Subvencións aos proxectos de cooperación empresarial para o fomento da empresa dixital no. ámbito do Plan Avanza na Comunidade Autónoma de Galicia

Transcripción

1 Subvencións aos proxectos de cooperación empresarial para o fomento da empresa dixital no ámbito do Plan Avanza na Comunidade Autónoma de Galicia (Convocatoria 2010) SECRETARIA XERAL DE MODERNIZACIÓN E INNOVACIÓN TECNOLÓXICA DOGA Resolución do 15 de abril de 2010 MEMORIA TÉCNICA EXPLICATIVA PROGRAMA FOMENTO DA EMPRESA DIXITAL TÍTULO DO PROXECTO ENTIDADE SOLICITANTE REDE SOCIAL ONCOLÓXICA ONCORED.ES FUNDACIÓN CENTRO ONCOLÓXICO DE GALICIA JOSÉ ANTONIO QUIROGA Y PIÑEYRO Esta obra está baixo unha licencia Creative Commons Reconocimiento-NoComercial-SinObraDerivada 3.0 Unported. 1

2 1. BREVE DESCRICIÓN DA EMPRESA SOLICITANTE 1.1. Obxecto social e actividade da empresa A Fundación Centro Oncolóxico Rexional de Galicia José Antonio Quiroga y Piñeyro constituída en escritura pública o 24 de abril de 1987, de acordo cos Estatutos do Patronato do Centro Rexional de Oncoloxía de Galicia, aprobados o 26 de xuño de 1986, é unha Fundación benéfica privada, de interese galego, con personalidade propia e capacidade xurídica plena, cuios obxectivos se centran na loita contra o cancro no Centro Oncolóxico de Galicia, situado no lugar de Eiris, zona sur do municipio de A Coruña, próximo ao Hospital Materno Infantil Santa Teresa Herrera, do Complexo Universitario de A Coruña. Os fins sociais son o desenvolvemento dunha actividade asistencial, docente e investigadora que permite, ademais da formación de especialistas en enfermidades oncolóxicas, o estudio científico de cantas técnicas contribúan a vencer ditas enfermidades. A actividade da fundación é o diagnóstico, o tratamento, a docencia e a investigación en cancro. Para o seu cumprimento conta con facultativos especializados e instalacións de gran nivel técnico, e sobre todo, unha intención humanitaria de entrega e servizo ao enfermo Descrición da estrutura organizativa da empresa A administración, representación e goberno da Fundación Centro Oncolóxico Rexional de Galicia José Antonio Quiroga y Piñeyro corresponde ao Patronato. A continuación, defínese a estrutura organizativa dos órganos de goberno da Fundación: 2

3 Patronato Comité Executivo Presidente. D. José Antonio Quiroga y Piñeyro Vicepresidente. D. Alberto Martínez Martínez Gerente Director Administrativo. D. Fernando Cachafeiro Villaverde Director Médico Administradora Servizos Médicos Xefa Enfermería Seccións Administrativas 3

4 Dentro do Hospital funcionan 8 Comisións Clínico-Técnicas, as cales realizan as súas correspondentes reunións periódicas, co fin de analizar os avances, incidencias, etc. - Comisión de Farmacia e Terapéutica - Comisión de Tratamentos, Tumores, Historias Clínicas e Mortalidade - Comisión de Docencia, Investigación, Ensaios Clínicos e Ética - Comisión para o Control de Infeccións - Comisión para a Xestión da Calidade en Radioterapia - Comité de Control e Garantía de Calidade en Medicina Nuclear - Comité de Garantía e Control de Calidade en Radioterapia - Comisión PET Así mesmo, a organización dos servizos médicos está estruturada nos seguintes departamentos médicos: - Anatomía Patolóxica - Ciruxía Xeral - Farmacia - Xenética e Radiobioloxía - Xinecoloxía - Laboratorio - Medicina Nuclear - Hematoloxía Clínica - Oncoloxía Médica - Oncoloxía Radioterápica - Otorrinolaringoloxía - Radiodiagnóstico - Radiofísica e Protección Radiolóxica Finalmente, a estrutura administrativa está organizada nos seguintes departamentos: - Xefe de Administración - Informática - Contabilidade - Recursos Humanos 4

5 - Facturación - Admisións - Secretaría Xerencia - Secretaría Dirección Médica 1.3. Breve historial da empresa A Fundación Centro Oncolóxico Rexional de Galicia José Antonio Quiroga y Piñeyro nace en 1970, ao ceder o Concello de A Coruña parte das súas instalacións do Hospital Municipal Labaca á Asociación Española contra o Cáncer (AECC), para a atención de pacientes oncolóxicos, denominándose Centro Oncolóxico Rexional (COR). En 1986 tras numerosas melloras en tecnoloxía e recursos humanos, o Concello cede ao COR, a totalidade das instalacións, por un período de 50 anos, e un ano máis tarde constitúese a Fundación Centro Oncolóxico de Galicia José Antonio Quiroga y Piñeyro, como entidade benéficoprivada, autónoma e independente da AEC. Inmediatamente integrase ao Servizo Público de Saúde, mediante un Concerto Singular, baseado exclusivamente na súa actividade asistencial, e a través do cal obtén os recursos económicos necesarios para o seu sostemento e desenvolvemento. Dende o seu nacemento, a evolución é constante, baseada no esforzo do persoal e na modernización do seu equipamento, ata ser hoxe un dos pilares do estudo e tratamento dos enfermos oncolóxicos en Galicia. 2. CONCEPCIÓN DO PROXECTO 2.1. Obxecto e ámbito de aplicación O obxectivo do proxecto está na implantación e difusión dunha Rede Social Temática Oncolóxica e Profesional dirixida a enfermos oncolóxicos. Intervir nunha rede social deste tipo comeza por atopar nela outros con quen compartir os seus intereses, preocupacións ou necesidades, por tanto esta ferramenta da Web 2.0 pretende facilitar a interacción e comunicación entre os enfermos de cancro do Centro Oncolóxico Rexional de Galicia e demais axentes relacionados, de modo que eles mesmos planten dúbidas e atopen respostas, ademais de axudar a outros na súa mesma situación a 5

6 partir da experiencia propia. As Redes Sociais son ferramentas tecnolóxicas web de interacción social, definidas como un intercambio dinámico entre persoas, grupos e institucións en contextos de complexidade. Un sistema aberto e en construción permanente que involucra a conxuntos que se identifican nas mesmas necesidades e problemáticas e que se organizan para potenciar os seus recursos; tratase non só de ser de consumidor de recursos, senón tamén de ser xerador dos mesmos. A Rede Social Oncolóxica Oncored.es está dirixida a tódolos enfermos do Centro Oncolóxico Rexional de Galicia. Nunha primeira versión, os usuarios da rede e os primeiros contidos van dirixidos a pacientes xa diagnosticados, que se atopan en fase de recuperación, isto é persoas que están superando o cancro e agora requiren de necesidades afectivas e tratamentos diferentes aos dos enfermos recen diagnosticados. Así pois, este tipo de pacientes demandan cada vez máis atención psicolóxica xa que hai que tratar non só o tumor, senón á persoa de modo global, para reintegrala na sociedade. O obxectivo, unha vez comprobada a eficacia e bo funcionamento, é estendela a tódolos enfermos oncolóxicos e estudar a súa viabilidade para outro tipo de enfermos e ámbitos sanitarios. Nun futuro, tamén é previsible a creación de contidos dixitais específicos de atención aos enfermos dirixido a familiares e, especialmente, a aqueles que exerzan de cuidadores, con indicacións prácticas sobre como tratar ao enfermo, física e psicoloxicamente Xustificación da necesidade do proxecto A necesidade da implantación dunha rede social vinculada, inicialmente, a persoas que superaron un cancro, nace da necesidade identificada por este tipo de enfermos, as cales demandan un espazo web que lles permita interactuar as 24 horas os 7 días da semana, en función das súas necesidades, de tal modo que se sintan apoiados permanentemente. A Rede Social Oncolóxica Oncored.es nace, pois, da necesidade de crear unha rede de contactos e coñecemento entre os actores activos desta comunidade (enfermos, familiares, amigos, médicos, etc.), de tal xeito que, os axentes principais desta rede, os enfermos, atopen alí outros con quen 6

7 compartir os seus intereses, preocupacións, ou necesidades. En primeira instancia, aínda que non sucedera máis que iso, isto significa moito posto que rompe o illamento que soen sufrir a gran maioría destas persoas, o cal, normalmente, soe manifestarse en retraemento. Non é ningunha novidade que os pacientes consultan cada vez con maior frecuencia ao doutor google, co fin de acadar información, onde proliferan blogs, wikis,.. Polo tanto, mediante este proxecto pretendese satisfacer esta necesidade de información e intercambio e interactuación con outros na mesma situación, de modo ordenado e con información veraz e contrastada, nun espazo de interacción, onde pacientes, familiares e cuidadores, profesionais sanitarios, asociacións, voluntarios e hospitais poderán inscribirse na rede, na cal poderán compartir experiencias, preguntar e responder dúbidas, crear asociacións ou, mesmo, recibir asesoramento médico ou asistir, dende a casa, a unha conferencia online dun experto. E é aquí onde o Centro Oncolóxico de Galicia xoga un papel activo na Web 2.0: unindo aos diferentes actores da saúde nunha Rede Social Temática Segura relacionada coa Oncoloxía. A nivel profesional si existen varias redes sociais no sector da oncoloxía, pero especificamente deseñadas e abertas a profesionais do sector, como por exemplo, o portal de encontro e nexo entre a comunidade psicooncolóxica para profesionais e institucións relacionadas, En España, existen diversos portais de oncoloxía con información para pacientes e profesionais, como por exemplo, As redes sociais de saúde dirixidas a enfermos non están estendidas en España, si en cambio o están fóra das fronteiras nacionais, como é o caso da rede I2Y.com (I m too young for this), que ten 1,5 millóns de visitantes ao ano, e está centrada en prestar axuda aos xoves que se lles diagnóstica esta enfermidade, así como na detección precoz da mesma. Tamén destaca nesta mesma liña a rede Patients like me, 7

8 2.3. Calendario de execución e Planificación CRONOGRAMA DE ACTUACIÓNS DO PROXECTO ANO 2010 MESES FASES Coordinación Técnica e Formación 2. Dotación de equipos da rede de datos interna 2. Deseño e Posta en marcha da Rede Social Oncolóxica Oncored.es FASE 1. COORDINACIÓN TÉCNICA DO PROXECTO. Ao longo do proxecto levarase a cabo as tarefas de coordinación técnica entre as xefaturas de proxecto do centro oncolóxico, colaboracións externas e o socio tecnolóxico e os equipos de traballo respectivos, co fin de garantir os esquemas do plans de traballo e garantir a eficacia e calidade dos traballos de implantación da rede, en tempo e forma. Estas tarefas dan comezo a inicio do ano 2010, cando se pon en marcha este proxecto, e remata coa finalización do mesmo, en outubro de A coordinación do proxecto supón o establecemento de reunións técnicas de definición do proxecto e das súas especificacións técnicas, toma de decisións en canto á renovación e modernización da infraestrutura base para o soporte da rede social, etc. Ademais, dentro destas actuacións de coordinación entra a contratación de servizos externos para a definición, control, seguimento e verificación da implantación do proxecto, coa definición de resultados finais. Para levar a cabo esta tarefa de control e seguimento da implantación do proxecto, xunto coa definición e verificación da súa execución, acordase a contratación do servizo de consultoría da mercantil Acio IT Consulting S.L.. Esta consultora ten a encomenda de servir de conexión entre o socio tecnolóxico e o centro oncolóxico, en primeiro lugar, coa finalidade de definir o proxecto (accións, tempos, implicacións económicas, etc.) e en segundo lugar, coa organización das tarefas de seguimento e verificación dos traballos executados, de tal modo que ao longo de tódalas fases do 8

9 proxecto, se proceda a un proceso de avaliación co fin de detectar posibles desviacións reais respecto dos obxectivos inicialmente establecidos. Este proceso de avaliación establecese como complementario do seguimento dos indicadores do proxecto, en pro de determinar o grado de eficiencia e eficacia na realización do proxecto. Por outra banda, dentro desta fase tamén se engloban as actuacións de formación e elaboración de documentación dirixidas a facilitar a inmersión dos axentes implicados no funcionamento da rede. Existen dos niveis de formación e por tanto, de definición de documentación, isto é a formación técnica dirixida aos profesionais informáticos do centro para que coñezan as especificacións técnicas, funcionamento, etc. da mesma; e a formación funcional dirixida aos grupos de interese da rede, isto é os traballadores do centro. Do total de traballadores do centro, 180 en total, esta formación está dirixida aproximadamente á metade dos mesmos, en total 90 persoas, que serán axentes activos da rede social, isto inicialmente, dado que se prevé que a rede creza coas aportacións dos pacientes. FASE 2. DOTACIÓN DE EQUIPOS DA REDE DE DATOS INTERNA Para dar soporte á Rede Social Oncored.es é necesario revisar o equipamento da rede de datos e infraestrutura que posúe o centro, para establecer bases tecnolóxicas seguras e con capacidade para albergar unha aplicación web como a rede social. Esta fase executase durante os primeiros meses do ano, con anterioridade á posta en marcha da rede, así pois comezase en xaneiro de 2010 e remata en abril do mesmo ano. O Centro Oncolóxico Rexional de Galicia manexa datos persoais de profesionais e enfermos moi delicados, polo que necesita estender unha rede de datos interna totalmente segura. En base a isto, dende comezos de ano 2010, e con vistas a albergar unha rede social nos seus servidores, o centro pon en marcha un plan de dotación de equipos da rede de datos, que converta esta rede interna de datos nunha rede fiable, segura, e con capacidade para soportar a nova aplicación web. Esta renovación de equipos de rede pasa pola adquisición e instalación dun sistema de alimentación ininterrompida (SAI), unha cabina de almacenamento, e diversos switch. Para a mellora do sistema de comunicacións, e para garantir o acceso nas mellores condicións tanto 9

10 aos médicos como a os pacientes, preparase a instalación dunha solución de conexión inalámbrica WiFi, co modelo de seguridade máximo dada a delicadeza de datos que se manexan nas bases de datos da fundación oncolóxica. Esta solución WiFi contempla a instalación de 3 redes de seguridade: - WLAN1. Rede para os enfermos e público autorizado do complexo hospitalario - WLAN2. Rede para telefonía inalámbrica privada do complexo hospitalario - WLAN3. Rede de datos privados do complexo hospitalario FASE 3. DESEÑO E POSTA EN MARCHA DA REDE SOCIAL ONCOLÓXICA ONCORED. ES. Esta é a fase central do proxecto e o obxectivo do mesmo, para o cal se adiantan as fases anteriores co fin de garantir a correcta posta en marcha da rede. A duración desta fase é de 10 meses, dende xaneiro ata outubro de Nesta fase entra a execución da rede social, mediante a colaboración do centro oncolóxico co socio tecnolóxico, a empresa Pexego Sistemas Informáticos S.L. Esta empresa é contratada para o deseño e implantación da aplicación da rede social a disposición do Centro Oncolóxico Rexional de Galicia Descrición da interface cos usuarios e deseño multilingüe O principal obxectivo da interface co usuario é que o usuario poda comunicarse a través dela con algún tipo de dispositivo, e unha vez acadado isto, o segundo obxectivo que se persegue no proxecto é que dita comunicación se poda desenvolver da forma máis fácil e cómoda posible para o usuario, de modo que a organización e xestión sexa de modo atractiva, útil e eficiente para poder xestionar a cantidade inxente de información online. O interface desenrolado está baseado en redes sociais, tipo facebook, xing, linkeding, primando o deseño gráfico para incrementar a accesibilidade e usabilidade do mesmo. En canto á xestión de contidos da rede, adaptáranse de contidos tipo wysing para facilitar a incorporación de contidos con formato (sobre todo para administradores) e formularios de uso sinxelo e amigable para a introdución de información básica na propia rede. 10

11 Na mesma rede social, existe unha personalización da pantalla inicial, ao estilo de i-google, mediante widgets dinámicos (movibles para o usuario); un entorno personalizable e configurable, a medida do usuario, mostrando por exemplo lista de meus contactos, lista de últimos usuarios agregados á rede, etc. Finalmente, en canto ao deseño multilingüe, o proxecto está deseñado para a súa posta en marcha en dúas versións lingüísticas, galega e castelán, dada a disparidade de usuarios que pode albergar a rede, de modo que se garante o acceso dos usuarios. Así mesmo, para tódolos vocablos estatísticos (como menús, mensaxes, etc.) pódese albergar a posibilidade de habilitar a internacionalización Comparativa entre a situación actual e a prevista O día a día dun enfermo de cancro está rodeado de incertidume, medo, e incompresión ante o que está a suceder, con preguntas para as que non atopa resposta. O enfermo de cancro é unha persoa que ten unhas necesidades físicas e emocionais intensas provocadas pola enfermidade, e que necesita un entorno familiar, social e médico moi específico. En base isto, e para complementar a atención específica recibida, a Rede Social convertese nun tratamento de atención integral para o enfermo. Esta atención integral supón unha ferramenta tecnolóxica que realiza unha atención axeitada das necesidades físicas, psicolóxicas, sociais e espirituais que presenta o enfermo e a familia, axuda á familia facilitándolle os recursos que necesitan para que o entorno social e familiar sexa o mellor para a súa situación, e respeta ao enfermo e a súa familia, proporcionando as pautas máis axeitadas e acordes para a súa forma de vida. Os enfermos oncolóxicos dependentes do Centro Oncolóxico Rexional de Galicia poderán usar unha Rede Social Temática segura en Internet para relacionarse e interactuar con outros enfermos. Pretendese, pois, acercar o servizo sanitario ao enfermo mediante a rede e fomentar a súa participación, o cal permitirá ao facultativo realizar un seguimento e mellorar a atención que lle presta a través da tecnoloxía. E é que nesta rede social, é o enfermo quen pode acceder a información específica relacionada coa 11

12 súa enfermidade e tratamentos tamén ao seu historial de consultas mediante un acceso seguro a través do DNI electrónico-, ou xestionar un diario de síntomas que vai sufrindo. Pode facer consultas virtuais ao seu médico sen necesidade de acudir a consulta e asistir a videoconferencias de interese ou, mesmo, dispoñer dun servizo recordatorio vía sms para tomarse a medicación ou anunciarlle vindeiras consultas. Así mesmo, atopa toda a información acerca dos tratamentos que está recibindo e dos efectos secundarios; por tanto, unhas das vantaxes máis destacadas desta iniciativa está o contacto permanente con servizos médicos, de tal modo que o enfermo ten as respostas que necesite de modo accesible grazas a comunicación co equipo médico dende o seu ordenador. O facultativo poderá dispor dunha pizarra dixital na que pode realizar ilustracións ou siluetas que sirvan de base explicativa ao enfermo, en canto a determinados procedementos que este pode ver na súa pantalla. Dende o lado de comunicación do enfermo, o feito de que este poda escribir na web os seus síntomas advertirá ao equipo médico de se ocorre algo inusual en tempo real, o que reduce os tempos de reacción. Ademais esta rede social electrónica está aberta á comunidade de pacientes, familiares, asociacións e profesionais da oncoloxía e hospitais. O obxectivo desta ferramenta é proporcionar unha comunicación e interacción entre tódolos axentes relacionados con esta patoloxía, de modo que eles mesmos planten dúbidas e atopen respostas. Os beneficios derivados da posta en marcha dista aplicación web, da que o eixe central é o enfermo, está en que o sector da oncoloxía asuma os cambios xurdidos na relación médico-doente, e avance cara unha mellora en obxectivos de supervivencia, control de síntomas e calidade de vida do enfermo Experiencia ou coñecemento anterior dos promotores tecnolóxicos seleccionados A comezos do ano 2010, a empresa Acio IT Consulting, consultora especializada no segmento tecnolóxico e estratéxico, entra en contacto co Centro Oncolóxico Rexional de Galicia, a través do Presidente do Colexio Oficial de Médicos da provincia de A Coruña e director da unidade de HADO (Hospitalización A Domicilio do Hospital Juan Canalejo) de A Coruña, D. Luciano Vidán Martínez. A partir deste primeiro contacto, dende Acio obtéñense conclusións específicas sobre as 12

13 necesidades manifestadas polos enfermos de cancro, e presentase á dirección do Centro diferentes ideas de proxecto conexas para dar solucións a estas necesidades. Estas solucións pasan pola aposta do centro pola incursión nas novas tecnoloxías e no desenvolvemento de aplicacións web, como ferramentas de interacción que permitan aos enfermos reducir o seu illamento social e mellorar a súa atención psicolóxica e física, ademais de atopar un recuncho no cal dar resposta a todas esas preguntas que, en ocasións, teñen difícil resposta, e todo isto con un contacto permanente con médicos e outros enfermos. Así, entra Acio IT Consulting a formar parte deste proxecto, dado que en colaboración co Centro Oncolóxico Rexional de Galicia definen a solución para dar cobertura ás necesidades descritas polos enfermos. Esta solución para ambas partes parte da creación da Rede Social Oncolóxica como ferramenta de Web 2.0 idónea para centrar todas os problemas e respostas presentes durante unha enfermidade deste tipo. A partir do establecemento desta relación de consultoría é necesario establecer o contacto con un socio tecnolóxico con capacidade e solvencia técnica para o desenvolvemento dunha aplicación, deseñada e adaptada para os fins específicos definidos polo centro oncolóxico, co asesoramento da consultora Acio IT Consulting S.L. En base a isto, requírese da colaboración da empresa Pexego Sistemas Informáticos S.L., empresa líder do sector tecnolóxico e de recoñecida experiencia e solvencia Confidencialidade. O Centro Oncolóxico Rexional de Galicia esixe ao socio tecnolóxico, Pexego Sistemas Informáticos S.L e demais provedores, que toda a información aportada no transcurso dos traballados executados teñen carácter confidencial e non será utilizada, cedida ou reproducida sen o consentimento previo do Centro Oncolóxico Rexional de Galicia. 13

14 3. DESCRICIÓN DOS MEDIOS E CAPACIDADES QUE SE VAN A EMPREGAR 3.1. Partidas de gastos e desagregación. Medios propios dispoñibles. O importe total do proxecto ascende a ,00 euros (setenta e un mil cincocentos vinte e dous euros). Do total presupostado, a porcentaxe solicitada como cofinanciamento do proxecto á Secretaría Xeral de Modernización é de 80%, isto é, a cantidade de ,60 euros (cincuenta e sete mil douscentos dezasete con sesenta euros) Recursos humanos Dende o Departamento de Informática do Centro Oncolóxico Rexional de Galicia estase a levar a cabo unha importante tarefa de modernización tecnolóxica, non só a nivel de equipamento informático e mellora dos sistemas de comunicacións, senón tamén mediante a implantación de servizos de e-administración, que facilitan a mellora e calidade da xestión administrativa. Este departamento está formado por un xefe de sección e catro licenciados en informática. A nivel de sistema de comunicacións, durante o ano 2008 realizouse unha considerable ampliación, coa instalación de 3 conmutadores que permiten conectar en rede a 72 equipos, mellorando e incrementando os puntos de conexión. Esta ampliación, así como o acondicionamento de varias salas, supón a extensión de cableado de comunicacións, chegando a estancias como salón de actos, facturación, radiodiagnóstico, radiofísica, CPD, etc. O uso de conmutadores avanzados (con soporte para redes virtuais VLAN) permite garantir a posibilidade de modificar a ubicación dos equipos máis importantes sen que iso afecte á organización lóxica da rede, que inflúe na capacidade de acceso a recursos informáticos. Tamén se puxo en marcha un Sistema de Conexión Remota Extrahospitalario, para os provedores que necesitan acceder aos seus sistemas (Grifols en Farmacia, Roche en Laboratorio, etc. ) sendo sempre o acceso controlado, con petición previa e posterior autorización por parte do centro. En canto a administración electrónica, o Centro conta con programa MAR para a xestión electrónica da historia clínica. Nesta liña tamén se pon en marcha a dixitalización do arquivo de follas de tratamento de Oncoloxía Radioterápica e iniciase a modificación da aplicación, para que nun futuro dita información só estea dispoñible a nivel de documento electrónico. Outro servizo importante 14

15 implantado é a xestión documental, para a xestión de documentos clínicos dos pacientes derivados dende o Complexo Hospitalario Universitario de A Coruña. A coordinación do proxecto dende o Centro Oncolóxico depende da Unidade de Oncoloxía Médica e do Departamento de Informática do centro. De cada unha destas áreas é asignado un profesional para a xestión do proxecto e a coordinación co socio tecnolóxico; así, asignase 1 oncólogo médico e 1 técnico informático, respectivamente. Unidade de Oncoloxía Médica, Oncólogo Médico. Esta é a persoa encargada de coordinar os contidos e a estrutura da rede social, dando coherencia e veracidade á información proporcionada na rede. Ademais debe encargarse de dar contidos a determinadas especificacións da aplicación, como é: - Comunidades Temáticas, coa identificación de áreas de interese e necesidades, que derivarán en diversas comunidades nos que se invitará aos usuarios a participar. - Repositorio de Información de Unidades de Oncoloxía, onde debe identificar e mostrar información relevante de ditas unidades, as súas especialidades, persoas de contacto, etc. - Biblioteca, para a cal debe aglutinar información sobre o cancro e os seus tratamentos, prevención e causas, detección precoz e exames, estudios clínicos; documentación sobre distintas tipoloxías de cancro, e documentación de apio ao enfermo, ao cuidador e familia. Tamén guías para pacientes, cuidadores e familia, e un repositorio de documetos tipo e - E unha das especificacións de maior impacto da rede é a de Seguimento Médico, ferramenta que permite mellorar a comunicación entre o médico e o paciente. O enfermo atopará información persoal sobre o seu tratamento e poderá facer consultas ao médico online; para resolver dúbidas sen ter que acudir a consulta; ou mesmo revisar o seu historial clínico telemáticamente. Departamento de Informática, Técnico Informático. Pola súa parte o informático ten a encomenda de traballar na coordinación da implantación da rede social no centro; verificando que se adaptan tódolos requisitos técnicos necesarios para dar soporte 15

16 á rede social. Ademais debe traballar no documento de requisitos, en colaboración coa consultora Acio IT Consulting S.L, sobre as especificacións técnicas a desenvolver coa aplicación, ademais de controlar as políticas de seguridade e de protección de datos, segundo as normativas vixentes, e a coordinación das comunidades creadas na rede Dimensión do proxecto fronte ao volume da empresa: gastos e persoal dedicado ao proxecto fronte á facturación anual e persoal total do solicitante O Centro Oncolóxico Rexional de Galicia alcanzou unha facturación anual, no ano 2009, que rodea os 12 millóns de euros; e conta con un total de 180 persoas traballando na súa sede nas diferentes unidades médicas e departamentos de administración e xestión, así como cociña, mantemento, etc. Do total de 180 traballadores do centro, serán asignados ao proxecto un total de 2 persoas, 1 técnico informático e 1 oncólogo médico, os cales apoiarán a xestión de desenvolvemento e implantación da rede social, mediante un traballo de coordinación técnica co socio tecnolóxico e demais provedores do proxecto. Tanto o persoal médico como o informático traballan durante os 10 de meses de execución do proxecto, en función das seguintes porcentaxes de asignación: - Técnico informático. Imputación 30% ao proxecto - Oncólogo médico. Imputación 30% ao proxecto 4. NORMALIZACIÓN NA EXECUCIÓN E NO CONTROL 4.1. Metodoloxías do proxecto Para levar a cabo a correcta execución do proxecto defínese un plan de traballo de execución e control co seguinte planeamento metodolóxico. Este plan de traballo está definido conxuntamente polo Centro Oncolóxico Rexional de Galicia e o socio tecnolóxico; así a metodoloxía aplicada está baseada nunha estrutura organizativa e nas relacións entre os diferentes equipos que conforman dita estrutura e que son os que realizan tódalas tarefas necesarias para a súa consecución. 16

17 Comité de Seguimento Xefatura Proxecto Centro Oncolóxico Xefatura Proxecto Socio Tecnolóxico Equipos de Traballo COMITÉ DE SEGUIMENTO O Comité de Seguimento é o máximo órgano reitor do proxecto, e está integrado por responsables tanto do Centro Oncolóxico como do provedor. As súas competencias son as seguintes: - Aprobar o plan de traballo xeral a medio e curto prazo. - Aprobar as modificacións de alcance. - Supervisar a marcha dos traballos. - Tomar as medidas necesarias para a corrección de posibles desvíos. - Velar pola correcta execución dos traballos no seu conxunto. XEFATURA DE PROXECTO DO CENTRO ONCOLÓXICO REXIONAL DE GALICIA Persoal do centro que asume a responsabilidade directa da execución do proxecto, sendo o máximo directivo do mesmo. Entre outras cousas, as súas competencias son: - Identificar claramente as funcións e as responsabilidades de cada membro do equipo. - Aprobar a asignación, e en que porcentaxe do seu tempo, as persoas que forman o equipo do proxecto. - Seguimento de tempos do proxecto. 17

18 - Supervisará a validación dos resultados parciais, de acordo aos criterios de finalización establecidos para cada tarefa do proxecto. XEFATURA DE PROXECTO DO SOCIO TECNOLÓXICO Persoa que asume a responsabilidade directa do proxecto. As súas competencias son: - Realizar o seguimento e control periódico das tarefas e a súa planificación. - Coordinación dos grupos de traballo en relación coa xefatura de proxecto do centro. - Garantir que a solución sexa a adecuada aos requisitos manifestados polo centro. - Confección dos procedementos de revisión dos distintos fitos. - Emisión de informes a petición do Centro Oncolóxico. O socio tecnolóxico utiliza no desenvolvemento/implementación das ferramentas de software a norma de calidade de software CMMI de nivel 2 e respeta as normas de seguridade da información, tal e como obriga a norma En canto á coordinación do proxecto e para unha correcta evolución do mesmo acordase unha metodoloxía áxil de xestión baseado en Scrum, metodoloxía de desenvolvemento áxil baseada en procesos iterativos e incrementais, polo que se aposta por non perder inicialmente demasiado tempo na definición de requisitos e así, ilos pulindo ao longo do ciclo de vida do proxecto mediante iteracións cortas. A partir de aquí, realízase a primeira reunión para a planificación do primeiro sprint (a primeira iteración), na cal se crea unha lista de tarefas (sprint backlog) coa asignación de persoas e unha estimación de tempo e recursos. Adicionalmente establecerase o obxectivo do sprint (necesidade do proxecto a cubrir). 18

19 O sprint (iteración) da como resultado unha primeira versión parcial do produto. Ao longo da duración deste primeiro sprint realízanse reunións onde cada compoñente do equipo da resposta os seguintes aspectos. - Traballo realizado dende a reunión de seguimento anterior. - Traballo a realizar ata a vindeira reunión. - Limitacións reais ou potenciais que podan impedir a execución do traballo. Ao finalizar o sprint realízase unha revisión, onde se avalía o mesmo e se presentan os resultados obtidos. Desta forma conclúe o primeiro sprint e dáse paso a unha nova iteración, volvendo a efectuar unha reunión de planificación do novo sprint. Reunións. Planificación do Sprint As reunións teñen carácter periódico, as cales asisten as xefaturas de proxecto do socio tecnolóxico e do centro oncolóxico, ademais dos equipos de traballo. Nunha primeira parte (máximo 4 horas), o socio tecnolóxico presenta un informe co fin de que se coñezan os detalles do produto, e unha proposta de elementos a desenvolver para o seguinte sprint. O equipo de traballo participa indicando dúbidas e replanteando funcionalidades. O obxectivo é acadar o máximo grado de implicación e a xeración de valor multidisciplinar para acabar escollendo os elementos do produto que finalmente se desenvolverán no sprint. Nunha segunda parte, desglosanse as tarefas necesarias para o desenvolvemento dos elementos seleccionados. Tendo en conta os coñecementos e intereses, cada membro do equipo autoasignanse as tarefas das que se compromete a ser responsable. Como conclusión da reunión obtense a data da reunión de revisión Descrición detallada da documentación xerada durante o proxecto (análises, actas, revisións, probas, manuais, etc.). 19

20 Para a coordinación do proxecto dende un punto de vista técnico, administrativo e estratéxico ao obxecto de acadar aos resultados esperados nos prazos previstos e de acordo aos recursos presupostados, establécense as estruturas de coordinación e xestión antes definidas. En función destas estruturas de coordinación e xestión implantadas e das fases descritas no proxecto, xerase unha serie de documentación técnica e administrativa relevante para a execución e control do proxecto. En canto á coordinación técnica do proxecto buscase a presentación e aprobación da actividade e do plan de traballo, así como a celebración de reunións de coordinación e control de proxecto periódicas. Como documentación xerada durante esta tarefa está: - Plan de traballo inicial - Informes de seguimento/progreso periódicas - Actas de reunións de coordinación En canto á fase de consultoría e formación, porase a disposición do centro a seguinte documentación: - Plan de formación - Informe administrativo sobre o progreso de actuacións - Informe de avaliación e control de planificación estratéxica Os resultados desta fase céntranse na correcta e rigorosa xestión do plan de traballo, mantendo puntualmente informado ás xefaturas de proxecto, e o seguimento e avaliación dos procedementos de traballo definidos coa identificación de posibles incidencias e/ou non conformidades respecto das metodoloxías e prazos establecidos. En canto á fase técnica, de desenvolvemento e implantación da rede Oncored.es, os resultados céntranse en acometer as actuacións vinculadas ao plan de traballo inicial. A documentación xerada durante esta fase de deseño e implantación da rede social é: - Manual de usuario - Manual de instalación - Manual de administración 20

21 4.3. Aplicacións informáticas implantadas no solicitante para a execución e control continuo do proxecto Non procede 4.4. Facilidades para que o órgano xestor acceda pola internet ás aplicacións informáticas creadas Como o produto desenrolado está baseado nunha plataforma online, facilitarase ao órgano xestor unha URL ou dirección de entrada, mediante un navegador web, á visualización, e mediante un usuario e contrasinal, que tamén lle serán facilitados, a entrada no sistema online, para a comprobación do funcionamento de tódalas súas características. 5. VISIBILIDADE PÚBLICA DO SOLICITANTE 5.1. Web do solicitante con dominio propio, información legal (LSSI) e política de privacidade (LOPD) Mediante a web a Fundación Centro Oncolóxico Rexional de Galicia José Antonio Quiroga y Piñeyro pon a disposición dos usuarios toda a información sobre a súa actividade, con todo tipo de actuacións, publicacións e información sobra a enfermidade, así como servizos e persoal médico, e contactos. Ademais conta con unha intranet de acceso seguro, no sitio a que só se pode acceder con nome de usuario e contrasinal. Actualmente, ten definida a política de protección de datos, de acordo coa Lei Orgánica 15/1999 de 13 de decembro de Protección de Datos de Carácter Persoal, e segundo esixe dita normativa, o Centro Oncolóxico Rexional de Galicia ten implantado o maior nivel de seguridade, dado o tipo de datos que manexan. Por outro lado, o centro cumpre coas obrigacións impostas pola Lei de Servizos da Sociedade da Información e do Comercio Electrónico 34/2002, de 11 de xullo (LSSI) Calidade e solvencia recoñecidas En febreiro de 2008, o Centro Oncolóxico Rexional de Galicia recibe confirmación de AENOR, entidade de normalización e certificación, da obtención da certificación ISO nos Servizos 21

22 de Oncoloxía Radioterápica e Farmacia. O 20 de maio de 2008, no Centro Oncolóxico de Galicia, asínase o Convenio entre a Consellería de Sanidade, o SERGAS, o Concello de A Coruña e a Fundación Centro Oncolóxico de Galicia José Antonio Quiroga y Piñeyro, para promover a constitución do Consorcio Oncolóxico de Galicia, co obxectivo da prestación da asistencia sanitaria especializada en materia oncolóxica ao servizo dos cidadáns. O 11 de xullo do mesmo ano, publícase no DOGA, o Decreto 1 41/2008 de 19 de xuño, polo que se constitúe e regula a composición e as funcións do Consorcio Oncolóxico de Galicia, no cal a Fundación, como entidade consorciada, contribúe ao consorcio coa totalidade da capacidade asistencial do centro oncolóxico, hospital que se utilizará para a prestación da atención sanitaria especializada Uso da factura electrónica O Centro Oncolóxico Rexional de Galicia non ten implantado o sistema de facturación electrónica dado que o 90% da súa facturación anual realízase ao Servizo Galego de Saúde SERGAS, dependente da Consellería de Sanidade da Xunta de Galicia, o cal non ten implantado a aplicación de facturación electrónica. 6. EMPREGO E RESULTADOS DE CÓDIGO LIBRE E DE SOFTWARE DE FONTES ABERTAS (FLOSS) 6.1. Identificación e relevancia no uso de ferramentas FLOSS para a execución do proxecto Para o desenvolvemento do proxecto utilizaranse ferramentas FLOSS; estas ferramentas son (aínda que durante o proceso de análise e definición de requisitos é moi probable que se incorporen outro tipo de aplicacións, eso sí, sempre libres): Zero14 ou ben djangocms: para a xestión de contidos (CMS) Open Source. Framework de desenvolvemento web django. 22

23 Django: framework de desenvolvemento. Versión 1.2 Python: Version 2.5 mod_python: Apache Python module. Version 3.x Apache: free web server which has a Python module. Version 2.2.x psycopg2: A Python adapter to connect to PostgreSQL databases. Version 2.x Socialize: A desenvolver. Será unha ferramenta de xestión básica de redes sociais sobre o framework de desenvolvemento web django. PyCha: Librería para xestionar a creación de gráficas. (con PyCairo e algunha outra dependencia para poder usar PyCha) Xapian e djapian (para os índices) PostgreSql para a bases de datos 6.2. Desenvolvemento e xeración de resultados en FLOSS así como en estándares abertos, con identificación inequívoca dos resultados e as licenzas ás que quedarán suxeitos os ditos resultados Véxase Memoria Socio Tecnolóxico Pexego Sistemas Informáticos S.L Identificación da publicación de resultados (informes, manuais, códigos, aplicacións, etc.) na web do solicitante ou repositorios públicos do FLOSS Realizarase unha publicación dos resultados a nivel de código fundamentalmente a través da web do solicitante e dalgunha das partes de desenvolvemento nunha web aparte (web proxecto), cuxa URL será facilitada no informe ulterior de xustificación. En canto á publicación do código estímase a súa publicación en un ou varios repositorios, que se determinarán ao final do proxecto como launchpad, sourceforge, mancomun.org, forja de rediris, forja de Morfeo ou incluso, na googlecode. 23