A recepción do certificado da nómina por correo electrónico é unha funcionalidade da Oficina Virtual para Empregados Públicos que ten a nosa disposición a Consellería de Economía e Facenda a través da súa páxina web ou a través da páxina do CIXTEC. Esta oficina virtual ofrece outras moitas posibilidades como son: a consulta do histórico da nómina, a solicitude de anticipo ou a simulación de retribucións. Sen embargo, para as dúas primeiras é necesario rexistrarse ou contar coa sinatura dixital, que tamén se pode xestionar dende esas mesmas páxinas web. A activación deste servizo leva moi pouco tempo e ofrece unha serie de vantaxes: Recibimos a notificación de haberes antes que a transferencia bancaria. Temos acceso a servizos adicionais (histórico da nómina, anticipos...) Aforramos recursos e coidamos do medio ambiente. De seguido indícanse os pasos que hai que seguir para darse de alta na Oficina Virtual do Empregado Público e activar a recepción do certificado da nómina por correo electrónico. 1. Acceder á OFICINA VIRTUAL a través de www.cixtec.es 2. Elixir a forma de acceso: A. Servizos de acceso libre 1 B. Empregado público rexistrado C. Servizos con certificado dixital
1 Seleccionar o modo de acceso de Servizo de acceso libre. 2 Premer na opción do listado da esquerda de Rexístrese Aquí. 1 Esta é a opción que hai que premer para rexistrarse. 3. Aparecerá a seguinte pantalla na que facer o rexistro:
Paso 1: encher a solicitude de rexistro e Enviar. É necesario cubrir todos os campos cos datos que figuren nun mesmo certificado de nómina do ano 2008 ou posterior. O campo Datos de recibo de haberes fai referencia ao certificado da nómina co que se cubran eses campos. Paso 2: unha vez completado o paso 1, enviarase a clave CIXTEC ao email indicado. Introducir esa clave e a clave persoal escollida no Paso 1 e premer en Rexistrar. E xa está! A partir de ese momento recibirás o certificado da nómina por correo electrónico un par de días antes da transferencia bancaria. 1 No caso de xa estar rexistrado na Oficina Virtual, seleccionar o modo de acceso de Servizo de Empregados públicos rexistrados. 2 No formulario de acceso introducir o NIF, a clave persoal e premer en Acceder. Dende este mesmo formulario tamén se pode cambiar a clave persoal escollida con anterioridade. 3 Na pantalla do menú de opcións para acceso de usuarios rexistrados, seleccionar Forma de recepción de haberes. 4 Completar o formulario de cambio de forma de recepción de haberes e premer en Cambiar.
E xa está! A partir de ese momento recibirás o certificado da nómina por correo electrónico un par de días antes da transferencia bancaria. No caso de contar con sinatura dixital non é necesario realizar todo o proceso de rexistro para acceder á Oficina Virtual, nin para activar a recepción de haberes por correo electrónico. 1 Partindo da páxina de selección de acceso de usuario, premer en Entrar a Servizos con certificado dixital. 2 Dependendo da configuración do navegador de internet poida que apareza unha pantalla de selección do certificado dixital co que se desexa operar. En todo caso, ademais, aparecerá a seguinte pantalla de confirmación cos datos persoais da sinatura dixital que se está a utilizar (NIF, apelidos e nome). Se é correcto, premer en Aceptar. 3 No menú de opcións para acceso con certificado dixital seleccionar a opción de Forma de recepción de haberes. 4 Completar o formulario de cambio de forma de recepción de haberes e premer en Cambiar.
E xa está! A partir de ese momento recibirás o certificado da nómina por correo electrónico un par de días antes da transferencia bancaria. NOTA: Se tes calquera dúbida podes picar nos botóns de axuda con forma de interrogante que aparecen nas diferentes pantallas. Se inda así non atopas resposta, podes enviar un correo a soportecixtec@xuntaeco.org ou chamar ao 981.54.13.00