Prome entrega di remedi

Transcripción

1 8Stichting BOB Aruba pulso Aruba, september Edicion 33 HEADLINES 2 F.A.D.A. y C.A.A. bou di un dak 4 Bo tabata sa? 3 Uzo di remedi pa prome biaha 5 Kico por spera e prome biaha cu bo ta busca un remedi 6 Cera conoci cu Jurgen van de Meer 7 9 Programa Cua opcion bo tin pa planea bo famia na Famia Planea Aruba? Respaldo: cuido mental den un bachi nobo! 10 di bienestar y salud na pia di 12 trabou Antibiotica 13Proteha bo mes di nos solo Prome entrega di remedi Buscando e forma pa informa nos aseguradonan tocante remedi, AZV hunto cu e boticarionan a percura pa traha un poster bunita cu ta splicabo kico tur bo por spera ora cu bo bay busca un remedi nobo pa prome biaha. Esaki ta duna bo -como asegurado di AZV- e siguransa cu bo boticario (asistente) tin e deber di duna bo informacion pero abo ta haya e oportunidad tambe pa haci cualkier pregunta cu bo tin na bo boticario (asistente). Repasando edicion 33 nos ta topa cu Fundacion Anti Droga Aruba (FADA) y Consultorio pa Asuntonan di Adiccion (CAA) cu awor a bay bou un solo dak na San Nicolas. Anto si bo a pensa cu bo kier un famia, un consulta cerca Famia Planea Aruba lo por ta e solucion pa bo! Sigui e actividadnan di Stichting BOB Aruba cu keto bay ta busca e forma pa conscientisa e hende muhe di e importancia pa acudi na nan invitacion pa haci un mammogram. Sin nada mas pa añadi, nos ta invita bo pa disfruta di edicion 33 di Pulso. Salud!

2 2 3 Bo tabata sa? F.A.D.A. y C.A.A. door di F.A.D.A y C.A.A bou di un dak Como AZV nos ta tuma nota di diferente comentario riba social media of den corantnan local cu ta sugeri cu AZV lo no ta cubri gastonan di accidente. E ta importante pa splica cu esaki no ta corecto. AZV ta cubri e gastonan medico na Aruba. Ley AZV ta stipula Loke ta sosode ta cu e mesun Ley di AZV ta stipula cu AZV tin e obligacion di recupera (cobra) e gastonan bek cu ta atribui na un tercer persona cu a ocasiona e accidente. Por ehempel den caso di un accident di auto, AZV ta paga entre otro e gastonan di hospital. Pero como cu AZV tin e obligacion di recupera e gastonan di e tercer partido -specificamente den caso di un accident di auto- AZV lo bay recupera esaki cerca e seguro di auto di e persona (tercer partido) cu a ocaciona e accidente di auto. Den corto AZV ta cubri tur gasto medico, sea cu e lesion ta severo of no, con tal cu esaki a sosode na Aruba, cu e cuido ta indica medicamente y cu e cuido ta comun y coriente dentro di e beroepsgroep. Loke sa sosode Tin casonan unda cu e pashent lo mester haya terapia por ehempel fisioterapia pa recupera su salud bek. Esaki bo por haya na Aruba. Pero den un intento pa yuda e pashent, hopi biaha e famia ta dicidi pa riba nan propio responsabilidad hiba e pashent den exterior. Esaki ta totalmente comprendibel como ser humano. Bo kier bo ser keri recupera su salud mas lihe cu ta posibel. Pa e bira e bieu bek. Sin embargo, loke hopi biaha e pashent y of su famia no ta tene cuenta cu ne ta cu e acto aki di transporta bo ser keri riba propio gasto pa exterior- por resulta den gastonan medico halto cu na comienzo no ta un peso pa e famia pero despues si por bira un peso. Loke AZV ta wak ta cu e pashent of su famia ta acerca AZV e ora pa haya ayudo. Aprobacion adelanta Lastimamente una bes un pashent of famia opta pa bay exterior riba nan mes, AZV no por yuda. E ley di AZV ta stipula cu mester tin un aprobacion adelanta di AZV. Tambe mester cumpli cu otro exigencianan den e ley di AZV p.e. mester determina cu e cuido no por wordo duna na Aruba. E motibo principal pakico AZV ta trece e informacion aki ta pa conscientisa su aseguradonan y comunidad en general cu gastonan medico por bira hopi. Esey ta nifica cu financieramente e pashent of famia mester ta hopi bon prepara. Na varios ocacion por a scucha di casonan cu e pashent a bay riba su mes exterior of ta haci fundraising pa bay den exterior pero despues ta ripara cu no tin e forma financiero mas pa paga e cuenta y ta bin AZV pa pidi ayudo. Posicion AZV ta opina cu tin un bon sistema di cuido medico na Aruba. Kisas tin aki aya puntonan di mehoracion (of atencion) pero den principio por haya diferente tratamento medico na Aruba. Pero pa e personanan cu no ta kere den e cuido medico na Aruba, e miho conseho lo ta pa evalua bo caso bon prome cu bo bay den exterior riba bo mes. No paso AZV kier ta fastioso. Solamente nos kier alerta bo. Si bo a ricibi un plan di tratamento di e clinica den exterior, tene cuenta cu esey kisas no ta e factura final pa motibo cu tur cos ta depende di con e tratamento ta bay. Si e pashent haya complicacion, esaki por cambia e plaachi financiero. Fundacion Anti Droga Aruba (F.A.D.A.) y Consultorio pa Asuntonan di Adiccion (C.A.A.) recientemente a cuminsa trahando hunto den un edifio renoba na B. v/d Veen Zeppenveldstraat z/n San Nicolaas. Ambos Fundacion a dicidi di habri un sucursal hunto na San Nicolaas pa facilita e comunidad di San Nicolaas y becindario. E combinacion di prevencion y curativo bou di un dak tambe ta facilita e caminda pa cana ora ta buscando ayudo ariba e area di adiccion. Den un edicion anterior nos a enfoca caba riba e vision, mision, tareanan y metanan di F.A.DA. Den e edicion aki nos kier laga comunidad di Aruba cera conoci cu e trabounan di C.A.A. C.A.A. ta brinda informacion tocante cualkier problema di adiccion, sea alcohol, droga, gamblemento, abuso di remedi etc. C.A.A. por ofrece yudansa amplio ora un persona tin problema cu adiccion. E meta di C.A.A. ta pa duna informacion tocante e yudansa ora un persona tin problema cu adiccion, sea na e adicto mes of na su famia/amigonan of trabou etc. C.A.A. ta duna servicio individual pa e necesidad di e persona. Tambe C.A.A. ta guia/sostene e persona den su funcionamento diario y den e comunidad. E servicionan cu nos lo brinda na nos filiaal nobo ta: Intake, Counseling, Drug Screening, Drug Education y Drug Prevention. E team di profesionalnan pa asisti, guia y yuda rehabilita ta consisti di un Psikiatra, Psicologo, Trahado Preventivo, Counseler y Trahado Social. E tratamento di clientenan na C.A.A. ta consisti di diferente fase. Stap 1. Intake: Preguntanan basico di e bida di e cliente y e uzo di droga y alcohol. (eerste aanmelding) Stap 2. Encuesta Biografico: Preguntanan mas profundo tocante e cliente su bida desde nacemento te awor. Ora ta cla cu e encuesta e cliente ta haya un formulario pa bay haci un test amplio di sanger, cu ta check sucu, funcionamente di riñon, higra etc. Y tambe un test general di orina pa entre otro detecta si tin uzo di cocaine of marihuana. Stap 3. Un cita cu nos Psikiatra: E psikiatra ta duna e resultado di e test di laboratorio y ta bay distingui cua forma di tratamento y guia ta mas apto pa e cliente. Stap 4: Sessionnan: E cantidad di sessionnan ta depende di e progreso di e cliente. F.A.D.A. lo keda traha ariba e parti preventivo pa tur esnan cu mester informacion y charla/ workshop. Si tin companianan of scolnan cu mester ayudo of guia por acudi na e localidad nobo di F.A.D.A. y C.A.A. unda por ricibi e diferente tipo di ayudonan menciona anteriormente. Manera pa contact nos: F.A.D.A. y C.A.A. B. v/d Veen Zeppenveldstraat z/n Tel: C.A.A. Meiveld 1- G Tel: F.A.D.A. Campanastraat 5 Tel:

3 4 5 Uzo di remedi pa prome biaha door di Magaly Tobel Bo ta ricibi un remedi pa prome biaha? E ora bo ta haya splicacion amplio na e bali/receptuur di bo botica. A base di e splicacion/combersacion aki bo por uza bo remedi nobo sigur, consciente y diciplina. Cada pashent ta otro. Y tambe uzo di remedi ta na midi. E boticario (asistente) ta check si e remedi ta bay bon cu bo persona, si por ehempel e cantidad pa dia ta cuadra y si no tin interaccion cu bo otro remedinan. Haya un splicacion profesional tocante uzo di remedi ta sumamente importante. Eerste uitgifte Pa hopi aña e termino eerste uitgifte, e prome entrega, ta conoci na Hulanda. E ta bo derecho como asegurado y cliente pa ricibi structuralmente informacion di remedi pa por uz e cu siguridad (sin peliger) y consciente. Di e forma aki bo persona ta bira mas diciplina pa uza e remedi na un forma corecto. Ta conoci cu mas informa un persona ta di su remedi, menos e ta bay cambia e uzo ariba su mes door di por ehempel parti pildo den mita, tuma menos frecuente cu ta prescribi, of stop, y asina perhudica su mesun terapia. Hopi consecuencia grave di diabetes y presion halto mane daño na curazon, wowo y riñon, ta consecuencia di uzo inadecua di remedi cu lo por a wordo evita cu miho informacion y uzo. Mehora servicio AZV su maneho huntu cu e boticanan ta pa keda enfoca riba mehoracion di servicio di e botica na bo persona como asegurado. Banda di ricibi bo remedinan corecto y rapido, un bon servicio ta encera tambe informacion profesional. Haya sa pakico e remedi ta, kico bo por spera di su uzo y con ta e miho manera pa uz e ta yuda bo persona bira mas consciente pa uza e remedi cu siguridad y diciplina. E momento aki e ta un combersacion. AZV ta spera di su asegurado cu ta haci uzo di e momento aki pa bo persona pone interes y haci pregunta. Kico kiermen prome entrega pa bo persona? Normalmente remedi pa uzo cronico bo ta haya un cantidad pa 3 luna largo. Desde 1 di juli 2017 e dokter- nan ta prescribi pa 1 luna dunando e instruccion cu sea: 1. Bo ta bay bek cerca e dokter pa evalua e resultado y a base di e resultado por continua cu e uzo di e remedi of; 2. Bo ta haya 2 receta, e prome receta ta pa 1 luna. Si e remedi duna bon resultado bo ta bay e botica cu e receta extra pa ricibi pa e siguiente 3 luna. Na e botica e boticario (asistente) ta controla si ta pa prome biaha bo ta ricibi e remedi. Si bo a ricibi un receta di dokter pa prome biaha y un cantidad pa 3 luna e botica ta entrega pa prome biaha suficiente pa 1 luna so. Prome cu entrega e remedi bo persona ta haya informacion amplio di e remedi y su uzo. Si e remedi duna bon resultado, bo ta bay botica bek pa bin busca pa e otro 2 luna. Si e remedi no duna bon resultado bo ta bay bek bo dokter pa rondia un miho terapia. Dicon no pa 3 luna di biaha? Ta conoci cu si e remedi no duna resultado of den mayoria caso no ta confia den e remedi ta scohe pa stop e uzo di e remedi y warda te e proximo consulta di dokter. Tur e remedinan aki ta keda warda den kashi of ta wordo tira afo mientras tanto e malesa ta sigui desaroya y bo persona su salud ta bay mas atras.

4 6 7 Cera conoci cu Jurgen van de Meer Ta un grato placer pa Pulso introduci na boso nos colega mas nobo, esta señor Jurgen van der Meer. El a drenta servicio di AZV na januari 2017 como nos Hefe di Departamento Financiero. Naci y cria na Hulanda, esaki no a kita afo su interes pa otro cultura of ambiente. Desde 1996 e ta na Aruba. Si bay bek den tempo, por bisa cu tur cos a start despues cu señor Jurgen van der Meer a haya su titulo bachelor den economia di comercio e industria como tambe su propedeuse na VU (Vrije Universiteit) den Cultura Organisacion y Maneho, el a bay un aña di biahe rond di mundo. Gusta cifra Unabes na Aruba, el a traha pa diferente compania grandi y a haya su experiencia den funccionnan financiero riba tereno di comercio (tanto retail como wholesale), den negoshi di botica y produccion. Banda di tur esey, e tabata miembro di e hunta di control di AZV y actualmente miembro di e hunta di Colegio Arubano. E tabata activo como miembro di directiva na Aruba Animal Shelter. Actualmente e ta miembro di directiva di fundacion jeugdzeilen (SYWA). Desafio Un funccion cu hopi desafio unda e enfoke lo ta mas tanto posibel riba con nos ta traha pa un cuido eficiente pa mañan ta algo cu señor Jurgen van der Meer ta spera di tin na AZV. E ta desea pa e cuido medico yega un nivel di calidad mas halto pero na un prijs pagabel. Pa alcansa un calidad mas halto e ta importante pa tur partido yega mas na otro. Un bon servicio di AZV ta -entre otro- hopi importante. Banda di esey lo mester inverti den e relacionnan cu e stakeholders unda cu e confianza den otro mester ta central y ta enfoca riba e topiconan cu realmente ta alcaso. E ta importante pa cada partido den cuido medico tuma responsabilidad tocante e placanan inverti y asina mantene e cooperacion di tur pa aporta na e sistema di cuido y eventualmente engrandece esaki. Den corto, cuida pa e cuido. Cua opcion bo tin pa planea bo famia na Famia Planea Aruba? door di Famia Planea Aruba Den e edicion aki, esta edicion 33 di Pulso, Famia Planea Aruba kier a para keto na e diferente metodonan anticonceptivo cu nos ta ofrece. Pildo anticonceptivo E pildo anticonceptivo ( De Pil ) ta e anticonceptivo mas uza entre nos miembronan di Famia Planea.E pildo anticonceptivo ta contene e hormonanan, cu ta preveni e ser femenino di ovula. Si no tin ningun ovulacion ta tuma luga, mas cu claro sali na estado tampoco no ta posibel. E pildo di anticonceptivo ta 99 % efectivo y alabes ta regula bo menstruacion mensual. E pildo anticonceptivo bo ta uza riba bo prome of di 5 dia di bo menstruacion. Percura pa bo tuma De Pil cada dia y na e mesun orario. Mini Pill Si bo ta dunando pecho, bo tin opcion di Mini Pill. E Mini Pill ta contene 1 tipo di hormoon so. E hormoon cu tin den Mini Pill yama progestin. Esaki ta un hormoon cu tur hende muhe ta produci naturalmente den nan curpa. E mamanan cu ta dunando pecho por uza esaki tambe, pasobra e hormoon no ta afecta e lechi di pecho. Por cuminsa bebe Mini Pill 6 siman despues di duna luz. Hangua Actualmente e di dos anticonceptivo mas uza ta hangua y Famia Planea ta ofrece nos clientenan dos tipo di hangua: Norigynon y Depo-Provera. Nos ta ofrece tanto na likido y hangua, pero nos no ta inyecta nos miembronan. E producto aki bo ta haya di Famia Planea y bo dokter di cas ta aplica e inyeccion necesario. E hangua ta contene e hormonanan cu ta preveni e ser femenino di ovula. Si no tin ovulacion, un embaraso tampoco no por tuma luga. E hangua ta 99% efectivo y alabes ta regula bo menstruacion. Con bo tin cu uz e? Cuminsa e prome of di 5 dia di bo menstruacion (ongesteld). Ta inyecta Norigynon cada luna riba mesun fecha of 1 pa 2 dia prome, pero no despues di e fecha. Ta inyecta Depo-Provera cada tres luna (of 1 pa 2 dia prome). Spiraal (Copper T, IUD) Spiraal ta e anticonceptivo cu un duracion mas largo. For di e prome dia cu bo dokter aplica e spiraal pa bo, bo lo ta proteha contra embaraso pa 5 aña largo. E spiraal ta di plastic, cubri cu koper, ta flexibel y na parti abou tin dos hilo. E spiraal cu nos ta ofrece na Famia Planea no ta contene hormoon. E dokter lo aplica e spiraal den bo vagina pa asina e sinta bon den bo utero. E proceso aki lo dura solamente un paar di minuut. E spiraal ta preveni pa e sperma di e hende homber topa cu e webo di e hende muhe. E spiraal di anticonceptivo ta 97% efectivo y mester control e cada pasa tanto tempo. Bo dokter di cas of ginecologo ta pone e spiraal durante e dianan di bo menstruacion. Cuater siman despues di parto, bo por opta pa pone spiraal. Papia cu bo dokter di cas Si acaso bo tum e decision pa uza e spiraal of hangua, pidi bo dokter di cas prescribi bo un receta di anticonceptivo desea. Despues bo ta pasa Famia Planea pa busc e. Y finalmente bo lo haci un cita cu bo dokter di cas, p e aplica e spiraal of hangua. Informacion Adicional Uzo di pildo, hangua of spiraal no ta proteha contra e enfermedadnan transmiti sexualmente. Tur anticonceptivo por tin su efectonan secundario, manera: dolor di stoma, manchamento, dolor di cabes, e pechonan ta bira sensibel, mareamento, of hisamento/bahamento di peso. E hangua lo por laga bo menstruacion bira pisa den 3 pa 6 luna (despues lo calma). Consulta cu bo dokter Puntra bo dokter pa mas informacion, prome cu bo cuminsa uza un anticonceptivo: si bo ta huma, bo tin 35 aña of mas halto, bo a haya yiu recientemente, ta dunando pecho, ta sufri di presion halto, ta uzando antibiotica of tin problema di salud. Lesa e instruccionnan prome cu bo uza un anticonceptivo. E productonan adicional Banda di anticonceptivo bo por cumpra, na un tarifa reduci, diferente otro producto, por ehempel: Pregnancy Test, Morning After Pill (Emergency Contraceptive) y condom. Pa mas informacion por pasa of yama libremente na oficina di Famia Planea situa na Bilderdijkstraat 16 Unit 4 na Oranjestad for di dialuna pa diabierna di 8or am te 4or pm, telefon Y na Resedastraat 7-G na San Nicolas riba diahuebs for di 8or am te 4or pm, telefon Tambe por manda mail na famiaplanea@ hotmail.com of bishita nan website of Facebook

5 8 9 Stichting BOB Aruba door di Stichting Bevolkingsonderzoek Borstkanker Aruba Desde prome di maart 2016 te cu awe a invita hende muhe di e edad di aña pa bin haci nan mammogram. Te na e momento aki 8500 hende muhe a acudi y a bin na Stichting BOB Aruba pa nan chequeo di nan pechonan. Tambe tin 1200 hende muhe cu a yama y cancela nan cita, sea nan ta un pashent di cancer na pecho caba y ta hayando tratamento of nan a haci nan mammogram caba of pa un otro motibo. Algun cu a cancela cita Ainda tin hende muhe cu no a bini haci nan test. Nos por pensa cu hopi di nan no a haya nan carta via post, a muda y adres no ta bon, carta no a yega nunca of cas robez. Tambe tin hopi hende muhe cu tin miedo, miedo pa dolor di e comprecion di e machin, no ta haci prevencion, ta bay dokter ora ya ta sinti e pipita of otro malestar. Tin miedo di e resultado y ta prefera keda warda te cu algo pasanan. Tambe ta haya mal informacion of peer pressure di esnan cu si a bay y ta bin duna nan experiencia negativo y asina ta influencia un amiga, famia of colega pa no haci e. Mientras e señora aki si a haya su chance pa haci e test. Prothese y rayo X Tin hende muhe cu tin prothese (pecho falso) cu tambe ta pensa cu no mester haci e test of tin miedo cu e prothese door e comprecion di e machin lo kibra. Tambe tin miedo di e rayo X di e machin cu ta minimo compara cu otro aparatonan. Den avion di Aruba pa Amsterdam tin mas rayo X compara cu un paar di seconde for di e machine aki cada dos aña. Sin conta tur e aparatonan rond di nos cu ta duna straling (tin ora diariamente). Invitacion rond Aruba Na e momento aki Stichting BOB Aruba a haci invitacion ful rond di Aruba caba. Cuminsando na Noord, sigui pa Savaneta, Playa, Santa Cruz y San Nicolas. Den luna di maart a cuminsa cu e di 2 rond unda nos a re invita e personanan pero tambe a haci un yamada pa no warda riba e carta! Yama Stichting BOB Aruba na telefon of djis cana drenta na Frankrijkstraat 1, edificio di IBISA y nos lo yudabo cu hopi atencion. Transporte Pa personanan cu no tin transporte tambe nos ta para cla pa yuda. My Fitness Gym situa dilante IBISA tin un bus cu por sali for di My Fitness Santa Cruz y My Fitness Noord cu por trece esnan cu no tin transporte di e barionan ey. No tin excusa pa no bin. E test ta pornada y nos ta yudabo. Acogida satisfactorio Stichting BOB Aruba ta hopi satisfecho caba cu e 35% di hende muhenan cu a acudi. Pasobra nos ta yuda detecta cancer na pecho tempran. Di e 93 hende muhenan cu tabatin algo sospechoso, nan a wordo manda pa extra control via nan dokter di cas, 43 hende muhe a resulta di tin cancer na pecho di cual mayoria no tabatin ningun sintoma mes. E personanan aki tabata na tempo y ta hayando tratamento. Salba bida Aki nos ta mira cu deteccion tempran por salba bida y pesey mes nos ta sigui haci invitacion na tur hende muhe di aña cu no a bin haci nan mammogram ainda pa yega cerca nos. Y na tur cu SI a bin, un pabien cu boso curashi, cu boso perseverancia pa preveni y haci boso control regular. Stichting BOB Aruba ta habri di dialuna pa diabierna di 8 di mainta pa 4.30 di atardi. Respaldo: cuido mental den un bachi nobo! y FSMA Respaldo Tin un proyecto pa realisa cu como AZV nos ta kere hopi hende den nos comunidad tabata wardando riba esaki. Esta e organisacion di diferente departamento trahando den ramo di psikiatria bou di un solo organisacion. Integrando e organisacionnan bou di un fundacion lo mehora e cuido pa personanan cu malesa mental na Aruba. Un idea No ta un idea cu a nace for di awor. Pa hopi aña caba (algun decada miho bisa) varios organisacion of departamento tabata purbando pa cambia e situacion. Mester menciona cu no ta asina cu e cuido exsistente no tabata bon, pero bo por imagina bo cu cierto momento ya e no ta eficiente mas si como pashent of famia di e pashent, bo mester cana di un loket pa otro loket pa haya e cuido. Esaki tabata bira un situacion indesea y pa cual mester busca un solucion nobo, un solucion mas integral. FSMA Respaldo A start cu e Fundacion Salud Mental Aruba cu e meta pa reorganisa fundamentalmente e cuido psikiatrico na Aruba. E nomber Respaldo ta nifica apoyo / sosten fuerte. E ta un palabra bieu den Papiamento cual a wordo scogi despues di un concurso pa e empleadonan den psikiatria. Den Fundacion Salud Mental Aruba Respaldo e departamento di PAAZ y e policlinica Psikiatria di hospital (incluyendo esun pa mucha y hoben), e departamento di Psikiatria Social (SPD) di Pais Aruba y Balance di e psikiatranan independiente ta bini hunto y cuido mental di Aruba porfin ta haya su propio organisacion. Integracion di cuido Pa motibo di diferente factornan e cuido psikiatrico na Aruba e ultimo añanan a desaroya su mes insuficientemente. Fundacion Respaldo ta bay dirigi e escena y lo percura pa haya sa kico ta necesario pa un bon cuido di salud mental dentro di e cadena completo di cuido. Ora di duna cuido lo percura pa pone atencion na comunicacion efectivo cu otro. Lo reach pashentnan hopi malo mas miho y nan lo por wordo trata di biaha. Lo dedica suficiente atencion pa medio di educacion na e dunadonan di cuido como tambe na e calidad di cuido. Solamente un Fundacion pa Salud Mental por trece cambio den integracion di e cuido necesario. Futuro cercano E Fundacion Salud Mental Aruba Respaldo tin su propio Hunta di Supervision cu como presidente señor Jossy Lacle y su Hunta di Maneho cu como director medico dokter Hendrikus van Gaalen y como director (interino) di maneho, drs Lex de Jong. Cu un staf nobo y e colaboracion continuo di Pais Aruba, AZV y Hospital, Respaldo lo tin como meta principal pa cuminsa mehora PAAZ y fortifica e cuido pa pashentnan ambulante (pashentnan cu ta riba caya). Ta bin dos local nobo, uno na Playa y uno na San Nicolas. Den e edificionan ey ta bin un policlinica, un team apart pa tratamento di e pashentnan psikiatrico den nan propio ambiente y un centro pa yega y haya ayudo. E dokternan di cas tambe lo wordo apoya miho pa medio di praktijkondersteuners. Lo bay tuma mas empleado pa medio di mas enfermeronan, psicologonan y otro terapistanan. Na Aruba e cuido psikiatrico lo bay mehora fuertemente pa medio di Respaldo. Y esey ta hopi necesario den nos mundo cu ta cambiando dia pa dia.

6 10 11 Programa di bienestar y salud na pia di trabou Cera conoci cu dokter di cas Reina Fernandes Den Pulso edicion 31, colega Joost van de Kamp, a trece dilanti e bunita proyecto di salud na trabou di La Quinta (timeshare hotel). Nos ta referi aki na e Workplace Wellness Program cu La Quinta a introduci desde aña 2015 pa su empleadonan y cu te dia di awe ta un exito pa tur partido envolvi. Programa parecido Na AZV tambe nos conoce un programa parecido. E iniciativa a cuminsa mas o menos 3 aña pasa ora cu Bus di Salud a bishita AZV y despues di e bishita di e Bus di Salud, un grupo di empleado kier a bira activo. A crea un comision (cu a haya e nomber di Let s Move) y esaki a resulta den un palabracion entre AZV y su empleadonan unda AZV (hunto cu e empleadonan) a pone fondo disponibel pa busca un entrenado. Hunto a dicidi cu lo brinda e oportunidad pa train na AZV mes dos biaha pa siman bou guia di e entrenado. Comision Let s Move Despues di dos aña ta train, comision Let s Move a haya cu tabata tempo pa otro rumbo. E empleadonan mes tambe tabata pidi pa un cambio unda e dunado di trabou lo ta dispuesto pa bay un tiki mas aya. Esaki a resulta den buscamento di otro sistema y den e mesun tempo cu comision Let s Move tabata busca otro solucion, a yega e propuesta di un compania cu ta dedica na programanan di salud y bienestar; esta Yade Health Corporate Solutions. A evalua e propuesta aki cual tabata uno cu a yega na un bon momento. Net ora cu comision Let s Move tabata buscando algo diferente of algo nobo. Programa di bienestar y salud Awe esaki a resulta den un programa adapta na e gusto y deseo di e empleadonan di AZV. Semanalmente tin training pa asina nan ta den movecion. Tambe e programa ta brinda sesionnan di guia y informacion pa e empleado tocante diferente topico pa e salud y bienestar di e empleadonan. Tur cos den e programa ta draai rond di e ser humano, cu otro palabra a incorpora no solamente topiconan manera movecion pero hasta por ehempel e importancia di meditacion. Den dje Actualmente AZV ta den e programa y e reaccionnan di e empleadonan ta positivo. No solamente nan ta haya e oportunidad pa train fisicamente pero tambe pa relaha (y activa) nan mente pa medio di sesionnan di meditacion. Algun otro topico cu a wordo presenta tabata e importancia di nutricion saludabel y lesamento di labels ora di haci compras pa cuminda saludabel. Deseo Ta di spera cu mas organisacion of compania na Aruba haci uzo di e oportunidad pa promove bienestar y salud na trabou. Dunando e empleadonan e sosten pa medio di diferente programa di movecion y salud, ta contribui na vitalidad di e empleadonan. Tambe e ta conduci na mas productividad pa e compania. Banda di esey, tin otro factor interesante, a ser comproba cu programanan di salud dentro di compania ta hisa e felicidad di e trahadonan for di e funccion di mas abou te cu esun top. Pulso tin e placer di laga bo cera conoci cu dokter di cas Reina Fernandes, un dokter hoben y cu a tuma e practica over di dokter Jose Dassen na De La Sallestraat 45. Esaki a sosode entrante 1 di september E traspaso tabata automatico pa asina tur pashent cu tabata inscribi cerca dokter Jose Dassen por keda ricibi nan cuido pero awor na man di dokter di cas Reina Fernandes. Persona Dokter di cas Reina Fernandes ta naci na Paramaribo, Suriname. El a biba gran parti di su bida na Hulanda, a studia medicina general y sciencia di salud prome (Vrije Universiteit Amsterdam). Despues el a sigui e specialisacion pa dokter di cas na universidad LUMC na Leiden, Hulanda cual el a finalisa na aña E ta casa y tin 1 yiu. Experiencia Su experiencia como dokter di cas el a haya door di traha na diferente organisacion manera na Huisartsenpraktijk Kersch, Gezondheidscentrum Vlaardingen Westwijk y Huisartsenpraktijk Hellendaal na Hulanda. E idiomanan cu dokter di cas Reina Fernandes ta papia ta Hulandes y Ingles. E tin conocemento basico di Frances. Actualmente dokter Reina Fernandes ta siñando Papiamento. Oficina E oficina di dokter di cas Reina Fernandes ta na De La Sallestraat 45, number di telefon Orarionan di consulta ta: Dialuna Diamars Diahuebs Diabierna di 8:00-12:30 or y 14:00-16:00 or. Diaranson 8or- 12:00 or y den caso di emergencia tin e ayudo di dokter Samuels parti merdia. Diariamente e oficina ta accesibel pa emergencia di 8:00-18:00 or via e liña di emergencia.

7 12 13 Antibiotica Proteha bo Bo t a sinti malo. Bo ta bay bo dokter y dokter ta receta antibiotica. E dokter ta splica bo kico e ta pensa cu bo tin.tambe e ta corda bo pa tuma tur pildo paso ta un tratamento cu antibiotica bo ta haya. Remedi Antibiotica ta remedi cu sea ta mata bacteria of ta percura pa stop e bacteria di crece den e curpa humano. Mayoria biaha antibiotica ta wordo receta pa tratamento di infeccion bacterial, entre otro pa tratamento di pulmon, garganta of e oreanan. Ta exsisti diferente antibiotica y cada uno ta wordo uza pa tratamento di diferente tipo di infeccion. Un dokter ta e unico persona cu por determina ki infeccion bo tin y cua antibiotica ta e miho tratamento pa bo. Funccion E funccion di antibiotica ta pa mata bacteria of percura pa stop e bacteria di multiplica, kiermen den caso cu bo tin un infeccion viral, por ehempel den caso di un griep of verkoud no ta necesario pa bo insisti cerca dokter pa bo haya un tratamento cu antibiotica (paso esaki no ta cura virus). Cada antibiotica tin nan propio structura kimico y ta determina di ki forma e ta afecta e curpa. E antibiotica cu ta wordo prescribi ta depende di ki infeccion tin y con grave e situacion di e pashent ta. P esey tin pashent ta haya tratamento di antibiotica di 5 dia, otro ta haya tratamento di 7 dia of mas. Caba e kuur Ta importante pa un pashent bebe tur su antibiotica. Tin ora dokter ta uza e terminologia caba e kuur referiendo na e peticion pa bo percura pa bebe tur antibiotica te na e ultimo. Hopi biaha nos tin e tendencia di sinti nos bon despues di e prome of di dos antibiotica, sinembargo ta sumamente importante pa bebe tur pa motibo cu ora bo start bebe e antibiotica automaticamente esaki ta cuminsa traha den bo curpa y ta (cuminsa) combati e bacteria. Pero na momento cu bo stop di bebe e antibiotica pasobra bo ta sintibo miho esey por tin concecuencia cu e antibiotica no a caba di haci su trabou di combati e infeccion completo. Bo por bira malo facilmente atrobe. P esey semper sigui e recomendacion di e dokter of specialista cu ta pidi pa bo bebe e tratamento di antibiotica completo. Alerta E ta importante pa realisa cu no ta pa tur cos dokter lo receta antibiotica. Ultimo añanan mas y mas e mediconan ta ripara cu e bacterianan ta birando resistente pa antibiotica. Esaki por tin consecuencia fastioso pa e pashent paso por yega un momento cu no tin nada mas. Pa e motibo ey, hopi dokter ta cauteloso y lo receta ora tin indicacion medico pa duna un antibiotica. Tambe ta importante pa cada persona tuma precaucion por ehempel ora bo ta bay bishita un ser keri malo na hospital. Bacteria ta pasa di hende pa hende y mayoria biaha via man. Higiëna di man ta importante pa preveni transmission di bacterianan resistente. Tambe bacteria por pasa di bestia pa hende of bestia pa bestia. Importancia ta keda riba labamento constante di bo man pa no pega. AZV ta spera cu e informacion aki yuda tur asegurado pa compronde e motibo pa cual ta pidi semper pa keda fiel na e tratamento di antibiotica (=caba di tuma tur) pero na mes momento pa realisa cu no por pidi dokter cada biaha pa un antibiotica como sifuera cu ta mangel nos ta come mes di nos solo Ami ta haya masha great ora mi ta wak hopi Arubiano y turista na canto di lama. E ta laga mi pensa con hopi hende ta aprecia nos lama, nos naturalesa. Sin embargo, mientras nos ta disfruta tin un asesino silencioso ta loer nos henter dia. Bo a para keto na e rayonan X di solo? Si. E ta haci nos experiencia masha dushi mes. Bo por mira tur cos masha cla mes Keto keto e ta cuminsa cambia bo color di cuero bo ta cuminsa sinti bo curpa ta pica ay! Exposicion na solo Exposicion na solo tin dos forma cu e ta manifesta su mes. Tin exposicion na solo cu ta manifesta su mes despues di añanan paso cada biaha cu a bay pafo, e cuero ta tan y esaki ta resulta den maltrato di e cuero. E forma ey ta wordo yama exposicion cronico na solo. E otro forma ta e exposicion agudo na solo, esey ta e momento cu e cuero ta haci un reaccion instantaneo esta cu bo ta haya blaar riba bo cuero of bo cuero ta kima. Tur dos forma di expone bo mes na solo por causa cancer. Riesgo y orario mas peligroso Mas blanco e color di cuero di e persona ta, mas halto e riesgo pa haya cancer di cuero. E aging of the skin ta sosode poco poco pero sigur cada biaha e solo ta como sifuera e ta come e cuero y e calidad di e cuero ta bay atras. Un ehempel ta cu bo cara ta cuminsa haya lachi, tin ora mas lihe di loke bo ta pensa. Nos solo su intensidad ta hopi fuerte. No mester lubida cu nos no tin e cambionan di temporada, pues continuamente nos cuero ta exponi na e mesun solo intenso ey. Ta scientificamente comproba cu e orario di mas peligroso ta entre 8 or di mainta pa 4 or di atardi. Reconoce cambionan Pa reconoce cu ta trata di cancer di cuero lo bo ripara cu tin algun steps den cual e cuero ta pasa. Un di e prome cambionan den e cuero ta e pigmentacion. E pigmentacion ta bira mas hopi of e ta cambia di color (bruin, roos, blanco). Tambe e cuero por cuminsa haya mas mancha riba dje. E sintomanan ta crecemento di e pigment of mancha, sangramento, grawatamento of e persona ta haya molester di su cuero. Ta importante pa notifica bo dokter di cas na momento cu bo ripara cambio den bo manchanan riba bo cuero of nota cambio den e textura di bo cuero. Cancer di cuero Una bes cu tin e sintomanan por bisa cu por lo general e persona lo mester keda haya tratamento pa bida largo. Cancer na cuero ta distingui su mes den 3 diferente sorto: tin e basal cell carcinoma, e squamo carcinoma y e melanoma carcinoma. Di e 3 sorto di cancer di cuero aki e melanoma carcinoma ta esun mas peligroso ya cu si e no wordo detecta na tempo e ta resulta den morto di e persona. Sea consciente Loke hopi hende no ta consciente di dje ta cu bo mes por haci masha hopi mes pa cuida bo cuero. Tin hende cu ta pensa cu cuido di bo cuero ta algo cosmetico. Pero si nos wak con hopi daño e rayonan X di e solo ta causa anto miho nos cuminsa cu prevencion (proteccion) for di tempran. Si bo siña e mucha for di chikito cu e mester evita di bay den solo cierto orarionan, cu e mester uza sunblock ora e bay toch, cu e por bisti un camisa manga largo, un petchi y un bril di solo, esaki lo evita hopi daño na su cuero. Personanan cu tin trabou den construccion, hardineria of otro tipo di trabou den solo mester tuma extra proteccion. Manga largo of coverall special contra e rayonan X di solo no ta un luho! E ta un necesidad pa proteha bo cuero. Otro detaye ta atencion na un dieta saludabel ya cu tur loke bo come ta refleha su mes via bo cuero. Bo seguro AZV como bo seguro medico ta cubri gastonan relaciona cu e tratamento di cancer di cuero. Sin embargo, e miho recomendacion ta keda: preveni ta miho cu lamenta. Tur ora cu por evita di bay den solo y si toch mester proteha bo mes!

8 14 15 Bless you - Santé - Gezondheid Noticianan Internacional compila door di Diandra Alders Hmmm e ta dushi e receta di Lucy! Ken no ta gusta un bon Burger y fries? Di biaha nos ta pensa ariba junk food! Toch? Fout! Paso un Burger super saludabel por wordo traha na cas mes. Un super Burger saludabel pero di berdura! Veggie Burger! E variedad di un veggie Burger ta mane the sky is the limit. Bo por trah e di bonchi preto, garabanzo, combinacion di wortel y zuchinni, batata dushi, aros, quinoa y asina mi por sigui! Aki un receta di un veggie burger simpel y facil. Veggie burger cu bonchi preto Ingrediente: Por uza 1 (16 ounce) bleki boonchi preto, bash e awa afo y lab e. Por uza bonchi preto fresco pero esey mester wordo muha un anochi prome y wordo herbi pa su mañan. Mita promenton berde Mita ciboyo 3 tenchi knoflook 1 webo, pero por uza chia seeds tambe como bindmiddel (pone 1 of 2 cuchara den 1 cup di awa, col e y uza e awa) 1 telep di puiro chili 1 telep di comino 1 telep di cualkier hot sauce cu bo por tin den bo cushina ½ cup bread crumbs, como alternativa bo por uza oatmeal cu bo ta haci fini den un blender Preparacion: Por pone e veggie burger ariba grill of den forno, preheat e forno na 375F/190C ariba un baking sheet cu un poco azeta. Cu tur sinceridad mi mester bisa cu nos ta hinka tur ingrediente di biaha den un foodprocessor y durante cu nos ta bezig cu esaki ta mira si e ingrediente ta na nos smaak. Ta test pa wak si por traha e burger sin cu e ta habri for di otro. Si bo ta mira cu por traha e burger y cu e ta na bo gusto e ora bo ta cla! Y claro cu un burger mester di su lechuga, tomati fresco, pickles, slice di mozarella cheese y asina bo por trah e con grandi cu bo kier. Y cada burger mester su french fries. Pero kico bo ta pensa di un french fries traha di batata dushi? Corta e batata manera french fries, strooi salo (sea salt), peper y puiro di paprika ariba cu masha poco azeta di oleifi, pone ariba un baking sheet y hinke den forno na 375F. Ssssaabrrossssooooooo. Bon appétit! Lucy Lacle-Strijdhaftig Merca ORARIO DI SCOL: Scientificonan di Rand Corporation ta indica cu pusha e orario di scol secundario te cu 08:30 or lo yuda Merca spaar USD 9 biyon pa aña. Esaki door cu muchanan teenager ta sufri cronicamente di falta di soño. Falta di soño ta trece cune un cantidad di complicacion pa salud. E asociacion di pediatra di Merca tambe ta recomenda pa pusha e comienzo di dia di scol secundario pa no mas trempan cu 08:30 or di mainta. Sin embargo cambio di orario di scol por trece cu ne cu mas placa lo wordo gasta pa organiza transporte pa e muchanan por yega na tempo. Segun un encuesta haci door di e revista Parents; un tiki menos cu mita di e mayornan no ta di acuerdo pa scol cuminsa mas laat. Italia MALARIA INESPERA: Na e luga Italiano di Brescia un mucha muhe Italiano di 4 aña a muri di malaria. E mucha muhe no a sali for di su pais y dokternan no tin un splicacion ta con bin cu un mosquita di malaria a sobrebibi pa yega te Italia. E director di e hospital a bisa cu e no a wak un caso local di malaria den su 30 aña di carera como medico. E ta specula cu door cu e verano a dura y tabata hopi calor, esaki por a hunga un rol. Un investigacion lo wordo haci. Australia GRIEP PISA: Australia ta pasando den un temporada cu un griep pisa a brota na e luga Queensland. Te awor 431 hende mester a wordo interna den cuido intensivo pa motibo di e griep. Esaki ta mas cu henter e temporada di aña pasa. E specialista pa malesanan contagioso di Queensland ta bisa cu tin biaha ta exsisti e percepcion cu solamente muchanan y hende grandi mester tuma e vacuna, pero cu sucedidonan asina ta indica cu mas hende lo mester tuma e vacuna contra griep. Mayoria di e casonan di griep na Queensland ta di tipo Influenza A. Hulanda COOPERACION PA CUMPRA REMEDI: Na Hulanda a cuminsa cu un proyecto piloto pa seguronan y hospitalnan cera cabes hunto pa conhuntamente cumpra remedinan pa trata leukemia (cancer di sanger). E prijs di remedi pa leukemia a bira tres biaha mas caro den e ultimo diez añanan. Door di negocia hunto cu e fabricantenan, e seguro- y hospitalnan ta spera cu asina ta forza e fabricantenan pa baha prijs. Merca CANCER DI PROSTAAT: Pa añanan largo scientificonan a debati si test pa check cancer di prostaat, esta e PSA lo ta eficaz. Na 2012 un investigacion di gobierno Mericano a bisa cu e no ta eficaz. Na 2017 e grupo di hendenan encarga pa duna direccion riba e topico a pone e decision den man di e pashent y nan dokter. Sin embargo den un investigacion recien publica den e revista Annals of Internal Medicine ta duna indicacion cu haci e test di cancer di prostaat PSA ta yuda den reduci e mortalidad di cancer di prostaat entre 25 y 32%. E estudio tambe ta enfatiza cu e balor di haci e test PSA ta depende tambe riba ki (tipo di) homber ta haya test, ki edad nan tin y con bo ta haci e estadistica. Un specialista di Vanderbilt Hospital ta bisa cu e resultadonan nobo ta reinforza loke ciruhano urologico y otro specialistanan semper a pensa: e test PSA ta yuda.

9 16 Algo otro Sopi di bloemkool Pa 4 persona. Ingrediente: 2 cuchara di azeta 1 ciboyo, corta chikito chikito 1 telep di djinten 1 telep di kurkuma (koenjit) Un tiki nootmuskaat 1 bloki chikito di gember, pela y raspa 3 tenchi di konoflok, corta chikito chikito 1 kilo di bloemkool, corta den pida chikito 500 ml di bouillon di berdura 100 ml crema (kookroom) 2 taki peterselie pa dorna Un toke special: Por come e sopi aki cu stokbrood, pan di konoflok of tosti. E tosti bo por prepara na bo gusto, por ehempel cu manteca di konoflok of cu keeshi. Tambe bo por come e sopi aki cu quesadilla yena cu cualkier keeshi di bo gusto. Salud! Preparacion: Keinta e azeta den un weya pa sopi y hasa akiden e ciboyo un par di minuut. Pone e specerijnan, gember y konoflok y hasa riba e candela di mas abou, mas o menos 1 minuut mas. Agrega e pidanan di bloemkool. Agrega bouillon tambe y laga e sopi cushina cu e tapa di e weya riba dje mas o menos 15 minuut. Blend e sopi cu un blender di man (staafmixer) y agrega e crema (kookroom). Sigui cushina e sopi un par di minuut mas riba candela hopi abou mientras bo ta agrega un tiki salo y peper na gusto. Parti e sopi den comchi di sopi. Decora cu un tiki peterselie. Colofon: Pulso ta un proyecto di departamento di Informacion & Comunicacion di Organo Ehecutivo AZV. E ta un corant gratis cu tin como meta pa informa y conscientisa e aseguradonan riba su seguro AZV. E di dos meta ta pa percura pa informacion yega na e aseguradonan di AZV riba diferente topico di salud, tanto na Aruba como internacional. Bo tin algun comentario, pregunta of sugerencia? Comunica cu nos na: info@uoazv.aw Tambe bo por yama nos na: Organo Ehecutivo AZV Rumbastraat 21 Tel. (297) Pa mas informacion bo por bay: Redaccion: Diandra Alders Joost van de Kamp Lucy Lacle-Strijdhaftig Solange Tchong Magaly Tobel Colaborado: Fundacion Anti Droga Aruba (F.A.D.A) Consultorio pa Asuntonan di Adiccion (C.A.A.) Famia Planea Aruba Stichting BOB Aruba Redaccion final: Solange Tchong Fotografo: Joost van de Kamp Solange Tchong Diseñador: Gerardo Perdomo Imprenta: Interprint N.V. Van Leeuwenhoekstraat 26 Oranjestad Aruba Siguiente edicion: 15 december 2017 Tur derecho reserva. Ningun parti di e edicion aki mag wordo multiplica, copia y/of publica sin e aprobacion previo y por escrito di e redaccion di Pulso. Aunke e edicion aki a wordo compila cu hopi cautela, e redaccion di Pulso y colaboradonan, no ta acepta responsabilidad pa daño causa pa motibo di eror y/of imperfeccion den e edicion aki.