Checkeo si / no. Ta ken no a yega di haci un checkeo medico general? Tin di nos cu ta HEADLINES. pulso. 8Podoterapia

Transcripción

1 8Podoterapia pulso Aruba, december Edicion 34 HEADLINES 2 Prevencion di malesa di riñon ta cuminsa cerca mucha 3Puro benificio y satisfaccion Fundacion Telefon pa Hubentud Aruba 5 4 Busca bo anticonceptivo 6 Benta di remedi Hende Muhe y Diabetes 7Inspeccion di 10 Salud riba Facebook: Un problema pa seguridad di remedi Publico (IVA) Checkeo si / no Ta ken no a yega di haci un checkeo medico general? Tin di nos cu ta pensa cu parti di un estilo di saludabel ta pa controla cu tur cos ta marchando bon cu nos curpa. Nos kier haya sa si nos presion di sanger ta bon, cu nos tin suco of no of simplemente cu tur cos ta na ordo. Tin ta haci esaki via di test di urina, otro ta laga saca sanger. Pero kico tin di berdad tras di tur e testnan aki? Un bishita cerca Fundacion Telefon Pa Hubentud ta mustra nos e balor di e fundacion aki pa nos hobennan, pa nos mayornan y educadornan. Haya sa tocante e benificio y satisfaccion di trabou boluntario. Busca prevencion di malesa di riñon pa medio di conscientisacion di bo yiu for di chikito y si ainda bo tin tempo pa sigui lesa...keda cerca nos paso Pulso edicion 34 tin un sin fin di topico pa conta bo. Salud! 12 Kico ta Lean, 14 Purple Ata ki mi boca: anomalia di boca drank of Syrup?

2 2 3 Puro benificio y satisfaccion Prevencion di malesa di riñon ta cuminsa cerca mucha door di Kidneys297 Preveni cu un estilo di bida saludabel Malesa di riñon ta afecta miyones di mucha y adulto rond di mundo. P esey educacion, deteccion tempran y un estilo di bida saludabel cerca mucha ta crucial desde e nacemento. Mayornan ta hunga e rol mas importante kinan pa asina percura pa un salud optimal cerca e mucha evitando complicacionan den mayoria di e casonan di malesa di riñon hibando un estilo di bida saludabel. Prevencion desde embaraso Diferente malesa por conduci na e daño di e riñonan pa locual mester busca manera pa preveni esaki desde e embarazo. Prevencion di malesa di rinon ta cuminsa hasta di prome cu e concepcion cu un alimentacion y tratamento di acido folico adecua cerca e mama (asina reduciendo e frecuencia di malformacion). Durante e embaraso e alimentacion y estilo di bida di e mama tin efecto grandi riba e salud y peso corporal di e baby aun segun e sigui crece y te na edad adulto. Riesgo di malesa di riñon E riesgo di malesa di riñon ta incrementa hunto cu e peso y vet corporal halto. Su desaroyo mas comun ta relaciona cu malesa cronico manera diabetes y presion halto. Ta conoci cu e cifranan di obesidad y malesanan cronico cerca mucha y hoben ta aumentando mundialmente. Nos riñonan ta actua extrayendo producto no deseabel di e organismo. E fayo den su funcion ta hiba un acumulacion di e productonan no desea y asina hunto cune un efecto desfaborabel pa e salud y e crecemento di e mucha. E preservacion di e funcion di e riñonan ta un aspecto importante pa logra e salud integral di e mucha y pa alcanza un crecemento y desaroyo adecuado. Medida di prevencion E medidanan pa tene na cuenta ta facil y na alcance di tur hende. Nos djis mester sa di nan y enforsanan cerca e mucha: Bebe hopi awa (y no di refresco of juice): por lo menos 6 pa 8 cup di awa pa dia. Un alimentacion cu poco salo ta un habito cu mester wordo comparti cerca henter e famia: cushina cu menos cantidad posibel di salo, bouillon y saus di paki. Un alimentacion completo, natural y varia (pa entre otro evita obesidad): cu mas hopi fruta cu berdura di diferente color. Actividad fisico pa henter e famia: custumbrando e mucha di chikito cu esaki ta forma parti di e bida diario. Finalmente evita e uzo frecuente di medicamento ( over the counter ) si ta posibel: papia cu e mucha pa wak si en berdad ta necesario pa tuma algo pa e dolor dependiendo di e gravedad e momento ey. door di Fundacion Siñami Paso pa Paso Aruba Trabou boluntario ta e trabou di un persona cu ta sirbi un comunidad of medio ambiente pa decision propio liber y activo. E benificionanan di participa como boluntario den un causa social y/of humanitario ta aporta un gran balor na otronan y na bo mes. Tene na cuenta cu e trabou boluntario por wordo combina cu bo tempo liber y e actividad aki lo yuda bo conoce hendenan y haci amistadnan. E trabou boluntario ta yuda bo desaroya habilidadnan nobo y te hasta ta yuda bo crece den bo profesion. Aumenta confianza propio Mehora bo autostima, haci algo bon pa otro hende lo proporciona un sensacion di satisfaccion y te hasta pone bo sinti orguyoso di bo mes. Ora bo ta sinti bon cu bo mes, bo lo tin un vision mas positivo di e bida. Trabou boluntario por reduci e riesgo di haya depresion, un di e factornan di riesgo clave pa haya depresion ta e aislamento social. E trabou boluntario ta mantene bo den contacto regular cu otro hende y esaki lo yuda desaroya un red di sosten solido cu lo protega bo mes pa controla e tristeza ora bo ta pasando den momentonan dificil. Fisicamente saludabel Haci e trabou di boluntario ta bon pa e salud na tur edad, specialmente cerca personanan cu tin hopi tempo liber ya cu e ta yuda nan mantene nan mes fisicamente y socialmente activo. Estudionan na Merca y Europa a demostra cu trabou di boluntario ta bon pa e salud. E ta reduci e riesgonan di sufri di algun malesanan y te hasta ta yuda ora personanan tin dolornan cronico. Avanza den bo profesion of trabou Cu e actividad aki bo por haya experiencia den e areanan relaciona cu bo profesion of trabou. E lo yudabo relaciona cu personanan cu lo tin mesun interes cu bo. E trabou boluntario lo duna bo e oportunidad pa practica habilidadnan importante cu bo mester realisa den diferente tareanan, teniendo na cuenta cu e trabou boluntario no lo tin nada di haber cu bo profesion of trabou. Si embargo, e por yudabo avanza den varios habilidad cu lo yuda den bo profesion of trabou. Algun di e habilidadnan aki ta; teamwork, comunicacion, solucion riba problemanan, planificacion di proyectonan, gestion di tareanan y organisacion en general. Benificio den bo bida E actividad aki ta e manera mas facil pa explora bo interesnan y locual bo ta gusta na un manera hopi diverso. Ora di haci trabou boluntario bo ta ripara e significado di bo bida y esaki ta un forma hopi interesante pa sali di e rutina diario. E trabou boluntario tambe lo yudabo pa renoba e creatividad, motivacion y vision. Esaki kiermen cu bo lo ta benificiando den bo bida personal y profesional. Tin personanan cu ta ofrece e trabao boluntario cu ta totalmente diferente cu nan trabou diario. Un ehempel, si bo ta traha den un oficina sinta y no tin hopi tempo pa disfruta di e naturalesa, un bon opcion ta pa haci trabou boluntario unda ta haci actividadnan den aire liber of ta yuda nos grandinan y muchanan. Nos fundacion Nos di Fundacion Siñami Paso Pa Paso Aruba pa mas di 7 aña ta conta cu un team profesional boluntario, y pa mas di 4 aña ta conta cu sosten boluntario di studiantenan di Aureus University School of Medicine Aruba. Boluntarionan ta e pilar fundamental di nos fundacion y nos ta hopi agradecido di por conta cu nan. Si ta desea di haya mas infomacion en cuanto e articulo aki y of e servicionan cu F.S.P.P.A ta brinda comunidad, por tuma contacto libremente cu: Fundacion Siñami Paso pa Paso Aruba Adres: Van Leeuwenhoekstraat 2, Oranjestad, Aruba, San Pedro di Verona ( Ex hospital ), Afdeling Cayena, Oranjestad, Aruba. Tel : (297) of (297) f.s.p.p.a@live.com Facebook : Fundacion Siñami Paso pa Paso Aruba

3 4 5 Fundacion Telefon pa Hubentud Aruba door di Solange Tchong Pa prome biaha Pulso a bay di bishita cerca Fundacion Telefon pa Hubentud Aruba. Un señor cariñoso, esta señor James Sneek, kende ta e director di e fundacion, a atende nos y conta nos tur loke nan fundacion ta nifica pa nos comunidad. E ta un hecho cu Fundacion Telefon pa Hubentud Aruba pa medio di su liña Yama 131 gratis ta duna oido y sosten na hopi mucha y hobennan na Aruba. Un liña di telefon cu por cierto mester wordo mira como un apoyo (sosten) pa mayornan cu awendia pa motibo cu ambos ta traha, no tur ora por ta presente net na e momento cu e mucha/hoben tin mester di un persona (adulto) pa papia cu ne. Awendia nos hobennan ta sinti soledad, ta confronta peliger manera droga of termento (bulliying). Origen Exsistiendo ya pa 18 aña y afilia na Child Helpline International, Fundacion Telefon pa Hubentud Aruba ta sigui e maneho di di Child Helpline International y tin como su base e derechonan internacional di mucha ( Verdrag Inzake de Rechten van het Kind ). Pa duna un ehempel, articulo 12 di e tratado ta bisa cu tur mucha tin e derecho di tin un opinion y mester por expresa esaki. Door di haci e posibel pa tuma contacto cu 131, e mucha of hoben ta ehecuta e derecho aki. Boluntario Consistiendo di 5 miembro di directiva, 30 boluntario y un bureau di 2 persona, diariamente e liña 131 ta disponibel pa scucha mucha y hobennan den e edad di 8 te cu 24 aña. E gran parti di e boluntarionan ta maestro pero tin varios otro profesionalnan tambe. Door di nan trabou di boluntario nan ta e oido pa e muchanan cu ta yama 131 tur dia entre 2or pa 6 or pa combersa y of haci pregunta. Anualmente Fundacion Telefon pa Hubentud Aruba ta ricibi 1200 of mas yamada di nan grupo meta, esta muchanan of hobennan den e edad di 8 pa 24 aña. Preparacion Cada boluntario ta pasa un proceso di screening prome cu wordo acepta. Y una bes cu bo wordo acepta, esaki ta nifica cu bo ta bay participa na diferente training pa asina bo ta bon prepara pa atende e yamadanan. E training mes ta consisti di 10 dia di les y tambe un stage di 3 dia unda e boluntario ta siña con exactamente e mester atende e yamadanan. Banda di e training pa bira un boluntario di liña 131, tin tur aña e weekend di reflexion unda tur boluntario di e fundacion ta bini hunto pa haya curso tocante un topico specifico. Tambe e weekend di reflexion ta fungi como un momento pa relaha y gradici pa tur loke a logra den e aña anterior. Tambe e boluntarionan ta ricibi tur aña un training di un dia, esaki yama e deskundigheidsvorderings dag, cu tambe ta trata un topico specifico. Anonimato Meta di cada yamada ta pa e mucha of hoben profundisa den su propio pensamentonan y yega na un solucion. E rol di e boluntario ta pa scucha y solamente duna conseho na momento cu e mucha of hoben indica cu e mes no tin un solucion. E meta ta keda semper e zelfredzaamheid di e mucha/hoben. Ta bon pa comunidad y vooral mayornan sa cu tur yamada ta keda anonimo y cu no tur ora ta yama tocante topiconan negativo. Ta bon pa sa cu tin mucha ta yama pa conta cosnan leuk. Por ehempel con dushi nan a pasa den vakantie. Registracion Loke si ta wordo registra ta e topico di e yamada. Esaki ta duna Fundacion Telefon pa Hubentud Aruba un bon bista cua topico merece mas atencion. Banda di esey, registracion di e topiconan ta duna e fundacion e oportunidad pa sigui desaroya (train) su boluntarionan a base di loke ta e actualidad pa e hobennan. Otro actividadnan Bunita di Fundacion Telefon pa Hubentud Aruba ta cu e no ta un liña di telefon so. Banda di e tarea principal aki tin otro proyectonan tambe cu e ta ehecuta. Pa medio di diferente campagna di conscientisacion y tayernan (tanto independiente como hunto cu otro fundacionnan) e ta percura pa informacion yega na scolnan, mayornan y educadornan. Asina den transcurso di e ultimo añanan a logra trece topiconan manera Esaki ta bo derechonan, Violencia no ta bon! y Prevencion di termento na scol. Otro bunita proyecto tabata e introduccion di e 131 app pa asina por yega cerca tur hoben cu tin mester di un oido. Dentro di poco Hunto cu Tienda di Educacion, Fundacion Telefon Pa Hubentud Aruba ta bay realisa otro proyecto interesante tocante e rol importante di un tata den bida di su yiu. Pa realisa e proyecto lo laga 10 famia participa pa medio di 2 session pa siman pa un periodo di mas o menos dos luna. Haciendo e proyecto aki, kier demostra cu tin diferente manera positivo con un tata por ta mas involucra den e bida di su yiu of yuinan. Busca bo anticonceptivo door di Famia Planea Aruba Den e edicion aki, Famia Planea Aruba kier y cooperacion entre Famia Planea Aruba y e dokternan di cas. Pa asina promove e uzo corecto di di cas pa asina por brinda abo como cliente e confi- cooperacion entre Famia Planea Aruba y dokternan a para keto na un di nos proyectonan principal cu nos a bin ta ehecuta pa varios aña caba, nos proyecto di dokter di consciente di nan salud sexual. bo ta desea. anticonceptivo y contribui na un comunidad mas ansa, dedicacion, profesionalismo y satisfaccion cu cas. Famia Planea Aruba ta trahando cu dokternan Si bo persona tin cualkier duda of pregunta encuanto e escogencia di un metodo anticonceptivo, di cas desde aña 1970, pa asina promove e accesibilidad y uzo di anticonceptivo aki na Aruba. bo por pasa libremente na bo dokter di cas y abase di bo estilo di bida y historia medico bo lo ricibi un receta pa un anticonceptivo. Tuma bon nota pa como pashent bo dobbel check pa e receta ta completamente yena. Motibo pa proyecto dokter di cas Na aña 2013 nos organisacion a haci un investigacion na unda cu a bin padilanti cu aproximadamente 11% di nos clientela hoben, ta wordo referi ( doorverwezen ) door di nan dokter di cas na Famia Planea Aruba. Den e mesun investigacion aki a resalta cu e hobennan ta prefera di acerca un persona di confiansa, sea ta amistad, mayor of dokter di cas pa papia ariba e topico di sexualidad y mas specifico ainda, anticonceptivo. Nos di Famia Planea Aruba ta di opinion cu nos por facilita mas pashent si tur dokter di cas ta na altura di nos productonan. Nos intencion ta pa facilita e dokternan di cas cu un receta special cu nos anticonceptivonan, na unda cu nan por referi e pashent cerca nos na un forma mas facil y lihe. Asina aportando na e salud sexual di cada un persona. Meta di e proyecto dokter di cas E proyecto tin como meta pa informa y educa e pashent atraves di su dokter di cas encuanto metodo anticonceptivo y alaves fortifica e relacion Una bes cu bo dokter di cas recetabo bo anticonceptivo desea, bo por pasa libremente cerca nos pa asina bira miembro y finalmente ricibi bo anticonceptivo.ta importante pa menciona cu e productonan anticonceptivo manera pildo, hangua of spiraal no ta proteha bo contra malesanan transmiti sexualmente. Den e caso aki ta importante pa semper haci uzo di un extra proteccion manera condoom. Un comunidad mas consciente di nan salud sexual ta un comunidad informa, educa y cla pa brinda e mesun informacion ricibi na otro personanan. Famia Planea Aruba lo sigui traha pa fortifica e Pa mas informacion por pasa of yama libremente na oficina di Famia Planea situa na Bilderdijkstraat 16 Unit 4 na Oranjestad for di dialuna pa diabierna di 8or am te 4or pm, telefon Y na Resedastraat 7-G na San Nicolas riba diahuebs for di 8or am te 4or pm, telefon Tambe por manda mail na famiaplanea@hotmail.com of bishita nan website of Facebook www. facebook.com/famiaplanea

4 6 7 Hende Muhe y Diabetes door di drs. S. Vis y Magaly Tobel Tur aña ariba 14 di november ta Dia Mundial di Diabetes. Ariba e dia aki ta anuncia cada aña un campaña pa pone mas enfoke riba un topico specifico relata cu e malesa Diabetes. E topico di Dia Mundial di Diabetes 2017 ta: Hende Muhe y Diabetes nos derecho pa un futuro saludabel. E mensahe di International Diabetes Federation e aña aki ta: Tur hende muhe cu tin diabetes of cu ta na riesgo pa desaroya diabetes mester haya acceso pagabel y husto pa cuido, informacion y educacion necesario pa maneha nan diabetes bon y mehora nan salud en general. Situacion actual Mundialmente y aki na Aruba tambe, tin un cantidad grandi di hende cu ta sufri di Diabetes Mellitus. Na 2015 e Federacion Internacional di Diabetes a calcula cu mundialmente 1 den cada 11 adulto tin diabetes y pa aña 2040 si nos no haci cambionan pa bin cu un estilo di bida mas saludabel, 1 den cada 10 hende lo tin diabetes. Pa Aruba nos ta calcula cu na e momento aki 15% di nos poblacion tin diabetes cual ta 1 den cada 7 persona. Malesa diabetes Diabetes mellitus ta un malesa cronico cu por manifesta su mes den infancia of adolescencia como diabetes tipo 1. Pero diabetes por manifesta su mes tambe mas despues den bida como diabetes tipo 2 of den embaraso como gestational diabetes. Diabetes tipo 1 Diabetes tipo 1 ta caracterisa su mes como un malesa auto-immunologico cu ta afecta e parti glandular di e pancreas cu ta produci insulina. Insulina no ta wordo produci mas. E persona cu diabetes tipo 1 mester haya insulina como remedi pa e por keda na bida. Pa mehora e salud ora di diabetes tipo 1 y preveni complicacionnan di diabetes mester tin un bon estilo di bida, manera come saludabel y haci actividad fisico. Diabetes tipo 2 Diabetes tipo 2 ta caracterisa su mes door di dos factor. E pancreas no ta traha suficiente insulina mas manera cu e curpa tin mester. Ademas e receptornan di insulina ta bira resistente y e insulina no por haci su trabao bon mas. Pa trata diabetes tipo 2 usualmente mester uza dos tipo di remedi. Un pa stimula e pancreas pa produci un poco mas di insulina y un pa baha e resistencia pa insulina. Tambe mester come saludabel na cantidad modera, haci mas actividad fisico y baha peso pa mehora e cantidad di sucu den sanger y preveni complicacionnan. Gestational diabetes Gestational diabetes ta un tipo di diabetes cu ta cuminsa den embaraso y ta kita bek despues di e parto. Si e sucu den e sanger di e hende muhe ta halto durante embaraso mester trate cu insulina y regula e sucu strak pa preveni complicacionnan pa mama y yiu den embaraso, durante parto y despues di parto. Complicacion di diabetes Por ehempel un complicacion hopi conoci di diabetes ta daño y obstruccion di arterianan di e curason cu por resulta den un ataca (infarto) di curason. E malesa coronario aki ta mas fatal cerca hende muhe cu diabetes compara cu hende homber cu diabetes. E rason di esaki ta cu e sintomanan di un ataca di curason por manifesta su mes otro cerca hende muhe y no ta wordo reconoci na tempo. E sintoma mas conoci ta dolor riba pecho cu ta bay pa e nek y brasa robes. Pero un hende muhe por sinti solamente biramento di stoma, ta cortico di rosea of dolor na cachete y no ta reconoce e ataca di curason. E ta yega laat pa su tratamento y asina e curason a haya mas daño y ta recupera menos bon. Un otro diferencia importante ta cu e hende muhe ta reproductivo y ta haya yiu. Un hende muhe cu diabetes por sufri problemanan durante embaraso cu por duna complicacion pa mama y yiu. E Hende Muhe y Diabetes Tin un diferencia den e impacto cu diabetes tin riba e salud di hende muhe compara cu hende homber. E diferencia ta bin door di diferente factornan fisiologico y hormonal. E hende muhe ta presenta tambe sintoma y complicacionnan di diabetes di un otro manera. Consecuentemente e mundo medico ta detecta, interpreta y trata e efectonan di diabetes cerca hende muhe di un manera diferente. Planeamento di embaraso Un hende muhe cu tin diabetes y kier sali na estado mester regula su sucu hopi bon prome cu tin e concepcion. Ta hopi importante pa planea un embaraso y haya guia pa esaki door di un team di dokter. Sucu halto na momento di concepcion por duna malformacion di e baby y por causa un aborto tempran den embaraso. Durante embaraso tambe e sucu mester ta bon controla pa asina e baby no crece di mas y bira demasiado grandi (macrosoom). Esaki ta duna complicacion ora di parto. Tambe un baby macrosoom tin su produccion di insulina hopi halto y por sufri di sucu mucho abao (hypoglycaemia) despues cu e nace. Hypoglycaemia por ta peligroso. Riesgo Un hende muhe cu no ta diabetico por desaroya den su embaraso un diabetes di embaraso ( gestational diabetes ). E ta pasa usualmente entre 24 y 28 siman di embaraso. Tin resistencia pa e insulina door di e hormonanan di embaraso y asina mas necesidad pa insulina. Hopi biaha e hende muhe no tabata sa cu su sucu ta halto, pesey ta importante pa check sucu durante embaraso. Un hende muhe ta core mas riesgo pa desaroya diabetes den embaraso si den su famia tin diabetes, si a duna lus anteriormente di un baby cu peso halto, si den un embaraso anterior tabata tin diabetes gestational of si den un embaraso anterior e baby a muri durante e embaraso. E riesgo ta mas grandi pa un embaraso gestational ora cu e hende muhe tin sobrepeso. Despues di parto e necesidad pa mas insulina te baha y e diabetes ta bay. Pero 20-40% di e hende muhenan cu a haya diabetes gestational por haya diabetes tipo 2 mas despues den bida. Medicamento di diabetes durante embaraso Un hende muhe cu tin diabetes tipo 1 ta uza insulina y tin biaha e mester cambia pa un insulina cu ta permiti pa uza durante embaraso. Un hende muhe cu tin diabetes tipo 2 ta uza remedi oral manera metformine y gliclazide. Ora cu ta dicidi pa sali na estado hopi biaha ta necesario pa cambia pa un insulina cu ta adecuado pa uza den embaraso pa regula e diabetes mas miho. Algun desaroyo mundial publica pa IDF. Na e momentonan aki IDF ta calcula cu tin 199 miyon hende muhe cu ta sufri di diabetes. Pa aña 2040 esaki lo subi pa 313 miyon. Diabetes ta e di nuebe causa di morto cerca hende muhe. Hende muhe cu tin diabetes tipo 2 ta core riesgo 10 biaha mas halto pa haya malesanan di arteria coronario. Dos di cada cinco hende muhe cu tin diabetes ta den edad fertil. Hende muhe cu diabetes tipo 1 ta core mas riesgo pa sufri di un aborto, haya su baby prematuro of haya un baby cu malformacion congenito. 1 den cada 7 parto ta wordo afecta door di diabetes gestational. 16.2% di e babynan recien naci a sufri di un sucu halto den embaraso. 50% di hende muhe cu diabetes gestational ta desaroya diabetes tipo 2 cinco pa diez aña despues di nan parto. Benta di remedi riba Facebook: Un problema pa seguridad di remedi door di Inspectie Volksgezondheid Aruba Cu e meta pa monitor e calidad y seguridad di cuido na Aruba, un di e tareanan di Inspectie Volksgezondheid Aruba (IVA) ta pa controla e remedinan y suplementonan cu ta drenta Aruba na e diferente portanan di entrada. Esaki ta por ehempel remedinan cu ta wordo uza na hospital y den botica, suplementonan cu ta wordo bendi den tienda di salud, pero tambe remedinan y suplementonan pa uzo personal cu ta drenta Aruba via aeropuerto ora di biaha of cu ta wordo cumpra online. IVA a tuma nota cu hopi remedi manera antibiotica, steroids, pilder di baha peso y suplementonan ta wordo bendi di manera ilegal riba diferente pagina di Facebook. Den e articulo aki lo splica un tiki mas di e peligernan cu esaki por trece cune y kico nos tur por haci pa combati y preveni e problema aki. Ken mag bende remedi? No tur hende mag di bende remedi. Pa ley, na Aruba (Landsverordening op de Geneesmiddelenvoorziening), remedi no mag di wordo bendi otro caminda cu no ta na un botica of na un entidad huridico cu un permiso valido. Pues, personanan cu ta bende remedi riba media social manera Facebook of na cualkier otro luga manera, por ehempel, un fruteria of na nan propio cas, ta actuando contra di ley y por wordo duna un castigo di prison di 6 luna of un multa di maximo 10 mil florin. Un suplemento tambe ta un remedi? Un suplemento ta un remedi si (1) e producto ta contene un ingrediente activo cu conforme nos leynan ta wordo considera un remedi y si (2) e etiketa riba e producto y/of propaganda pa e producto ta duna un claim medico, pues indica cu e suplemento ta preveni y/of cura un malesa of un dolor. Den e caso eynan lo mester tin permiso pa bende esaki y e remedi mester ta registra door di e comision di Registracion di Remedi di Aruba. E peligernan di cumpra remedi riba facebook E benta di remedi riba Facebook ta alarmante pa motibo cu no por garantisa cu e remedinan aki a wordo controla door di e departamento concerni y esaki ta pone e salud di un persona den peliger. Tin hopi pregunta cu ta surgi ora cu nos papia di remedi. Por ehempel, kico ta e origen di e remedi? E remedinan a wordo prepara segun e Bon Practicanan di Manufactura? E bendedonan di remedi sin permiso ta poniendo un otro persona su salud den peliger pa motibo cu nan no ta uza e ruta di control regular. Un dokter of boticario por duna informacion tocante e riesgonan di cierto remedi y lo tin e historia di e remedinan cu e pashent ta tumando y por avisa cua remedinan y/of suplemento no ta bay hunto. Pues, e pashent ta tuma un riesgo grandi si e no tuma remedi y/of suplemento bou guia di un dokter. Un ehempel di un remedi cu IVA a tuma nota cu ta wordo bendi hopi riba Facebook ta e remedi Xenical cu ta contene e ingrediente Orlistat. Esaki ta un remedi cu ta wordo uza pa tratamento di obesidad y cu ta worde prescribi door di un dokter. Tin cierto rekisitonan cu e pashent mester cumpli cu n e, prome cu un dokter por prescribi e remedi. Si un remedi ta obtenibel solamente cu receta, esaki ta paso tin riesgonan cu ta bin cu su uzo. Por ehempel, abuso of un otro riesgo serio pa salud. Den e caso di Xenical, su uzo excesivo of incorecto, por causa daño severo na un persona su higra. Kico nos por haci pa combati e problema aki? Semper papia cu un dokter of boticario prome cu tuma cualkier remedi of suplemento. IVA ta urgi tur hende pa busca nan remedi y suplementonan na un botica of na un luga cu tin permiso pa bende esaki. Tambe ta importante pa tur hende informa nan mes bon di e efecto secundario cu un remedi por tin y pa no cumpra un remedi cu lo bo mester un receta p e riba Facebook. IVA kier a remarca cu nos tin e autorisacion pa persigui personanan cu ta bende remedi y suplemento sin permiso. Pues, si tin cualkier pregunta of si bo kier entrega un keho di un persona of luga cu ta bende remedi y/of suplemento riba Facebook of cualkier otro luga sin autorisacion, por tuma conta cu IVA na of nos na meldpunt@iva.aw.

5 8 9 Cua terapia un podoterapista por uza? Steunzool: depende di e fayo di pia ta scohe pa traha un steunzool cu diferente elemento (un steunzool por tin diferente funcion, coreccion, particion di e presion, stimulacion). Tambe e escogencia ta wordo haci for di diferente tipo di material caminda ta check e proposito di uzo y cua tipo di sapato e persona ta custuma di bisti. P esey un steunzool pa e deportista lo ta di otro material y of otro manera traha. Pensa riba fayonan manera spoor di hilchi, keho di cabuya di enkel, keho di parti dilanti na e pia of diferencia di largura di pia etc. Ortesis: esakinan ta medionan auxiliar traha di silicona riba midi di e tenchi. E ta wordo uza ora tin keho manera presion y friccion na un cierto localidad cu por causa dolor, iritacion, inflamacion, cayo, of likdoorn ariba/bou y mey mey di e tenchi pia. Tambe un ortesis a wordo traha pa reemplasa e tenchi di pia despues di amputacion pa preveni otro puntonan di presion na e pia. Tratamento di huña/huñero: hopi hende tin problema cu huña cu ta crece bay den carni, mayoria biaha pa motibo di corta e huña robes. E podoterapista por pone un beugel (orthonyxie). Asina poco poco e ta duna e huña un forma plat y bunita bek di tal forma cu e huña no ta crece bay den cuero mas. Podoterapia door di Kimberly de Groot y Magaly Tobel Tin un proyecto pa realisa cu como AZV nos ta kere hopi hende den nos comunidad tabata wardando riba esaki. Esta e organisacion di diferente departamento trahando den ramo di psikiatria bou di un solo organisacion. Integrando e organisacionnan bou di un fundacion lo mehora e cuido pa personanan cu malesa mental na Aruba. Un idea Un podotherapista tin un diploma bachelor di podoterapia despues di a termina un estudio HBO di 4 aña. E estudio aki ta reconoci pa ley di Ministerio di Educacion y ta cumpli cu e ley di BIG (Beroepen In de Individuele Gezondheidszorg), artikel 34. Den e articulo aki e titulo ta registra como titulo protehi. Un podoterapista ta trata persona cu keho/dolor na pia y of keho na e parti di curpa manera rudia, heup, lomba cu a wordo ocaciona door di mal funcionamento di pia. Tipo di keho E tipo di kehonan cu un podoterapista ta trata ta: Desviacion di e posicion di pia incluyendo tenchi y huña (manera platvoet ). Kehonan door di consecuencia di sobrecarga/molester por ehempel spoor na hilchi of inflamacion di tendon (cabuya na enkel). Keho di cansancio di pia (rudia y heup) cu tin di haber cu e problema di pia. Lesion di deporte. Problemanan specifico di pia cerca mucha. Problema na otro partinan di e curpa (rudia, heup, lomba) ocaciona pa un desviacion di e posicion di pia of door di e manera di cana. Problema di cuero y di huña di pia. Kehonan cerca pashent nan cu tin problema cu circulacion di sanger na pia of diabetes y reuma. Riesgo di complicacion cu ta concentra na e pia. Tratamento Un podoterapista ta haci un investigacion amplio caminda e siguiente aspectonan ta bin na remarca: Anamnese: e sondeo cu e podoterapista ta haci cerca e pashent pa busca e causa di e keho. Inspeccion y saminacion: - Comparacion; wak e pia, rudia y heup, haci comparacion banda robes cu banda drechi y conecta e observacion cu e keho. - Palpacion; cu e mannan ta primi pa lanta e dolor pa asina saca afor si ta trata di por ehempel un tendon (cabuya na enkel), musculo of nervio etc. - Investigacion di funcionamento; akinan ta check e mobilidad di stabilidad di e joints (conexion di e wesonan) di pia y enkel. Si ta necesario ta haci esaki tambe pa e rudia, heup y of lomba. Den cierto caso por ta necesario pa haci test di e musculonan y wak na cua parti e presion na e pia ta tuma luga of dolor ora di para pa asina localisa e kehonan. Analisis di canamento: ta wak con e movecion di pia ta y si ta necesario tambe di e rudia, heup y tronco (romp). Inspeccion di sapato: durante un inspeccion di sapato hopi informacion util por bin dilanti. Con e zool di sapato ta gasta y e (mal)formacion di e sapato parti ariba por duna informacion crucial. Print/stempel di pia: ora un print/stempel di e pia wordo tuma ta pa traha un zool cu ta duna sosten. Conclui diagnostico. Palabra e meta/plan y periodo di tratamento. Tratamento cu instrumento: esaki ta e cortamento di e huñanan. Si e huñanan ta diki ocaciona door di por ehempel beskem (hongos/schimmel), ta haci e huñanan mas fini cu e machin di feila (frees) y caminda tin cayo y/of likdoorn ta elimina esakinan tambe. Screen e pia diabetico: hende cu ta sufri di diabetes y cu no tin nan nivel di sucu bou di control ta bay haya problema cu circulacion di sanger y problemanan neuropatico (nervionan di organo). Pa e motibo aki por haya complicacion na e pianan. E podoterapista ta haci un screening di e pia caminda cu e persona ta wordo categorisa den un profiel di riesgo di 0-30, esaki yama clasificacion di Simm s. A base di e clasificacion di Simm s ta dicidi kico ta e meta/plan y e tratamento pa e persona. Esaki ta sumamente importante pa minimalisa e riesgonan pa preveni complicacion manera amputacion. Terapianan temporal: Viltterapia. Su uzo ta pa alivia dolor causa pa por ehempel un likdoorn of si tin herida pa kita e presion na e parti di pia pa asina e por cura mas lihe. Tambe e podoterapista por tape e pia den caso di por ehempel dolor na e hilchi, achillespees (cabuya di enkel), enkel etc, etc. Esaki ta wordo haci mesora te cu ora e steunzoolnan ta cla pa uza. Conseho of ahustacion di sapato: e podoterapista ta duna conseho tocante e sapato cu e persona ta uza diariamente. E podoterapista por haci diferente ahustacion/coreccion chikito na e sapato. Tratamento di herida: Cerca personanan diabetico perdemento di gevoel na e pia por crea herida. E podoterapista ta trata e herida diabetico door di continuamente haci e limpi. Hopi importante ta cu e cayo ta wordo elimina y cu e herida ta wordo tapa bon. Conseho ta wordo duna con pa trata e herida na cas. Herida diabetico mayoria biaha ta bin door di presion y friccion na e pia. Pa reduci e presion y friccion na e herida e podoterapista por scohe pa un viltterapia. Con e cliente por haya tratamento di un podoterapista? Na Centro Diabetico tin dos podoterapista, hunto cu 3 pedicurista medico cu ta trata pia diabetico. Centro diabetico ta consisti di diferente disciplina pa guia e diabetico mas miho cu ta posibel. Pa afspraak of informacion por yama (Imsan San Nicolas) of (Imsan Rumbastraat na Playa). Si bo ta diabetico y bo tin un herida bou di bo pia of na bo tenchinan acudi mesora na Centro Diabetico na Imsan of na Rumbastraat (dilanti AZV) caminda un podoterapista lo atende bo e mesun dia.

6 10 11 a sufri daño irevocabel y of a fayece a causa di un eror medico, IVA ta tuma paso inmediato. IVA IVA tey pa guia e persona cu tin keho dentro di e proceso. E ta monitoria e kehonan cu ta drenta pa asina wak unda (cua area) den cuido medico tin mester di mas atencion pa mehoracion. Banda di esey, IVA ta monitoria tambe e proceso di keho, pues si e keho ta wordo trata debidamento cerca e dunadonan di cuido. E pensamento di IVA ta cu den principio- cada dunado di cuido mester ta habri pa por scucha su pashent y busca un solucion. Inspeccion di Salud Publico (IVA) door di Solange Tchong Den nos edicion 32 nos a introduci na boso Inspectie Volksgezondheid Aruba (IVA) cual ta un organisacion independiente cu desde 1 di januari 2017 tin como meta pa monitoria, stimula y mehora calidad di cuido na Aruba. E tempo ey, nos a cera conoci cu señora Dorylee Lopez Penha, e inspector general di IVA kende a splica nos cu IVA gradualmente lo yega na un total di 30 empleado y lo bay consisti di cuater seccion; esta Cure and Care, Remedi, Opsporing y Meldpunt. Un cara nobo Awor cu IVA ta na Schotlandstraat 45, tabata un momento oportuno pa cera conoci cu su edificio nobo pero tambe pa cera conoci cu señora Cheryl Fingal, e inspector di Salubridad, kende desde 1 di juli 2017 a cuminsa traha na IVA y ta maneha e departamentonan Cure and Care y Geneesmiddelen. Cu un trayectoria di 19 aña di estudio, señora Cheryl Fingal ta e experto riba tereno di calidad di cuido. E ta conta cu 23 aña den exterior -di cual gran parti el a studia y traha na Hulandaa haci cu semper e tabata wak tur cos cu wowo skerpi y cu e deseo di regresa Aruba algun dia pa asina e comparti su conocemento cu Aruba. Su deseo a bira realidad ora cu el a traha como manager di calidad na Dokter Horacio Oduber Hospital. Awor como Inspector di Salubridad, su meta profesional ta pa sigui mehora e cadena di cuido medico na Aruba. Estilo di traha Door di haci analisis di riesgo hunto cu e dunadonan di cuido, señora Cheryl Fingal ta kere cu esaki lo crea un bon relacion cu e dunadonan di cuido. Na mes momento e ta un oportunidad pa cada dunado di cuido y of organisacion medico siña pa asina evita ripiticion di fayo den futuro. Segun señora Cheryl Fingal, nos dunadonan di cuido lo por wak IVA como een stok achter de deur, esta un organisacion cu tey pa yuda mantene e calidad di cuido medico na Aruba bon a base di e Landsverordening Kwaliteit in de Gezondheidszorg. E mision di IVA ta pa stimula mehoracion di e calidad di e cuido medico na Aruba door di monitoria continuamente. Sin embargo, e cambionan mes lo mester bin di parti di e dunadonan di cuido ya cu nan ta keda responsabel pa nan respectivo tarea den e cadena di cuido medico na Aruba. Posicion IVA IVA ta sali for di e pensamento cu cada duna di cuido ta lanta mainta cu e meta pa duna e miho cuido medico posibel na su pashent. Sin embargo, unda e ser humano ta traha, erornan por sosode. Pues en realidad no ta kere cu ta pa malo un dunado di cuido ta haci algo of laga di haci. Sin embargo, mester por reflexiona riba un situacion of caso cu bay robes pa evita ripiticion. Ta tuma pasonan pa remedia e situacion y asina preveni pa e eror (bolbe) pasa den futuro. No ta e meta di IVA pa punta dede of persigui un dunado di cuido. E enfoke di IVA ta keda semper mehoracion dentro di e sistema di cuido medico na Aruba. Proceso di keho Tur keho ta bon bini na IVA, pero sigur IVA lo semper evalua prome ki impacto e consecuencia di un keho tin riba e sistema di cuido (ta sigui un trend ) y a base di esey IVA lo tuma paso. Cada keho ta duna IVA e informacion unda exactamente tin fayo dentro di e sistema di cuido. Pa loke ta e pashent mes cu tin keho, IVA tin tur conocemento den cas pa informa, conseha y guia un pashent dentro di e proceso di entrega keho, sea cerca IVA mes y of na Medisch Tucht College. Entregamento di keho ta tuma luga por escrito y entre tanto IVA tin su Punto di Aviso cu ta meldpunt@iva.aw. Otro opcion ta pa haci uzo di e formulario standaard cu IVA a crea specialmente pa entrega keho. E formulario aki ta wordo yena tambe ora entrega e keho por escrito ya cu IVA ta pidi e dunado di keho pa pasa IVA personalmente pa sinta y papia tocante e keho. Den caso cu ta un calamidad, pues un caso urgente unda e pashent Medisch Tucht College Na e Medisch Tucht College bo ta acudi na momento cu bo kier entrega un keho contra e dunado di cuido individual. Medisch Tucht College lo investiga e caso y lo resulta den un opinion tocante e exactitud di bo keho. E Medisch Tucht College por impone tambe cierto medidanan. Representacion pa medio di un abogado no ta obligatorio sin embargo e keho si mester wordo entrega por escrito. Pa un procedimento di responsabilidad civil ta obligatorio pa tin representacion pa medio di un abogado. E caminda aki mester wordo cana ora e keho tin como meta pa haya compensacion pa daño: un eventual compensacion pa daño ricibi (como consecuencia di fayo medico) ta un sentencia cu solamente un hues por dicta. Seis topico clave Manera a publica den Pulso anteriormente, IVA hunto cu e diferente dunadonan di cuido y stakeholders a sa di yega na 6 topiconan clave cu mester haya atencion den e siguiente añanan; esta (1) siguridad di remedi, (2) resistencia na antibiotica, (3) responsabilidad di maneho, (4) funcionamento y competencia di e dunadonan di cuido, (5) accesibilidad na prome liña di cuido y (6) cuido intensivo, operativo y cuido di emergencia. E prome sondeo tocante siguridad di remedi a tuma luga y a resulta den algun punto di mehoracion tanto pa e dokternan di cas como e boticanan. Un di e puntonan cu a sali afo tabata e necesidad di e pashentnan pa haya mas informacion ora bo ta ricibi un remedi pa prome biaha. Esaki a resulta den e introduccion desde 1 di juli 2017 di e sistema di 1ste uitgifte cual a wordo publica den tur media local. Tambe den Pulso edicion di september a elabora riba esaki. Banda di esey, a pone posters na tur botica pa asina conscientisa pashentnan di kico nan por spera ora nan haya un remedi pa prome biaha. Actualmente ambos grupo cu a cay bou di e sondeo aki ta den e fase di tuma accion pa yega na mehoracion riba e puntonan cu a wordo papia/palabra. Conscientisacion Riba e lista di prioridadnan di IVA tin tambe e conscientisacion di nos comunidad tocante topiconan cu kisas nos comunidad no ta ni consciente di e peliger. Por ehempel e bendemento di remedi via Facebook sin cu e remedinan aki a pasa door di un control di IVA prome. Of e fenomeno di beauty salons unda cu tin personanan ta traha cu no tin e autoridad pa haci tratamentonan estetico na Aruba. Ta prohibi pa cualkier persona traha como un dokter si e persona ey no ta registra como dokter na Aruba (no tin documentonan oficial y no reconoci como tal). Contact IVA Pa informacion of cualkier pregunta, por comunica cu IVA na of na info@iva.aw Tambe por like IVA riba Facebook y pronto por bishita nan website pa haya mas informacion.

7 12 13 Ata ki mi boca: anomalia Check up general di boca door di Diandra Alders Pulso a tene un combersacion cu señora Inge Yarzagaray, logopedista, pa papia tocante anomalia di boca. Ora cu muchanan ta chikito, nan ta chupa dede of uza chupon. Esaki ta paso mucha chikito tin un necesidad di chupa cu ta desaparece rond di un aña di edad. Pero si e mucha ta keda chupa dede of uza chupon despues cu el a cumpli un aña di edad, esaki por causa un anomalia den con e mucha ta uza su boca pa guli y hala rosea. Hala rosea Ora un mucha ta uza chupon of chupa dede, su lenga ta wordo primi abou y e boca di e mucha ta keda habri, aunke cu e no ta chupa dede of chupon. Asina ta con e habito ta expresa su mes. Esaki por duna e mucha e habito cu e ta hala rosea via di su boca. Door cu e mucha ta hala rosea via di boca e tin mas chens di bira malo mas frecuentemente ya cu e boca no ta filtra pa evita bacteria drenta. E nanishi si tin e funcion di filtra y por yuda pa evita di bira malo. Gulimento Un mucha cu ta uza chupon of chupa dede pa un tempo mas largo cu un aña ta core riesgo cu e no ta guli bon. Cada biaha cu e mucha guli mientras e ta chupa dede of e ta cu e chupon den boca, e ta pusha esakinan contra di e djentenan. Ora cu bo realisa cu un hende ta guli mas o menos dos mil bes pa dia, ta di compronde cu e gulimento robes tin un efecto (negativo) riba e djentenan. E djentenan ta wordo hala dilanti, creando buraco entre e djentenan. Un consecuencia di esaki por ta cu e mucha lo mester bisti beugel pa asina no solamente coregi e dentadura pero tambe e funcion di e boca. Esaki (boca y lenga) mester custuma bek na e forma corecto ora di hala rosea. Otro problema cu por surgi door di uza chupo mucho largo y of chupa dede mucho largo ta cu e mucha ta mal pronuncia letter y por haya problema adicional cu nan habla. Detecta e problema Mayoria bes ta detecta e anomalia di boca ora e mucha ta hayando su djentenan permanente. Hopi biaha e dentista ta ripara esaki. Pa purba evita cu e mucha mester bisti beugel, por acudi na un logopedista pa haci un cambio den e manera cu e mucha ta guli y/of hala rosea. E prome stap ta pa percura pa e mucha kita di e (mal) habito di keda chupa dede of uza chupon. Den esaki, un dentista of un orthodentista tambe por yuda. Tin e asina yama mouthtrainer cu cual e mucha por drumi cu ne anochi pa cuminsa yuda e cachete hala bek na su luga. Tambe tin manera beugelnan special pa stop e mucha di chupa dede. Tratamento Pa trata e anomalianan manera describi akiriba, mester di haci ehercicio intensivo cu e boca pa siña con pa guli. Tambe e lipnan mester bira mas fuerte. Esaki tambe ta wordo yuda door di haci ehercicio. Si un mucha ta uza chupon of ta chupa dede, manera a menciona anteriormente lo mester siña e mucha pa stop cu esaki. Si esaki no sosode, ni beugel ni tratamento lo tin efecto riba largo plazo. E edad di 6 aña ta wordo mira como un edad ideaal pa guoa e mucha con e mester guli ya cu e muchanan por compronde e instruccionnan necesario. Pulso ta gradici señora Yarzagaray pa su splicacion. Si lo bo kier mas informacion, bo por bishita su pagina di Facebook na Facebook. com/logopediepraktijkyarzagaray. Por fabor tuma nota cu tratamento di logopedia no ta cay bou di e pakete basico di AZV. Bo mes lo mester cubri e gastonan. door di dr. R. Wever y Magaly Tobel Laga haci un test di sanger preventivo ta conoci aki na Aruba como check up cu awendia ta un fenomeno. Un test di sanger por wordo haci pa diferente motibo. E motibo mas comun ta ora un dokter ta sospecha e posibilidad di un malesa, pero e dokter no sa exactamento kico ta bay robez. Un test di sanger por duna clarificacion y confirmacion. Tambe un test di sanger por wordo haci pa check e efecto di tratamento (cu remedi). Tambe si e cliente tin riesgonan halto dokter por laga haci testnan. Pero tin hende sin keho of cu un of otro riesgo cu kier sa nan estado di salud door di laga haci test di sanger. Esaki ta un test preventivo. Kico ta un test di sanger? Ora un test di sanger ta wordo haci, diferente midimento di diferente sorto di stof di den e sanger ta tuma luga y ta compara cu e resultadonan standarisa. Por ehempel sucu ta wordo midi y interpreta den un cifra y compara cu e cifra standarisa. Na e manera aki ta wordo splica si resultado di e stof midi ta abou of ariba di e resultado standarisa. Bo dokter di cas of specialista lo uza e resultadonan aki pa stipula e diagnostico di e malesa pa asina scohe e miho tratamento of prescribi remedi. Testnan cerca pashentnan cu riesgo Pashentnan cu tin riesgo manera edad avansa, presion halto, sucu, obesidad, den famia tin malesa heriditario, testnan manera sucu, colesterol, funcionamento di riñon, higra etcetera ta wordo cubri door di AZV. Sin embargo, e testnan aki ta cay den e parti preventivo ora e malesa no a cuminsa manifesta su mes ainda cerca e cliente. Un ehempel di kico ta nifica e parti preventivo:ora bo mes ta pidi pa haci e test pasobra bo tin gana di haya sa con bo estado di salud ta e momento ey pero en realidad bo no tin ningun sintoma of keho. Loke ta bon pa sa, ta cu un dokter semper lo evalua prome si e pashent cu ta pidiendo e test ta un persona cu ta cay bou di e riesgonan. Si e no ta cay bou di e categoria na riesgo,e ora lo pidi e pashent pa e mes cubri su gastonan. Pero si ta un persona cu riesgo halto, ta tuma precaucion na tempo. Testnan cu ta cay bou di check up general Mayoria check up general ta consisti di e siguiente testnan: BSE-test: pa detecta inflamacion of infeccion. CRP-test: pa detecta inflamacion of infeccion y e gravedad di dje. Hb-test: constata estado di salud y eventualmente anemia. Glucose-test: constata e cantidad di sucu. PSA-test: constata desviacion den e prostaat. RAST-test: constata proteina den sanger cu ta indica alergia cerca pashent. E testnan aki ta wordo cubri door di AZV cu e excepcionnan anteriormente menciona: ora no tin keho of ora no ta cay bou di e grupo di riesgo. Cuanto ta costa un test di sanger? Prijs ta depende di cuanto stof ta wordo getest den e sanger. Pa cada test tin un prijs. Si dokter laga test por ehempel: Colesterol total Glucose BSE CRP Un pakete di testnan cu e meta pa un check up general ta costa mas o menos 72 florin. Dicon check up general no ta wordo cubri via AZV? Na prome luga paso e Ley di AZV mes a wordo introduci pa cuido curativo. Cu otro palabra, pa yuda e pashent una bes e malesa manisfesta su mes. Esaki paso e Ley di AZV ta defini esey. Sin embargo, bisando esey no ta nifica cu AZV no ta paga nada at all riba tereno di prevencion. Tin algun cos cu ta cay bou di e parti di prevencion of cu por mira como parti di prevencion. Ta haci esaki paso ta comproba scientificamente / medicamente cu ta miho pa detecta na tempo y trata e malesa prome cu e bira demasiado complica. Pues algun di test cu AZV ta cubri y cu tin di haber cu check up general ta e test di prostaat of paptest. Manera cu e dokter check cu bo ta un persona cu riesgo halto pa malesanan cronico e por laga haci e testnan indica. Si un dokter ta indica e necesidad pa por detecta un malesa cu e ta sospecha, e ta laga haci e testnan necesario. AZV ta cubri e testnan den caso cu tin keho of ora tin malesa cronico of ora e persona tin riesgo halto. Ta bon pa tene bon cuenta cu un bon resultado di sanger sin otro keho of riesgo no ta un garantia cu bo ta 100% saludabel. Semper mester keda atento y si haya kehonan, acudi na bo dokter di cas.

8 14 15 E ta dushi e receta di Lucy! Pa e temporada di Pasco aki mi tin algun receta asina festivo cu ora bo caba di trahe ta cu duele bo ta come paso apart cu e ta dushi, e ta asina bunita! Kico ta Lean, Purple drank of Syrup? door di F.A.D.A E ultimo añanan tin hopi droga nobo yegando ariba mercado y den hogarnan di famia. Tin hasta droga cu ta facil pa traha na cas mes, cu por ta hopi peligroso. Lean ta un nomber ariba caya pa remedi di tosamento mescla cu refresco, por ehempel cu Sprite. Un otro nomber pa lean ta purple drank, purp, sizzurp of syrup. Kimico activo E efectonan ta wordo causa door di codeïne y prometazhine. Codeïne ta un pijnstiller opioïde. Codeïne ta verdoof y e por laga funcionnan fisico traha mas poco poco, por ehempel halamento di rosea. Esey ta un di e motibonan dicon den dosis abou tosamento por wordo suprimi ora tin verkoud. Ora e dosis ta halto por causa situacionnan peligroso, halamento di rosea por ehempel por stop completo. Prometazhine ta un anti-histamine. E ta wordo uza contra alergia, pero tambe pa suprimi ora ta sinti biramento di stoma y e ta lagabo sinti suf. E por yuda pa pega soño ora tin tosamento. Uzo y efectonan E kimiconan codeïne y prometazhine por wordo uza separa, pero nan no lo tin mesun efectonan e ora ey. Ora e dosis ta abou e efecto ta menos. Ora un dosis chikito ta wordo uza contra tosamento ora tin verkoud bo no lo ripara casi niun efecto. Si bo ta uza un dosis halto bo lo haya e mesun efectonan compara cu otro droganan cu ta verdoof. E por parce efectonan ora ta trata di consumo di alcohol. E dosis pa sinti un efecto asina ta diferente pa cada persona y ta depende tambe di e cantidad di codeïne y prometazhine cu ta wordo agrega. E persona lo por sinti slow y agradabel y lo sinti cu tur cos ta bay mas poco poco. E persona por haya e gevoel di euphoria. Hopi biaha e uzo ta wordo combina cu cannabis of otro droga. Tin biaha e ta wordo combina cu alcohol pero uzadonan ta cauteloso cu esaki door di e riesgonan halto. Riesgonan Codeïne ta un opioïde y ta doof e curpa. Den cantidad grandi e por pone hende halucina, bay-out of hasta stop di hala rosea. Den combinacion cu prometazhine y otro substancianan manera alcohol e riesgo ta mas grandi. Na Merca Lean a causa diferente casonan di overdosis cu consecuencia mortal. Bandi di esey codeïne ta adictivo. Pa bo yega na e mesun efectonan bo curpa lo bay mester mas di e codeïne. Tambe bo por haya ontwenningsverschijnselen ora bo kier stop di uza. Ontwenningsverschijnselen por parce manera otro opiatennan manera heroïna. Bebe un cantidad grandi di Lean por causa daño na bo organonan, esaki por resulta den problemanan grandi na bo higra of riñonnan. Unda? Remedi di tosamento cu codeine y prometazhine no por haya cumpra den tienda. Por hayanan separa si via dokter di cas, pero esaki ta solamente ora tin cierto enfermedad. Na Merca e remedi di tosamentonan si ta facil pa haya. E uzo tabata polular bou di cierto artistanan di Merca y hobennan tambe a cuminsa haci uzo di dje. Ta importante pa mayornan ta cauteloso y alerto si ta ripara cu e remedi ta caba lihe of ta desaparece. E por ta un indicacion cu tin uzo di esaki na maneranan no prescribi door di un medico. Si tin cualkier pregunta tocante e topico aki of otro droganan por tuma contacto libremente cu F.A.D.A. na number di telefon of por mail nos na fadaaruba@gmail.com PREVENI TA MIHO CU LAMENTA Kerstboom di keeshi Ingrediente: 3 paki 8 ounce di cream cheese, e mester ta moli 4 cup shredded Cheddar cheese (16 ounce) 2 cuchara di ciboyo corta hopi chikito ½ telep di ground mustard 5 pa 6 gota di red pepper sauce 1 cup di peterselie corta chikito ½ cup nuts, por uza pine nuts pero cualkier nuts na gusto ta bon ¼ cup di promenton cora y geel Slice di cheddar cheese pa traha e strea. Preparacion: 1. Mescla cream cheese, cheddar cheese, ciboyo, mustard y pepper sauce hunto te ora cu tur ingrediente ta bon mescla cu otro. Pone e mescla den frigidaire te ora cu bo ta mira cu bo por traha forma cu e mescla. 2. Pone e mescla ariba un sheet (wax paper of oven sheet). Traha e forma manera un cone, di hancho bay mas fini na e grandura cu bo mes ta desea. Despues ta lora esaki den e parsley corta full rond di e kerstboom. 3. Primi e nuts den e kerstboom manera un slinger rond di e kerstboom. Despues ta pone e pida promenton ariba e kerstboom. 4. E top ta di un pida cheddar cheese corta den forma di un strea. 5. Por pone cualkier sorto di cracker rond di e kerstboom ariba un plato. Asina facil y creativo pero full un espectaculo riba bo mesa! Lucy Lacle-Strijdhaftig Cera conoci cu Fundacion Epilepsie Aruba door di SEA Stichting Epilepsie Aruba(SEA) a wordo funda dia 9 mei Co-fundadonan ta: señor Robert Nieuw (presidente), señor Joe Maduro (tesorero), señora Mily Henriquez-Vos y señora Agnes van der Vloet. Meta di e fundacion ta pa duna sosten na e persona cu tin epilepsia y su famia. Esaki e fundacion ta haci door di organisa charlanan educativo y ofrece material cu informacion relevante (foyeto). Tambe SEA ta organisa dianan di encuentro social/informativo pa e persona cu epilepsia y su famia. En general SEA ta trata di conscientisa e comunidad di Aruba riba kico ta nifica biba cu epilepsia y pa nos comunidad compronde kico ta epilepsia. Desde 2008 SEA ta organisa presentacion di Cera conoci cu epilepsia na crèche, skolnan preparatorio, skolnan basico, organisacion, casnan di cuido pa hende grandi y pa otro fundacionnan. E presentacion ta consisti di un powerpoint y dvd cu informacion educativo tocante epilepsia. Kico ta Epilepsia? Epilepsia ta un iregularidad di nervio den bo cerebro cu ta causa cu un persona ta haya atake periodicamente. E atake aki ta un interupcion cortico di actividad electrico den cerebro. Neuron Cerebro Epilepsia no ta contagioso. Epilepsia no ta un malesa mental. Epilepsia no ta retardo mental. Kico por causa epilepsia? Mas cu mita di tur biaha, e causa no ta conoci. Ora cu por determina un causa, casi semper ta un di esakinan: Lesion di cabes. Infeccion cu ta afecta e cerebro. Atake cerebral (stroke) Tumor den cerebro. Malesa di Alzheimer. Factornan genetico. Ken por haya epilepsia? Un di cada 10 persona lo por haya un atake den su bida. Tres di cada 100 persona lo por desaroya epilepsia. Epilepsia no ta discrimina. E ta afecta baby, mucha y hende grandi, hende homber, hende muhe, hende di tur rasa, religion y clase social. Aunke cu hopi biaha nan ta diagnostica epilepsia durante infancia, esaki por tuma luga na cualkier edad. Epilepsia por tin efectonan psicologico, social pa largo tempo den un hende su bida y di su famia. Pesey conocemento amplio di problema psicosocial ta hopi importante pa ora ta trata y guia un persona cu tin epilepsia. Con ta diagnostica epilepsia? Historia di e pashent, saminacion neurologico, sanger y otro pruebanan clinico ta sumamente importante pa por diagnostica epilepsia. Relato di un testigo tocante e atakenan di e pashent tambe por ta importante pa yuda e specialista determina e tipo di atakenan envolvi. E electroenencefalogram(eeg) ta e test cu generalmente ta mas uza pa diagnostica epilepsia. Un EEG ta duna informacion continuo di actividad den cerebro durante e test. Algun patronchi di actividad ta unico na formanan particular di atake. Den algun situacion e neurologo ta haci uzo CTscan of MRI pa observa e structura interno y funcionamento di e cerebro. E testnan aki por yuda den determina e causa di e atake cu precision. Den e siguiente edicion di Pulso, SEA lo elabora riba diferente tipo di atakenen di epilepsia, con por trata epilepsia y con preveni e frecuencia di atake ( seizure ) di epilepsia.

9 16 Biba saludabel Di tres serie di programa na november y december 2017 door di Joost van de Kamp AZV ta patrocina e programa di television Biba Saludabel presenta door di dietista Angelique Salsbach. E show ta promove e conscientisacion di cuminda saludabel y movecion y ta hisa e nivel di conocimento pa por scohe alimento y con pa prepar e. AZV ta patrocina e programa di television Biba Saludabel presenta door di dietista Angelique Salsbach. E show ta promove e conscientisacion di cuminda saludabel y movecion y ta hisa e nivel di conocimento pa por scohe alimento y con pa prepar e. Na november a start un serie di 8 programa nobo riba TeleAruba. Cada edicion ta existi di tips con pa scohe un cuminda saludabel, cu extra atencion riba cuminda vegetal. Tambe lo tin demonstracionnan di diferente koki y tips di movecion, duna door di fisioterapista y instuctor di gym. Door cu e serie aki ta wordo transmiti den e ultimo lunanan di aña lo tin atencion tambe pa cuminda durante e dianan di fiesta, cu ta mas cu sigur vale la pena. Si bo a mis e programa na television, no ta problema. Riba e website di AZV (azv.aw) por wak e programa bek. Sigui nos tambe riba facebook (facebook.com/ AZVAruba) pa keda na altura di e fecha y ora di transmicion. Tambe nos ta post e recetanan cu a wordo uza den e programa eynan. Colofon: Pulso ta un proyecto di departamento di Informacion & Comunicacion di Organo Ehecutivo AZV. E ta un corant gratis cu tin como meta pa informa y conscientisa e aseguradonan riba nan seguro AZV. E di dos meta ta pa percura pa informacion yega na e aseguradonan tocante diferente topico di salud, tanto na Aruba como internacionalmente. Bo tin algun comentario, pregunta of sugerencia? Comunica cu nos na: info@uoazv.aw Tambe bo por yama nos na: Organo Ehecutivo AZV Rumbastraat 21 Tel. (297) Pa mas informacion bo por bay: Redaccion: Diandra Alders Joost van de Kamp Lucy Lacle-Strijdhaftig Solange Tchong Magaly Tobel Colaborado: Fundacion Anti Droga Aruba (F.A.D.A) Famia Planea Aruba Fundacion Siñami Paso pa Paso Aruba Fundacion Telefon pa Hubentud Aruba Fundacion Epilepsie Aruba (SEA) Inspectie Volksgezondheid Aruba Kidneys 297 Kimberly de Groot Drs. Sharline Vis Dr. Robert Wever Redaccion final: Solange Tchong Fotografo: Contribucion di e fundacionnan Solange Tchong Diseñador: Gerardo Perdomo Imprenta: Interprint N.V. Van Leeuwenhoekstraat 26 Oranjestad Aruba Siguiente edicion: 15 maart 2018 Tur derecho reserva. Ningun parti di e edicion aki por wordo multiplica, copia y/of publica sin e aprobacion previo y por escrito di e redaccion di Pulso. Aunke e edicion aki a wordo compila cu hopi cautela, e redaccion di Pulso y colaboradonan, no ta acepta responsabilidad pa daño causa pa motibo di eror y/of imperfeccion den e edicion aki. Opinionnan vocifera den e articulonan no necesariamente ta refleha e opinion di gerencia di AZV.