2 Valero Energy Corporation, 10 Q Quarterly report pursuant to sections 13 or 15(d), Second Quarter 2010, p. 12.

Transcripción

1 CENTRALE BANK VAN ARUBA 17 Juni 2011 Awe Banco Central di Aruba ta publica su Relato 2010: Desaroyonan Economico y Financiero. Siguientemente ta presenta e informe di President, traduci na Papiamento, cu ta inclui den e relato aki 1. Den 2010 gran parti di Aruba su economia a sigui enfrenta retonan y incertidumbre. Dependiendo mas tanto riba fuentenan externo di entrada, Aruba su economia, atraves di historia, semper tabata vulnerabel pa cambio den condicionnan economico mundial. Consecuentemente, e crisis economico y financiero mundial di , combina cu e ciere temporal di e refineria, e bahada den e sector turistico y un caida significante den inversion directo extranhero, tabatin un impacto fuerte riba e economia di Aruba causando un bahada den e product domestic bruto (e asina yama GDP) den terminonan nominal di 3.8 porciento te na Afl. 4,306.1 miyon na Di otro banda, e economia mundial parce di ta recuperando despues di e crisis global, y periodo di turbulencia financiero cu a sigui, y e riesgo di contagio cu ta asocia cu e crisis di debe soberano di Grecia y Irlanda. Aunke cu e bolbemento di e stabilididad amplio di prijs ta keda un logro importante di e maneho, e instabilidadd macroeconomico a sigui persisti den gran parti di e economia mundial, y ta sigui representa retonan pa y den hopi forma ta crea demandaa nobo riba manehonan economico. Den e contexto aki, e economia mundial ta keda un mosaico di desaroyonan contraste, den paisnan y regionnan unda cu fluho di produccion no ta mescla cu otro. Durante e economia di nos isla a wordoo caracterisaa pa un caida den actividad comercial den varios sector, un situacion cu ta recorda e periodoo di , aunke menos grave. Casi 25 aña pasa e cuasante tabata e ciere abrupto di e refineria Lago. E biaha aki, e mesun refineria, e biaha aki bou operacion di Valero Energy Corporation (Valero), tabata e factor principal tras di e caida den actividadnan economico. Esaki a coincidi cu e crisis economico y financiero mas severo desde e tempo di e Gran Depresion. Valero a anuncia na 1 E version na Ingles ta prevalece. 1

2 Juni 2009 su intencion di sera e refineria Valero temporalmente, debi cu e margennan di ganashi procedente di refinacion di crudo pisa no tabata suficiente pa laga e refinera sigui opera na un forma economicamente factibel. Ademas, e 1 porciento di impuesto riba benta di negoshi pa cu exportacion, aproba pa ley dia prome di Januari 2007, tabata un fuente importante di disputa pa motibo cu esaki a afecta e operacion di e refineria na forma negativo y tabata un menasa pa su continuidad den futuro. Citando Valero, varios disputa tocante impuesto cu Gobierno di Aruba a crea incertidumbre pa loke ta concerni e futuro economico di e refineria. 2 E paro di operacion di e refineria, cual a tuma lugar na Juli 2009, tabatin un impacto mucho mas grandi riba e economia Arubano compara cu e crisis mundial mes cu tabata andando e momento ey. Esaki a causa un caida den e cantidad di personal contrata na e refineria (calcula di ta aproximadamente persona), perdida di entrada procedente di divisa, y un gran incertidumbre den otro sectornan di e economia. Mas ainda, e recesion economico a resulta den un caida den entrada di gobierno. Na final di Februari 2010, Gobierno di Aruba y Valero a yega na un areglo, resolviendo asina e disputa tributario entre e dos partidonan aki. Segun e areglo di disputa, Valero lo firma un convenio tributario nobo, den cual e ta renuncia su status di tax holiday (Exoneracion Tributario), e lo mester paga un tarifa fiho di 7 porciento na impuesto di ganashi y un tarifa tributario di cero porciento riba dividendo. Ademas, tur importacion y exportacion lo ta liber di impuesto riba benta di negoshi y di cobransa riba produccion den tur forma (e asina yama: throughput fee). Despues di dos aña, pa ta mas exacto dia prome di Juni 2012, e refineria lo cuminsa haci un pago anual minimo di impuesto di US$ 10 miyon, reparti den pagonan igual cada trimester. Tambe a otorga e refineria e derecho di transferi pa e periodo siguiente, cualkier exceso di su prepagonan tributario, esaki como un tax credit, versus su futuro responsabilidadnan tributario. Na fin di Mei 2010, Parlamento di Aruba a pasa algun ley cualnan a permiti e implementacion di e clausulanan di e acuerdo tributario. Poco despues cu Parlamento a aproba e convenio, Valero a paga Gobierno di Aruba US$ 118 miyon como parti di e acuerdo. Durante e di tres trimester di 2010, e refineria a inicia un programa di mantencion extensivo, anunciando un inversion di aproximadamente Afl. 161 miyon. Debi na e mehoracion den e diferencia den prijs di petroleo crudo y den e margen di refinacion den e prome seis lunanan di 2010, Valero su programa di inversion a wordo diseña pa prepara su unidadnan di produccion pa un posibel re inicio na final di September Aparte di tabata un impulso pa e actividad economico, e programa di inversion tabata 2 Valero Energy Corporation, 10 Q Quarterly report pursuant to sections 13 or 15(d), Second Quarter 2010, p. 12.

3 solamente parcialmente un bon noticia como cu tabatin incertidumbre encuanto si e refineria lo reanuda tur su operacionnan. Tabata te na cuminsamento di 2011, cu tur e incertidumbre aki a wordo elimina, y e inicio di produccion a bira realidad. E importancia di e reanudacion di e actividadnan di e refineria a wordo infatisa den e proyeccionnan di Banco Central di Aruba (BCA) unda ta indica cu e inactividad di e refineria durante 2010 tabatin un impacto directo negativo (sin conta e efectonan indirecto di e ciere di e refineria) di mas o menos 3,4 punto di porcentahe den e caida proyecta di 2,8 porciento di e GDP den terminonan real. E resultado negativo den Aruba su produccion agrega na 2010 a coincidi cu e crecemento modera den e cantidad di turista cu a bishita nos isla, particularmente den e ultimo seis lunanan di aña, y e caida den e actividadnan den e sector di construccion. Den su totalidad, e prestacion economico di e otro industrianan di Aruba no tabata suficiente pa preveni e resultado negativo den e GDP den terminonan real durante E subida den e cantidad di turista tabata 2,5 porciento den e prome mita di e aña, pero a mengua te na 0,6 porciento den e di dos mita di e aña, debi cu e mercado Mericano a debilita den e ultimo parti di e aña. Mirando e aña den su totalidad, e cantidad di turista cu a bishita nos isla a crece cu 1,6 porciento, di cual 0,9 punto di porcentahe tabata relata na e mercado Mericano. E prestacion di e cantidad di turista procedente di Merca tabata asocia cu e preocupacion creciente di e recuperacion sostenibel di e economia Mercano. E entrada for di turismo den terminonan nominal a aumenta cu 2,2 porciento, esta Afl. 47,7 miyon den Den e prome ocho lunanan di 2010, e ocupacion promedio di hotelnan a crece cu 1,9 punto di porcentahe te na 78,1 porciento, mientras cu e averahe di prijs diario (e asina yama average daily rate (ADR)) a cay cu 0,8 porciento te na Afl Mientras tanto, e entrada for di camber disponibel (e asina yama revenue per available room (RevPar)) a subi cu 4,5 porciento te na Afl. 147 den e prome ocho lunanan di Pareu cu esaki, manera a worde spera, turismo crucero no a presta bon. E resultado aki ta parcialmente debi na e prijs instabil di petroleo y un caida den reservacionnan adelanta, di cual hopi a origina te cu seis luna prome, ora e crisis financiero economico mundial tabata andando ainda. Un desaroyo positivo tabata e reanudacion di vuelonan di KLM y barco crucero di Carnival Cruise Lines pa Aruba. Ambos partnernan strategico pa cu e industria turistico di Aruba. E sector di comercio por detal a registra un mehoracion chikito den su resultadonan na 2010 compara cu No obstante, e nivel di actividad den e sector aki a keda abou ora cu compara esaki cu e actividadnan di 2008 y añanan anterior. Aparte di e situacion economico dificil na 2010 y e miedo di e consumidor pa gasta placa, e sector di comercio por 3

4 detal a haya su mes confronta cu un problema di exceso di capacidad, cual a bin ta acumula durante e añanan prome cu e recesion. E sector di construccion tambe a wordo afecta severamente pa e recesion y a permanece deprimi na E resultado aki a wordo confirma pa informacion cu BCA a obtene tanto pa medio di indicadornan cuantitativo (e cantidad di permiso pa construccion otorga, cantidad di cement importa, y instalacion di coriente aproba), como tambe indicadornan cualitativo (encuesta di percepcion di negoshi y bishitanan regular na negoshi). Banda di e impacto negativo di e ciere temporal di e refineria Valero durante gran parti di e aña, dicho repercusion tabatin su origen hunto cu un caida general den e actividadnan di inversion riba nos isla, cual ta calcula na 9,9 porciento den termino real. E situacion aki tabata, entre otro, e consecuencia di un tardansa den e implementacion di proyectonan di colaboracion publico priva y e tardanza den e comienso di algun proyectonan di inversion grandi (por ehemplo, e Ritz Carlton Hotel). Trahadornan ta sufri ora cu tin un caida den salario y empleo, cual tin tendencia di sosode durante un recesion. Den e contexto aki, e dificultadnan den e sector di construccion tabatin su consecuencianan negativo riba e mercado laboral, debi cu el a causa un aumento den e tasa di desempleo. Combina cu prestacion insuficiente den otro sectornan manera comercio por mayor y por detal, hotel y restaurant, real estate, huurmento y actividadnan comercial, e cantidad di persona sin trabou ta parce di a keda na un nivel relativamente halto durante Calculonan preliminar di BCA ta indica un tasa di desempleo di 9,0 porciento na fin di 2010, ekivalente na alrededor di persona. Menos hende cu trabou ta nifica menos entrada disponibel pa consumo priva, cu ta e curason di Aruba su economia. Den terminonan real, consumo priva ta estima di a cay cu 0,3 porciento na E caida den e gasto di consumo tambe a refleha den e desaroyo di cierto indicadornan economico: un reduccion di 2,7 porciento den ingreso den terminonan real di e impuesto riba benta di negoshi (BBO) 3, un caida di 3,8 porciento den transporte di container, y un disminucion di 2,9 porciento den credito na consumidor otorga pa e sector bancario. E actividad empresarial debilita na 2010 tambe a afecta e sector bancario na Aruba. E resultadonan pober den credito na consumidor a sosode den un situacion unda cu banconan comercial, dentro di e limitenan di parametro y rekisito prudencial, no tabata restringi mas na un suma di credito cu nan ta permiti di otorga. BCA a elimina e instrumento di limite di credito dia prome di Januari 2010 y a introduci un estructura di maneho monetario nobo. Mester atribui e desaroyonan sumamente modesto di credito esencialmente na tanto e 3 Coregi pa e reduccion di e tasa di BBO desde prome di Januari 2010 y un ingreso incidental di Afl. 211,6 miyon relata na e Areglo di Disputa cu Valero.

5 demanda abou na credito na consumidor como tambe na prestamo pa negoshi. Ademas di esaki, condicionnan mas estricto pa obtene prestamo por a contribui na e resultado menos bon den ambos categoria di credito. Di otro banda, prestamo pa construccion di cas a aumenta cu 5,8 porciento. E refinanciamento di debe existente por tabata un factor determinante den dicho aumento, considerando e prestacion pober den construccion di vivienda. E eliminacion di e limitacion den crecemento di credito door di BCA a marca fin na e sistema directo di maneho monetario, y a introduci un areglo indirecto cu ta consisti primordialmente di e asina yama Reserve Requirement. BCA ta usa e instrumento aki actualmente, cu ta obliga e banconan comercial di mantene 11 porciento di nan obligacionnan a corto plaso (menos cu dos aña y excluyendo depositonan interbancario domestico) na BCA den forma di un deposito cu no ta genera interes, pa asina reduci e exceso di likides den e sistema bancario, y alaves señala su intencionnan monetario 4. E meta principal di e maneho monetario nobo di BCA ta keda mescos, esta, e preservacion di e stabilidad di e balor di e florin Arubano conforme cu e Ordenansa di Banco Central. Dentro di e contexto aki, e operalizacion di e maneho monetario di BCA a bira mas flexibel, loke ta nifica cu e ta someti na revision periodico, dependiendo di e desaroyonan premira di, entre otro, e reservanan internacional. Den cuadro di e structura di maneho monetario nobo cu ta mas flexibel, BCA a establece e Comision di Maneho Monetario (CMM) na Mei E comision ta consisti di e Presidente y ambos Director Ehecutivo di BCA, y nan responsabilidad principal ta di revisa periodicamente e posicion di e maneho monetario di BCA, basa riba un seleccion di indicadornan economico, entre otro, e producto domestico bruto (e asina yama GDP), reservanan internacional, inflacion, credito, y likides. Na 2010, e CMM a tene shete reunion. E CMM a conclui cu e tasa di e instrumento principal di e maneho monetario abase di e situacion economico y financiero, e Reserve Requirement por a permanece sin cambio. Pa motibo cu e proceso di tuma decision dentro di e cuadro di maneho monetario ta uno dinamico, BCA tin flexibilidad pa añadi otro instrumentonan na su arsenal di instrumento na su maneho monetario, segun tin necesidad di haci esaki. Menos demanda pa credito y eliminacion di restriccion di credito, sinembargo, no tabata suficiente pa influencia e margen relativamente halto di e tasanan di interes (8,2 porciento na 2010) adopta pa banconan comercial. E margen entre e peso promedio di tasa di interes riba depositonan nobo y prestamonan nobo a expande mas ainda na 2010, pa 4 Pa mas informacion, por fabor tuma nota di e Cuadro 2.2, p. 21 di BCA su CBA Report 2009: Economic and Financial Development, publica na Juli

6 motibo cu e promedio di e tasa di interes riba depositonan nobo tabata mustra un descenso mas grandi compara cu e tasa promedio riba prestamonan nobo, un patronchi preocupante cu ta andando algun tempo caba. E fenomeno aki, y particularmente e nivel di tasa di interes riba prestamo y deposito ta un topico di debate pa hopi aña caba, no solamente na Aruba, sino na varios isla bisiña den Caribe. E reto di e tasa relativamente halto di interes ta algo propio di economia di isla chikito manera Aruba, unda deseconomianan di tamaño ( diseconomies of scale ) ta mas bien e regla y no e excepcion. E introduccion di un tasa maximo di interes (pa prestamo) of un tasa minimo (pa deposito) no ta mustra di ta e solucion, unda cu diferente pais tin e tendencia di aleha di e instrumentonan aki. E lo ta mas fructifero si tuma medida pa stimula competencia entre e banconan comercial, unda cu ta kita e structura oligopolistico di e mercado existente. Ya for di comienso di 2010, BCA a move na un instrument monetario mas orienta na e mercado den un esfuerso pa stimula competencia. Sinembargo, contrario na e otro sectornan di e economia, e empuhe pa mas competencia den e sector bancario tin su riesgonan pa mantene e stabilidad financiero. E gasto y beneficionan di un competencia halto mester wordo balansa contra e empeño di tasanan abou di interes riba prestamo, sin cu esaki lo oprimi e tasanan di interes riba cuentanan di spaar y depositonan, mientras cu un sistema financiero solido pa un desaroyo socio economico stabil ta keda e obhetivo principal. E reciente turbulencia financiero economico ta un bon ehempel di esaki. Aparte di demanda abou pa credito, e contraccion economico durante 2010 a conduci na un aumento substancial den casonan di incumplimento di prestamo, cual ta midi a base di pagonan di interes of suma principal riba prestamo atrasa di mas di 90 dia door di comercio y personanan. E debenan den estado di incumplimento a registra un aumento grandi den e di dos mita di 2010, particularmente e hipotecanan comercial. Aunke cu banconan comercial tin provisionnan adecua pa cubri posibel perdida den e incumplimento di pago di prestamo, e tendencia aki ta rekeri vigilancia prudente di parti di BCA. Stabilidad di prijs afortunadamente no tabata un punto di preocupacion durante 2010, door cu e promedio anual di inflacion a keda limita na un aumento di 2,1 porciento den prijs. E resultado aki tabata relaciona esencialmente cu e desaroyo den prijs di energia. Sinembargo, ora cu elimina e componentenan di cuminda y energia, e asina yama core inflation, tabata 0,3 porciento, indicando un caida leve den prijs di e demas componentenan di e indice di prijs di consumo. E componentenan aki a bin ta mustra un tendencia di caida continuo durante e ultimo aña y a traduci su mes den desaroyo stabil den e diferencia di inflacion di 0,4 punto di porcentahe cu Merca, Aruba su principal socio comercial y turistico.

7 E tasa fiho di cambio entre e florin Arubano y e dollar Mericano ta wordo sostene riba termino largo door di mantene un nivel comfortabel di reservanan internacional di divisa. Contrario na e ultimo tres añanan, e reservanan internacional di divisa a cay cu 11,3 porciento esta Afl. 167,0 miyon te na Afl ,1 miyon na E resultado aki tabata debi principalmente na transaccionnan incidental relaciona cu, entre otro, e sector petrolero den e ultimo luna di E nivel di e reserva internacional di divisa a permanece adecua, a pesar di e caida menciona anteriormento, y ta ekivalente na 6,3 luna di pagonan di e cuenta coriente compara cu 5,9 luna na Despues di cuatro aña consecutivo di surplus, e balansa di pago a registra un deficit di Afl. 167,0 miyon na Transaccionnan di e sector petrolero y, den menor grado, e sector no petrolero a contribui na e resultado aki. E deficit di e cuenta coriente di e sector petrolero tabata Afl. 825,4 miyon, como cu importacion di crudo y otro mercancia tabata mas halto cu exportacion di petroleo refina. E financiamento di dicho deficit a resulta mayoria parti door di credito comercial ricibi y door di un retiro di fondo for di cuentanan bancario den exterior di e sector petrolero, pa un suma total di Afl. 698,6 miyon, y e compra di Afl. 127,7 miyon na divisa for di banconan comercial. E sector no petrolero a cumpra un suma neto di Afl. 39,3 miyon na divisa for di banconan comercial. E suma aki a wordo usa hunto cu e surplus di e cuenta coriente, pa cubri e deficit riba e cuentanan di capital y financiero relaciona mas tanto na pago adelanta pa importacion di mercancia y servicio y un aumento di e balansa riba cuentanan bancario den exterior. Finansa publico a drenta otro fase di adversidad na 2010, ora cu e deficit financiero (incluyendo e cambio den pagonan atrasa) a alcansa un nivel nobo di Afl. 190,4 miyon, ekivalente na 4,4 porciento di e GDP. E resultado aki ainda ta mas abou di loke e mester tabata, si no tabata pa e entrada incidental di Afl. 211,6 miyon cu gobierno a ricibi pa motibo di e areglo di disputa cu Valero. Como cu e panorama di e entradanan di e sector publico a cambia durante e periodo , e perspectiva di e finansa di gobierno pa e tres añanan benidero ta un reto, considerando e necesidadnan financiero substancial pa cubri tanto e deficit presupuestario como e pago di varios prestamo grandi cu ta vence. Cu e meta di reforma structuralmente algun programa costoso manera e sistema di salud y di penshon, gobierno a introduci un serie di e asina yama Dialogo Social, basa riba e modelo di Dutch Polder Model di consenso den maneho economico. BCA a contribui na e Dialogo Social door di a presenta proyeccionnan riba termino medio y largo di posicion financiero di gobierno, usando diferente scenario. E resultadonan di e prome sesion di e Dialogo Social ta alentador. E partidonan cu a participa a yega na un acuerdo na Juni 2010 riba tres reto fiscal principal: e fondo di pensioen 7

8 pa empleado publico (APFA), e seguro di penshon di biehes general (AOV), y e seguro medico general (AZV). Reformenan pa soluciona e debilidadnan significante den tur tres skema a keda implementa na Januari E acuerdo cu partidonan a yega na dje durante e prome sesion di e Dialogo Social ta di elogia y a wordo ricibi positivamente cerca institucionnan internacional, manera e Fondo Monetario Internacional (FMI) y Standard & Poor s. Sinembargo, FMI ta kere alavez cu e medidanan aki lo percura pa un reduccion limita di gastonan fiscal a corto plazo, mas specifico nan ta calcula un reduccion den e deficit fiscal di 2,0 pa 2,5 porciento di GDP. Di e calculo menciona ultimo aki ta exclui algun reforma expansivo cu ta resulta for di e Acuerdo di Dialogo Social. Segun e liña di maneho fiscal aki, FMI a conclui cu pa yega na un presupuesto ekilibra, mas ahuste lo ta necesario riba tanto e banda di gastonan como e banda di entrada di e presupuesto. FMI su calculonan ta mustra cu e coreccion riba gasto lo resulta di menos cu 2,5 punto di porcentahe di e ahuste necesario, loke ta haci necesario medidanan adicional pa genera entrada cual lo mester promove desaroyo economico, cu lo mester ta husto y transparante, y lo mester conduci na cumplimento inmediato cu pago di impuesto cu un costo administrativo abou. Mas specifico, FMI a recomenda pa investiga e posibilidadnan di introduci un impuesto riba balor agrega, e asina yama value added tax (VAT) pa reemplaza e actual impuesto riba benta di negoshi (BBO). Gobierno di Aruba a baha e tasa di BBO te na mita na cuminsamento di 2010, rasonando cu esaki lo mehora e poder di compra di e consumidor. E argumento tabata cu dicho reduccion no solamente lo beneficia e consumidor sino cu e lo tin un efecto positivo riba comercio, turismo, y hasta pa e sector informal. Aparte di e efecto positivo anticipa riba poder di compra, e reduccion di e tarifa di BBO tambe tin un desbentaha, esta un perdida den entrada di gobierno. Debi na e hecho cu BBO ta aplicabel tanto pa turismo como pa consumidor local, e reduccion di tarifa a conduci na un perdida den entrada di gobierno (excluyendo e ingreso cu gobierno a ricibi di e areglo di disputa cu Valero) genera for di turismo, manera cu esaki a keda ilustra pa medio di un calculo di BCA unda cu turismo a contribui cu aproximadamente 42 porciento na ingreso di BBO di gobierno genera den e periodo E perdida di entrada a aumenta mas ainda e presion riba e posicion financiero debil di Gobierno di Aruba. Como parti di su funcion di consehero, BCA a avisa Gobierno di e probabilidad di e riesgo fiscal. Aunke BCA tabata di acuerdo cu gobierno riba e obhetivo di mehora e poder di compra di e consumidor, BCA a expresa su preocupacion tocante e impacto cu un reduccion di e tasa di BBO lo tin riba e posicion financiero di gobierno.

9 Fuera di supervision economico, BCA su actividadnan di supervision a expande na 2010, particularmente riba e tereno di combati labamento di placa y financiamento di terorismo (AML/CFT). E structura deficiente di AML/CFT di Aruba tabata rekeri di accionnan rapido, teniendo cuenta cu e resultado desfavorabel na October 2009 di e Mutual Evaluation Report di e Financial Action Task Force (FATF). E raport aki a referi na un estructura incompleto y incoherente di e AML/CFT. Pa mehora e situacion aki, Gobierno di Aruba a instala un grupo di estrategia AML/CFT, cual ta presidi door di Prome Minister di Aruba. Cu asistencia di un asesor externo, a traha un concepto di un plan di accion pa remedia deficiencianan identifica den e estructura AML/CFT. FATF a pone Aruba bou di e procedura extenso di raporta, cual ta encera cu Aruba mester duna cuenta na FATF durante cada un di e tres Reunionnan Plenario anual. Despues di e di dos Reunion Plenario di 2010, FATF tabata di opinion cu Aruba ainda mester a demostra progreso substancial den e implementacion di su plan di accion. Sinembargo, den e di tres Reunion Plenario, FATF a dicidi cu Aruba a haci avancenan importante y lo mester duna cuenta na e Reunion Plenario di Juni 2011 enbes di Februari No obstante di esaki, FATF a dicidi di laga Aruba sigui raporta segun e procedura aki, y lo revisa esaki na Juni 2011 si Aruba por wordo poni den e procedura di raporta na un forma regular. Banda di e cuestion di FATF, BCA a sigui controla e efecto di e repercusionnan di e crisis economico financiero mundial riba e institucionnan financiero supervisa na Aruba. Tur institucionnan financiero supervisa tabata por a sigui opera dentro di e normanan prudencial estableci pa BCA riba tereno di solvencia y likides. Tres fondo di pensioen di compania, cualnan tasa di cobertura tabata bou di e minimo rekeri di 100 porciento desde 2008, a logra hisa e cobertura aki riba e rekisito minimo na fin di December E incorporacion di e fondo di penshon pa empleado publico (APFA) bou e supervision di BCA desde prome di Januari 2011 ta forma un reto nobo pa BCA den su funcion di supervisor. Anteriormente, APFA tabata wordo supervisa pa e Minister di Finansa. En coneccion cu su posicion di fondonan insuficiente, APFA mester somete un plan di recuperacion na BCA riba termino cortico, pa BCA aproba esaki. Gobierno di Aruba a compromete su mes na ofrece un aporte financiero amplio na APFA si tin mester y na ora cu tin mester, dunando di e forma aki un base acceptabel pa BCA supervisa APFA. E expectativa ta cu Aruba su economia lo crece cu 8,9 porciento den termino real na 2011, cual ta procede for di mehoracion adicional den e sector di turismo y di e reapertura di actividad di e refineria Valero mas tanto. Ta spera cu consumo total lo aumenta cu 0,9 porciento, unda cu e sector priva ta e motor principal, considerando cu e consumo di gobierno den termino real lo baha. Ta pronostica cu inversionnan lo mustra un recuperacion 9

10 fuerte den tanto e sector priva como den e sector publico, mientras cu BCA ta premira un crecemento neto den e sector externo debi cu e expectativa ta cu turismo lo sigui aumenta, aunke cu e crecemento aki lo keda bou di e promedio averahe registra den e decada anterior. BCA a tuma como base pa su proyeccionnan pa e termino cortico te mediano, e futuro accionnan di maneho, cualnan probabelmente lo wordo implementa. Tanto proyeccion y suposicion en cuanto maneho ta generalmente basa riba informacionnan disponibel na e personal di BCA na momento di e analisis. Un di e desventahanan y riesgo na e scenario basico ta cu e economia mundial lo no cumpli cu e expectativa di un aumento di e GDP den terminonan real di casi 4,2 porciento pa E turbulencia actual na Medio Oriente y den e region di norte di Afrika, cual a empuha den un forma significante e prijs di petroleo riba mercado internacional, ta aumenta dicho riesgo. Un riesgo adicional ta cu e crecemento economico Mericano ta mucho mas debil di loke ta wordo spera. Debi na e posibel riesgonan aki, tin motibo di preocupacion tocante e intensidad di e recuperacion di turismo actual na Aruba, door cu Aruba su economia lo ta vulnerabel bou e scenarionan aki. Di otro banda, un aspecto positivo lo por ta e realisacion di plannan di inversion di Gobierno di Aruba y Valero pa cu un proyecto di gas likido, pa reemplaza combustibel petrolero como e fuente principal di energia riba nos isla. Aña 2010 tabata un aña dificil yena cu reto pa Aruba. Varios obstaculo significante a wordo trata, mientras otronan ainda ta warda riba solucion adecua na 2011 y mas adelante. Resultadonan efectivo, cualnan no semper ta basa riba situacion unda tur partido ta sali gana, ta exigi determinacion y boluntad di tur partido envolvi pa produci efectonan cu na fin di cuenta lo beneficia Aruba su hendenan.