Studiante : Soraima Grell Modulo : Introduccion di Papiamento Periodo : 1.3 Docente : Swinda Maduro-Schwengle Specialisacion : Informatiekunde

Transcripción

1 Studiante : Modulo : Introduccion di Periodo : 1.3 Docente : Swinda Maduro-Schwengle Specialisacion : Informatiekunde

2 Contenido di e map 1. Analisis di Unda bo ta mami? 1 2. Analisis di Tur cos a keda atras Analisis di Valerie Palabra di mundo di computer den 9 5. Texto di corant Adapcion di un texto riba diskette Texto informativo 13

3 1. Analisis di Unda bo ta mami? 01. Autor : Yolando Croes 02. Titulo original : Unda bo ta mami? 03. Titulo di traduccion : Subtitulo orginal : Un storia di fe, speransa y amor 05. Subtitulo di traduccion : Traductor : Cas editorial : Ilustrado : Maybeline Ungar-Croes 09. Aña di edicion : I.S.B.N. : Dedicatorio : Avelina Croes, Maruschka, Sacha y Xavier(Boebel) 12. Cantidad di pagina : 178 A. Splicacion di titulo E titulo ta referi na e personahe Joshua cu ta puntra su mes unda su mama ta. E subtitulo ta pa pone e lesado na altura cu e buki ta basa riba un stroria real. B. Resumen E buki ta conta e storia di un hende muhe Arubiana (Maria) cu a casa cu un homber color scur di un isla Ingles Dominica, Wensley. Den nan matermonio a nace dos yiu, Joshua y Jotham. E buki ta conta nan storia for di dos bisto, for di bisto di Maria y di Joshua. Maria a casa jong y enamora, pero Wensley a casa cu Maria pa motibonan egoïsta. Maria a pasa hopi malo na man di Wensley, kende no tabata duna Maria e amor y cariño cu e tabata kier. Despues cu Maria a busca amor y placer di curpa serca un otro homber, cos a bai pa peor den e matrimonio di Maria y Wensley. Maria a haya un yiu homber despues di paar di aña, pero Wensley a bai biba na Hulanda y a laga nan keda Aruba. Maria a spaar y e a sigui Wensley. Na Hulanda cos a bira mas malo pa Maria. Wensley tabata haci kico e kier cu Maria, y e no tabata pone cuminda den cas pa Maria y Joshua. Asina mes Maria a haya un yiu(jotham) mas cu Wensley depsues di un paar di aña. Pero Wensley tabatin su mes un planes. Wensley a laga Maria bira adicto na pildora, y despues ela pidi pa un divorcio y pa motibo Studiante 1 Modulo

4 cu Maria ta depressief y adicto na pildora Wensley a haya e muchanan. Maria por a wak su yiunan solamente dos biaha pa siman. Dia cu Maria a logra pa haya un cas, y stop di tuma pildora pa su depressie, el a dien in un verzoek pa e haya e voogdij di su yiunan. Wensley a bin haya sa, y ela kidnap e muchanan y bai biba na Merca cu nan. Maria y e muchanan a kere ta vakantie nan ta bai y nan no a worry. Despues di un paar di dia Maria a bin ripara cu nan no a bai vakantie, y cu nan no lo bin bek mas serca dje. Na e momento ey el a entrega un denuncio nan polis y na rechtbank. Hasta InterPol a yuda den e buscado. Despues di añas sin speranza Maria a bolbe pa Aruba. Y despues di basta aña bibando na Aruba el a haya un yiu muhe, Joanna. E yiunan na otro banda no tabata na haltura di tur locual nan mama tabata pasa aden. Pa motibo cu Jotham tabata hopi jong, Joshua tabata cont e storia di nan mama tur dia pa Jotham no lubida nan mama. Joshua nunca a stop di pensa riba su mama. Wensley y su famia tabata pone hopi atencion riba e muchanan pa nan no haya chens pa yama nan mama na telefon. Wensley y e muchanan tabata biba illegal na Merca y nan no tabata tin un luga fiho pa biba. Nan a keda hopi aña ta biba aki-aya. Te dia Wensley a casa cu un otro muhe, y ela cumpra un cas pa nan biba den dje. Famia di Wensley no a gusta e muhe nobo aki, y a dicidi pa porfin bisa Maria unda su yiunan ta. Asina despues di 7 aña Maria a bin haya contact cu Joshua y nan a cuminsa planea con nan lo por ta hunto atrobe. Maria a bula bai Merca cu su ruman, y den un parke nan a topa cu Joshua. Siguiente dia ora Wensley y su casa a sali bai hospital, Joshua a puntra Jotham si Jotham kier wak nan mama, y si Jotham kier bai cu ne. Y asina nan a sali for di cas y bai topa cu nan mama y tia den un parke. Hunto nan a bai aeropuerto, pero e buelo no tabata un buelo directo pa Aruba. Nan mester a coi un otro avion na Puerto Rico. Aki un problema a surgi. E avion pa Aruba tabatin vertraging. Pa motibo cu Puerto Rico ta parti di Merca ainda tabatin chens pa Wensley stop nan. Pa suerte un amigo di Maria cu tabata na haltura di nan situacion a wak nan sinta na aeropuerto di Puerto Rico. E amigo aki a logra di pone nan riba un buelo pa Caracas cu lo pasa via Aruba. Asina porfin Maria y su yiunan tabata leu for di Wensley. C. Tema principal Matrimonio violente y e consecuencianan cu por tin. D. Subtema Amor entre mama y yiu(nan). Studiante 2 Modulo

5 E. Mensahe/ moraleha Amor di un banda no ta suficiente pa tin un matrimonio. Ora tin violencia den un matrimonio mester busca un solucion y no tene duelo di e abusador. F. Personahe principal Maria El a wordo lanta hopi streng. Su famia tabata catolico, pero nan a bira Testigo di Jehova. El a casa keriendo cu esaki lo ofrece tur locual e kier den su bida. Wensley Un homber di Domica cu a bin Aruba pa mehora e calidad di su bida. E ta un homber hopi duro y egoïsta. Joshua Yiu homber mayor di Maria y Wensley. Pa motibo cu e ta mas grandi, e por corda y conta tur locual e y Jotham a pasa den despues cu nan tata a bai cu nan Merca. G. Categoria Drama/ storia real H. Obra di e autor - Acompaña pa un Angel E tragedia di buelo Perdi riba lama Storianan di piscado - Unda bo ta mami Un storia real - Amy Lagrima di un Angel E crimen di Simpsonbay I. Publico lesado Adulto (mayoria lo ta hende muhe). J. Opinion propio Esaki ta e prome buki cu mi a yega di lesa na. Mi a lesa e buki den un solo biaha. E ta asina bon scirbi cu mi mester a sigui lesa. E storia ta uno hopi tristo, cu na hopi momento a pone mi wowonan yena cu awa. Studiante 3 Modulo

6 2. Analisis di Tur cos a keda atras 01. Autor : E.E. Rosenstand 02. Titulo orginal : Tur cos a keda atras 03. Titulo di traduccion : Subtitulo orginal : Subtitulo di traduccion : Traductor : Cas editorial : Ilustrado : Aña di edicion : I.S.B.N. : Dedicatorio : Cantidad di pagina : 36 A. Splicacion di titulo E personahe principal ta bai for di Aruba y ta laga tur cos atras. B. Resumen Carmen ta un muchamuhe hopi bunita di 17 aña, el a lanta na cas di su wela pa motibo cu su tata ta un burache y tur dia tin zundramento na cas di su mayornan. Un dia Carmen ta bai un fiesta y aki e ta topa cu un homber cu ta yama Juan. El a enamora di Juan mes ora. Pero Juan ta un homber casa cu 3 yiu cu ta gusta laga muchamuhe enamora di dje y despues e haci y deshaci cu nan con cu e kier. Carmen a bin haya sa esaki, y a dicidi di caba cu e relacion entre nan dos. Despues di tempo Carmen a bin topa cu Jacinto y nan a casa. Cu Jacinto Carmen tabata hopi feliz, te dia cu Juan a drenta bek su bida. Carmen y Juan a cuminsa tene un relacion scondi cu otro. Pero nan amor pa otro tabata asina grandi cu nan no tabata kier a sconde mas. Asina a bin cu nan a laga nan casanan pa bai biba hunto cu otro na Colombia. Akinan porfin nan tabata por ta hunto sin tin nodi sconde. Jacinto a keda tur kibra atras. Nunca a por a comprende dicon Carmen a bai lag e. Despues di hopi aña y riba conseho di su dokter el a bai cu vacacion pa Costa Rico. Eynan porfin el a haya bek su smak pa biba. Pero riba un dia sinta den un bar el a wak un hende muhe pasa cu ta parse Carmen masha hopi mes. El a keda tur spanta y e no a haya chens pa sigui e persona aki pa haya sa si ta Carmen si of no. El a bai e bar bek e siguiente dia, y e dia despues te porfin e persona a pasa atrobe. E biaha aki el a sigui e persona y el a bin haya sa cu ta Carmen mes. Carmen a cont e tur locual el a pasa Studiante 4 Modulo

7 aden. Cu despues di tempo Juan a bai lag e, pero e tabatin berguensa di bai bek Aruba. Pa sorbibi ela bende su cuerpa. Un hende homber a bai cu ne Costa Rica, pero e persona aki tambe a bai lag e, y el a sigui bende su curpa pa por biba. Tur esaki no a kita e amor cu Jacinto tin pa Carmen. Asina mes e ta sigui stima Carmen, y e kier pa Carmen bolbe cune pa Aruba. Pero Carmen no kier. Jacinto ta bisa Carmen cu siguiente dia e lo bolbe bek serca Carmen, no pa nan bai Aruba, pero pa nan keda hunto na Costa Rica. Siguiente dia Jacinto ta bolbe pa e luga unda Carmen ta biba, pero Carmen a bai lag e atrobe su so. Jacinto a haci tur cos pa localisa Carmen pero sin exito. Riba un dia e ta lesa corant, y den e corant ta scirbi tocante un accidente di bus y Carmen su nomber ta wordo menciona den e articulo ey. Mes ora Jacinto ta bai e hospital unda Carmen ta interna. Aki e ta bin papia cu Carmen, pero Carmen ta fayece. Despues di hopi aña Jacinto ta bolbe casa na Aruba cu un muhe cu a logra di kita e miedo di Jacinto. C. Tema principal Amor y traicion. D. Subtema E. Mensahe/ moraleha Si bo haci malo, malo ta bin bek pa bo. F. Personahe principal Carmen G. Categoria Novela H. Obra di e autor I. Publico lesado Adulto J. Opinion propio E buki ta basta bon, solamente e lettertype ta malo. Tin biaha e frasenan ta dificil pa compronde pa motibo cu e autor no ta usa hopi apostrof. E concecuencia ta cu na un cierto momento ta dificil pa sa cua personahe ta bisando algo. Studiante 5 Modulo

8 3. Analisis di Valerie 01. Autor : Diana Pinto 02. Titulo orginal : Valerie 03. Titulo di traduccion : Subtitulo orginal : Subtitulo di traduccion : Traductor : Cas editorial : Ilustrado : Cedric Broos 09. Aña di edicion : I.S.B.N. : Dedicatorio : Cantidad di pagina : 121 A. Splicacion di titulo Valerie ta e nomber di e personahe principal di e buki aki. B. Resumen Valerie ta un muchamuhe teenager cu a lanta cu su mama Margarita. E ta bai scol cu su miho amiga Adita. Nunca ela conoce su tata. Su mama y wela a bis e cu su tata a muri na Hulanda prome cu ela nace. Na scol semper nan ta sinta den un grupo di 4 muchamuhe, Valerie, Adita, Zulai y Melissa. Aunque Valerie y Adita no tabata gusta Melissa toch nan tabata anda cu ne pa motibo di Zulai. Melissa ta un muchamuhe cu ta pensa cu e ta bal mas cu tur otro pa motibo di su fam De Lannooy. Ora cu un muchahomber (Shamir) den nan klas puntra Valerie pa jud e cu huiswerk, Melissa ta bira jaloers. Valerie ta controla e huiswerk di Shamir, pero e no ta prepara su mes bon pa su mesun spreekbeurt. E motibo di esaki ta cu e ta hopi precupa cu su mama. E dia ey ora su mama a jega cas el a ripara mes ora cu tabatin algo ta stroba su mama. Valerie a tene su spreekbeurt y esaki no a bai bon. E meneer di Spaño a yama Valerie pa papia cune. Despues di e conversacion aki Valerie a enamora di su meneer di Spaño, Meneer Gutieres. El a tene su enamoracion secreto pa tur hende, inclui su miho amiga Adita. Pa motibo di si enamoracion secreto el a lubida tambe riba e problema di su mama. Y e no ta ripara cu pocopoco Shamir ta enamorando di dje. E secreto ta casi pone un final na su amistad cu Adita tambe. Studiante 6 Modulo

9 Shamir a cuminsa bin mas hopi serca Valerie na cas pa Valerie yud e cu su huiswerk, esaki na disgusto di Melissa cu ta enamora di Shamir. Riba un dia un meneer nobo ta bin pa gymnastiek. Su fam ta Ortis, e mesun fam cu tata di Valerie. Pero Valerie su cabes ta yen di Meneer Gutieres so, e no ta pensa nada mas. Porfin e fiesta grandi di e aña escolar ta yega. Na e baile Valerie ta topa cu Shamir, su amiganan, Meneer Gutierus y Meneer Ortis. Valerie ta baila cu Shamir, pero en realidad ta cu Meneer Gutieres so e kier baila. Porfin e ta haya un chens di baila cu Meneer Gutieres. Pero ora di yega bek na su mesa, Melissa a bai sinta bandi Shamir. Valerie no a worry mucho y a bai sinta bandi Adita. Despues di un rato Melissa kier a bai baila cu Shamir, pero Shamir no kier a baila cu Melissa, sino cu Valerie. Aki Melissa a bira hopi jaloers. Ora Valerie a regresa na e mesa, Melissa a puntr e dicon e no a baila ainda cu su tata. Na e manera aki Valerie a bin haya su cu su tata no a muri tanto aña pasa den un accident, pero cu su tata ta bibo ainda y cu e ta Meneer Ortis. For di e dia ey Valerie a rabia asina hopi riba su mama cu e no kier a biba den mesun cas cu su mama mas, y ela bai keda na cas di su wela. Su enamoracion pa Meneer Gutieres tambe a stop e dia ey, ya cu el a kere cu Meneer Gutieres tambe tabata den e complot di gañamento. Melissa a wordo geschorst pa un paar di dia, pero su mayornan a kit e for di scol y mand e un otro scol mesora. E amistad entre Valerie y Shamir tambe a caba ora cu Valerie a papia masha fresco cu Shamir pa motibo cu Shamir a bai papia cu Meneer Ortis. Valerie a keda hopi rabia cu su mama, pero cu su tata pocopoco ela cuminsa papia. Te dia cu e mama y tata di Valerie a denuncia cu nan ta bai casa. Valerie no a gusta mes, pero ora el a tende cu su mama a pone un condicion na e casamento, Valerie a bin ripara cuanto su mama ta stim e di berdad. Su siguiente dia el a dicidi pa bai biba serca su mama bek. E cu Shamir a cuminsa sera un amistad bek cu otro, y e tabata purba di custumbra cu un djis e lo ta biba den cas hunto cu su mama y su tata. E dia di casamento tabata mes un dia cu su haciment i aña. Esaki e no por a compronde, ya cu e no tabata bai tin fiesta mas. Fuera di esey su miho amiga no a bin cas tampoco e dia ey. Niun hende a dun e pabien tampoco. Pero diripiente e mester a bai warda pafo riba su tanta pa nan bai busca e maleta di su mama, pero despues nan a yam e paden paso e maleta ta den bahul caba. Ora el a drenta bai paden, y habri e porta di patras el a haya un fiesta di supresa. Tur su amiganan tabata tey y Shamir tambe. E prome persona cu a bisa pabien tabata Shamir. Su tata a organisa tur cos pa Valerie. Valerie a keda masha contento mes. Y despues di esey e no kier a laga su tata bai vacacion cu su mama. Porfin el a Studiante 7 Modulo

10 haya su tata y e no tabata kier a despidi asina lihe di dje. Pero su tata a sigur e ta pa dos siman so. Con cu bai bin, Valerie a dispidi di su mayornan y el a keda para ta zwaai te ora e no por a mira e auto mas. Shamir a bin para bandi dje. Shamir no tabata sigur con Valerie tabata sinti p e. Pero ora cu Valerie a sosega su cabez riba e pecho di Shamir, Shamir e bras e mes ora, y asina nan a keda para te ora cu Shamir a hisa cara di Valerie y a dun e un sunchi. C. Tema principal Engaño y amor. D. Subtema Bida di un teenager. E. Mensahe/ moraleha Cu un teenager tambe por pasa door di cierto cosnan cu ta afecta nan bida masha hopi mes. F. Personahe principal Valerie G. Categoria Romance H. Obra di e autor I. Publico lesado Hubentud J. Opinion propio E buki ta hopi bon scirbi, mi ta kere cu hopi teenagers lo por indivica nan mes cu e personahe principal. E ta hopi facil pa lesa. Na final mi mes kier a yora ora cu Valerie a brasa su tata y a yam e papi. Studiante 8 Modulo

11 4. 40 palabra di mundo di computer den 1. Document : documento 2. Window : bentena 3. Print : imprimi 4. Copy : copia 5. Save : warda 6. Open file : Habri documento 7. Monitor : pantaya 8. Mouse : raton 9. Help : yudansa 10. Start : inicia 11. CD : disco compacto 12. Burn : kima 13. Message : mensahe mensahe electronico 15. Inbox : entrada di mensahe electronico 16. Programs : programa 17. Word Processor: Procesado di palabra 18. Studiante 9 Modulo

12 5. Texto di corant Dos choler a bringa cu cuchiu Uno ta haya corta nu su pecho San Nicolas Diabierna pa 12:00 polis ta bai na e veld di basket na Sint Maartenstraat, pa un bringamento entre dos choller. Ora cu polis a yega nan ta mira un homber ta cana cu cuchiu den su man. Ora cu el a mira polis el a core bai. Polis a papia cu algun testigo, kende ta bisa cu tabatin hincamento cu cuchiu. E homer Z.B.M. di 43 aña a bisa polis cu e homber A.R.H. di 44 aña a hinc e cu cuchiu na su pecho banda robes. Polis ta busca y topa cu e sospecho. El a keda dentini y hiba warda. E victima M. a wordo hiba Centro Medico pa tratamento. Kayman ta maltrata homber cu boter di serbes San Nicolas Polis diahuebs pa ta bai na Esso Heights pa un maltrato. Na caminda e polisnan ta topa cu e homber E.J.H naci na Aruba di 49 aña, kende a bisa cu el a topa cu un tal Kayman, y despues di un discusion, Kayman a dal e cu un boter di serbes. E tabatin corta na su pols y algun rasca. E polisnan a hib e Centro Medico pa tratamento y despues e ta bai duna keho contra Kayman. Studiante 10 Modulo

13 6. Adapcion di un texto riba diskette Musica y folclor 3 parti 1 Musica y folclor Musica Un di e expresionnan cultural mas importante den comunidad di Corsou ta musica. Musica ta refleha situacion di nos cultura en general: e ta un cronica di bida of un spil di sociedad. E ta refleha tambe diferente influencia cultural (Africano, Europeo), filosofia di bida y relacion social. Musica crioyo di Corsou Un genero di musica cu tabatin mas tanto influencia riba nos musica ta esun Africano cu su patronchi ritmico. Esaki a sosode pa medio di uso continuo di tambu y otro instrumentonan ritmico. Specialmente e poblacion pober di colo tabata expresa su mes colectivamente cu tambu y seu, combinacion di canto, ritmo y baile di origen Africano. Central den esaki tabata e textonan canta na ueni y. Probablemente musica di zumbi tambe ta data di tempo di sclabitud. Na cuminsamento di siglo 20, tocadonan di musica di zumbi a presenta un repertorio varia di musica manera seu, cu rais Africano, musica baliabel di Corsou, tumba, pero tambe wals, dansa y cuadria. Otro influencia evidente ta musica baliabel di origen Europeo manera wals, mazurka, dansa y polka. Na cuminsamento di siglo 20, bida musical na Corsou tabata refleha influencia di e comunidad colonial, herarkico di e tempo ei. E elite hudiu, protestant y catolico tabata identifica su mes cu e tipo di musica di origen Europeo aki. Ta menciona Jan Gerrie Palm como fundado di e tipo di musica aki cu ta predominantemente instrumental. Contrali na e musica cu a bini for di Europa, e parti di musica cu a bini for di Africa, durante di hopi tempo (sigur te meimei di siglo 20) a sufri di discriminacion. No tabata considera tumba, por ehempel, como baile di salon, pasobra e tabatin forma di un baile erotico. Ta te na fin di siglo 19 por a balia tumba den salon, pero na cabamento di fiesta, pa motibo cu e baile ta exigi mucho zoyamento di heup. Awendia ta cuminsa fiesta cu un tumba pa trece ambiente. Tambu tabata prohibi pa autoridadnan. Si nan localisa un fiesta di tambu, nan tabata kita e tambu for di e tocado y Studiante 11 Modulo

14 corta e cuero. Tabatin cu haci fiesta di tambu na luga scondi pafo di stad. Folclor Generalmente nos ta papia di folclor ora ta trata di tradicion, custumber y expresion cultural popular. Folclor di pueblo di Corsou ta mara na su historia di trabou na cunucu (seu, fiesta di San Juan), su religiosidad (Leletoni, venerasion di Labirgen, bautismo di popchi) y su celebracionnan colectivo (fiesta di seu, tambu). Ta importante tambe pa remarka cu fiestanan di nos pueblo ta mara na cierto ciclo. E dos ciclonan principal ta: ciclo di aña (tempo di cosecha) y ciclo di bida (bautismo, morto). Chuki Cu Wancho Studiante 12 Modulo

15 7. Texto informativo (pa un noticiero di maestro) Computer ta e maestro di futuro? Oranjestad - Awendia tur caminda nan ta confronta bo cu e palabranan cu ta forma e hype di e era aki. E palabranan aki ta entre otro computer, , internet y chat. Poco poco enseñansa tambe ta sigui e revolucion di tecnologia cu ta andando den nos comunidad. Pero nos mester puntra nos mes.con lue nos kier bai cu e tecnologia aki den nos enseñansa? Y e computer lo reemplasa un maestro den futuro? Un di e temornan di e maestronan ta cu nan lo keda sin trabou den futuro. Apesar cu esaki lo no ta e caso. E computer lo ta un medio di yudansa pa e maestro den su lesnan. Un computer por yuda un maestro pa tene cuenta cu e diferecianan entre studiantenan. Pa e motibo aki un maestro lo no por wordo reemplasa. E maestro ta keda esun cu mester guia e studiantenan y observa e diferencianan entre studiantenan. Esaki ta djis un di e motibonan cu un maestro lo no por wordo reemplasa door di un computer. Un otro forma cu un computer por yuda den enseñansa ta den e formacion di e studiantenan, bo por crea studiantenan independiente. E studiantenan aki no ta depende solamente di e maestro pa haya splicacion of tareanan extra. Nan mes por mustra interes den nan propio estudio door di busca informacion riba internet, y door di practica riba computer cu programanan especialmente pa yudanan den e parti cu nan mester di yundansa. Asina mi kier a termina e articulo aki te siguiente biaha. Studiante 13 Modulo