*A vida na idade media: O feudalismo, Os gremios, O comercio, a moeda, os castelos, a cultura cabaleiresca

Transcripción

1 UN PASEO POLA HISTORIA. O MEDIEVO. MARCO XERAL PARA O DESENVOLVEMENTO DO PROXECTO *Xustificación Tras varios anos realizando proxectos documentais integrados promovidos desde a biblioteca, no curso acordouse iniciar un proxecto plurianual con temática histórica, a través do que se faría un percorrido polas diferentes épocas. Este proxecto titulouse Un paseo pola historia. O primeiro ano abordouse a prehistoria, o curso pasado traballamos en torno a Idade Antiga e as primeiras civilizacións e desta vez centrámonos na Idade Media. Varios foron os motivos que nos levaron a optar por un proxecto con temática histórica: Por unha parte, apreciase que é un tema que suscita moito interese entre certos grupos de alumnado pero obsérvanse dificultades na conciencia temporal así como descoñecemento de feitos históricos relevantes ou dificultade para ubicalos e secuencialos. Moitas veces a historia ten un maior peso na Educación Secundaria pero na Educación Primaria queda relegada a un segundo plano, aparecendo en moitos casos os temas de historia ao final do libro de texto e en ocasións non chegan a traballarse ou se fai de xeito superficial. Pensamos que era un eixo que permitía integrar todas as áreas curriculares e facilitar que o proxecto tivese un carácter globalizado e interdisciplinar. Ademais, o estudo da historia ten gran utilidade para a formación integral (intelectual, social y afectiva) dos nenos e nenas: facilita a comprensión do presente, ofrece un marco de referencia para a comprensión de certos problemas sociais e para usar criticamente a información, esperta o interese polo pasado, potencia un sentido de identidade, axuda á comprensión das propias raíces culturais, e contribúe ao coñecemento e comprensión de outros países e culturas do mundo, desde unha visión respectuosa e tolerante. Así mesmo, a bibliografía existente na biblioteca con temática historia era bastante pobre, o que indicaba que este tema fora quedando nun segundo plano e precisaba dun impulso. *Posibles temas a investigar *A vida na idade media: O feudalismo, Os gremios, O comercio, a moeda, os castelos, a cultura cabaleiresca

2 *O cristianismo: As bruxas, a inquisición, as loitas por motivos relixiosos. As Cruzadas. *A idade media en España: os visigodos, a reconquista *A idade media noutros países: Francia: O imperio de Carlomagno, Alemania, Escandinavia e os vikingos, A Inglaterra temperá, Europa Oriental, o Imperio bizantino *Arte: arquitectura, estilos, música medieval, *Literatura: Os trovadores, a poesía épica, as cantigas, *Obxectivos xerais Os obxectivos formulados polo equipo de biblioteca foron: -Coñecer os feitos históricos que marcaron o inicio e o final da Idade Media. -Descubrir as características da sociedade da época medieval. -Saber interpretar unha liña do tempo. -Aprender a respectar as opinións e traballos dos demais. -Coordinarse cos compañeiros para desenvolver un traballo en equipo. -Coñecer a organización da biblioteca. -Desenvolver estratexias de búsqueda de información en diferentes textos e soportes. -Seleccionar información desde un punto de vista crítico. -Preparar exposicións orais e escritas. -Producir diferentes tipos de textos: expositivo, narrativo, atendendo ás características de cada un. -Adquirir gusto pola lectura. *Indicacións para integrar as diferentes áreas no proxecto -Lingua galega e literatura: A través do traballo de lectura e escritura de diferentes tipos de texto, preparación de exposicións orais e tamén estudando a lírica medieval. -Lingua castelá e literatura: Mediante un traballo similar ao indicado para a lingua galega e estudando a poesía épica. -Primeira lingua estranxeira (inglés): Adquirindo vocabulario en inglés relacionado co proxecto. -Matemáticas: Mediante a elaboración de planos de castelos, calculando áreas de espazos dos mesmos, descubrindo a moeda da época medieval, os pagos -Educación física: Con xogos propios da época medieval (malabares, puntería, ) -Ciencias sociais: O propio proxecto ten temática histórica e a través del tamén se traballa a xeografía ubicando lugares, reinos, imperios,

3 -Ciencias da natureza: Coñecendo a situación da ciencia na idade media, descubrindo as propiedades curativas de plantas, -Educación artísitica: escoitando música medieval, observando estilos arquitectónicos, realizando traballos plásticos para ambientación, -Relixión ou valores socias e cívicos: Coñecendo a importancia do cristianismo nesta época, as loitas en nome da relixión, reflexionando sobre o papel da muller na idade media, o feudalismo, as diferencias entre as persoas, inxustizas, *Competencias clave -Competencia en comunicación lingüística: Traballamos esta competencia, por exemplo, en asembleas, cando expresamos o que xa sabemos, formulamos o que queremos saber, transmitimos aos compañeiros as aprendizaxes adquiridas, lemos e elaboramos diferentes tipos de texto, -Competencia matemática e competencias básicas en ciencia e tecnoloxía: Esta competencia estivo presente no proxecto formulando problemas que o alumnado debía resolver empregando o razoamento matemático e o método científico. No deseño e elaboración das maquetas dos castelos tamén se puxo en práctica. Coñecer cómo foi evolucionando a ciencia e o papel que tiña na idade media contribuíu, igualmente, a desenvolvela. -Competencia dixital: Traballamos esta competencia cando buscamos información na rede, a contrastamos, e a empregamos para compartir as aprendizaxes adquiridas. -Aprender a aprender: O propio traballo por proxectos é a mellor maneira de fomentar esta competencia. -Competencias sociais e cívicas: Traballámola organizando actividades por equipos, onde cada un ten a súa responsabilidade, o traballo é compartido, Coñecendo o modo de vida existente na idade media, as inxustizas sociais, e reflexionando sobre as mesmas. -Sentido da iniciativa e espírito emprendedor: Abordamos esta competencia deixando que o alumnado tivese un papel activo no desenvolvemento do proxecto, plantexando metas, retos, e organizándose para acadalos. -Conciencia e expresións culturais: Traballamos esta competencia coñecendo expresión culturais da idade media e creando producións propias inspiradas na mesma.

4 *Criterios de avaliación -Coñece os feitos históricos que marcaron o inicio e o final da Idade Media. -Describe algunha das características da sociedade da época medieval. -Interpreta unha liña do tempo -Coñece algunha característica da vila de Muros que indica que ten unha historia medieval. -É quen de debatir en grupo respectando as quendas de palabra. - Os traballos en grupo teñen calidade. -Produce diferentes tipos de textos respectando as características de cada un - As fontes de información seleccionadas son fiables. -O traballo documental contén información veraz. -Expón o seu traballo ante outras persoas. -Coñece a organización da biblioteca. -Realiza buscas na biblioteca de diferentes tipos de obras.

5

6

7

8

9

10

11

12