Informe sobre a Formación Profesional no Pacto (curso 2009/2010) ASOCIACIÓN IMPULSORA DO PACTO TERRITORIAL DE EMPREGO DO BARBANZA-NOIA

Transcripción

1 ASOCIACIÓN IMPULSORA DO PACTO TERRITORIAL DE EMPREGO DO BARBANZA-NOIA UNIDADES DE PROMOCIÓN E DESENVOLVEMENTO Informe sobre a Formación Profesional no Pacto (curso 2009/2010)

2 1

3 ÍNDICE 1. Introdución A Formación Profesional no Pacto Síntese final Anexo

4 3

5 1. Introdución No territorio que abrangue o Pacto Territorial de Emprego Barbanza Noia hai un total de 11 centros que imparten ciclos formativos da Formación Profesional Regrada. Neste informe analizaranse as matriculacións en 1º curso para o ano académico 2009/2010, co fin de comprobar que ciclos teñen unha maior e menor demanda e se iso coincide coa situación do mercado laboral. Deste xeito, búscase coñecer as preferencias formativas da xente do Pacto e comprobar se a formación se axusta ás necesidades concretas do territorio. Para iso contouse coa colaboración dos centros educativos da zona, que achegaron os datos referentes ás matriculacións e analizáronse distintos informes elaborados polo Instituto Galego das Cualificacións (Informe sobre Datos de Ocupacións e Informe Saídas Profesionais Comarcais 2009), así como o estudo Análise Inicial da Situación elaborado polo equipo da UPD. Tamén se inclúen datos xerais sobre inserción profesional da FP extraídos do Informe sobre Inserción Laboral na FP publicado pola Xunta de Galicia no 2008 e no que se estuda a inserción das persoas tituladas no 2005/2006 no conxunto da nosa Comunidade Autónoma. 4

6 2. A Formación Profesional no Pacto Para a realización deste informe tivéronse en conta as matriculacións en primeiro curso nos ciclos formativos que se imparten na zona para o ano académico 2009/2010. A oferta formativa do Pacto está composta por 27 ciclos formativos, 17 de Grao Medio e 10 de Grao Superior, que se ofertan en 11 centros que imparten ensinanzas de Formación Profesional Inicial ou Regrada, dos cales ao redor do 82% ten carácter público e os restantes teñen ensinanzas concertadas. A maioría dos centros, así como dos ciclos formativos, están situados na comarca de Barbanza, que acolle o 64% e 70% dos mesmos, respectivamente. Atendendo á familia profesional, os ciclos estarían distribuídos do seguinte xeito: 1 de Actividades Físicas e Deportivas, 2 da familia Marítimo - Pesqueira, 8 de Administración e Xestión (2 especialidades), 1 de Comercio e Márketing, 1 de Imaxe e Son, 4 de Electricidade e Electrónica (3 especialidades), 2 de Informática e Comunicacións, 3 de Transporte e Mantemento de Vehículos, 1 de Instalacións e Mantemento, 3 de Sanidade e 1 de Servizos Socioculturais e á Comunidade. Así, pois, os ciclos que se imparten no Pacto pertencen a 11 Familias Profesionais, das 22 en que se organiza a Formación Profesional Inicial ou Regrada, sendo maioritarios en número aqueles asociados ás familias de Administración e Xestión e Electricidade e Electrónica. Con todo, as que presentan unha maior variedade de especialidades son: Electricidade e Electrónica, Transporte e Mantemento de Vehículos e Sanidade, con 3 ciclos formativos diferentes cada unha. A continuación amósanse dúas táboas onde aparecen recollidos os centros e os ciclos correspondentes ao curso 2009/2010 na zona Pacto. CONCELLO BOIRO NOIA POBRA PORTO DO SON CENTROS DE FORMACIÓN PROFESIONAL REGRADA (CURSO 2009/2010) CENTRO IES Espiñeira IES Campo de San Alberto CICLOS FORMATIVOS DE GRAO MEDIO CICLO FORMATIVO Equipos electrónicos de consumo Xestión administrativa Equipos electrónicos de consumo Xestión administrativa FAMILIA PROFESIONAL Electricidade e electrónica Administración e xestión Electricidade e electrónica Administración IES Virxe do Mar Laboratorio de imaxe Imaxe e son CPR María Assumpta Comercio Xestión administrativa Comercio e márketing Administración e xestión IES da Pobra do Caramiñal Coidados auxiliares de enfermaría Sanidade CPR Divino Maestro Xestión administrativa Administración e xestión IES de Porto do Son Condución de actividades físico-deportivas no medio natural Actividades físicas e deportivas RIANXO IES Félix Muriel Atención sociosanitaria Servizos socioculturais e á comunidade RIVEIRA IES Coroso Carrozaría Electromecánica de vehículos Instalacións eléctricas e automáticas Montaxe e mantemento de instalacións de frío, climatización e produción de calor Transporte e mantemento de vehículos Transporte e mantemento de vehículos Electricidade e electrónica Instalacións e mantemento IES Leliadoura Xestión administrativa Administración e xestión Esc. Oficial Náutico- Pesqueira Operación, control e mantemento de máquinas e instalacións do buque Fonte: Elaboración propia a partir dos datos da Consellería de Educación e Ordenación Universitaria. Marítimo - pesqueira 5

7 CONCELLO CENTROS DE FORMACIÓN PROFESIONAL REGRADA (CURSO 2009/2010) CENTRO CICLOS FORMATIVOS DE GRAO SUPERIOR CICLO FORMATIVO FAMILIA PROFESIONAL BOIRO IES Espiñeira Administración e finanzas Administración e xestión NOIA IES Campo de San Alberto Administración e finanzas Laboratorio de diagnóstico clínico Administración e xestión Sanidade POBRA IES da Pobra do Caramiñal Dietética Sanidade RIVEIRA IES Coroso IES Leliadoura Esc. Oficial Náutico- Pesqueira Automoción Instalacións electrotécnicas Administración de sistemas informáticos Administración e finanzas Desenvolvemento de aplicacións informáticas Supervisión e control de máquinas e instalacións do buque Fonte: Elaboración propia a partir dos datos da Consellería de Educación e Ordenación Universitaria. Transporte e mantemento de vehículos Electricidade e electrónica Informática e comunicacións Administración e xestión Informática e comunicacións Marítimo - pesqueira Polo tanto, non existe formación relacionada coas seguintes familias profesionais: Agraria, Artes Gráficas, Edificación e Obra Civil, Enerxía e Auga, Fabricación Mecánica, Hostalería e Turismo, Imaxe Persoal, Industrias Alimentarias, Madeira, moble e cortiza, Química e Téxtil, Confección e Pel. Estas familias concentran un total de 44 ciclos (réxime ordinario) que non teñen oferta no Pacto. A continuación detallaranse as matriculacións en cada ciclo formativo para o presente curso académico (2009/2010) e farase unha breve análise da adecuación dos mesmos tendo en conta algúns indicadores do mercado laboral recollidos no estudo Análise Inicial da Situación, no Informe sobre Inserción Laboral na FP, da Xunta de Galicia e outros datos extraídos do Instituto Galego das Cualificacións. Contouse, ademais, coa colaboración dos centros que imparten Formación Profesional na zona, que nos achegaron os datos sobre matriculacións. As matriculacións segundo Familias Profesionais son as seguintes: Actividades Físicas e Deportivas: O ciclo de grao medio Condución de Actividades Físico - Deportivas no Medio Natural completou por vez primeira a totalidade das 22 prazas ofertadas na convocatoria de xuño. Destas, 17 foron ocupadas por homes e 5 por mulleres, sendo a matriculación de persoas de 25 ou máis anos pouco significativa. Este ciclo ten especial importancia se consideramos a necesidade e o intento expresado sobre todo nos últimos anos de explotar os recursos turísticos da zona. Neste sentido téñense creado un importante número de empresas que ofrecen servizos relacionados co turismo náutico, turismo de natureza e turismo de aventura, cun total de 16 empresas en funcionamento no 2009, que ofrecen actividades relacionadas en moitos casos co perfil profesional destes/as titulados/as. (Actividades de tempo libre, rutas a cabalo, sendeirismo, bicicleta de montaña ). Ademais, o número de empresas do Pacto que, dentro de Servizos varios, teñen asociado o CNAE Actividades recreativas, culturais e deportivas, creceu entre o 2000 e o 2007 nun 42,47%, pasando das 73 empresas iniciais ás 104 do último ano (Fonte: Análise Inicial da Situación) A oferta de aloxamento turístico no Pacto está representada maioritariamente por Pensións e hostais e Turismo rural, aínda que tendo en conta o número de prazas destacan os Campamentos, co 69% das prazas (3.359, a datos de 2007). Neste sentido, a oferta de actividades 6

8 de natureza é un aspecto a desenvolver na zona, o que pode supoñer importantes saídas laborais para as persoas formadas neste ciclo, feito que está en consonancia coa matriculación acadada neste ano. Con todo, o Informe sobre Inserción Laboral na FP publicado pola Xunta de Galicia no 2008 e no que se estuda a inserción das persoas tituladas no 2005/2006, sitúa a inserción da familia de Actividades Físicas e Deportivas (datos xerais do conxunto de Galicia) no 50,5%, o que supón que aproximadamente a metade dos titulados no 2006 están traballando 2 anos despois e un 57% dos mesmos o fai en postos relacionados co seu perfil profesional. Só Servizos socioculturais á comunidade se atopa por debaixo no referente a porcentaxe de inserción. Por outra banda, hai que sinalar que a ocupación Animadores Comunitarios, que podería estar nunha pequena parte relacionada co perfil das persoas formadas neste ciclo (existe un ciclo específico dentro da familia de Servizos socioculturais e á comunidade), estivo entre as 10 máis ofertadas nas comarcas do Pacto (9 ofertas en Barbanza e 8 en Noia) e entre as máis contratadas, tanto para homes como para mulleres, en Barbanza no 2009 (273 e 192 contratos, respectivamente) e entre as máis contratadas femininas na comarca de Noia (con 56 contratos). No Informe sobre Datos de Ocupacións do Observatorio Ocupacional (Instituto Galego das Cualificacións) esta ocupación presenta en Barbanza un crecemento irregular, un indicador de estabilidade laboral media, ocupabilidade laboral alta e sube no indicador de tendencia, no período En Noia, presenta decrecemento irregular, tendencia á baixa, e ocupabilidade e estabilidade laboral media. O outro ciclo que integra a oferta ligada a esta familia profesional (ciclo superior de Animación de actividades físicas e deportivas ) non se imparte en ningún centro da zona. Administración e Xestión: O ciclo medio de Xestión Administrativa (IES Campo de San Alberto) cubriu 21 das 25 prazas ofertadas, (16 mulleres e 5 homes), quedando vacantes 4 prazas en 1º curso, o que supuxo un incremento das matriculacións respecto ao curso pasado. A porcentaxe de persoas matriculadas maiores de 25 ou máis anos é pouco significativa. O mesmo ciclo do IES Espiñeira cubriu a totalidade das 20 prazas ofertadas, todas elas con persoas menores de 25 anos e maioritariamente pertencentes ao sexo feminino (ao redor do 90%). No caso do ciclo do Colexio María Assumpta, cubríronse 12 das 30 prazas ofertadas, case na súa totalidade por mulleres e persoas de 25 ou menos anos, quedando 18 vacantes. No IES Leliadoura só quedou unha praza vacante, cubríndose 21 das 22 ofertadas, case na totalidade con alumnado do sexo feminino. Unha pequena porcentaxe (menos de 4 persoas) corresponde a alumnado de 25 ou máis anos. Finalmente, no CPR Divino cubríronse 20 das 30 prazas ofertadas, quedando 10 vacantes. Nunha elevada porcentaxe foron ocupadas por mulleres e por persoas menores de 25 anos. O ciclo superior de Administración e Finanzas (IES Campo de San Alberto) cubriu pouco máis da metade das prazas ofertadas (13 de 25), quedando vacantes 12. Das persoas matriculadas, 9 pertencen ao sexo feminino e 4 ao masculino e, no relativo á idade, destaca que o 23% ten 25 ou máis anos. O mesmo ciclo do IES Espiñeira cubriu 8 das 20 prazas ofertadas con alumnado menor de 25 anos, na súa maioría mulleres, quedando 12 prazas vacantes en 1º curso. 7

9 No caso do IES Leliadoura, este ciclo cubriu a totalidade das 20 prazas ofertadas, case todas con alumnado do sexo feminino, correspondendo 5 delas a persoas de 25 anos ou máis. Os ciclos desta familia son os máis numerosos da zona, concentrando 8 (2 especialidades) dos 26 que se ofertan no ámbito do Pacto. A este respecto hai que sinalar que os perfís nos que se forma o alumnado destes ciclos permiten traballar en empresas do máis diverso, dende a Administración Pública ata calquera tipo de empresa para levar a contabilidade, a banca, empresas de seguros, inmobiliarias No 2009 varias ocupacións ligadas a esta familia estiveron entre as ocupacións femininas máis contratadas nas comarcas do Pacto: Auxiliares administrativos sen tarefas de atención ao público non clasificados anteriormente en Barbanza, con 178 contratos, e Secretarios administrativos e asimilados e Taquígrafos e mecanógrafos en Noia, con 67 e 50 contratos, respectivamente. Esta última tamén formou parte das ocupacións máis ofertadas tanto en Barbanza como en Noia (16 e 10 ofertas) o pasado ano. O Informe Saídas Profesionais Comarcais sitúa entre os 20 grupos con mellores perspectivas laborais, Auxiliares administrativos sen tarefas de atención ao público non clasificados anteriormente (boas perspectivas) e Secretarios administrativos e asimilados (perspectivas irregulares) para as dúas comarcas do Pacto. No Informe sobre Datos de Ocupacións Taquígrafos e mecanógrafos aparece en Barbanza como unha ocupación con estabilidade laboral alta, pero con decrecemento relevante, con tendencia á baixa e ocupabilidade laboral moi baixa. Con todo, foi unha das ocupacións femininas máis contratadas nos concellos do Pacto entre o 2000 e o Pola contra, Secretarios administrativos e asimilados achega mellores datos, con indicadores de estabilidade e ocupabilidade alta, que soben no indicador de tendencia e con crecemento irregular, o que indica que a matriculación está axustada á realidade do mercado laboral. Tendo en conta os contratos asociados a grandes grupos, o grupo 4: Empregados de tipo administrativo, aumentou o número de contratos no 2008 respecto ao 2000, pasando de 646 a e presentando un crecemento continuado dende o 2004 ao Entre o 2007 e 2008 descenderon, pasando dos de 2007 aos do 2008, aínda que no 2009 volven a recuperarse, con 4 máis que no ano anterior. O Informe sobre Inserción Laboral na FP sitúa a porcentaxe de inserción das persoas tituladas nesta familia no 67,7%, dato positivo ao que hai que sumar que no 71,4% dos casos o posto está en relación coa formación recibida. No territorio do Pacto non existe oferta educativa do ciclo de grao superior Secretariado, pertencente tamén á familia de Administración e Xestión. de Comercio e márketing: O ciclo medio de Comercio, cubriu 8 das 30 prazas ofertadas, todas elas con persoas de 25 ou menos anos e, practicamente na súa totalidade, con alumnado do sexo feminino. Quedaron, pois, 22 prazas vacantes, aínda que hai que ter en conta que non se ofertou o curso pasado. Este ciclo tivo oferta en tres centros do Pacto con anterioridade: entre o 2000/2001 e o 2006/2007 en Noia e Riveira e entre o 2001/2002 e 2002/2003 en Rianxo. A escasa matriculación quizais pode coincidir en parte coa realidade do mercado laboral, xa que aínda que no Pacto hai un gran número de empresas do sector servizos vinculadas ao comercio, para a ocupación Dependentes e exhibidores, a máis relacionada co ciclo, non se acostuma a esixir unha titulación concreta. Esta baixa matriculación tamén pode ser debida a que as persoas interesadas non estiveran ao tanto da súa existencia por ser un ciclo que non se ofertaba 8

10 na zona dende o 2006/2007, pois a matriculación contrasta co feito de que ocupacións como Dependentes e exhibidores está entre as 10 máis contratadas femininas do 2009 nas dúas comarcas do Pacto (700 contratos en Barbanza e 285 en Noia) e entre as máis contratadas masculinas en Noia (51 contratos). Así mesmo, tamén está no grupo das máis ofertadas na comarca de Barbanza, con 18 ofertas. Dentro do sector servizos, o máis importante da economía do Pacto (76% do total de empresas do Pacto, segundo datos do 2007), así como da provincia e da Comunidade Autónoma en canto a número de empresas, hai que destacar que o número de empresas do sector comercio evolucionou favorablemente no período , cun incremento continuado practicamente todos os anos e cunha variación do 7% respecto ao 2000 (de a empresas). As empresas dos grupos 51 e 52, (CNAEs correspondentes a Comercio por xunto e intermediarios do comercio, agás vehículos de motor e Comercio polo miúdo, agás vehículos de motor), este último o máis numeroso do sector, con empresas no 2007, son as que poden ofrecer postos máis relacionados co perfil do ciclo de Comercio e tamén presentan datos positivos en canto ao crecemento, sobre todo as do grupo 51 (variación do 2% e 36%, respectivamente). Igualmente, o número de empresas maioristas tamén evolucionou favorablemente neste período, ao pasar das 253 do 2000 ás 343 do 2007, experimentando un crecemento continuado ao longo de todos os anos. Con todo, os datos do paro asociados á sección CNAE Comercio, reparación acusan un forte incremento entre o 2000 e o 2004 (pasando de 819 a 1.203, o que supón 384 persoas máis en paro), data a partir da cal comeza a descender ata alcanzar a cifra de 692 parados, que se incrementa en 182 no Igualmente, hai que ter en conta que o paro diminúe nesta sección no 2008 con respecto ao 2005, aínda que se incrementa respecto ao No que respecta ás ofertas asociadas a este CNAE, estas presentan unha variación positiva entre o 2000 e o 2008, cun incremento do 52,11%, aínda que entre o 2005 e o 2008 descenden, cunha variación que se aproxima ao -39%. O Informe sobre Saídas Profesionais Comarcais 2009 recolle a ocupación Representantes de comercio e técnicos de venda entre os grupos con mellores perspectivas laborais para a comarca de Barbanza, aínda que con perspectivas irregulares. Do mesmo xeito, Caixeiros, vendedores de billetes (excepto bancos e correos) presenta boas perspectivas en Barbanza e irregulares en Noia. Ademais, no Informe sobre Datos de Ocupacións, Dependentes e exhibidores en tendas, almacéns, quioscos e mercados conta cun indicador de estabilidade alta no 2008 para ambas comarcas, ocupabilidade laboral media, decrecemento irregular en Barbanza e ocupabilidade baixa e decrecemento relevante en Noia, con tendencia á baixa en ambos casos. Finalmente, o Informe sobre Inserción Laboral na FP establece a porcentaxe de inserción das persoas tituladas en ciclos desta familia no 59%, das cales pouco máis da metade (52,2%) ocupa un posto relacionado co seu perfil profesional. Respecto a outros ciclos desta familia, hai tres dos que non existe oferta na zona, todos eles de grao superior: Comercio internacional, Xestión comercial e márketing e Xestión do transporte. Electricidade e Electrónica: O ciclo medio Equipos Electrónicos de Consumo (IES Campo de San Alberto) cubriu 15 das 22 prazas ofertadas, todas elas con persoas menores de 25 anos e o 93% pertencentes ao sexo masculino, quedando 7 vacantes en 1º curso. 9

11 O mesmo ciclo do IES Espiñeira cubriu a totalidade das 20 prazas ofertadas, exclusivamente con alumnado masculino e practicamente na súa totalidade menor de 25 anos, sendo un dos cursos que incrementou as matriculacións respecto ao curso pasado. O ciclo medio Instalacións Eléctricas e Automáticas cubriu a totalidade das 22 prazas ofertadas no mes de xuño, na súa totalidade con alumnado masculino. A porcentaxe de persoas matriculadas de 25 ou máis anos é pouco significativa. O ciclo de grao superior Instalacións Electrotécnicas cubriu 13 das 22 prazas ofertadas con alumnado do sexo masculino, 6 dos cales teñen 25 ou máis anos, quedando vacantes 9 prazas. Os perfís das persoas formadas nos ciclos desta familia están ligados a distintos CNAE, polo cal resulta complicado analizar os datos do mercado laboral ligados aos mesmos. Con todo, hai que comentar que a inserción das persoas tituladas nos ciclos desta familia profesional é, segundo o Informe sobre Inserción Laboral na FP da Xunta de Galicia, do 70,3%, estando nun 77,3% relacionado o posto de traballo co perfil profesional, o que evidencia datos moi positivos a nivel de Galicia. Tres ciclos asociados a esta familia profesional non teñen oferta na zona: os ciclos de grao superior de Desenvolvemento de produtos electrónicos, Sistemas de regulación e control automáticos e Sistemas de telecomunicación e informáticos. Imaxe e Son: O ciclo de grao medio Laboratorio de Imaxe cubriu 19 das 22 prazas ofertadas (9 mulleres e 10 homes), quedando vacantes 3 delas (máis outras 3 reservadas a persoas minusválidas). Con todo, o ciclo incrementou as matriculacións respecto ao ano anterior. É importante comentar que das 19 prazas cubertas, 10 foron ocupadas por persoas de 25 ou máis anos, distribuídas de forma equitativa entre homes e mulleres. Consideramos que non é doado analizar os datos relativos a saídas profesionais deste ciclo xa que estaría incluído no CNAE Outras actividades empresariais, que acolle gran variedade de actividades distintas, polo que nos remitiremos aos informes xa comentados. O Informe de Inserción Laboral na FP publicado pola Xunta de Galicia no 2008, referente ás persoas tituladas no en Galicia pode achegar algúns datos: A inserción laboral por familias profesionais amosa como na familia de Imaxe e Son a inserción é do 52,3%, atopándose en máis do 60% dos casos o posto de traballo en relación co perfil profesional, dato positivo, pero moito menos favorable que o doutras familias profesionais. Só Servizos socioculturais á comunidade, Actividades físicas e deportivas e Sanidade se atopan por debaixo no relativo a insercións. Dos ciclos que integran esta familia profesional quedan sen oferta educativa na zona todos os de grao superior: Realización de audiovisuais e espectáculos, Produción de audiovisuais, radio e espectáculos, Imaxe e Son. Informática e comunicacións: O ciclo de grao superior de Administración de Sistemas Informáticos cubriu 11 das 20 prazas ofertadas este ano, practicamente na súa totalidade con alumnado do sexo masculino, quedando vacantes 9 prazas. A porcentaxe de persoas de 25 ou máis anos é pouco significativa. 10

12 O ciclo de grao superior de Desenvolvemento de Aplicacións Informáticas cubriu 14 das 20 prazas ofertadas, con alumnado pertencente fundamentalmente ao sexo masculino, quedando 6 prazas vacantes. 5 das persoas matriculadas teñen 25 ou máis anos. Hai que comentar que o número de empresas ligadas ao CNAE 72 (Actividades informáticas) tivo un crecemento importante entre o 2000 e o 2007 no Pacto, cunha variación do 283,33%, o que implica pasar de 6 a 23 empresas nese período. Os ciclos da familia desta familia contan cunha porcentaxe de inserción, segundo os datos do Informe sobre Inserción Laboral na FP da Xunta de Galicia, do 62,6%, estando nunha elevada porcentaxe relacionado o posto de traballo co perfil das persoas tituladas nestes ciclos (nun 72,8%). Ademais, a cualificación profesional nesta rama de actividade é importante nunha sociedade como a actual na que as novas tecnoloxías resultan cada vez máis imprescindibles, en consonancia co que se propón desde a Estratexia Europea do Emprego. Dos ciclos formativos da familia de Informática só un non conta con oferta na zona: o ciclo medio de Sistemas microinformáticos e redes. Instalación e Mantemento: O ciclo medio de Montaxe e Mantemento de Instalación de Frío, Climatización e Produción de Calor tamén cubriu o total das 22 prazas ofertadas con alumnado do sexo masculino, dos cales 4 teñen 25 ou máis anos. Este foi un dos ciclos que completou a matrícula no mes de xuño. Destaca o dato de que esta é a familia que mellores resultados presenta en canto a inserción laboral no Informe sobre Inserción Laboral da Xunta de Galicia, acadando unhas porcentaxes do 80,4%, estando o posto relacionado co perfil profesional na meirande parte dos casos (nun 75,7%) Cinco dos seis ciclos que integran esta familia profesional non contan con oferta educativa na zona: o ciclo medio de Instalación e mantemento electromecánico de maquinaria e condución de liñas e os ciclos de grao superior de Mantemento de equipo industrial, Prevención de riscos laborais, Desenvolvemento de proxectos de instalacións térmicas e de fluídos e Mantemento de instalacións térmicas e de fluídos. Marítimo - Pesqueira: O ciclo medio de Operación, Control e Mantemento de Máquinas e Instalacións do Buque cubriu 19 das 20 prazas ofertadas, todas con alumnado pertencente ao sexo masculino e, case na súa totalidade, de 25 ou máis anos, quedando tan só 1 praza vacante. O ciclo superior de Supervisión e Control de Máquinas e Instalacións do Buque tamén tivo unha importante matrícula, con 19 das 20 prazas ofertadas cubertas e que foron ocupadas case na súa totalidade por alumnado do sexo masculino. Do total de persoas matriculadas, 8 teñen 25 ou máis anos. Ambos os dous ciclos incrementaron as matriculacións respecto ao curso pasado. Neste caso, a matrícula tamén se axusta ás características do mercado laboral da zona, pois o carácter do mesmo está en boa medida ligado ao mar e a industrias de transformación relacionadas con el. Entre outros datos, cabe destacar que a flota pesqueira do Pacto representa o 28,42% do total da Comunidade Autónoma, dato ao que hai que engadir a flota dedicada á 11

13 acuicultura e actividades auxiliares, que supón o 27,84% do total galego. En canto ás afiliacións, e segundo datos da Rede Local do ISM, o Pacto concentraba no 2008 o 23% (un total de 4.521) das persoas afiliadas ao Réxime Especial do Mar de Galicia e o 12% do total español, case o 50% do cal pertence á nosa Comunidade Autónoma. Ademais, nun dos concellos do Pacto, concretamente no de Riveira, onde se sitúa a Escola Oficial Náutico-Pesqueira, sitúase o terceiro porto con maior número de traballadores do mar de España, precedido só por Alxeciras e Cambados. Os datos do paro no Pacto achegan bos resultados na variación para a sección CNAE Pesca onde se produciu unha variación do -0,73% (de 426 a 423 persoas en paro). En canto a ofertas de emprego, a variación entre o para Pesca tamén presenta datos favorables: 177,78%, o que en termos absolutos supón pasar de 9 ofertas en 2005 a 25 en No referente á contratación, os contratos desta sección sofren uns ascensos entre o 2000 e o 2008 do 104,92%, que se corresponden cun incremento máis moderado nos Traballadores cualificados na agricultura e na pesca se consideramos os contratos por grandes grupos de ocupación (ao redor do 16%). Os datos dos códigos 611 e 612 (Transporte marítimo e Transporte por vías de navegación interiores) tamén estarían relacionados coa familia marítimo pesqueira, pero non dispoñemos de datos para analizalos. Por outra banda, no 2009, entre as ocupacións máis contratadas masculinas na comarca de Barbanza e Noia están algunhas ligadas ao mar, como Pescador por conta allea de altura (210 e 74 contratos) e, no caso de Noia, Mariñeiros de cuberta de barcos e asimilados (270 contratos) e Pescador por conta allea de auga doce e augas costeiras (72 contratos), así como Peóns da pesca entre as ocupacións femininas (48 contratos) que, pese a non corresponderen ao perfil dos ciclos, denotan a importancia do sector do mar no Pacto. Así mesmo, no Informe Saídas Profesionais Comarcais 2009, da Xunta de Galicia, dúas ocupacións aparecen recollidas entre os 20 grupos ocupacionais con mellores perspectivas laborais na comarca de Barbanza: Mariñeiros de cuberta de barco e asimilados, como grupo con óptimas perspectivas e Capitáns e oficiais de ponte, que presenta boas perspectivas. No caso de Noia, as citadas ocupacións presentan óptimas perspectivas laborais, ás que se suma Pescador por conta allea de auga doce e augas costeiras, con boas perspectivas. O citado Informe sobre Inserción Laboral na FP sitúa a porcentaxe de inserción das persoas tituladas nos ciclos formativos pertencentes á familia Marítimo - Pesqueira no 71,2%, o que supón un dato moi positivo, só superada neste sentido polas familias de Mantemento de Vehículos Autopropulsados, Madeira e Moble e Mantemento e Servizos á Produción, cun 71,7%, 73,8% e 80,4%, respectivamente. Con todo, só nun 57,5% o posto de traballo está en relación co perfil profesional no caso da familia Marítimo - Pesqueira, mentres nos demais casos está por riba do 70%. É importante sinalar que este tipo de formación na área de máquinas permite ás persoas formadas outras saídas laborais como, por exemplo, o traballo no mantemento de instalacións de empresas que traballan con maquinaria industrial. Quizais sería de interese incluír entre os ciclos da zona algún relacionado coa Acuicultura, debido ao importante peso desta actividade no Pacto que concentra 751 bateas dedicadas maioritariamente ao cultivo do mexillón. Neste sentido destaca o concello de A Pobra do Caramiñal que no 2008 concentraba a maior porcentaxe en canto a cantidade (22,32%) e importe de vendas (21,43%) deste produto en Galicia. Finalmente, comentar que non existe oferta na zona dos seguintes ciclos da mesma familia: os ciclos medios de Mergullo a media profundidade, Operacións de cultivo acuícola e Pesca e transporte marítimo (ofertouse no Pacto entre o 2003 e o 2006), e os ciclos de grao superior de Navegación, pesca e transporte marítimo e Produción acuícola. 12

14 Sanidade: O ciclo de grao superior Laboratorio de Diagnóstico Clínico cubriu 22 das 24 prazas ofertadas, o 91% das cales foron ocupadas por mulleres, quedando 2 postos vacantes. Das persoas matriculadas, 10 teñen 25 ou máis anos e pertencen ao sexo feminino. O ciclo de grao superior de Dietética cubriu 19 das 20 prazas ofertadas, o 84% con alumnado do sexo feminino, experimentando un incremento das matriculacións respecto ao curso pasado. Do total das persoas matriculadas, 6 teñen 25 ou máis anos e a maioría son mulleres. O ciclo medio de Coidados Auxiliares de Enfermería foi un dos que cubriu a totalidade das 20 prazas ofertadas no mes de xuño, o 95% das cales foron ocupadas por mulleres. 11 das persoas matriculadas teñen 25 ou máis anos e pertence, case na súa totalidade, ao sexo feminino. A sección CNAE máis vinculada a esta familia profesional é a de Actividades sanitarias e veterinarias, servizos sociais. Os datos do paro indican un pequeno incremento nesta sección entre o 2000 e o 2008 (do 19,47%; de 76 a 91 persoas en paro). Con todo, as ofertas experimentan un incremento, tanto no citado período, como no 2008 respecto ao 2005, pasando de 18 a 39 ofertas. Os contratos tamén amosan unha evolución positiva entre o 2000 e o 2008, cun incremento porcentual que se aproxima ao 60%, cun crecemento continuado ata o 2007, onde se chega á cifra de contratos, que descenden en no Así mesmo, a ocupación Enfermeiros é unha das máis ofertadas na comarca de Noia no 2009 (8 ofertas) e das máis contratadas femininas na mesma comarca (155 contratos), o que indica outro dato positivo ao estar relacionada con esta familia. Ademais, no Informe sobre Saídas Profesionais Comarcais 2009, Enfermeiros e Auxiliares de enfermería hospitalaria aparecen entre os 20 grupos con mellores perspectivas laborais na comarca de Barbanza, presentando boas perspectivas no primeiro dos casos e perspectivas irregulares no segundo. Na comarca de Noia, Enfermeiros está entre os grupos con óptimas perspectivas laborais. O feito de que exista un hospital na zona, a importancia que se lle dá ao coidado do aspecto físico na sociedade actual, ou a atención a terceira idade como nicho de mercado no caso do último dos ciclos, poden ser factores que animen á poboación a matricularse nos mesmos. Os ciclos desta familia presentan unha porcentaxe de inserción do 51,7%, porcentaxe pequena se a comparamos con outras familias, aínda que en case un 70% o posto desempeñado está en relación co perfil da persoa (nun 69,6% dos casos) Neste caso, hai 9 ciclos desta familia que non teñen oferta no ámbito do Pacto: o ciclo de grao medio de Farmacia e parafarmacia e os ciclos de grao superior de Anatomía patolóxica e citolóxica, Saúde ambiental (impartiuse ata o curso 2006/2007, a partir do cal foi substituído polo de Laboratorio de diagnóstico clínico ), Documentación sanitaria, Hixiene bucodental, Imaxe para o diagnóstico, Próteses dentais, Radioterapia e Audioloxía protésica. Servizos Socioculturais e á Comunidade: O ciclo de grao medio de Atención sociosanitaria cubriu as 22 prazas ofertadas no mes de xuño, case na súa totalidade con alumnado do sexo feminino e menor de 25 anos. Actualmente, tras darse de baixa 2 persoas, quedan cubertas 20 prazas e 2 vacantes. A matriculación de persoas de 25 ou máis anos non é significativa. 13

15 Cada vez cobran maior importancia aqueles ámbitos relacionados co coidado e atención a persoas maiores e dependentes, tanto en institucións residenciais como en atención domiciliaria, o que, xunto coa promulgación da Lei de Dependencia e o Decreto autonómico en cernes, pode estar relacionado coa importante matriculación e a rápida ocupación das prazas. Os ciclos desta familia son os que representan unha menor porcentaxe de inserción en relación ao resto no conxunto de Galicia, cun 45,5% ( Informe sobre Inserción Laboral na FP ). Os datos sobre a relación do posto co perfil profesional son máis positivos, xa que nun 66,4% están relacionados. Finalmente, cabe comentar que ningún dos 4 ciclos de grao superior asociados a esta familia ten oferta no territorio: Animación sociocultural, Integración social, Interpretación da lingua de signos e Educación infantil. Transporte e Mantemento de Vehículos: O ciclo de grao medio de Carrozaría incrementou este ano as matriculacións respecto ao pasado, coa totalidade das 22 prazas ofertadas cubertas. O alumnado pertence exclusivamente ao sexo masculino e ten menos de 25 anos. O ciclo medio de Electromecánica de Vehículos tamén cubriu a totalidade das 22 prazas ofertadas, neste caso, xa dende o mes de xuño. Ao igual que no anterior, as persoas matriculadas son homes menores de 25 anos. O ciclo de grao superior de Automoción cubriu 14 das 22 prazas ofertadas este ano, con alumnado pertencente ao sexo masculino, quedando vacantes 8 prazas. A porcentaxe de persoas matriculadas que ten 25 ou máis anos é pouco significativa. Os perfís dos ciclos desta familia están relacionados coa reparación e mantemento de automóbiles, vehículos pesados, motocicletas, maquinaria agrícola Hai que ter en conta que o subgrupo 50: Venda, mantemento e reparación de vehículos de motor, motocicletas e ciclomotores, dentro do sector comercio, experimentou un crecemento no 2007 respecto ao 2000, cunha variación do 7% no Pacto (de 168 a 179 empresas), o que indica unha evolución positiva, ao igual que na provincia e no conxunto de Galicia, onde medraron un 8% e 11%, respectivamente. No citado Informe sobre Inserción Laboral na FP a familia de Mantemento de Vehículos Autopropulsados está entre as que mellores perspectivas de inserción ofrecen, cun 71,7%, estando á súa vez o posto de traballo das persoas insertadas moi relacionado co perfil profesional para o que se formaron (no 77,5% dos casos). Hai que destacar que todos os ciclos desta familia profesional teñen oferta na zona. 14

16 3. Síntese final En xeral, foi cuberto o 79% das prazas ofertadas en 1º curso, quedando vacantes 128. Do total de persoas matriculadas, o 56% corresponde a persoas do sexo masculino e o 44% a persoas do sexo feminino, e aproximadamente un 18% a persoas de 25 ou máis anos. PRAZAS E ALUMNADO MATRICULADO EN CICLOS FORMATIVOS CURSO 2009/2010 (1º CURSO) FAMILIA PROFESIONAL NOME DO CICLO PRAZAS OFERTADAS PRAZAS CUBERTAS PRAZAS VACANTES Actividades físicas e deportivas Administración e xestión Condución de actividades físico-deportivas no medio natural Administración e finanzas Xestión administrativa Comercio e márketing Comercio Equipos electrónicos de consumo Electricidade e electrónica Instalacións eléctricas e automáticas Instalacións electrotécnicas Imaxe e son Laboratorio de imaxe Informática e comunicacións Instalación e mantemento Marítimo-pesqueira Sanidade Administración de sistemas informáticos Desenvolvemento de aplicacións informáticas Montaxe e mantemento de instalacións de frío, climatización e produción de calor Operación, control e mantemento de máquinas e instalacións do buque Supervisión e control de máquinas e instalacións do buque Coidados auxiliares de enfermería Dietética Servizos socioculturais e á comunidade Transporte e mantemento de vehículos Fonte: Elaboración propia a partir da información proporcionada polos centros educativos que imparten FP na zona. Laboratorio de diagnóstico clínico Atención sociosanitaria Automoción Carrozaría Electromecánica do vehículo En ciclos formativos de grao medio ofertáronse un total de 393 prazas, que supón o 65% do total, correspondendo o 35% restante á oferta de grao superior (213 prazas). Ao igual que a oferta, as matriculacións acadan maiores cifras nos ciclos de grao medio, (325 persoas matriculadas, fronte ás 153 que o fixeron en ciclos de grao superior), aínda que se consideramos a porcentaxe de prazas ocupadas en relación á oferta as cifras achéganse, cun 83% correspondente a grao medio e un 72% a grao superior. Os ciclos nos que quedaron menos prazas vacantes e que cubriron unha maior porcentaxe das prazas ofertadas foron: Condución de actividades físico-deportivas no medio 15

17 natural, Instalacións eléctricas e automáticas, Carrozaría, Electromecánica do vehículo, Montaxe e mantemento de instalacións de frío, climatización e produción de calor e Coidados auxiliares de enfermería, nos que non quedou ningunha praza libre, así como os de Operación, control e mantemento de máquinas e instalacións do buque, Supervisión e control de máquinas e instalacións do buque, Dietética, Laboratorio de diagnóstico clínico, Atención sociosanitaria e Laboratorio de imaxe, nos que quedaron entre 1 e 3 prazas vacantes. Ademais, 6 destes cubriron a totalidade da oferta no mes de xuño: Condución de actividades físico-deportivas no medio natural, Instalacións eléctricas e automáticas, Electromecánica do vehículo, Montaxe e mantemento de instalacións de frío, climatización e produción de calor, Coidados auxiliares de enfermería e Atención sociosanitaria. Pola contra, aqueles nos que quedou unha maior porcentaxe de prazas sen ocupar foron os ciclos de Comercio, que só cubriu o 27% das prazas ofertadas e Administración de sistemas informáticos e Instalacións electrotécnicas, cun 55% e 59%, respectivamente. Os demais ciclos cubriron máis do 60% das prazas. Tamén consideramos de interese comentar as matriculacións por sexos, para ver se existen familias profesionais masculinizadas ou feminizadas. Da análise realizada atopamos que entre as familias con maior matriculación masculina están: Transporte e mantemento de vehículos, Instalación e mantemento, Electricidade e electrónica e Marítimo - pesqueira, que están ao redor do 100%. Informática e comunicacións e Actividades físicas e deportivas tamén concentran boa parte do alumnado masculino, cun 84% e 77% do total de persoas matriculadas nesas familias, respectivamente. As que acollen unha maior porcentaxe de mulleres matriculadas son: Servizos socioculturais e á comunidade, Sanidade, Comercio e márketing e Administración e xestión, que acollen entre un 82 e un 95% de alumnado feminino. Finalmente, a distribución por sexos é bastante equitativa no ciclo da familia de Imaxe e son, cun 53% de alumnado masculino e un 47% feminino. Polo que respecta ás familias que acadaron unha maior matriculación de persoas a partir de 25 anos en termos numéricos destacan as de: Sanidade (27 persoas), Administración e xestión (16 persoas) e Imaxe e son (10 persoas). Se atendemos aos ciclos, estarían, Coidados auxiliares de enfermería (11 persoas), Laboratorio de diagnóstico clínico, Laboratorio de Imaxe (10 persoas en cada un) e Supervisión, control e mantemento de máquinas e instalacións do buque, Administración e finanza s e Xestión administrativa (con 8 persoas de 25 ou máis anos matriculadas en cada un). Con todo, é importante poñer en relación estas cifras co total de persoas matriculadas, para saber que porcentaxe das mesmas ten 25 ou máis anos. Neste sentido, os datos sitúan no primeiro posto á familia de Imaxe e Son, onde o 52,63% do alumnado matriculado ten 25 ou máis anos, seguida por Sanidade, cun 44,26%, Marítimo Pesqueira (26,32%), Informática e comunicacións (24%) e Instalacións e mantemento (18,18%). Por ciclos formativos, destacarían: Coidados auxiliares de enfermería (55%), Laboratorio de imaxe (52,63%), Instalacións electrotécnicas (46,15%), Laboratorio de diagnóstico clínico (45,45%) e Supervisión e control de máquinas e instalacións do buque (42,11%). A porcentaxe nos ciclos de Desenvolvemento de aplicacións informáticas e Dietética sitúase entre o 32 e o 36%. En termos xerais, podemos comentar que a matriculación nos ciclos formativos está bastante en consonancia coa realidade laboral da zona. Destaca o feito da baixa matriculación no ciclo de Comercio que contrasta cos indicadores de contratación no 2009, posto que a ocupación Dependentes e exhibidores estivo entre as 10 máis contratadas femininas nas dúas comarcas do Pacto e masculinas no caso de Noia. 16

18 En canto a aquelas familias para as que non existe Formación Profesional no Pacto consideramos que é importante destacar sobre todo a de Hostalería e Turismo, xa que no 2009, Camareiros, barmans e asimilados foi unha das ocupacións máis contratadas tanto femininas como masculinas en ambas as dúas comarcas (871 contratos mulleres e contratos homes), así como a de Cociñeiros e outros preparadores de comidas entre o sexo feminino (con 264 contratos). Do mesmo xeito, o desenvolvemento turístico aínda é algo que queda por explotar no territorio, co cal as profesións asociadas deberían ter boas perspectivas de futuro. Segundo o Informe sobre Datos de Ocupacións do Instituto Galego das Cualificacións, en Barbanza, a ocupación de Camareiros, barmans e asimilados ten un indicador de estabilidade media, ocupabilidade moi alta, presenta crecemento sostido e sobe no indicador de tendencia, mentres en Noia conta cun indicador de estabilidade alta, ocupabilidade media, decrecemento irregular e baixa no indicador de tendencia no período Respecto á ocupación Cociñeiros e outros preparadores de comidas nesta comarca, presenta un indicador de estabilidade baixa o 2008, ocupabilidade alta, crecemento irregular e sobe no indicador de tendencia. En Barbanza, evidencia crecemento irregular con tendencia á subida e ocupabilidade e estabilidade laboral alta. Esta cuestión é corroborada polo Informe Saídas Profesionais Comarcais 2009, que sitúa no primeiro posto dos grupos con óptimas perspectivas laborais para a comarca de Barbanza, Camareiros, barmans e asimilados, mentres Cociñeiros e outros preparadores de comidas tamén se atopa entre os grupos con mellores perspectivas tanto en Barbanza como en Noia, aínda que con perspectivas irregulares. Hai que comentar que, aínda que non existe ningún tipo de ciclo asociado a esta familia no Pacto, está en construción un centro de formación no concello de Boiro que ten previsto homologar aulas para a impartición de diversos cursos, entre os que estarán algúns relacionados coa Hostelería, feito que podería axudar a cubrir esta carencia. Así mesmo, o concello de Riveira segue coas xestións para a concesión dalgunha especialidade de FP regrada da familia de Hostalería. 17

19 3. Anexo OCUPACIÓNS MÁIS CONTRATADAS FEMININAS E MASCULINAS 2009 (por comarcas). CNO OCUPACIÓNS FEMININAS MÁIS CONTRATADAS (2009) COMARCA DE BARBANZA DESCRICIÓN TOTAL contratos 7801 Matachíns e traballadores das industrias cárnicas e do peixe Peóns de industrias manufactureiras Dependentes e exhibidores en tendas, almacéns, quioscos e mercados Camareiros, barmans e asimilados Persoal de limpeza de oficinas, hoteis (camareiras de piso) e outros establecementos similares Traballadores cualificados por conta allea en hortas, viveiros e xardíns Animadores comunitarios Cociñeiros e outros preparadores de comidas Auxiliares administrativos sen tarefas de atención ao público non clasificados anteriormente Operadores de carretillas elevadoras 172 CNO Total das dez ocupacións máis contratadas COMARCA DE NOIA DESCRICIÓN Total das ocupacións contratadas TOTAL contratos 5330 Dependentes e exhibidores en tendas, almacéns, quioscos e mercados Persoal de limpeza de oficinas, hoteis (camareiras de piso) e outros establecementos similares Camareiros, barmans e asimilados Enfermeiros Cociñeiros e outros preparadores de comidas Secretarios administrativos e asimilados Animadores comunitarios Peóns de industrias manufactureiras Taquígrafos e mecanógrafos Peóns da pesca 48 Total das dez ocupacións máis contratadas Fonte: Instituto Galego das Cualificacións. Total das ocupacións contratadas

20 CNO OCUPACIÓNS MASCULINAS MÁIS CONTRATADAS (2009) COMARCA DE BARBANZA DESCRICIÓN TOTAL contratos 8543 Operadores de carretillas elevadoras Operadores de guindastres, camións montacargas e de maquinaria similar de movemento de materiais 5020 Camareiros, barmans e asimilados Albaneis e canteiros Matachíns e traballadores das industrias cárnicas e do peixe Compositores, músicos e cantantes Peóns de industrias manufactureiras Animadores comunitarios Condutores de camións Pescador por conta allea de altura 210 CNO Total das dez ocupacións máis contratadas COMARCA DE NOIA DESCRICIÓN Total das ocupacións contratadas TOTAL contratos 7110 Albaneis e canteiros Mariñeiros de cuberta de barco e asimilados Camareiros, barmans e asimilados Carpinteiros (agás carpinteiros de estruturas metálicas) Pescador por conta allea de altura Pescador por conta allea de auga doce e de augas costeiras Peóns de industrias manufactureiras Condutores de camións Peóns da construción de edificios Dependentes e exhibidores en tendas, almacéns, quioscos e mercados 51 Total das dez ocupacións máis contratadas Fonte: Instituto Galego das Cualificacións. Total das ocupacións contratadas

21 Unidade de Promoción e Desenvolvemento Asociación Impulsora do Pacto Territorial de Emprego do Barbanza-Noia Equipo Técnico: Santiago Páramo Aller Director Beatriz Pérez Rey Técnica en Prospección e Análise do Mercado de Traballo Sandra Pérez González Técnica en Emprendemento e Promoción do Emprego Carolina Pampín Pérez Técnica en Orientación e Mellora da Empregabilidade Carmen Paz Brión Persoal de Apoio Febreiro

22 ASOCIACIÓN IMPULSORA DO PACTO TERRITORIAL DE EMPREGO DO BARBANZA-NOIA 21