FEDERACION DI TRAHADORNAN DI ARUBA (F.T.A.) REGLAMENTO DI DAHU ASISTENCIA HURIDICO

Tamaño: px

Comenzar la demostración a partir de la página:

Download "FEDERACION DI TRAHADORNAN DI ARUBA (F.T.A.) REGLAMENTO DI DAHU ASISTENCIA HURIDICO"

Eva María Salas Vega
hace 6 años
Vistas:

1 FEDERACION DI TRAHADORNAN DI ARUBA (F.T.A.) REGLAMENTO DI DAHU ASISTENCIA HURIDICO Revisa y aproba den XVIII Congreso September /2006

2 1. a. Den caso cu e miembro o miembronan acudi na departamento di Labor, den caso di un conflicto cu dunador di trabou, e departamento di Labor lo mester atende e caso primeramente. b. Si pa un of otro motibo legal e miembro o miembronan no ta bin na remarke pa departamento di Labor atende e caso, e sindicato lo atende e caso en cuestion, segun e siguiente reglamento di asistencia huridico. 2. Si despues di a sigi e procedura pa yega na un solucion den un conflicto, manera stipula den e contrato colectivo of di acuerdo cu procedura stipula pa Directiva di e sindicato, ainda no a resolve esaki faborabelmente pa e miembro of grupo di miembro, directiva lo evalua si tin suficiente base pa entama un caso hudicial. Den e asunto aki, pa motibonan practico, directiva lo por delega cierto partinan di e procedura na Directiva Diario. Pa tin derecho ariba asistencia huridico, e miembro su miembresia mester ta existi pa seis luna. 3. Den e evaluacion aki directiva lo aserca su consehero huridico pa esaki duna un opinion basa riba leinan y hurisprudencia (sentencianan) den casonan similar. E Consehero Huridico tin cu entrega su conseho den un periodo maximo di dos (2) siman despues di a wordo aserca pa e Directiva. Directiva y e miembro of miembronan envolvi lo mester relata por escrito e acontecimentonan cu a conduci na e conflicto y tambe e pasonan cu a tuma pa trata na soluciona esaki. 4. a. Si acaso e consehero huridico duna un conseho negativo, directiva tin e prerogativa pa solicita un conseho adicional serca un otro consehero huridico. E Consehero Huridico aki lo ta mara na e mesun termino maximo menciona den articulo 3. Si directiva ta haya cu e tin suficiente informacion despues di e prome conseho huridico pa e por tuma un decision e lo participa e decision aki por escrito na e miembro of miembronan en cuestion. b. Igual ta e caso despues di a ricibi un segundo opinion huridico. Den caso cu a base di consehonan manera stipula ariba, e peticion di e miembro of miembronan no wordo honra, directiva lo considera e caso termina. 5. Den caso cu e peticion di e miembro of miembronan wordo honra, directiva of, si a delega directiva diario, e ultimo aki lo informa e abogado pa encarge cu e tarea di presenta e caso en cuestion na corte. 6. Den caso cu e sindicato a honra e peticion di e miembro of miembronan positivamente y e caso wordo perdi, e sindicato lo cubri tur gasto relaciona cu e procedura hudicial. -2-

3 7. a. Den caso cu Directiva a honra e peticion di e miembro of miembronan y huez dicta na nan fabor of por medio di inter-mediacion di Abogado di FTA y for di esaki e miembro of miembronan ricibi pagonan cu ta surpasa e entrada cu e/nan lo a ricibi normalmente for di su/nan empleo, e miembro of miembronan tin e obligacion pa contribui cu 8% di e suma totaal netto na e organisacion. E pago aki ta un biaha so. Cu por medio di intermediacion di Abogado di FTA ta comprende caminda cu yega na un: 1. Areglo prome cu bai corte 2. Den caso di ontbinding caminda ta ricibi pagonan 3. Caso di Bodem Procedure caminda tin prueba cu e miembro of miembronan tabatin ingreso por medio di otro empleo. b. Si e caso wordo gana pero ta unicamente un suma di placa igual of menos na e entrada normal wordo concedi, e sindicato lo cubri e gastonan di e procedura hudicial completo. 8. a. Den caso cu e miembro of miembronan gana e caso y e contrapartido dicidi di apela esaki, e sindicato lo cubri tur gasto relaciona cu e defensa di e miembro of miembronan den e instancia(nan) mas halto aki. b. Si e miembro of miembronan perde e caso y ta desea di apela e sentencia, Directiva lo aserca su consehero huridico pa esaki duna un opinion basa ariba leinan y hurisprudencia (sentencianan) den casonan similar. Si e consehero huridico duna un conseho negativo, directiva tin e prerogativo pa solicita conseho adicional serca un otro consehero huridico. c. Si directiva ta haya cu e tin suficiente informacion despues di e conseho di e consehero huridico pa e por tuma un decision pa considera e caso termina e lo participa e decision aki por escrito na e miembro of miembronan en cuestion. d. Igual ta e caso despues di a ricibi un segundo opinion huridico. Den caso cu a base di e consehonan manera stipula den e seccion aki, e peticion di e miembro of miembronan no wordo honra, directiva lo considera e caso termina y lo informa e miembro of miembronan e decision aki por escrito. e. Si directiva dicidi di honra e deseo di e miembro pa apela e sentencia, e sindicato lo cubri tur gastonan envolvi conforme articulo 7. f. Ora ta trata un caso sumario (kortgeding) directiva mester informa e -3-

4 miembro of miembronan di su decision pa cu apelacion dentro di un (1) siman despues di e veredicto. Esey ta implica cu e conseho(nan) pa apelacion mester tuma lugar dentro di un siman. Ora ta trata un bodemprocedure directiva mester informa e miembro pa cu su decision pa cu apelacion dentro di dos (2) siman despues di e veredicto. g. Si e miembro of miembronan perde e apelacion (Hoger Beroep) y ta desea di bai corte di casacion (Hoge Raad) pa apela e veredicto, directiva lo aserca su consehero huridico pa esaki duna un opinion basa riba leynan y hurisprudencia (sentencianan) den casonan similar. E consehero huridico tin cu entrega su conseho den un periodo maximo di tres (3) siman despues di a wordo aserca pa directiva. 9. Si e miembro of miembronan, apesar di e decision di directiva di no honra nan peticion pa asistencia huridico, dicidi riba su of nan mes toch cuminsa un caso den corte y Huez dicta na su of nan fabor, e sindicato lo duna un asistencia financiero pa yuda cubri e gastonan di caso te na un maximo di Afls. 650,--. E asistencia aki ta tuma lugar despues di a ricibi e documentacion corespondiente (sentencia y cobranza di abogado). 10. Si un miembro of grupo di miembro no accepta e consehero huridico apunta pa e directiva y ta opta pa e mes scohe uno, e directiva lo retira e asistencia huridico. Consequentemente e miembro lo no por hasi ningun apelacion mas riba e sindicato pa asistencia huridico/of asistencia financiero den e caso en cuestion 11. Den caso cu FTA su consehero huridico fiho no ta disponibel, Directiva lo informa un consehero huridico por escrito cu el a wordo apunta pa inicia y trata e caso. 12. Un miembro of grupo di miembronan cu sin sigi e procedura manera stipula den e reglamento aki, riba propio cuenta aserca un abogado, no por hasi un apelacion na e directiva pa cubri gastonan envolvi cu un caso cu nan a inicia. 13. Si e trahador cu ta miembro pa mas cu 6 luna perde su trabou of wordo retira fuera di su culpa y e bolbe drenta e proceso laboral y re-aplica pa bira miembro dentro di un termino di 4 luna, su membrecia ta ser considera di ta continua. Es decir cu lo no tin interupcion di miembresia. 14. Na final tur transaccion financiero mester bai via oficina di Abogado di FTA tambe tur Union Dues atrasá lo wordo deduci automaticamente. 15. Den cualke caso cu e reglamento aki no ta prevee, e Directiva lo actua di acuerdo cu e Statutonan y Reglamentonan Domestico di FTA. -4-

5 -5-

Documentos relacionados

Dwight Didier Manager Hypotheken

Dwight Didier Manager Hypotheken 1. Motibo pa un hipoteca 2. Kende por aplica pa un APFA Hypotheek? 3. Pakico un APFA Hypotheek? 4. E condicionnan pa un APFA Hypotheek 5. Informacion pa calculo di hipoteca