Bernardo Bertolucci El último emperador

Transcripción

1 EL ÚLTIMO EMPERADOR FICHA TÉCNICA 1. Título: El último emperador (título orixinal: TheLast Emperor) 2. Nacionalidade: Italiana 3. Ano de producción: Director: B. Bertolucci 5. Intérpretes: John Lone (Pu Yi), Joan Chen (Wan Jung), Peter O'Toole (Reginal Johnston) 6. Guión: Mark Peploe e B. Bertolucci 7. Música: Rynichi Sakamoto, David Byrne e Cong Su 8. Fotografía: Vittorio Storaro 9. Color 10. Duración: 160 min. A película recibiu 9 Óscars: mellor director, mellor película, mellor guión adaptado, mellor fotografía, mellor música, mellor dirección artística, mellor vestiario, mellor montaxe e mellor son. O DIRECTOR E A OBRA O director, Bernardo Bertolucci (Parma 1941-) é fillo do poeta Attilio Bertolucci, e tamén el é poeta. Iniciouse no cine como axudante de dirección de Pasolini (Accattone, 1961) e como director con A Parca (1962). A súa temática parte de certas obsesións persoais que dan lugar a un estilo onde se mesturan o romanticismo coa crítica marxista, a ópera italiana e o espírito iconoclasta da nouvelle vague francesa. Entre a súa filmografía destaca: La estrategia de la araña (1970), El conformista (1970), El último tango en París (1972), Novecento (1976), El pequeño Buda (1993), Soñadores (2003) e Tu y yo (2012). El último emperador é a historia de Pu Yi, o derradeiro emperador chinés. O director decidiu rodar esta película motivado pola propia historia do personaxe e a fonda transformación que viviu aquel país tras a revolución comunista de Mao Zedong. Este filme supuxo para o director a súa consagración internacional e segue a ser un dos máis premiados da historia do cine. A acción da película comeza en 1950 cando o protagonista deixara de ser o Fillo do Ceo e estaba a punto de se converter no prisioneiro nº 981, antes de rematar a súa existencia como xardineiro no xardín botánico de Pequín. Está narrada utilizando o flash-back, eludindo a linearidade argumental, para desdramatizar a emotividade da súa vida, as diferentes

2 etapas que aparecen matizadas pola excelente graduación colorística e lumínica da fotografía de Vittorio Storaro. Bertolucci utiliza unha escritura fílmica que vai do barroquismo contido ao manierismo recreativo, evitando a tentación da suntuosidade como fin en si mesma e achegándose ás veces a certa austeridade cando o argumento o require. Unha das causas do seu éxito está en que, a pesar de utilizar centenares de figurantes, consegue unha película intimista cun dobre sentido: a do director con Pu Yi e a deste cos seus achegados, e todo iso da pé a Bertolucci para insistir nas súas obsesións: a separación da nai, a ausencia do pai, o tema do traidor, do heroe, a decadencia, a soidade... Con esta película o director móstranos unha visión da historia de China no S. XX desde a decadencia do Imperio aos campos educativos de Mao e á Revolución Cultural. GUÍA DE TRABALLO CREPÚSCULO NA CIDADE PROHIBIDA ( ) 1. A que dinastía pertence Pu Yi? 2. Era ben aceptado por todos os chineses? Razoa a resposta. 3. Como estaba organizada a vida na Cidade Prohibida? 4. Como coñece Pu Yi a caída do Imperio e a proclamación da República? -Cando tivo lugar? -Que partido promovía o cambio? -Como se chamaba o líder? 5. En maio de 1919 chega o preceptor británico. -Por que foi escollido desta nacionalidade? -Que sabes da penetración europea en China? 6. Por que fracasou a República democrática? 7. Que xeneral dirixiu o Kuomintang á morte do seu fundador?

3 8. As manifestacións e o descontento popular orixinaron, por estes anos, o nacemento dun novo partido. Quen o lideraba? 9. Nun país veciño, outro partido político da mesma ideoloxía acababa de triunfar. Cita aos seus dirixentes. 10. En que circunstancias foi expulsado Pu Yi da Cidade Prohibida? OS ACONTECEMENTOS DE TIENTSIN E MANCHURIA ( ) 11. Por que se refuxia Pu Yi cos xaponeses? 12. Que tipo de vida leva o protagonista en Tientsin? Que cres que o director quere reflectir nesas escenas? 13. En 1927 estala a Guerra civil. -Que grupos se enfrontaron? -En que sectores sociais se apoiou o xeneral vencedor? 14. Como intrigan os xaponeses? -Que papel xoga Pu Yi? -Por que acepta a proposta xaponesa? 15. Que intereses tiña Xapón en Manchuria? Que novo nome recibe? 16. Quen detenta realmente o poder en Manchuria? Que escenas o demostran? 17. Que características do fascismo se ven na actuación xaponesa? 18. Cal era o proxecto do Xapón?

4 GUERRA ENTRE CHINA E XAPÓN E A SEGUNDA GUERRA MUNDIAL ( ) 19. Houbo colaboración entre o E.L.P. e o Kuomintang frente aos xaponeses? Resume o desenvolvemento da Guerra. 20. Que acción puxo o "broche final" á Segunda Guerra Mundial? 21. Que papel desempeña Manchukuo e o seu emperador durante a Guerra? XÉNESE E EVOLUCIÓN DA REPÚBLICA POPULAR CHINESA ( ) 22. Que exército ocupou Manchukuo en 1945? -A quen entregaron o país e ao seu emperador? 23. Cal das dúas ideoloxías enfrontadas trunfa definitivamente en China? 24. Que cambios supón para China o novo estado que xurde en 1949? 25. De que será acusado Pi Yu? Fai unha valoración da condena e da súa posterior efectividade. En que consiste a reeducación? 26. Cando e por que cae en desgraza o reeducador?

5 GLOBALIZACIÓN E SÍNTESE 27. Que etapas da historia chinesa aparecen reflectidas na película? 28. Saberías simplificar os acontecementos posteriores ata os sucesos de Tianamén de 1989? 29. O opio na sociedade chinesa 30. Deuse algún cambio na valoración da muller na sociedade chinesa desde o momento en que comeza o filme ata agora? A LINGUAXE CINEMATOGRAFICA Valora a película tendo en conta os seguintes aspectos: interpretación, fotografía, música, vestiario, decorados ambientación histórica, Outros aspectos que consideres interesantes. Na valoración do traballo terase en conta: a calidade e a exposición dos contidos (1 punto), e a presentación da información (0,5 puntos) Para comprobar a eficacia e utilidade da elaboración do traballo, no exame terás que responder a unhas breves cuestións formuladas especificamente sobre algún dos aspectos que figuran nel. Lembra que o prazo de entrega do traballo son as 24 horas do día anterior ao exame se o envías por ou no momento do exame se o realizas en papel.