Unidade didáctica Festival de cinema en galego 2010 Unha lección de cine Doraemon e o Imperio Maia
Doraemon e o Imperio Maia Páx. Presentación 3 Antes de ver a película 4 Argumento 4 Personaxes 5 Preguntas para resolver antes de ver o filme 10 Festival de cinema en galego 2010. Unha lección de cine 2
Presentación Esta é a unidade didáctica sobre a película Doraemon e o Imperio Maia. Está realizada co obxectivo de que o profesorado despois de ver a película poida traballar algo dela na clase. O profesorado, en función da diversidade do alumnado, poderá crer necesaria a reformulación dalgunhas das preguntas, así como a eliminación ou o engadido doutras que pensen que poidan ser de utilidade para o seu alumnado. Gustaríanos coñecer as modificacións que se fagan, xa que isto pode sernos de utilidade para a elaboración de próximas unidades. Podedes enviar ditas modificacións a ofi.normalizacion@vigo.org 3
Antes de ver a película Sería interesante explicarlle o argumento da mesma ao alumnado e indicarlle que estean moi atentos no momento de vela para que lembren personaxes, lugares, situacións, aspectos sobre a cultura precolombina na América que aparecen para poder facer despois as actividades. Como maneira de incentivar o coñecemento dos valores e culturas doutros pobos, é recomendable que no xogo dos valores, o profesorado oriente previamente ós rapaces sobre o que son os valores e a súa importancia. Argumento Novas aventuras de Nobita, un neno tímido, que teme os cans, e que recibe a axuda de Doraemon, un gato robótico procedente do século XXII, que lle presta os seus inventos. Mentres ensaia unha obra de teatro no colexio sobre os maias, Nobita pide axuda a Doraemon. Para documentarse sobre o tema da representación, quere viaxar no tempo e coñecer os antigos maias. O gato desprega unha máquina que conduce Nobita e os seus amigos ata o país de Mayana, onde o rapaz descobre que o príncipe Thio, herdeiro do trono, é exactamente igual a el. Mentres viaxa con Doraemon ao presente para encontrar unha solución á ameaza da bruxa Ledina, que combate contra o Imperio Maia e lanzou un feitizo que mantén durmida a raíña, a nai de Thio, este pídelle a Nobita que o substitúa por un día. 4
Personaxes Nobita É un neno irresponsable, non lle gusta estudar e é por isto sempre saca ceros nos seus exames. Gústalle xogar moito, é inocente, malo e vingativo cando alguén lle fai dano. A única diferenza na vida de Nobita é a existencia do seu mellor amigo Doraemon quen lle axuda a saír dos problemas en que se mete, maiormente causados polos obxectos que trae no seu peto máxico. Sempre que se mete nalgún problema chama a Doraemon. Nobita témelle moito á súa nai. Os dous pasan todo o día regañando. Con moita frecuencia pódese ver a Nobita cos seus amigos Xigante, Suneo e o seu grande amor Shizuka. 5
Doraemon Doraemon é o gato que vén do futuro. É o mellor amigo de Nobita. Doraemon ten como misión facer de Nobita unha mellor persoa, máis responsable e menos lacazán. A Doraemon gústanlle moito as galletas e asústanlle moito os ratos. En ocasións ao axudar a Nobita este resulta prexudicado xa que non utiliza os inventos do futuro de axeitadamente e todo remata nunha catástrofe. 6
Shizuka Shizuka é a bela compañeira de clase de Nobita e por esta razón todos os nenos gustan dela, especialmente a Nobita, a Suneo e a Xigante. É unha nena moi alegre, ten un gran corazón e perdoa doadamente. É moi boa estudante, por isto todos queren estudar con ela (tamén por ser bonita). 7
Xigante Xigante como todos o chaman debido ao seu gran tamaño para a súa idade é un rapaz rudo e forte. Ao ser o máis grande intimida a todos os demais rapaces que acceden ás súas peticións por medo aos golpes. A Xigante gústalle moito cantar, e pensa que ten unha voz fermosa. Soña con ser un cantante, pero en realidade Xigante ten unha voz espantosa e todos teñen que taparse os oídos para non sufrilo. O seu mellor amigo é Suneo e ambos os dous sempre estan molestando a Nobita. A Gigante gústalle moito ler mangas, e as súas notas na escola tampouco son boas. 8
Suneo Suneo é amigo de Nobita, pero o seu mellor amigo é Xigante xa que sempre se lle pode ver con este. Suneo é un neno moi mentireiro e tramposo e fai todo isto para lograr o que el quere. É un rapaz intelixente e gústalle que os demais o admiren polas súas notas e por todas as cousas o que ten. A Suneo gústalle molestar a Nobita e facer que este teña problemas, tamén está namorado de Shizuka. 9
Preguntas e xogos para resolver antes de ver o filme Para responder as preguntas pódese contar coa axuda da biblioteca ou de internet. 1. Sabes quen son os maias? Sabes en que países actuais se desenvolveu a súa cultura? Que pensas que quere dicir a expresión América precolombina? Coñeces outras culturas ou civilizacións que estivesen en América antes de ser descuberta por Colón? 2. Na película Doraemon e Nobita viaxan ata o antigo Imperio Maia. Investiga co teu mestre ou mestra a herdanza cultural da América precolombina na nosa cultura e a súa influencia nos costumes, na lingua e na nosa alimentación. 4. Descobre que palabras da lista teñen a súa procedencia en América. Que teñen en común estes vocábulos? Atopa coa axuda do teu mestre ou mestra a súa orixe e máis exemplos no léxico galego. pataca tomate chocolate millo aguacate 10
5. Investiga co teu mestre ou mestra e indica sobre o mapa do mundo cos símbolos seguintes, as relixións maioritarias en cada parte do mundo. católicos ortodoxos protestantes xudeos musulmáns outras relixións animistas (budistas, taoístas, sintoístas) 11
6. Xogo dos valores: Sabes o que é un valor? Cales pensas que son os teus valores? Pensa nos valores que demostran os personaxes da película, Nobita, Doraemon, Shizuka, Xigante e Suneo. Ímos xogar a tentar descubrir os teus valores e os dos teus compañeiros coa axuda do teu mestre ou mestra: Aquí tes unha lista de oracións incompletas e tes que completalas, rapidamente e co primeiro que te veña á cabeza; podes incluír outras frases que non están no listado e que creas que deben recollerse. A mellor herdanza é... A vida é... O amor é como... Coñeces realmente...? Homes e mulleres son... Todas as relixións son... As diferenzas culturais son... Os meus dereitos son... Os meus deberes son... Eu desexo que... Eu soño con... A violencia é... Non quero deixar de... Colaborar cos demais fai que... A igualdade é... Non quero máis que... Non soporto que... Das persoas gústame que... Sería feliz con... A inxustiza prodúceme... O respecto é... A intolerancia fai que... Non escoito cando... Síntome mal sempre que... O máis importante para min é... Vivir é.. 12
Coa axuda do teu profesor, pon en común as túas respostas na clase e decidide por votación as dez máis importantes para todos os teus compañeiros. a) Resultou doado rematar as frases incompletas? b) Cal te resultou máis difícil completar? c) Como te sentiches? d) Cal foi a resposta máis sorprendente dos teus compañeiros? e) Que aprendiches con esta actividade? f) Hai algo non reflectido en ningunha das contestacións e que consideras importante? g) Cal é a oración que te describe mellor? Cales pensas que son os teus valores agora?
Unha lección de cine 14 www.wespeak.es