kuskayta rurankapakka kamachi saywata runankami Panzaleo runakunapuramanta yallik 2010 watapak aymuray killa 16 punchapi 23 punchapipash mana Mamakamachipi nikuk hayñikunata rikushpachu Marco Antonio Olivo Pallo wañuypika wanachishka nishpami Ecuador Mamakamachiy Wasimanka mañayta churarkakuna. Kay wañuyka 2010 watapi, aymuray killapa 9 punchami kashka. Runakamachik Llikaka tukuy ima kikin llakta ukupi huchakuna tiyaytami allichi tukun nirkami Ecuador Mamakamachiy Wasika. Shinallatak mamallaktak kamachi llikapash kawsaysamayta chinkachichishpa huchallishkakunataka yachay chayanatakmi kan. Shinapish kay huchachipika mana ima Mamakamachita wakllichi tiyashkachu nirkapashmi. Ecuador Mamakamachiy Wasika imashina uchilla wawakunata, maltakunata, wamrakunata llakichiypa ñanta rikuchinmi Uchilla wawapak mama, llakipi urmashkaypak kipa, Ecuador Mamakamachiy Wasiman mañakpi, kay Guayas markapa 8

9 punta Sala de lo Penal y Tránsito de la Corte kamachishta yachakchayarkami. Kay manarak wanachiyman chayak yuyayta mañaypika, Ecuador Mamakamachiy Wasika mamakamachi nikukta mana pakta rikuytami tarirka, kay wanachiyman chayankapak mana pakta kamachiy nikukta rikushkamanta, chaymantami imallata wawakunata llakichipi rikuna kashkatapash kaymanta wichiman rurana kashkata rikuchirkami. Alli kawsaypa kamachita mitsanmi: Ecuadorpi katurichinka, Organización Mundial de la Salud mama tantanakuy mañashka shinami hampikunaka llukshina kan. Ecuador Allikawsana Kamay Ukumanta mana kamachipi nikukta paktachishkata riksichishkamanta, Ecuador Mamakamachiy Wasika ishkay ruraykunapi chimpapuray tukushkatami rikun: shukka, minkashka Yawachipa Décimo Octava de lo Civil Kamachik ama llakipi urmachun mañayta churay, kay hawallatak Guayas markapa Quinto Adjunto de Tránsito Kamachik. Tapurika imatatak kaypika ruraytukurin niymi karka, maypimi ishkay apukuna chay llakillamantatak chikan ruraykunata rurachun mañashkamanta. Ecuador Mamakamachiy Wasika maykan alli, kamachi nishka shina kaktami rikuchirka. 9

10 Hankalla kaymanta yanapayta charinkapak hayñiyukmi kan ninmi Ecuador Mamakamachiy Wasipa kamachiyka ishkaykutin rikurik mana nik kamachi hawami kan, kaypika hankallakaymanta yanapayta chaskikrik runaka mana pay kaymi rikurin. Imamanta shina rurashka tapukpika, kallariypimi Luis Alfonso Correa Proaño shuti karka; kutin yanapana kullkika Luis A. Proaño shutipakmi llukshin. Imamantatak shina tukun nishpa taripakpika, manarak yayapak ayllushutita charishpami mañay churashka karka, kutin, kipamanmi payka ayllushutita kurka ninmi. Kikin wasi urmay llakita charik aylluka, Mamakamachiy kuskaypi mitsayta tarinmi Kay SEP-CC Wanachishka, Kak EP ukupi surkushkaka Ecuador Mamakamachiy Wasi rikuypika hatun yuyarinatakmi kan, kamachikunata tupuk, mamakamachita hamutak, kuskayta kamakpash kashkamanta. Sumak Kawsaypi rikushpaka paktak, hayñikunata mitsak, kaykunata pakta kururaktapashmi rikuchin. 10

11 Kamachita mana pakta rikushka wanachishkamanta mitsayta tarintakmi Shuk llaktayuk mañaymanta, Ecuador Mamakamachiy Wasika kamachishkata mana paktachishka kaypaktami riksirka RA shutiyuk mañay nikuk shina, 1999 watapa kapak killa 28 punchapi ñawpaman tiyak Tribunal Constitucionalpa Segunda Sala, shuk harkay ukupi kamachishka; kaywanmi Instituto Ecuatoriano de Seguridad Social ukupash ama ima kichuna kashkatapash sakichun. Kamachichun mañan nishka shinaka, imalla charishkakunata kichushkakunataka manarak tikrachishkachu, chaymantami kay hatun kamachik ukuman mañayta churarka, manarak apu llakipi churashkata allichishkamantapash. Willanakuchiy kamachika Mamakamachipi nikuk shinallatakmi kan a) Willanakuchiy Kamachiy Mana Mamakamachipi nikuk shinachu rurashka nishpa mañayta mana niy, ima llakikunapash mana tiyaymanta. 11

12 b) Willanakuchiy Kamachiypa 1, 3, 5, 6, 10, 17, 18, 20, 21, 22, 24, 30, 38, 40,42, 48, 55, 56, 59, 61, 63, 64, 71, 84, 90, 96 kamachikukunaka mana Mamakamachipi nikuk shina rurashkachu nishpa mañayta rurashkakunata mana niy, kaypi nikukkuna mana Mamakamachiwan chimpapurak kashkamanta. Mamakamachipi nikuk shina paktashkakunata katirankapak, Ecuador Mamakamachiy Wasika kaykunatami kamachi killkakunata allichinkapak rurashka: Millayka sapimantatak anchuchiyka punchanta llankaymi kan, mamakamachi llankaymantapash Kay wanachiyka César Geovany Mina Bonilla, mana pakta kamachishkamanta mañayta churashkami, Santo Domingo de los Tsáchilaspa Sala Única de la Corte Provincial de Justicia shuti ukumanta, yallik 2010 watapa kapak killa 24 punchapi ña ama huchachiwan katichun churashkata. Millashpa yana mutu isma nishkamanta huchachiyta churashapika imashina chashna nishkata mana rikuchi tukushkachu. Chaymantami kamachichun mañakka kikin hayñikunata llakichishkata rikushpa kan. Ecuador Mamakamachiy Wasika maykan apukuna kashpapash kay shina llakikunapika mana shukta allikachinallachu, paktatakmi ima hayñi wakllichishkakunatarak rikuna ninmi. 12

13 Llakipi urmakkuna illuypaktak kamachiyukmi kankuna Chimborazo markapa Sala Especializada de lo Penal de la Corte Provincial de Justicia, yallik 2011 wata kuya killapa 5 punchapi mana kamachita pakta rikushpa wanachiypak kak yuyaykunata Chimborazo markapa Segundo de Garantías Penales Kamachik, 2011 wata sitwa killapa 26 punchapi kuskak yuyayta churaymanta, chashnallatakmi ninmi. XX Curso de Guerra de Montaña shutiyuk yachaypi wañuk awkakpak mama mañaymi kan. Kay kashkatatak illuyka kikin kamaykunayuk apukkuna rikushkami kan, llakita apakpak ayllukunapakpash, kay llakipi urmashkamantaka taripashkatakmi kanka, chaypi maykan huchayuk rikurikpika wanachishkatakmi kanka, ninmi. Kuskayka tiyantakmi Kimsa chunka watakunata kamachiypi nikuk shina arinichun Julio Zabala tantanakuypi kakkuna kamachichun manashpa shamurkakuna. Shinami 800 puraman chayakrik ayllukunaman kikin wasiyuk kachun Ecuador Mamakamachiy 13

14 KAMAYWASI MAÑAYMASHKAY Mamakamachiy kawsaykuna Centro de Estudios y Difusión del Derecho Constitucional (CEDEC) ukuka Ecuador Mamakamachiy Wasi Ukupillatakmi. Paypa minkayka Ecuador mama llaktapa hayñi urmata ñawpakman pushankapak, mamallaktapi kamachi kawsayta mushukyachinkapakmi kan. Shinami kay CEDEC ukupa llankaytaka Ecuador kamachiykawsaymanta yachachiykunapi, riksichiykunapi taritukunchik, shinallatak kikin hatun yachay kamukunapi, shuktak riksichik pankakunapipash. Shuktak mamallaktakunawan llankashkatami riksichinchik: Justicia Constitucional con Perspectiva de Género shuti tantanakuy. 25 años del Nuevo Constitucionalismo Latinoamericano, balances e impactos en la sociedad shuti tantanakuy. CEDEC yanapaywan tawka kamachipaktay llankakkunawan, yachakukkunawan, kamachi yachakkunawan, kamachimanta yachanata munakkunawanpash llankashkami. Kay llankaykunataka suyu Mamakamachiy Wasi Ukukuna makita churaywan mayllapi Ecuador Mamakamachiy paktakmanmi chayashka. Prometeo yuyayllankayka Ecuador mamallakta pushakpa yuyaymi; taripayta, hatun yachay yachachiy rakiyta, hamunchashka yachaykunatapash sinchiyachinkapakmi kan, Ecuadorllamantatak mana kashpapash shuktak mamallaktakunapi kawsakuk taripakkunawan wankurishpa. Prometeo yachachikkunaka Ecuador Mamakamachiy Wasipa saywakamachi apay ukupi llankakkunatapashmi yachachishkakuna, shinallatak shuktak yachaykunata ruraypi kikin yachaywan kay Mamakamachiy wasi ñawpakman riypi yanapashkapashmi. 14

15 Kamukancha Mamakamachiy kamukanchaka yachay mutsuy tiyayantami wiñarin, shina imallata Ecuador Mamakamachiy Wasi rurana kashkata, paktana kashkatapashmi yachaytukunchik, shina hawalla, kashkatak willay, kunanlla llukshik willaykunatapash tari ushankimi; Kay kamukanchaka kamukunayukmi kan, kaymanka tukuykunami killkakatinkapak yaykuy tukunkuna. Shuktak 600 kamukunatapash charinmi, kaykunaka shimiyukkamukuna, amawtariy yachay kamukunanami kankuna. Kay ukupika mana ima kullkita kushpalla willakllikamanta kamachi kamukutata uriyachi tukunllami. Saywakamachi Killkakamayuk Uku Kay ukuka Mamakamachikkuna Tantanakuyta, Mamakamachiy Wasi Pushakta, Kamachina Ukukunata, Mamakamachiy Wasi Kamachikkunaman yuyayta kukmi kan. Kay watakarin kaykunatami rurashka: Rendición de cuentas del proceso de Selección Tomo II shutiyuk kamuta. Saywakamachipi ruraykatichiyta sinchiyachinkapak tawka yachaykunata ruray. Yallik 2013 watapi saywakamachi wanachishkakuna mashkakta Mamakamachiy Wasi ukuman kachashkakuna. Yallik 2012 watapa sasi killamanta 2014 watapa sitwa killakama llukshik Punta Corte Constitucional wanachishkakunata mashkak. Kamaywasipura Yanapanakuy Mamakamachi riksiypi runahayñi riksinaraykupash rantinmanta llankana yuyaywan Ecuador Mamakamachiy Wasika kay ukukunawanmi pakta llankankapak arininakushka: Defensoría del Pueblo ukuwan Confederación del Movimiento Indígena de Chimborazo COMICH tantanakuywan Colegio de Abogados de Los Ríos tantanakuywan Epresa Pública Petroecuador ukuwan 15

16 Armada del Ecuador ukuwan Procuraduría General del Estado ukuwan Fiscalía General del Estado ukuwan Universidad de Castilla La Mancha yachay wasi ukuwan Corte Constitucional de Colombia ukuwan Municipio del Distrito Metropolitano de Quito ukuwan Secretaría de Educación Superior, Ciencia y Tecnología e Innovación SENESCYT ukuwan Colegio de Abogados de Esmeraldas tantanakuywan Instituto de Estudios Políticos para América Latina y África IEPALA ukuwan Fundación Centro de Estudios Políticos y Sociales, España ukuwan Superintendencia de Control del Mercado ukuwan Mañaymashka yupaykuna Ecuador Mamakamachiy Wasika Tukuy Kamachikkuna arininakuywan, Kamachikkunapa tawka sami ukukuna, Shinatakmi Nik Uku llankaywanpashmi rikurin. Shinami 2013 watapa wayru killamanta 2014 watapa wayru killakama, yupaykunapi rikushpaka, kay shinatakmi kan arininakuyman chayashka: Kamachichun mañaykuna / riksirik shutikunapash Mashnakuna Acción Extraordinaria de Protección/ EP Acción por Incumplimiento/ AN Consulta de Norma/ CN Consulta Popular/ CP Dirimencia de Competencia/ DC Inconstitucionalidad de Actos Normativos/ IA Interpretación Constitucional/ IC Acción Pública de Inconstitucionalidad/ IN Reformas Constitucionales/ RC Acción Extraordinaria de Protección ante Decisiones de Justicia Indígena/ EI TUKUY

17 Ecuador Mamakamachiy Wasipi Tukuy Kamachikkunapura arininakuyka ancha yachaykunami kankuna, kaypimi Wanachiykuna, Hamunchashka yuyaykuna, Kamachi katipa willaykunapish llukshin, kaykunatami Ecuador Mamakamachiy Wasika yachakchayanka, ima shina allichinamanpash chayanka. Aritakmanpash Manatakmanpash chayaykuna Mashna Tukuchishka kamachinakuna (Wanachiykuna, Kamunchashka yuyaykuna) Mamallakta kamachikunapa arininakuykunamanta willay Wanachiypa mañashkakuna (achikyachiy, mirachiy, mananiy, sakiriy) Autos de Verificación de Cumplimiento Wanachiypa mañashkakuna paktakta katiray TUKUY 445 Suyu Mamakamachiy Wasi Ukukuna Ecuador Mamakamachiy Wasika, pakta llaktayukkunata yanapankapak pusak Suyu Mamakamachiy Wasi Ukukunatami kikin llankaykunawan kay kitikunapi charin: Ibarra: Kay kitipakka Imbabura, Carchi saywa kamachiy markakunami kankuna. Esmeraldas: Kay kitipak Esmeraldas saywa kamachiy markami kan. Riobamba: Kay kitipakka Chimborazo, Tungurahua, Bolívar, Cotopaxi, Pastaza saywa kamachiy markakunami kankuna. Cuenca: Kay kitipakka Azuay, Cañar, Morona Santiago saywa kamachiy markakunami kankuna. Portoviejo: Kay kitipakka Manabí, Santa Elena saywa kamachiy markakunami kankuna. Guayaquil: Kay kitipakka Guayas, Los Ríos, Galápagos saywa kamachiy markakunami kankuna. Machala: Kay kitipakka El Oro saywa kamachiy markami kan. Loja: Kay kitipakka Loja, Zamora Chimchipe saywa kamachiy markakunami kankuna. 17

18 Kay markakunapi kak Mamakamachiy Ukukunaka ima kamachiy mañayta charishpapash ama Quitomantak richunmi llankak kankuna. Shinallatak yachaykunapi, mamakamachiymanta riksichiykunapi yanapak ukukunami kankuna. Mañaymashkay Killkakamayuk Ecuador Mamakamachiy Wasi tukuykunapak riksishka, kuyashkapash kachunka kay ukupi kikin llankaywan chay patayman chayachin. Kay llankaymi punchanta Mañaymashkay Killkakamayuk uku kariraywan paktan, kay ukupimi shuktak pushay ukukuna wankurin, shina Mamakamachik Wasita sinchiyachinkapak. Llankayñan Llankaykuna paktashka mana paktashkata katiray tupuymi llankayñanpi mayman chayana kashkaman paktakushka mana paktakushkatapash riksichin. Chayraykumi kay pushay ukuka tawka llankaykunata rurashka, shina: Pakta tukuykuna yachakchayachun willaylinchita away May alli linchiyta chariy, katiray Allitak katiraypak linchi Kikin Rurayñan Kamachiku Ecuador Mamakamachiy Wasipa llankakkuna, tantaripash imashina kaymanta taripashpa tupuy Llankakkamay Uku Ima tantanakuypa kashpapash ashtawan allikunaka kikin llankakkunata pakta charimi allitak kan. Kaypika 305 llankakkunami kankuna, paykunaka Mamakamachiy Wasipi kakkuna, Kamachikipuy Ukupi kakkunawan yupashmai chayman chayarin. Alli yachakkuna, pakta llankakuna, kikin llankaywan kushi kakunatapash charinkapakka yachachishkarakmi. Chaypakka, kay llankaykunatami rurashka: 18

19 Llankakkunapak Pausas Activas shuti rurayta purichiy Ama chukririchun, ama llakipi urmachun EPP shutiyuk hayllikutana llankakunapak kuy Tisiku llankakkunata kay ukupi llankachun churay Manarak unkushpa hampiriyta IESS ukuwan yanapanakushpa churay Ñawpakman rina yuyaypak yachaykunata pukllaykunatapash ruray. Willanakuy Willanakuchik Pushay Ukuka llaktayukkuna Ecuador Mamakamachiy Wasi llankayta yachanatak kashkamanta, Kamachikkuna imalla ruraykunapi kakta yachakchayachinkapak kay llankaykunatami purichishka: Ishkayniki willachik killkapankata surkuy Utkatak willaykunata surkunkapak linchi urmakunata sinchiyachiy Comunicadores y Promotores Constitucionales shuti llankay yuyayta purichiy La Constitución en tus manos, poder de la gente shuti uyarita anki uyaripi surkuy Constitución al día (TCTV) shutiyukta rikchak rikuchikpi surkuy Pakchiruray Alli pakta llankaykunata kunkapa, wiñachinkapakpash, Ecuador Mamakamachiy Wasika tawka llankay yuyaykunatami llaktayukkunapak makipi churan, kaykunatami rikuchi tukunchikpash: Willanakuhik Pushak uku yanapaywan, Plataforma Tecnológica de Educación Virtual yachaytami wiñachishka Mushuk Willayllikata Saywakamachi Killkakamayuk Uku yanapaywan wanachiykunata hamunchashka yuyaykunata mashkakta churashkami Willaykamay Ukutapash 19

20 Kamachikipuy Uku Aukak Eloy Alfaro Delgadomi yallik 1895 watapi Kamachikipuy Ukuta wiñachirka, mamallaktapak kamachikunata willay pankapi churashpa surkuchun. Kunanpika imalla kamachikuna llukshishkata ñukanchik mama llaktapi shinallatak shuktak mamallaktakunamanta kaypi kawsakkunapash yachachun, llakta ushay sinchiyarichunmi llankana kan. Kamachikipuy Uku sinchiyarichunka llankaypa mushuk hillaykunatami churashka, chaymi kunanpika llaktakkunapak pakta llankaytukun. Ña mana achka pachakunata shuyana tukunchu, imalla llankaykunata, yanapaykunata kashpapash utkashpa kuchun shamuk pachakunapakka kay Kamachikipuy Ukuka empresa pública ukumi tukunkapak yuyarishka tiyakun. Pituk Pushaykamay Uku Kay uku llankaykunaka kaykunami kankuna: Ama llakikunapi urmankapa chakanata churay Mamakamachiy Wasi ukukunata allichiy Mushuk tiyarinakuna, wakichinakuna, patakukunata rantiy Mamakamachiy Wasipa patakunata allichiy Antawakuna shayarina pampakunatapash allichiy Cuerpo de Bomberos mañashka pararayos shutiyuk hillaytapash churay Shuktak llankaykunapash katikunrakmi, yachashun: Mamakamachiy Wasipa patakunata sumak rikurichun allichiy Ama llakikuna tiyachun Mamakamachiy Wasi punkupi ikaykunata churay Anki uyari ukuta, rikchakrikuchik ukutapash shamuk punchakunapi ña llankashpa kallarichun allichiy 20

21 Katik shuyupimi Ecuador Mamakamachiy Wasi llanpaypak kullki mutsushkata rikuchin, maypimi imallapi rakishkatapash riksichin: Kay 2014 watapa kullka killa 1 punchamanta wayru killa 7 punchakama Imalla kay Ecuador Mamakamachiy Wasi Mamakamachi Hayñi Yachay Yachackchayachi Uku Kamachikipuy Uku Kamaywasi Sinchiyari Llankayyuyay Kushla kullki Unanchashka kullki SIMEC Llankay Yuyay TUKUY TANTACHISHKA Kunanpika, unanchashka kullkimi llankachikun.

22

23

24