N o 22 L Mércores, 2 de febreiro de 2005 DIARIO OFICIAL DE GALICIA 1.739

Transcripción

1 N o 22 L Mércores, 2 de febreiro de 2005 DIARIO OFICIAL DE GALICIA CONSELLERÍA DE CULTURA, COMUNICACIÓN SOCIAL E TURISMO Orde do 17 de xaneiro de 2005 pola que se declara de interese galego a Fundación Sales e se ordena a súa inscrición no Rexistro de Fundacións de Interese Galego. Con data do 17 de decembro de 2004 foi publicada no Diario Oficial de Galicia a orde da Consellería da Presidencia, Relacións Institucionais e Administración Pública, do 1 de decembro de 2004, pola que se clasifica de interese cultural a Fundación Sales, adscribíndoa á Consellería de Cultura, Comunicación Social e Turismo, que exercerá plenamente o protectorado sobre ela. Esta fundación, de acordo co establecido no artigo 6 dos seus estatutos, ten como obxecto o impulso, xestión e desenvolvemento daquelas actuacións culturais (literarias, musicais, plásticas), cívicas, didácticas e educativas, científicas, socioeconómicas e demais análogas de interese xeral que, por iniciativa propia ou por proposta doutras institucións, fundacións ou organismos, estime necesarias ou convenientes para o desenvolvemento sociocultural e económico de Galicia. E en particular é obxecto da fundación o fomento do estudio e difusión do conxunto da obra e personalidade de Francisco de Sales Covelo, o arquivo e divulgación desta, nos aspectos artísticos, de deseño, paisaxísticos e biográficos, enfocando estas cuestións xa desde unha perspectiva teórica e de pensamento, xa desde os ámbitos da creatividade e do sociocultural. Por iso, en virtude das competencias que me confire o artigo 34 da Lei 1/1983, do 22 de febreiro, reguladora da Xunta e do seu presidente, e segundo o establecido no artigo 8 da Lei 7/1983, do 22 de xuño, de réxime das fundacións de interese galego, modificada pola Lei 11/1991, do 8 de novembro, e no artigo 32.3º a) do Regulamento de organización e funcionamento do protectorado das fundacións de interese galego, aprobado polo Decreto 248/1992, do 18 de xuño, DISPOÑO: Primeiro.-Declarar de interese galego a Fundación Sales xa que os seus estatutos cumpren as prescricións que, a tal efecto, sinala a vixente lexislación en materia de fundacións de interese galego. Segundo.-Ordenar a inscrición da Fundación Sales no Rexistro de Fundacións de Interese Galego da Consellería de Cultura, Comunicación Social e Turismo, para os efectos constitutivos que sinala a Lei 7/1983, do 22 de xuño, de réxime das fundacións de interese galego, modificada pola Lei 11/1991, do 8 de novembro. Terceiro.-Esta fundación queda sometida ao disposto na normativa de xeral aplicación, en especial, á obriga de lles dar publicidade suficiente ás súas actividades e á ausencia de ánimo de lucro na prestación dos seus servizos, quedando obrigada a renderlle contas anualmente ao protectorado e a xustificar, a través dunha memoria anual, o cumprimento da finalidade fundacional, así como a presentarlle o proxecto de orzamento ao protectorado, con anterioridade ao inicio do exercicio económico para o que se formula e debendo solicitar as preceptivas autorizacións do protectorado. Esta orde entrará en vigor o día seguinte ao da súa publicación no Diario Oficial de Galicia. Santiago de Compostela, 17 de xaneiro de Jesús Pérez Varela Conselleiro de Cultura, Comunicación Social e Turismo CONSELLERÍA DE SANIDADE Orde do 29 de decembro de 2004 pola que se aproba o Plan de Inspección Sanitaria para o ano * A Lei 7/2003, do 9 de decembro, de ordenación sanitaria de Galicia, regula no seu artigo 21 as competencias que lle corresponden á Consellería de Sanidade, e entre elas, no punto 17 atribúelle a inspección sanitaria no ámbito das competencias da Comunidade Autónoma. * Na mesma liña o Decreto 126/1992, do 14 de maio, sobre ordenación das funcións de inspección de servizos sanitarios da Comunidade Autónoma de Galicia, establece: -O desenvolvemento das actividades encomendadas á Inspección sanitaria pola lexislación vixente en materia de accidentes de traballo, enfermidades profesionais, incapacidade temporal, empresas colaboradoras coa Seguridade Social, mutuas aseguradoras, boticas anexas, servizos médicos dos servizos de prevención das empresas. -A necesidade de avaliar a actuación dos centros, servizos e establecementos sanitarios tanto desde o punto de vista da calidade da asistencia prestada, como do gasto realizado e do grao de cumprimento dos obxectivos que se lles marquen aos centros. -O exercicio da tutela, control e avaliación eficiente sobre todos os centros, servizos e establecementos e prestacións sanitarias de titularidade pública ou privada da Comunidade Autónoma de Galicia. -A inspección e control de todos aqueles aspectos de atención sanitaria recollidos como dereitos dos usuarios na Lei xeral de sanidade, regulamentos que a desenvolven, na Lei 41/2002, reguladora da autonomía do paciente e de dereitos e obrigas en materia de información e documentación clínica, e na Lei 7/2003, de ordenación sanitaria de Galicia.

2 1.740 DIARIO OFICIAL DE GALICIA N o 22 L Mércores, 2 de febreiro de O Decreto 44/2002, do 8 de febreiro, estipula que á Inspección sanitaria lle corresponde o exercicio das actuacións de Inspección no relativo aos centros, servizos e establecementos sanitarios públicos e privados que desempeñen a súa actividade no ámbito da Comunidade Autónoma, así como, neste contexto, a avaliación das súas actividades con especial atención ás prestacións do sistema sanitario público. Este decreto establece, así mesmo, que á Inspección sanitaria lle corresponde a acreditación de centros, establecementos e servizos sanitarios na Comunidade Autónoma de Galicia. * O Plan de Inspección sanitaria para o ano 2005 elaborouse seguindo unha liña innovadora das actividades reflectidas nos plans de Inspección sanitaria dos anos anteriores, salientando as actuacións de inspección versus autoridades sanitarias. * As actividades da Inspección sanitaria deben considerarse tanto como garantía da eficacia-eficiencia do sistema sanitario como do exercicio da autoridade sanitaria. * Continúa tendo unha importancia e relevancia transcendentais a loita contra a fraude centrada especialmente no control da incapacidade temporal e na prestación farmacéutica, evitando dese modo as posibles desviacións que poidan producirse nas ditas prestacións básicas. Así mesmo, neste punto e pola crecente tendencia alcista producida nos últimos anos, procede incrementar as actuacións específicas de control e seguimento da incapacidade temporal nos colectivos de persoal dos centros propios do Sergas e da Xunta de Galicia. * No Plan de Inspección Sanitaria para o ano 2005 e pola súa grande importancia e repercusión na asistencia sanitaria incluíronse actuacións específicas en relación ao control das listas de espera e aspectos relacionados. * Por todo iso, conforme o establecido no artigo 5 do Decreto 126/1992, do 14 de maio, sobre ordenación das funcións de Inspección de servizos sanitarios, por proposta do secretario xeral. DISPOÑO: Artigo único.-apróbase o Plan de Inspección Sanitaria para o ano 2005, que figura como anexo a esta orde. Os servizos de Inspección sanitaria remitirán antes do 31 de xaneiro do ano 2006 á Secretaría Xeral da Consellería de Sanidade a memoria anual do ano 2005 das actividades dos seus respectivos ámbitos competencias; esta memoria confeccionarase acorde cos resultados obtidos respecto das actuacións incluídas no plan que se aproba. Santiago de Compostela, 29 de decembro de José Manuel González Álvarez Conselleiro de Sanidade ANEXO I. Ámbito de saúde laboral Ámbito da incapacidade temporal (IT). Actuacións incluídas no programa específico de redución da taxa global de absentismo por IT (TGA) do persoal de centros propios do Sergas, e aplicación, adecuación e seguimento das medidas de optimización do dito programa. Actualización do sistema de información do aplicativo de IT no relativo a: revisión e deseño de novas aplicacións de soporte operacional que optimicen a xestión de inspección e do sistema de análise complexo, e implementación de novos informes predefinidos, informes dinámicos e consultas nas explotacións do aplicativo de IT. Seguimento da implantación gradual do proceso de informatización da cumprimentación polos prescritores dos partes de baixa/alta/confirmación e desenvolvemento de actividades de coordinación e apoio aos coordinadores dos centros de saúde en que se implanta a Itweb, implementando funcionalidades para seguimento dos procesos polos prescritores. Control e seguimento da adecuada cumprimentación polos prescritores dos partes de baixa/alta/confirmación e dos informes trimestrais e demais informes regulamentarios en materia de IT. Consolidación do desenvolvemento das actuacións de seguimento derivadas das funcións dos coordinadores de IT das xerencias de atención primaria e potenciar a colaboración cos ditos coordinadores por parte das unidades de saúde laboral do Sergas. Establecer conxuntamente coas xerencias de atención primaria os sistemas de control e xestión documental da IT por parte dos facultativos prescriptores. Desenvolvemento de actividades dirixidas á optimización da prescrición, no relativo á cumprimentación da documentación clínico-laboral e indicadores mediante entrevistas e remisión de información aos facultativos de atención primaria, dándolles prioridade ás entrevistas cos facultativos que presenten desviacións nos seus indicadores. Tramitación e contestación do 100% das reclamacións de empresas relacionadas cos procesos de IT dos seus traballadores. Selección e revisión de todos os procesos de IT ao alcanzar a duración estándar e revisión e informe de todos os procesos nos prazos regulamentariamente establecidos. Seguimento da carteira de servizos que no futuro se concerte coas mutuas ou outras entidades interesadas no control da IT. Aplicación, seguimento e control do convenio subscrito pola comunidade autónoma co INSS en

3 N o 22 L Mércores, 2 de febreiro de 2005 DIARIO OFICIAL DE GALICIA materia de IT, no marco do financiamento dos servizos sanitarios: -Realización de cursos de formación dirixidos a médicos de atención primaria para a actualización na xestión, seguimento e control da incapacidade temporal (7ª fase-14 edicións, 140 facultativos). -Seguimento e control da transmisión telemática de partes de baixa/alta ao INSS. -Subprograma específico de redución da taxa global de absentismo (TGA) do persoal da Xunta de Galicia. -Subprograma de redución da taxa global de absentismo (TGA) da poboación en xeral. -Responder nos prazos legais establecidos ao 100% das propostas de alta emitidas polas entidades xestoras e ao 100% das intencións de alta regulados no R.D. 1117/ Seguimento e canalización dos acordos que se subscriban entre o Sergas e o INSS para a realización de probas diagnósticas e informes médicos Ámbito dos servizos de prevención. autorización sanitaria nos servizos de prevención das empresas que teñen concedida a asistencia médico-farmacéutica. Estudo, deseño e implantación dun sistema de información e análise dos informes e memorias de absentismo por continxencias comúns dos servizos de prevención das empresas. Consolidación do Programa de Inspección e Avaliación en materia de Prevención de Riscos Laborais na especialidade de medicina do traballo: a) Servizos de prevención alleos (tanto mutuas de accidentes de traballo e enfermidades profesionais como outras entidades). autorización sanitaria. Avaliación da actividade sanitaria desenvolvida. Subprograma especial de verificación da non-subcontratación da actividade sanitaria básica. b) Servizos de prevención propios. Continuación e finalización da elaboración dun censo de servizos de prevención propios existentes na comunidade autónoma, coa colaboración da Inspección de traballo. autorización sanitaria. Avaliación da actividade sanitaria desenvolvida. Avaliación das correspondentes auditorías preceptivas que teñen que ser realizadas para a súa aprobación, nestes servizos de prevención e que conten coa especialidade de medicina do traballo (vixilancia da saúde). c) Realización das inspeccións e informes de actividades sanitarias dos servizos de prevención, tanto propios como alleos, para a súa autorización sanitaria. Fíxase en 15 días como máximo o prazo para emitir estes informes por parte das unidades de saúde laboral. d) Establecer sistemas de xestión e coordinación dos servizos de prevención coa rede asistencial pública: rexistro de servizos, dotación dos servizos, sistema de información sanitaria dos servizos e coordinación deles coa Administración sanitaria e Sergas Ámbito das MATEP e empresas colaboradoras. Inspección dos servizos asistenciais e das condicións de funcionamento de todos os servizos sanitarios das mutuas de accidente de traballo e enfermidade profesional da Seguridade Social da comunidade autónoma destinadas a atender os pacientes accidentados ou enfermos por continxencias de tipo laboral. Elaboración dun protocolo unificado para a comunidade autónoma para levar a cabo estas inspeccións. Inspección dos servizos asistenciais das empresas colaboradoras da Seguridade Social. II. Ámbito da prestación farmacéutica. Seguimento do convenio de colaboración subscrito entre a Consellería de Sanidade e os colexios oficiais de médicos de Galicia, respecto ao uso de talonarios de receitas oficiais do Servizo Galego de Saúde por parte dos facultativos médicos xubilados. Inspección e control de prescricións en receita oficial de medicamentos que requiren condicións especiais de utilización e que ditamine a autoridade sanitaria. Continuación coa verificación da presenza e actuación profesional de persoal farmacéutico nas oficinas de farmacia abertas ao público, tanto en horario ordinario, como en horario ampliado e servizos de urxencia. Verificación do cumprimento das condicións e requisitos establecidos para as oficinas de farmacia en relación coas normas de correcta elaboración e control de calidade de fórmulas maxistrais e preparados oficinais. Participación nas campañas de control de calidade de medicamentos da Axencia Española de Medicamentos e Produtos Sanitarios, para a verificación dos estándares de calidade fixados na autorización de comercialización das especialidades farmacéuticas e naqueloutros programas de inspección e control de medicamentos que se establezan. Estudo e avaliación da situación actual do reintegro de gastos de produtos farmacéuticos.

4 1.742 DIARIO OFICIAL DE GALICIA N o 22 L Mércores, 2 de febreiro de 2005 III. Ámbito de concertos. Inspección e avaliación nunha mostra de centros concertados do cumprimento da Lei 41/2002, sobre o contido da historia clínica de pacientes enviados a centros concertados. Estudo retrospectivo das revisións poscirúrxicas nos seis meses seguintes á intervención, nos pacientes intervidos nos centros concertados San Rafael e Santa Teresa da Coruña nas especialidades de cirurxía vascular (arteriais) e traumatoloxía. Estudo económico sobre os pacientes en hemodiálise de outras provincias que acoden temporalmente a hemodializarse. Estudo, análise e valoración da utilización da diálise peritoneal na comunidade autónoma. Análise da porcentaxe de sesións de radioterapia e de quimioterapia, ambulantes e ingresados dos pacientes atendidos no Centro Oncolóxico de Galicia e a nivel provincial segundo procedencia do paciente. Análise da porcentaxe de ingresos por toxicidade postratamento oncolóxico dos pacientes atendidos no Centro Oncolóxico de Galicia e a nivel provincial segundo procedencia do paciente. Inspección e control da prestación de servizos sociosanitarios concertados nas áreas de Pontevedra e Vigo. Inspección e control dos concertos establecidos nas áreas de Pontevedra e Vigo, tanto de procesos médicos como cirúrxicos. Inspección e control das prestacións sanitarias derivadas a centros concertados para tratamentos: fisioterapia, logopedia, atención temperá, hemodiálise, diálise peritoneal, terapias respiratorias a domicilio, na provincia de Pontevedra. Inspección e control das prestacións sanitarias derivadas a centros concertados para tratamentos de: logopedia, cirurxía maxilofacial, hemodiálise e diálise peritoneal, na provincia de Ourense. Inspección e control do contrato-programa entre Sergas e Fundación Pública Hospital do Salnés, para a prestación de asistencia sanitaria a beneficiarios da Seguridade Social. Inspección e control do convenio entre Sergas e Sociedade Pública Autonómica Instituto Galego de Medicina Técnica (MEDTEC). Inspección e control do concerto singular de 29 de decembro de 2000 establecido entre Sergas e Povisa, para a prestación de asistencia sanitaria especializada aos beneficiarios da Seguridade Social. Inspección e control da calidade dos servizos prestados en centros concertados da provincia de Ourense no que respecta á inclusión do consentimento informado na historia clínica, á codificación dos informes de alta e da inclusión na historia clínica do protocolo de seguimento das úlceras de presión. Avaliación e estudo sanitario e económico da actividade de RMN e TAC en centros concertados derivados de centros sanitarios fóra da provincia de Ourense. Estudo e seguimento das derivacións de pacientes desde o Servizo de Urxencias do H. Xeral aos centros concertados de Lugo, cuxos diagnósticos non estean recollidos no concerto vixente na actualidade. IV. Ámbito das prestacións sanitarias e a mellora da calidade asistencial. Inspección e comprobación no primeiro trimestre do ano que o 100% dos vehículos de ambulancias, incluídas no modelo de transporte sanitario programado, cumpran coa normativa vixente. Realizar un programa de inspección de control de calidade do transporte sanitario non urxente mediante a realización de inspeccións nunha mostraxe que inclúa as seguintes actuacións: -Puntualidade: rexistro da hora de chegada dos vehículos sanitarios aos centros sanitarios. -Espera dos pacientes: rexistro do tempo da espera dos pacientes unha vez rematada a asistencia sanitaria programada. -Condicións do servizo: -Identificación da persoa(as) trasladada(as). -Identificación de acompañante, se é o caso. -Condicións nas que chega o servizo (en padiola, cadeira de rodas, con soporte terapéutico, non deambula autosuficientemente, deambula autosuficientemente aínda que utilice muletas). -Presenza de axudante de condutor se a situación clínica do paciente o require. -Tipoloxía do vehículo: correspondencia da tipoloxía cos parámetros da normativa en relación aos pacientes trasladados. Control da adecuación nunha mostraxe de prescricións de transporte sanitario para tratamentos prolongados mediante constatación directa do estado clínico dos pacientes. Estudo, análise e valoración na comunidade autónoma da situación de entregas económicas por desprazamento. Avaliación e análise das derivacións de pacientes extraprovinciais. Programa especial de inspección, valoración, avaliación e seguimento da situación do gasto, da facturación e da prescrición da prestación ortoprotésica na comunidade autónoma. Finalización do estudo e análise funcional, sanitario económico das próteses cirúrxicas fixas en todos os hospitais, tanto os propios do Sergas como os concertados. Avaliación da carteira de servizos de todos os centros do Sergas tanto de atención primaria como de atención especializada.

5 N o 22 L Mércores, 2 de febreiro de 2005 DIARIO OFICIAL DE GALICIA Estudo e análise da variabilidade clínica dos procedementos máis frecuentes nos hospitais do Servizo Galego de Saúde, nos hospitais fundacións sanitarias e Povisa en nas áreas sanitarias. V. Ámbito da tutela dos dereitos dos usuarios: listas de espera. Programa especial de control, avaliación e auditoría das listas de espera dos hospitais da Comunidade Autónoma de Galicia: -Intervencións cirúrxicas. -Probas diagnósticas e terapéuticas. -Consultas externas. Actuacións que se van levar a cabo en todos os hospitais do Sergas, os hospitais fundacións sanitarias, Povisa, e MEDTEC polo que respecta a probas diagnósticas e terapéuticas. Análise do tempo medio de demora dos pacientes derivados da lista de espera cirúrxica das distintas especialidades aos diferentes centros concertados da comunidade autónoma, desde a súa remisión ata que son intervidos no centro concertado asignado. Inspección e control do cumprimento do disposto a este respecto na circular 25/04 da Secretaría Xeral do Sergas. Vixilancia e control das listas de espera para probas diagnósticas e terapéuticas en centros concertados da comunidade autónoma. Seguimento e análise do tempo medio de espera dos pacientes intervidos en programas de autoconcertación nos centros propios. VI. Ámbito da acreditación sanitaria e da autorización e avaliación de centros sanitarios. Continuar co programa de acreditación sanitaria de centros hospitalarios tanto públicos e concertados como privados na Comunidade Autónoma de Galicia. Realización de auditorías. Continuación das reunións do grupo de traballo xa constituído, para proceder a: -Revisión e proposta dos criterios e estándares do protocolo de acreditación hospitalaria. -A proposta de novos estándares de calidade e a determinación dos criterios e dos mecanismos de acreditación dos centros, servizos e establecementos sanitarios e sociosanitarios, conforme o disposto no artigo 21.14º da LOSGA. - Proposta do desenvolvemento normativo da LOS- GA, respecto aos artigos 10.3º y 14.2º. Realización de inspeccións dos centros sanitarios públicos e privados de reprodución humana asistida. Continuar coa avaliación protocolizada dos servizos asistenciais onde se detecta unha maior problemática, de acordo co contido das reclamacións asistenciais e patrimoniais: servizos de cirurxía xeral e dixestiva, cirurxía plástica e cirurxía maxilofacial; servizos de traumatoloxía e ortopedia; servizos de reumatoloxía; servizos de urxencia, oftalmoloxía, obstetricia e xinecoloxía. Análise e valoración da posibilidade de establecer programas de xestión de riscos sanitarios nos ditos servizos. Finalización da avaliación e estudio sanitario e económico da actividade en RMN e TAC en todos os hospitais do Sergas e en MEDTEC. Inspeccións dos centros sanitarios públicos e privados en materia de extracción e implante de órganos e tecidos. Posta en marcha dun novo programa informático na Consellería de Sanidade de rexistro de centros, servizos e establecementos sanitarios, estudando a súa posible utilización para a tramitación dos expedientes de autorización de centros, servizos e establecementos sanitarios mediante unha aplicación on-line. Protocolización dos procedementos de autorización de centros, servizos e establecementos sanitarios. Coordinación das unidades implicadas. Continuación das reunións do grupo de traballo, xa constituído para a elaboración dos protocolos. Valoración da inclusión nesta temática dos centros, servizos e establecementos sanitarios farmacéuticos. Continuar co estudo da repercusión da normativa básica estatal de recente publicación sobre centros, servizos e establecementos sanitarios, e realizar, se fose o caso, as adaptacións necesarias da normativa da Comunidade Autónoma de Galicia. Así mesmo, en esta temática de autorización de centros, servizos e establecementos sanitarios, continuar coa revisión da normativa sanitaria vixente, con base na experiencia acumulada, con vistas ao seu perfeccionamento, simplificación e homoxeneización dos seus procedementos. Actuacións que procedan para a renovación da autorización sanitaria de todos os hospitais, tanto públicos como privados da comunidade autónoma. Programa de inspeccións de seguimento e control a diferentes centros, servizos e establecementos sanitarios da comunidade autónoma. Subprograma especial de promoción de legalización administrativa de centros, servizos e establecementos sanitarios da comunidade autónoma. Subprogramas especiais de inspeccións e controis a establecementos de óptica e de ortopedia. Continuación dos programas anuais de inspeccións a establecementos balnearios. (Actuación conxunta que se levará a cabo mediante programa de colaboración entre a Inspección de servizos sanitarios e a Inspección de Saúde Pública).